كۆلەڭگە ئىزدەش يولىدىكى ئۆزلۈك

dolathenim

	كۆلەڭگە ئىزدەش يولىدىكى ئۆزلۈك (نەسىر)   مەن ئارزۇ قىلغانىدىم، ئۇزاقتىن بۇيان ئۈمىدۋارلىق بىلەن كۈتىۋاتقانىدىم، سېنىڭ كۈلەڭگەڭنى ئۇچرىتىش مېنىڭ ئۇلۇغۋار غايەم ئىدى، مانا ئاخىر پۈرسەت كەلدى، مەن سېنىڭ كۈلۈڭگەڭنىلا ئەمەس، بەلكى ئاشۇ تونۇش سىمانى ئۇچراتتىم، لېكىن مىڭ تەستە كەلگەن پۇرسەتنىڭ كۆزنى يۇمۇپ ئاچقۇچە ئۆتۈپ كېتىدىغانلىقىنى ئويلاپمۇ باقماپتىمەن.   ئىككىمىز ئۇچراشقان ئاشۇ مىنۇتتا، سەن خۇددى ئەڭ تونۇش بولغان ناتونۇش كىشىلەردەك مۇرەمنى سوقۇۋېتىپ پەرۋاسىزلەرچە ئۆتۈپ كەتتىڭ، مەن شۇ چاغدا، بىلىپ-بىلمەي چىرايىڭغا نەزەر سالدىم-دە، كۆزلىرىم كۆزلىرىڭ بىلەن ئۇچراشتى، سەن ناھايىتى ئىككىلىنىش ئىلكىدە ئېغىر قەدەملەر بىلەن ئۆتۈپ كېتىۋاتاتتىڭ، سېنىڭ كۆزلىرىڭ ئاللىقاچان ساڭا ئاسىيلىق قىلىپ بولغانىدى، مەن ئاغزىمنى ئۆمەللىدىميۇ، لېكىن تىلىمنىڭ ئۇچىغا كېلىپ قالغان سۆزنى ئامالسىز يۇتىۋەتتىم، شۇ چاغدا پۇتلىرىم ماڭا بويسۇندىغاندەك ئەمەس، خۇددى ماشىنا ئادەمدەك، سېزىمىنى يوقاتقان كىشىلەردەك، ئالدىغا قاراپ مېڭىش شۇنچە ئاسان بولسىمۇ، لېكىن ھېچبىر ئەزادا سېزىم يوق، خۇددى توكى يوقتەك، ئەزەلدىن ھەرىكەت قىلىپ باقمىغاندەك، باشقا بىر دۇنياغا كېلىپ قالغاندەك، لېكىن كەينىگە قاراپ ساڭا ئەگىشىپ ماڭسا ئىدى، ئىلگىركى سېزىمىنى يوقاتقان جىسمى تۇيۇقسىزلا قانات چىقىرىدىغاندەك، ئۇزۇن سەپەر قىلسىمۇ پۇتلىرىم ھېچ تالىدىغاندەك ئەمەس، ھېرىپ-چارچاش دېگەن بۇ سۆز ئەزەلدىن مەۋجۈت ئەمەستەك.   ماڭماقتىمەن، ماڭماقتىمەن، كۆلەڭگە ئۈچۈن ئالغا ئىلگىرلىمەكتىمەن، ....سەن كەينىڭگە قاراپ ماڭا نەزەر سالىدىغاندەك ئەمەس، ھالىمدىن كەتتىم، چاڭقىدىم، سۇغا تەشنا بولدۇم، خۇددى چۆل جەزىرە سۇغا تەشنا بولغاندەك، بوۋاق ئانىغا تەلمۈرۈپ قارىغاندەك.....   مەن قەلبىمگە خىيانەت قىلىپ كەينىمگە، ئىلگىركى نىشانىمغا قاراپ يول ئالدىم، ئاشۇ كۆلەڭگۈدىن، تونۇش سىمادىن ۋاز كەچتىم، ۋاز كەچكىنىم ئېرىشىش بولدى، سەن:«كەچۈر جانىم، مەن ئىنتايىن چوڭ خاتالىق ئۆتكۈزگەنىكەنمەن، مانا ئەمدىلىكتە بۇ خاتالىق مېنى قىيناپ  ئارام بەرمەيۋاتىدۇ.» دېدىڭ.   مەن سوغۇق كۈلۈپ قويدۇم-دە، يوقىتىپ قويغان ئۆزلۈگۈمنى ئىزدەش ئۈچۈن يولۇمغا راۋان بولدۇم.   كىشىلىك ھايات مېنى ئالداۋاتىدۇ، مەن قەلبىمگە ئاسىيلىق قىلدىم دەپ يۈرگەنىكەنمەن، ئەمەلىيەتتە بولسا مەن ئۆزۈمگە، ئۆزلۈگۈمگە خىلاپ ئىش قىلغانىكەنمەن.        مەنبە: ئۆزۈم

سەنجەر

	ﻣﻪﻥ ﺋﯩﻨﮕﯩﻠﯩﺰ ﺗﯩﻠﻰ ئۆگۈنۈﭖ يۈﺭﮔﻪﻥ ﭼﺎﻏﻠﯩﺮﯨﻤﺪﺍ ئۆگۈﻧﯩﯟﺍﻟﻐﺎﻥ ﺑﯩﺮ ﺋﻪﻗﻠﯩﻴﻪ ﺳﯚﺯۈم  ﺑﯘﻟﯩﺪﯨﻐﺎﻥ‹‹ ﻣﯘﮬﻪﺑﺒﻪﺕ ﺩﯗﻧﻴﺎﻧﻰ ﭼﯚﺭﮔﻠﯩﺘﯩﺪۇ ›› ﺩﻩﻳﺪﯨﻐﺎﻥ . ﺷﯘ ﭼﺎﻏﻼﺭﺩﺍ ﺭﺍﺳﺘﯩﻨﻼ ﺷﯘﻧﺪﺍﻕ ﺑﯘﻟﺴﺎ ﻛﯩﺮﻩﻙ ﺩﻩﭖ ﺋﻮﻳﻼﭖ ﻗﺎﭘﺘﯩﻜﻪﻧﻤﻪﻥ . ﭼﯘﻧﻜﻰ ﻳﺎﺷﻠﯩﻖ ﺳﺎﺭﺍﯕﻠﯩﻖ ﺋﻪﻣﻪﺳﻤﯘ ﺩﯗﻧﻴﺎﺩﺍ ﻣﯘﮬﻪﺑﺒﻪﺗﺘﯩﻦ ﺑﺎﺷﻘﺎ ﻧﻪﺭﺳﻪ ﺑﻮﻟﻤﺎﻳﺪﯗ ﺩﻩﯞﺍﻟﯩﺪﯨﻐﺎﻥ . ﻳﺎﺷﻠﯩﻘﺘﺎ ﻧﯩﻤﻪ ﻗﯩﻠﺴﺎ ﻳﺎﺭﯨﺸﯩﺪﯗ ﺩﻩ ! ﺋﺎﺩﻩﻣﻨﯩﯔ ﺋﻪﯓ ﺑﻪﺧﯩﺘﻠﯩﻚ ﺧﺎﺗﯩﺮﺟﻪﻡ ﭼﺎﻏﻠﯩﺮﻯ ﺋﺎﻟﻰ ﻣﻪﻛﺘﻪﭘﺘﯩﻜﻰ ﭼﺎﻏﻠﯩﺮﻯ ﺋﯩﻜﻪﻥ . ﺧﻪﺟﻠﻪﻳﺪﯨﻐﺎﻥ ﭘﯘﻟﯩﯖﯩﺰ ، ﺗﯘﺭﯨﺪﯨﻐﺎﻧﻐﺎ ﻳﺎﺗﯩﻘﯩﯖﯩﺰ ، ﺧﻮﺵ ﻳﺎﻗﻤﯩﺴﯩﻤﯘ ﻗﯩﻠﯩﺪﯨﻐﺎﻧﻐﺎ ﺋﯘﮔﯘﻧﯩﺸﯩﯖﯩﺰ ، ﺯﯨﺮﯨﻜﺴﯩﯖﯩﺰ ﮬﻪﻡ ﺳﯚﮬﺒﻪﺕ ﺑﯘﻟﯩﺪﯨﻐﺎﻥ ﻗﯩﺰ ﺩﻭﺳﺘﯩﯖﯩﺰ ﺑﺎﺭ . ﺋﺎﺗﺎ ﺋﺎﻧﯩﯖﯩﺰﻧﯩﯔ ﺳﯩﺰﮔﻪ ﺑﻮﻟﻐﺎﻥ ﻛﯘﻳﯘﻧﯩﺶ ﻣﯘﮬﻪﺑﺒﯩﺘﻰ ، ﺳﯩﺰﻧﯩﯔ ﻗﯩﺰ ﺩﻭﺳﺘﯩﯖﺰﻏﺎ ﺑﻮﻟﻐﺎﻥ ﻣﯘﮬﻪﺑﺒﯩﺘﯩﯖﯩﺰ ، ﻣﯘﮬﻪﺑﺒﯩﺘﯩﯖﯩﺰﻧﯩﯔ ﺳﯩﺰﻧﯩﯔ ﭘﯘﻟﯩﯖﯩﺰ ، ﻗﻪﺩﺩﻯ ﻗﺎﻣﯩﺘﯩﯖﯩﺰ ، ﺩﻩﺭﯨﺴﺘﻪ ﻳﺎﺧﺸﯩﻠﯩﻘﯩﯖﯩﺰ ﺩﯨﮕﻪﻧﺪﻩﻙ ﻧﻪﺭﺳﯩﻠﻪﺭﮔﻪ ﺑﯘﻟﻐﺎﻥ ﻣﯘﮬﻪﺑﺒﯩﺘﯩﻐﺎ ﻗﺎﺭﺍﭖ ﺩﯗﻧﻴﺎ ﺩﯨﮕﻪﻥ ﻣﯘﺷﯘﻧﺪﺍﻕ ﻣﯘﮬﻪﺑﺒﻪﺗﻜﻪ ﺗﻮﻟﻐﺎﻥ ، ﺷﯘﯕﺎ ﭼﻪﺕ ﺋﻪﻟﻠﯩﻜﻠﻪﺭ ﺋﯧﻴﺘﻘﺎﻥ ‹‹ ﻣﯘﮬﻪﺑﺒﻪﺕ ﺩﯗﻧﻴﺎﻧﻰ ﭼﯚﺭﮔﻠﯩﺘﯩﺪﯗ ›› دﯨﮕﻪﻥ ﺋﻪﻗﻠﯩﻴﻪ ﺳﯚﺯ ﺑﺎﺭ ﮬﻪﻗﯩﻘﻪﺕ ﺩﻩﭖ ﺋﻮﻳﻼﭖ ﻗﺎﻟﯩﺴﯩﺰ . ﻛﯩﻴﯩﻨﭽﻪ ﺋﺎﻟﻰ ﻣﻪﻛﺘﻪﭘﻨﻰ ﭘﯘﺗﺘﯘﺭﯗﭖ ﻗﻮﯕﻐﺎ ﭘﻮﻕ ﻗﺎﭘﻼﺷﻘﺎﻧﺪﺍ ﻣﯘﮬﻪﺑﺒﻪﺗﻨﯩﯖﻤﯘ ﺗﺎﺯﺍ ﺋﻪﺱ ﻗﺎﺗﻤﺎﻳﺪﯨﻐﺎﻧﻠﯩﻘﯩﻨﻰ ﺋﺎﺳﺘﺎ-ﺋﺎﺳﺘﺎ ﮬﯩﺲ ﻗﯩﻠﯩﭗ ﺩﯗﻧﻴﺎﻧﻰ ﭼﻮﺭﮔﯩﻠﯩﺘﯩﺪﯨﻐﺎﻥ ﻧﻪﺭﺳﯩﻨﻰ ﻗﺎﻳﺘﺎ ﺋﯩﺰﻟﯩﮕﯩﯖﯩﺰ ﻛﻪﭖ ﻗﺎﻟﯩﺪۇ . ھا ھا ھا

پەرى

	ئەسسالامۇ ئەلەيكۇم!! ئېسمىڭىز ماڭا ماكانىمىز مۇنبىردىكى بىر ھەدەشنى ئەسلىتىپ قويدى ئۇمۇ سىزدەك  ياخشى ئەسەرلەرنى يازاتتى. تېمىڭىزنى ياقتۇردۇم ..بۇنىڭدىن كېيىنكى ئەسەرلىرىڭىزگە تەشنامەن.

kakkuk11

	ئۆزلۈك قالسۇن مەڭگۈلۈك پەيدا بولۇپ يوقۇلۇپ تۇردۇم، توت چاسىدا ئۇيغۇرچە يۈگرەپ. ئۆيۈم تۇرۇپ تاپالماي يۈردۈم، تونۇش تۇپراق يىتىمچە تىنەپ. بولاي دىدىم سايرىغان بۇلبۇل، بولدۇم ئۈنسىز، تىلى بار ئادەم. نىچۈن تىرىك بولىمەن يىتىم، قەلبىم تۇتۇپ سۈكۈتتە ماتەم. گۈللىنىشنى قوللايدۇ ئۇيغۇر، سۆيەر جان دەپ قەلبىدە ۋەتەن. ئىلگىرلەشنى ئىستەيدۇ ئۇيغۇر، ۋەتەن بارمۇ سۆيگەننى سۆيگەن. قانۇن تۇرۇپ، نەپەسنى بوغسا، قۇرىماسكەن قەلەمنىڭ يېشى. بۇيرۇق ئەكەل دوپپىسى دىسە، ئەكەلگەچكە گۇناسىز بېشى. ئاڭلالمايمەن ئۈنىمنى ئۆزۈم، يولدا توساق، تۆت چاسا زامان. كېتەي دىسەم، سېغىنار بۇرنۇم، ئۆز يۇرتۇمنىڭ پۇرۇقى يامان. كۇنۇپكىدا ئىناقلىق ئۇچار، رېئاللىقتا ئۆچمەكتە ئۈنىم. ئوخچۇپ يۈرەك قانلىرىم تاشسا، تاپارمىدۇ رېئاللىق تىنىم. يول تارايسا، جاھانمۇ بىردەك، جان ساقلامدىم ئۆزۈمنى چوقۇپ. ئەركىنلىكىم تاغلارغا قاچما، قايتىپ كەلگىن ئۇيغۇرنى نوقۇپ. ئۆزلىكىڭنى ئۇنۇتقىن دىسە، ئۆچمەمدىمەن يۈرەكسىز سولۇپ. بىر مەن ئۆچەي شاملارچە يېنىپ، ئۆزلۈك قالسۇن مەڭگۈلۈك بولۇپ. كاككۇكى باغراش 2013-يىل 6-ئاينىڭ 21-كۈنى.