يوچۇن ئادەم (ئا.ساۋۇت)

xeriwaz

	مەن ئۆزۈمنى پارچىلاۋاتقان ئادەم. پىكرىم، خىياللىرىم بىر سەرسانە  كۈي كەبى ھەر تەرەپكە يېيىلغان. ھەر قوشۇلۇشتا بىر ھىجران،ئۇ چەكسىز ئېچىرقاش بىلەن توختىماستىن ئالغا سۈرۈلىدۇ. تاشقى دۇنياغا قاراپ ئېچىلۋاتقان مەندىكى يوچۇنلۇق، ئۇ ئۆز ئىچىگە قاراپ ماڭغانچە پىكرى مۇقەددەس بىرلىككە تۇتۇشۇپ كېتىدۇ. مەن كىتاب ئوقۇۋاتقان ئادەم. كىتاب ئىچىدىكى ئۆزۈمىنى ئىزدەش ئاجايىپ زىددىيەتلىك جەريان. سۆز ئورمانلىرى ئىچىدە كېتۋاتقىنىمدا خىلمۇ-خىل ھاۋادىن نەپەسلەنگەن مەنە قۇشلىرىدىن خەۋپسىرەيمەن.ھاياتلىق سەييارىلىردىن بىلىش ئوربىتىلىرغا بارىدىغان يولدا تالايلارنىڭ مەنىۋى جەسسدى ياتىدۇ.ئۇلار ئۆزىگە قىلىچ ئۇرىۋالغانلار ئېھتىمال...چۈنكى ئۇلار بېشىدا ئەگىپ يۈرگەن ئىدىيە قۇشلىرنىڭ ئېغىزىدىكى داننى تارتىۋېلىپ بىرلا خىل قۇشنى بوردىغانلار... مەن چۈش كارۋىتىدا ئۆزۈمنىڭ جەسىدىگە قاراپ ئولتۇرغان ئادەم. قاننىڭ چوڭقۇرلۇقىدا ئۆلۈمنىڭ سايىسى ئەكىسلەندى. مەن ئۆزۈم ياسىۋالغان خۇدا بىلەن شەيتان ئوتتۇرسىدىكى ئەرزىمەس پاراڭلار، ئۆزۈمىنى پارچىلغاندىن كېيىنكى خىلمۇ-خىل ئوبرازلار ،جەسىدىمگە سىغدالغان جەننەت ۋە دوزاخ ئېڭىمنىڭ يوشۇرۇن قاتلاملىرىدا  يەنە زاھىرلەندى.مەن نەچچە رەت قېچىپ كەتكەن گۈزەل قەبرەم يوقلۇقنىڭ ۋەھىمىسى ئۈستىدە پۇلسىراتتىن ئۆتىۋاتىدۇ. ئۇنىڭ پۈتكۈل روھىي مۇققەددەس يوقلۇققا چىلىنىپ تۇرغان. مەن ھەربىر تىنىقى مەنسىزلىك بىلەن قورشالغان ئادەم. ئەتراپىمدا لىق خۇدالار،ئۇلار ئاش غەلۋىسىدە شەيتانىڭ بۇرنىغا چۈلۈك ئۆتكۈزۋالغان.تېنىمدىكى ئاجايىپ قىززىق دىراممىنى كۆرۈش مەن ئۈچۈن ئەرزىمەس ئىش. مەندىكى ئىسيان شەيتانىڭ بالياتقۇسىغا دەپنە قىلىنغان. كۈلگەندە يېشىمنى سۈرتۈپ قويىدىغان ھېچكىم يوق. چۈنكى يۈرەكتىن كۆكلەپ چىققان قاخشال ئۈمىدنىڭ يىلتىزى ئوتتا... مەن كۆكسىگە بىر پارچە تاش ئېسۋالغان ئادەم. لەۋلىرىمنىڭ ئىچىگە تاشلانغان بىر لوقما گۆش مەن ئۈچۈن ئىلاھى ئېتىقاد،ئىككىنچى لوقمىسى غورور تەلۋىلىكى ،ئۆزۈم بىلەن ۋىجدانىم ئوتتۇرسىدىكى جۇدالىقنىڭ باشلىنىشى.دىمەك ئۇ مېنى تىلەمچىگە ئايلاندۇرىدىغان ئەڭ مۇقەددەس نەرسە.يۈركۈمىنىڭ قات-قېتىنى تاش بىلەن چىڭداپ قوپۇردىغان تىنىمسىز ئىشچى. پىشانەمدىن قويۇلۋاتقىنى پۈتۈنلەي ئامالسىزلىق. ئېھتىمال مەن بىر يوچۇن ئادەم. گوياكى شئېرىدەك،تالاي سۇئاللارغا ھامىلدار بولۇپ ئۇنى بىر ئۆمۈر تۇغۇشنى ئىستەۋاتقان.ئۆز ئىچىمگە قاراپ تەپەككۇر قىلغانچە ئۆزۈمگىلا تەۋە تالاي نادانلىقنى تۇغۇپ چوڭ قىلۋاتقان... مەن........... ئاپتورى؛غەربىي شىمال مىللەتلەر ئونۋېرستىتى ئۇيغۇر تىل-ئەدەبىيات ئىنىستىتوتى 2013-يىللىق ئەدەبىيات سىنپىدىن ئابدۇسالام ساۋۇت.

سەنجەر

	دىۋان فەتىھ قىلىندى .

oylaniy

	ياخشى چىقىپتۇ ، تىخىمۇ تىرىشقىن....سەن بىزنىڭ ئۈمۈدىمىز...

a.dolan

	بۇ يازما ژانىر جەھەتتىن «نەسىر» ئوخشىمامدۇ؟؟