ساراڭ

halpambag

	ساراڭ                                                            (ھېكايە)                                                        تۇرغۇن مىجىت قادىرى     ئاخشامقى سورۇندا قىيامەتلىك ئاغاينىلەر بىلەن دىيىشكىنىمىز بويىچە، بۈگۈن گەرچە بېشىم قاتتىق ئاغرىپ تۇرسىمۇ باشقا كۈنلەرگە قارىغاندا ئەتىگەنرەك ئورنۇمدىن تۇردۇم ۋە ناشتىنى چالا قىلىپ، چاچلىرىمنى يويۇپ، -ساقلىمنى قىرىپ، ھىيىت- بايرام، توي-توكۈنلەردە كىيىدىغان  كەستىيوم- بورىلكامنى كىيىپ، 100 نەچچە يۈەنلىك رەڭ ئۆزگەرتەلەيدىغان كۆز ئەينىكىمنى ئالدىراپ-تېنەپ تاقىدىم-دە بىنادىن پەسكە چۈشتۈم. سەھەردىلا پەسكە چۈشۈپ پاراڭلىشىپ ئولتۇرغان بىزنىڭ بىنادىكى بىرقانچە پىنسىيەگە چىققان مويسۈپىت مېنى كۆرۈپ، خۇددى مومياغا ئۆزگەرگەن ئادەملەردەك داڭ قېتىپ تۇرۇپ قېلىشتى. مەن ئۇلارغا قايدىمىز بويىچە قولۇمنى كۆكسۈمگە ئېلىپ چوڭقۇر ئېھتىرام بىلەن «ئەسسالامۇ ئەلەيكۇم» دەپلا سالام بىرىپ، پەرۋاسىز ئۆز يولۇمغا راۋان بولدۇم.     چوڭ يولدا كېتىۋاتىمەن. ئارغامچا بويى ئۆرلىگەن قۇياش ئۆزىنىڭ نۇرىنى سېخىيلىق بىلەن كەڭ زىمىنگە سىپەتتى. كۆپ-كۆك سۈزۈك ئاسمان، ساپ ھاۋادىن، يول قىرلىرىدىكى مەنزىرە دەرەخلىرى، گۈل-گىياھلار ، تۇمۇچۇق، ئاق قۇشقاچ...لارنىڭ ھەر خىل ئاۋازدا يېقىملىق سايرىشلىرى كىشىگە گۈزەل بوستانلىققا، باغۇ ئىرەمگە بېرىپ قالغاندەك تۇيغۇ بىرەتتى. مەن بۇ كىچىك ناھىيە بازىردىكى گۈزەل مەنزىرلەردىن ھۇزۇرلىنىپ توت كۇچىنىڭ دوقمىشىغا كىلىشىمگە ئايالىم بىلەن بىر ئىدارىدە ئىشلەيدىغان ھەم يېقىن ئۆتىدىغان بىر ئايال مېنى كۆرۈپلا داڭ قېتىپ تۇرۇپ قالدى. مەن ئاستى-ئۈستۈمگە، ئالدى-ئارقامغا بىر قۇر نەزەر سالدىم، كاستۇم-بورولكام شۇنداق جايىدا، كىيىم-كېچەكلىرىم ئوڭ... مەنمۇ باشقىلارغا سەپ سالدىم. باپكانىڭ مۇكىسىدەك ئۇيان بۇيانغا ئۆتۈپ كېتىۋاتقان كىشىلەر ماڭا قارايتى، مېنى تونۇيدىغانلار يەر تىگىدىن ياكى كۆزىنىڭ قۇيرىقىدا قاراپ مېنى كۆرمەسكە سېلىپ ئۆتۈپ كېتەتتى. بەزىلەر «توۋا!» دەپ ياقىسىنى تۇتاتتى، مېنى تونىمايدىغان چوڭ- كىچىكنىڭ ھەممىسى دېگۈدەك خۇددى خام قاپاقتىن سۇ تۆكۈلگەندەك ئۆزىنى توتۇۋالالماي ۋالاقلاپ كۆلۈپ، مەندىن يىراقلاشقا ئالدىرايتى. بۇ ئىشلارغا ئاچچىقىم كىلەتتى، ئاستى-ئۈستۈمگە، ئالدى-ئارقامغا يەنە بىر قۇر نەزەر سالدىم،لېكىن مەندە چاتاق يوق ئىدى.                            تۇيۇقسىز بىرسىنىڭ:   -خۇدايىم توۋا، ساق بىر ئادەم ئىدى، قاچاندىن بىرى ساراڭ بولۇپ قالغاندۇ؟!-دىگەن سۆزى قۇلۇقۇمغا كىرىپ قالدى. ۋاسسىدە يېرىلغۇدەك بولۇپ، ئۇ ئادەمنىڭ كانىيدىن كاپلا ئېلىپ تازا بىر دىيىشەي دىدىم، لېكىن نىمىشقىدۇر ئۆزەمنى تۇتىۋالدىم.   «ئۇرۇش-جىدەلنىڭ چوڭ-كىچىكى بولمايدۇ، شۇڭا كونىلارمۇ ‹يولۋاسنى يەڭگەن باتۇر ئەمەس، ئاچچىقنى يەڭگەن باتۇر› دەپتىكەن، دىمىسىمۇ يېشىم 45 تىن ھالقىغان تۇرۇقلۇق چاچلىرىمنى مايلاپ، ئاپپاق كاستىيوم-بورولكا، قىزىل كوڭلەك، ئاق گالئاستۇك تاقىغانلىقىم كىشلەرنىڭ قارىشىدا يېشىمغا ماس كەلمىگەن بولىشى مۇمكىن. بولدىلا مىنى ساراڭ دىگەننىڭ ئۆزى ساراڭ، نوچى بوسا ئۆزلىرىمۇ مەندەك ياسىنىپ، ئۆزلىرىنى ياشارتىپ يۈرسىنا؟ ‹ئىشىتلار قاۋاۋېرىدۇ، كارۋانلار يۈرىۋېرىدۇ›...» ئىچىمدە شۇنى ئويلىغاچ يولىمنى داۋاملاشتۇرىۋەردىم. دىيىشكەن جايغا يېقىن كېلىپ قارىسام قىيامەتلىك ئۈچ ئاغەينەم مىنى ساقلاپ تۇرۇپتۇ. يېقىن كىلىشىمگە ئۇلار ماڭا بىر قاراپلا يوتىلىرىغا ئۇرۇپ كۈلۈپ تېلىقىپ قېلىشتى.    - ۋاي-ۋۇي نىمە بولۇشتۇڭ؟! يولدىن كەلگۈچە مىنى تونۇيدىغان، تونىمايدىغانلارنىڭ ھەممىسى دېگۈدەك ماڭا بىر قاراپلا جۇباجىنى كۆرگەندەك بىر ھەيران بولۇپ، ئاندىن تېلىقىپ كۆلۈپ، توۋا دەپ ياقىسىنى تۇتۇشتى. مەن ئىشتاننى تەتىر كەيىپتىمەنما؟! ھەرقايسىڭ مىنىڭ دوسلىرىممۇ، ياكى دۈشمەنلىرىممۇ؟-دەپ ئاچچىقلاندىم. شۇ ئارىدا دوستۇمدىن بىرى كۈلكىسىنى ئاران توختىتىپ:     -ھەي ساراڭ، كۆزئەينىكىنى ئېلىپ بىر قارىغىنە؟-دېدى. كۆزئەينەكنى ئېلىپ قارىسام، بۇ رەڭ ئۆزگەرتىدىغان كۆزئەينەكنىڭ كۆزىمنىڭ ساق تەرىپىدىكىسى رەڭ ئۆزگەرتىپتۇ، كۆزىمنىڭ غۇۋا كۈرىدىغان تەرىپىدىكىنىڭ ئەينىكى يوق تۇرىدۇ. پىشانەمگە پاققىدە بىرنى ئۇردۇم-دە، كۆزئەينەكنى يەرگە قاتتىق بىرنى ئۇردۇم ۋە دەسسەپ ئىزىۋەتتىم...     بۇنىڭغا بىر كۆزۈمنىڭ ئاجىزلىقى، ئاساسلىقى ئاخشامقى ھاراقنىڭ ئۇشۇق كەتكەنلىكى سەۋەپ بولغان ئىدى. دوستلۇرۇم ئالدىدا يۈزلىرىم بوينۇمغىچە شەلپەردەك قىزىرىپ كەتتى.   كۆرمەمدىغان بۇ سەتچىلىكنى! ئەمدى تونۇش بىلىشلەرنىڭ، ئەل-جامائەتنىڭ يۈزىگە قانداق قارايمەن ھە!!!

sirdax998

	ھا ھا ھا نىمانداق قىزىقارلىق.ئەينەككە بىر قۇر قاراپمۇ باقماپسىز شۇنداق ياسانغان ئادەم.

aa0998

	ئۇرۇش-جىدەلنىڭ چوڭ-كىچىكى بولمايدۇ، شۇڭا كونىلارمۇ ‹يولۋاسنى يەڭگەن باتۇر ئەمەس، ئاچچىقنى يەڭگەن باتۇر چوڭلار ھەقىقەتەن توغرا دەيدۇ، مۇشۇ سۆزنى ھەرگىز ئېسمىزدىن چىقارساق بولمايدۇ،

aa0998

	ئۇرۇش-جىدەلنىڭ چوڭ-كىچىكى بولمايدۇ، شۇڭا كونىلارمۇ ‹يولۋاسنى يەڭگەن باتۇر ئەمەس، ئاچچىقنى يەڭگەن باتۇر چوڭلار ھەقىقەتەن توغرا دەيدۇ، مۇشۇ سۆزنى ھەرگىز ئېسمىزدىن چىقارساق بولمايدۇ،

gulsay

	راسلا بەك كۈلكىلىك ئىش بوپتۇ...تۇنۇش بىلىش كىشىلەر تاماشا كۆرگۈچە دەپ قويسا بولىدۇ...نىمە ئىش بولغاندۇ دەپ شۇنچە تېز ئوقۇپ كېتىپتىمەن ئاخىرىنى

joda☠

	قىزىق

nurjahan0997

	راستىنلا قىزىقكەن

kariguja

	ھاراقكەشلەرلا مۇشۇنداق سەتلىشىپ يۈرۈيدىكەن دىسە .

vmvdwar-uyhur

	ياخشىكەن .لىكىن ماڭا ھىچ بىر تەسىر قىلمىدى ...ئەھۋالدىن قارىغاندا مەن ھىكايىدىن ھۇزۇرلىنىشنى سەزمەس بۇلۇپ قالغان ئوخشايمەن