مويېس: جانۇزايى كېلەركى كىرىستىيانو بولۇپ قېلىشى مۇمكىن

KOKNURA

	ۋاڭيى تەنتەربىيىسى 4-يانىۋار خەۋىرى: 2014-يىلنىڭ تۇنجى ھەپتىسىدە مانچىستېر بىرلەشمىسى كوماندىسى ئۆز مەيدانىدا رەقىبى سىۋانسى كوماندىسىنى كۈتىۋالىدۇ، مانچىستېر بىرلەشمىسى تېرېنېرى مويېس مۇسابىقىدىن ئاۋالقى ئاخبارات ئېلان قىلىش يىغىنىدا ئىپادە بىلدۈرۈپ ئاشلى-يوڭ بىلەن رونېينىڭ يارىلانغانلىق سەۋەبىدىن بۇ مەيدان مۇسابىقىگە قاتنىشالمايدىغانلىقى شۇنداقلا رونېينىڭ كوماندا بىلەن توختام ئۇزارتىش ئىشىنىڭ تېخى ئايدىڭلاشمىغانلىقىنى تەكىتلىدى. ئۇ مۇنداق دەيدۇ: ئاشلى-يوڭ بىلەن رونېي يارىلانغانلىق سەۋەبلىك بۇ مەيدان مۇسابىقىگە قاتنىشالمايدۇ، لېكىن ئاشلي-يوڭ كېلەر مەيدان ساندېرلاند بىلەن بولغان مۇسابىقىگە قاتنىشالىشى مۇمكىن، رونېينى بولسا يەنە بىر مەزگىل كۆزىتىشكە توغرا كېلىدۇ. ۋان پېرسىمۇ ساقىيىش ئالدىدا تۇرماقتا، لېكىن ھازىرچە سىلەرگە ئېنىق ۋاقتىنى كېسىپ ئېيتالمايمەن. كوماندىدا يەنە بىر قىسىم يارىلانغان توپچىلار بار، مەنمۇ ئۇلارنىڭ تېزىراق ساقىيىشىنى ئۈمۈت قىلىمەن، چۈنكى مۇشۇ بىر نەچچە ئايدىكى مۇسابىقە ۋەزىپىمىز بىر قەدەر ئېغىر، بۇ مەيدان مۇسابىقىدىن كېيىن 3 كۈن ئۆتۈپلا ساندېرلاند كوماندىسى بىلەن مۇسابىقىلىشىمىز، گەرچە ساندېرلاند كوماندىسىمۇ بىزگە ئوخشاشلا 3 كۈندە 2 مەيدان مۇسابىقە ئوينىسىمۇ لېكىن توپچىلارنىڭ سالامەتلىك نۇقتىسىدىن ئېلىپ ئېيىتقاندا ئىنگىلاند پۇتبول بىرلەشمىسىنىڭ بۇنداق زىچ مۇسابىقە ئورۇنلاشتۇرۇشى ئانچە مۇۋاپىق بولمىغان دەپ قارايمەن. رونېي توغرۇلۇق توختۇلۇپ ئۇ مۇنداق دەيدۇ: رونېينىڭ كوماندا بىلەن توختام ئۇزارتىش ئىشىدا بىز چوقۇم سەۋرىچان بولۇشىمىز كېرەك، بەلكىم دۇنيا لوڭقىسى مۇسابىقىسىدىن كېيىن ئۇ ئۆزىنىڭ قارارىنى چىقىرىشى مۇمكىن، مانچىستېر بىرلەشمىسىنىڭ بۇ پەسىللىك مۇسابىقىلەر ئاخىرلاشقاندىن كېيىن ئىنگىلاند دەرىجىدىن تاشقىرى بىرلەشمىسىدە نەچچىنچى رەتكە تىزىلىشىمۇ ئۇنىڭ ئەڭ ئاخىرقى قارارىغا تەسىر قىلىشى مۇمكىن، لېكىن بىز چوقۇم بار كۈچىمىز بىلەن ئۇنى كوماندا بىلەن توختام ئۇزارتىشقا قايىل قىلىشقا تىرىشىمىز. كوماندىدىكى بېلگىيىلىك ياش توپچى جانۇزايى مانچىستېر بىرلەشمىسىنىڭ بۇ پەسىلدىكى ئەڭ چوڭ بايقىشى بولۇپ قالدى، بۇ ھەقتە توختۇلۇپ مويېس مۇنداق دەيدۇ: جانۇزايىنىڭ بۇ يېرىم پەسىلدىكى ئىپادىسى ھەقىقەتەن ياخشى بولدى، گەرچە ئاخبارات ۋاستىلىرى ئۇنىڭ مەيداندا (يالغان يىقىلىشى) كۆپ دەپ تەنقىتلىگەن بولسىمۇ لېكىن مەن يەنىلا ئۇ تەرەپتە تۇرىمەن،چۈنكى ئەينى چاغدا كىرىستىيانو مانچىستېر بىرلەشمىسىگە يېڭى قوشۇلغان ۋاقىتتىمۇ ئاخبارات ۋاستىلىرى ئۇنى شۇنداق دەپ ئەيىبلىگەن، مېنىڭچە بۇ پەقەت توپچىلارنىڭ ئۆزىنى قوغداش ئېڭىنىڭ بىر شەكلى خالاس، جانۇزايىنى ئەلۋەتتە ئەينى ۋاقىتتىكى كىرىستىيانوغا سېلىشتۇرساق بولىدۇ، چۈنكى ئۇلار ئىككىلىسىنىڭ سۈرئىتى تېز، تېخنىكىسى يۇقىرى، مەيداندىكى ئورنىمۇ ئوخشاش، جانۇزايىنى ھەتتا كىرىستىيانودىنمۇ بالدۇر تونۇلغان دېيىشكە بولىدۇ، ئۇ تېخى ئەمدىلا 18 ياشقا كىردى، مېنىڭچە مۇشۇ ئىلگىرىلەش سۈرئىتى بىلەن ئۇ بەلكىم كەلگۈسىدىكى كىرىستىيانو بولۇپ قېلىشى مۇمكىن.

سەنجەر

	بۇ قەۋەت فەتىھ قىلىندى !

nurjahan0997

	تېما ئىگىسى ھارمىغايسىز بىراق مەن مۇشۇ تەنتەربىيە خەۋەرلىرىنى تازا چۈشىنىپ كەتمەيمەن دېسە

ZERO903

	جانازۇيا ئەسلى كوسوۋۇدۇن مۇسۇلمان ئائىلدىسدىن.

سەنجەر

	nurjahan0997 يوللىغان ۋاقتى  2014-1-5 05:06 PM تېما ئىگىسى ھارمىغايسىز بىراق مەن مۇشۇ تەنتەربىيە خەۋ ... تەنتەربىيە خەۋەرلىرىنى چۈشۈنۈش ئۈچۈن ، تەنتەربىيە خەۋەرلىرىنى سۆيۈپ ئوقۇش كىرەك !

ushqol

	بىلگىيەلىكلەر زادى  يامان چىقىۋاتىدىغۇ…

miras.biz

	http://www.nur.cn/news/2014/01/150751.shtml پەش، چىكىتلىرىدىن تارتىپ كۆچۈرۈپ كەپسىز...

ayxolisi

	مېنىڭچە تەنتەربىيەگە قىزىقمايدىغانلار ، تەنتەربىيە خەۋەرلىرىنى سۆيۈپ ئوقۇمايدۇ .

XAHZAD

	مىسسىنىڭ بۇيىل تەلىيى كەلمەي قالدى .  ئەگەر ئۇ كۆپ يارلانمىغان بولسا بۇيىللىق مۇكاپاتلار شۇنۇڭ بولاتتى

555rikabatqi

	شەكلى ئۆزگەرگەن دۇنيادىكى ئەڭ چوڭ قىمار.....................