دۇنـيادىكى ئـەڭ بـەختـلىك ئـائىلە

suzuk-ay

	دۇنـيادىكى ئـەڭ بـەختـلىك ئـائىلە ئايزۆھرە ئابدۇمىجىت (سۈزۈك ئاي)       دۇنيادىكى ئەڭ بەختلىك ئائىلە ئېسىل بېزەلمىگەن ، ئېسىل سەرەمجانلاشتۇرۇلمىغان ئەمما بۇ ئائىلىدە ھەركۈنى ئاللاھنىڭ بۈيۈك نامى تىلغا ئېلىنىدۇ . بۇ ئائىلىدىكى ھەر بىر كىشى نېمە ئىش قىلسا ئاللاھ رىزالىقى ئۈچۈن قىلىدۇ . بۇ ئائىلە مۇستەھكەم ئىتقاد ۋە ئىمان نۇرى بىلەن بېزەلگەن ئەڭ گۈزەل ۋە ئەڭ بەختلىك ئائىلىدۇر . a} Iz   بۇ ئائىلىدىكى بىردىنبىر بايلىق سۈپىتىدە ساقلانغىنى ئاللاھنىڭ بۈيۈك دەستۇرى قۇرئان كەرىمدۇر . شۈكۈر -قانائەت ، تەقدىرگە ، مۇسىبەتكە سەۋىر قىلىش بۇ ئائىلىدىكى ھەر بىر ئەزانىڭ تۇرمۇش مىزانىدۇر . ھەركۈنى دادىنىڭ نامازدىكى قىرائەتلىرىنى ئاڭلاپ چوڭ بولغان ئالتە ياشلىق بالا نامازدا ئوقۇشقا تىگىشلىك سۈرىلەرنى يادا ئېلىپ بولغان . ئانا ئېرىگە شۇنداق ئىتائەت قىلىدىكى ، خوشنىسىنىڭ ئۆيىگە چىقسمىۇ ئېرىىنىڭ رۇخستىنى ئالىدۇ . ئۇنىڭ قەلبىدە ھەزىرتى مۇھەممەد مۇستافا سەلللاھى ئەلەيھى ۋەسسەلەمنىڭ شۇنداق بىر ھەدىسى يادلىنىپ تۇرىدۇ . ‹‹ ئەگەر ئاللاھ بەندىنى ئۆزىدىن باشقا يەنە بىر كىشىگە سەجدە قىلدۇرۇشقا بۇيرىسا ئىدى ، مەن ئاياللارنى ئەرلىرىگە سەجدە قىلدۇرغان بولاتتىم .›› ئايال شۇنداق ئىتائەتمەن ۋە قانائەتچان . ئۇ ئېرىنىڭ ئۆيىدە ناماز ئوقۇيدىغان جاي بولغىنىدىن ، ئېرىگە ۋە باللىرىغا ياخشى مۇئامىلە قىلىپ ئاللاھ رىزالىقى ئۈچۈن ياشاۋاتقانلىقىدىن خۇرسەن . ئاللاھ بۇ ئائىلىگە ئۆزىنىڭ نۇرىنى ۋە ھىدايىتىنى شۇنداق تۆككەنكى ئاتا ۋە ئانا بۇ ئائىلىدە شۇنداق ھۆرمەتلىك شەخىسكە ئايلانغان . ھەممەيلەن بىر-بىرىدىن ھايا قىلىدۇ . ئەخلاق ۋە ئىمان بۇ ئائىلىنىڭ ئەڭ ئاساسلىق تۇرمۇش مىزانىدۇر .   دۇنيادىكى ئەڭ بەختلىك ئائىلە بۇ ئائىلىدە قانائەت بولغاچقا ھەمەيلەن ئۆز نىسىۋىسىدىن شۈكرى قىلىپ ياشايدۇ . بۇ ئائىلىدىكى كىشلەر ئاللاھ رىزالىقى ئۈچۈن ماللىرىنى  زاكات ۋە ئۆشرىگە ئايرىلىدۇ . بىرەرسى مۇشۇنداق تۇرمۇش سىلەرگە يىتەمدىكەن ؟ سىلەر مۇشۇنداق تۇرمۇشتىن رازىمۇ سىلەر ، دېسە ئۇلار ‹ مۇسۇلمانغا نېمە يەتمەيدۇ قېرىندىشىم ؟ قىيامەت كۈنى ھېچكىم -ھېچكىمگە ياردەم قىلمايدىغان ئەشۇ ھېساب كۈنىدە سىز ئارتۇق نەرسىڭىزدىن بىر-بىردىن بىر ھىساب بېرىسىز . ئاللاھتىن قورقايلى ، ئاللاھ مەرھەمەتلىرىنى بىزدىن ئايىمىغاندىكىن بىزمۇ قولىمىزدىن كېلىشىچە ئاللاھ يولىدا ياخشى ئىش قىلايلى ›› دەيدۇ . نېمە دېگەن قانائەت ، نېمە دېگەن ئېسىل خىسلەت -بۇ ؟ دۇنيادىكى ئەڭ بەختلىك ئائىلە ، بۇ ئائىلىدە رىياكارلىق يوق ، باشقىلارنىڭ غەيۋىتى پەقەت قىلىنمايدۇ . پەقەت ئاللاھنىڭ كەلامى ئاڭلىنىدۇ . ئاللاھ ھەقىقەتەن بۇ ئائىلىنى ئۆزىنىڭ ھىدايىتى ۋە نۇرى بىلەن نۇرلاندۇرغان . پۇل ۋە مال دۇنيا ئىنسانغا ھېچقانداق پايدا ئەكىلەلمەيدىغان ،پەقەت ياخشى ئەمەللەر جەننەتكە ئاپىرىدىغان ئەشۇ ھىساب كۈنى ئۈچۈن  ئاخىرەت ھاياتى ئۈچۈن مۇشۇ ئائىلىدىكى ھەر بىر ئەزا  تەييارلانماقتا . قېرىندىشىم سىز نېمە ئىش قىلىۋاتىسز ؟ تەييارلاندىڭىزمۇ ؟ يا كىچىك قىيامەت يەنى ئۆلۈمنى كۈتۈپ غەپلەتتە ياشاۋاتامسىز ؟ ئاللاھ ھەممىمىزنىڭ قەلبىدىن ئىمان ۋە ئىتقادنى ئايرىمىسۇن . ئاللاھ ئۈچۈن سوقىدىغان ساپ ۋە سەمىمىي  يۈرىكىڭىز بارمۇ ؟ دۇنيا ھاياتىنى ئاخىرەتكە تىگىشىپ يالغان -ياۋىداققا ئالدىنىپ بەندىنى رازى قىلىپ ياشاۋاتامسىز ؟ ئاللاھ رازىلىقى ئۈچۈن نېمە ئىش قىلىۋاتىسز ؟ يۈرىكىڭىزنى تۇتۇپ بېقىڭ ، مەن مۇشۇ بىر كۈنۈمدە نېمە ئىش قىلدىم ، قايسى ئىش ئاللاھ رازىلىقى ئۈچۈن قايسى ئىش بەندە رازىلىقى ئۈچۈن بولدى دەپ . مەن تېخى يېقىندا ئاللاھنىڭ مۇنۇ ئايىتىنىڭ مەنىسىنى ۋە ھەقىقىيتىنى چۈشەندىم ‹‹ ئىنساننى ۋە جىننى بىزگە ئىبادەت قىلىش ئۈچۈن ياراتتۇق .›› قۇرئان ھەققىقىدە ، ئىسلام دىنىمىز ۋە ئۆزىڭىزنىڭ ئىمانى ھەققىدە قانچىلىك تەپەككۇر قىلىپ باقتىڭىز ؟ ئىنسان ئۈچۈن ئۆلۈمدىنمۇ ئارتۇق مۇسىبەت بولمىسا كېرەك . بىر روھ پۈتۈن دۇنيانى ئايلانسىمۇ دۇنياغا قايتا كېلىپ بىر قېتىم  سەجدە قىلىش پۇرسىتىگە نائىل بولالمايدۇ . سىز تىرىكلىكىرڭىزدە ئاللاھقا قانداق قۇلچىلىق قىلىۋاتىسىز ؟ دۇنيانىڭ ھەلەكچىلكىدە ئاللاھ رىزالىقىنى ئۇنتۇپ ناماز ئوقىماي دۇنيدىكى ئەڭ بەختسىز ئائىلىدە ياشاۋاتقان بولسىڭىز سىز نېمانچە بىچارە . بۇ دۇنيادا ئاللاھقا ئىبادەت قىلىشتىنمۇ مۇھىم ئىش بارمىدۇ ؟ ئاللاھتىنمۇ ئۇلۇغ بىرى بارمىدۇ ؟ ئاللاھ شەپقەتلىك ۋە مېرىباندۇر . ئاللاھقا يېقىنلاشقان ئەنە شۇنداق بەختلىك ئائىلىلەرنى قۇرۇش ئۈچۈن تىرىشۋاتقانلارغا ئاللاھ ھەقىقەتەن نۇرىنى يايىدۇ . تىرىشىڭ ، قېرىندىشىم ، ئۆلۈم يېنىڭىزدىلا ..... ئاللاھنىڭ سىزگە بەرگەن نىممەتلىرىنى ۋە سىزگە قىلغان ياخشىلىقلىرىنى ئويلاڭ ، ئۆزىڭىزنىڭ گۇناھلىرىنى ئويلاڭ ۋە ۋاقتىدا تۆۋە قىلىڭ ....    ئاللاھىم ھەممىمىزگە ئەنە ئەشۇنداق بەختلىك ۋە ئىمان نۇرى بىلەن تولغان ئائىلەرنى ۋە قەلىبلەرنى ئاتا قىلسۇن ، ئامىن ! مەنبە : قەلىمىم .   2014-يىل   2- يانۋار   ئۈرۈمچى

dawakol1

	ھەقىقەتەن ئەھمىيەتلىك تىمىكەن،كۆپچىلىك،ھېلىقى ئىسمايىلنىڭ تىمىسىدىن مۇشۇ يەرگە كۆچۈپ كەلگەن بولسا ئەسلى قايبايدىغان تىما بۇ يەردىكەنتۇق.ئاللاھ ئەجرىڭىزنى بەرسۇن قېرىندىشىم،ھەم ئاللاھتىن مۇشۇنداق بەخىتلىك ئاائىلە ئاتا قىلىشىنى تىلەيمەن.ھەر كىم ئۆز قىلمىشىنىڭ جاۋابىنى ئالىدۇ.ئاخىرەتكە پۇختا تەييارلىق قىلىۋېلىشقا تىرىشايلى ،ئۆلۈم كەلدىم ياكى كىلىۋاتىمەن دەپ شەپە بەرمەيلا كىلىپ قالىدىغان نەرسىكەن،مۇشۇ باقىي ئالەمگە قايسى ئەمەللىرىم بىلەن بارارمەن دەپ بەك تەشۋىشلىنىمەن داۋاملىق.ئاللاھ ھەممىمىزدىن ھىدايىتىنى ئايىمىغاي.

Durriya

	ئاللاھ قوللىرىڭىزغا دەرت بەرمىگەي قېرىندىشىم ..كۆپ رەھمەت .مەن بۇلارنى دوستلىرىمغا ئەۋەتىمەن ئۇلارنىڭمۇ مەن بىلەن بىرلىكتە بەھىرلىنىشىنى ئۈمۈد قىلمەن ..ئاللاھ رەھمەت قىلغاي

patkak

	قولىڭىزغا اللا دەرېت بەرمىسۇن داۋاملىق تىرشىڭ

zubayda0997

	ئاللاھ قوللىرىڭىزغا دەرت بەرمىگەي قېرىندىشىم ،رەھمەت سىزگە. مۇشۇنداق ياخشى تېمىلار ئۈزۈلمىگەي مۇنبىرىمىزدىن........

گۆزەل

	رەھمەت، بىزلەرگە ھىس قىلسىكەن دىگىنىڭىزنى ھەممە مۇنبەرداشلار ھىس قىلغۇسى ،ئاللا رازىلىقى ئۆچۈن ھەرىكەتكە كەلگۈسى.ئەجرىڭىز گە رەھمەت.

nurjahan0997

	قالتىس تېمىلارنى يوللايسىز جۇمۇ مۇنبەرگە قېرىندىشىم سالامەت بولۇڭ

dilbar

	بەك تەسرلەندىم، اللاھدىن مۇشۇنداق بەختلىك ئائىلە ئاتا قىلىشنى تىلەيمەن..ھەقىقى زوق بېرەلەيدىغان تېمىڭىزغا تەشەككۈر

musilina

	اللاھ رەھمەت قىلسۇن سىڭلىم،مەزمۇنى چوڭقۇر،ئەھمىيەتلىك بولغا تېمىڭىزدىن دىلىم ئالەمچە سۆيۈندى....

ipar1

	راست ئاشۇنداق ئائىلىلەرلا ئەڭ بەختلىك.بۇ ناھايىتى ئەھمىيەتلىك تېما ئىكەن،تېما ئىگىسىگە كۆپ رەھمەت ،بىزمۇ ئەمەل قىلايلى،قانچىلىكىنى قىلالىساق،شۇنچىلىكىنى قىلايلى.