مەن كېچىدىن بىزار(مىكرو ھېكايە )

xamal1124

	مەن كېچىدىن بىزار. بولۇپمۇ ئاي چىقمىغان ياكى توك توختىغان كېچىدىن تولىمۇ بىزار. چۈنكى مۇنداق كېچىلەردە ئۇيقۇسىزلىق تۈپەيلىدىن تاڭ ئاتقۇزالماي تولىمۇ قىينىلىمەن. نېمىشقىلىقىنى بىلمەيمەن. ھەر كۈنى مۇشۇنداق يېرىم كېچە بولغاندا، مېنى قارا بېسىۋالىدۇ. ياق، ياق، قارا ئەمەس. تېخىمۇ ئېنىق قىلىپ ئېيتقاندا بۇنىڭدىن ئىككى يىل بۇرۇن قازا قىلغان قەدىناس دوستۇم ئەركىن چۈشۈمگە كىرىپ قالىدۇ. «قەدىناس بولغاندىكىن چۈشەپ قالغاننىڭ نەرى يامان؟ »دېيىشىڭىزمۇ مۈمكىن. لېكىن كۆڭلۈمدە ئىزچىل «ئۇنىڭ ۋاپاتى مەن سەۋەپتىن »دەپ ئويلىغاچقا، ھەر قېتىم ئۇنى چۈشىگىنىمدە بىرخىل ئىپادىلىگۈسىز قورقۇنچ، نومۇسسىزلىق ۋە يەنە بىرخىل ۋەھىمە ھېس قىلىمەن. ئۇ مېنىڭ كىچىكىمدىن تا ھازىرغىچە تونۇشقان دوستلىرىم ئىچىدىكى بىردىنبىر مېنى كەمسىتمەيدىغان،زاڭلىق قىلمايدىغان، كۆڭلۈمنى  چۈشىنىدىغان ئەڭ يېقىن قەدىناسىم ئىدى. ئېسىمدىن ھەرگىز چىقمايدۇ، ھېلىقى كۈنى كەچتە ئىككەيلەن مەكتەپ رىشاتكىسىدىن ئاتلاپ چىقىپ، سىرتنىڭ تامىقىدىن قورساق توقلىغاندىن كېيىن بىر مەھەل بازار چۆرگىلەپ مەكتەپكە قايتتۇق. قانداق چىققان بولساق شۇنداق كىرىمىز دەپ، يەنىلا مەكتەپ رىشاتكىسىدىن ئاتلاپ كىرمەكچى بولدۇق - ۋە تەڭلا ياماشتۇق. كېيىن مەن ئاۋۋال يەرگە چۈشتۈم. ئۇزاق ئۆتمەي «ۋايجان! »دېگەن ئاۋاز بىلەن تەڭ ئۇ يەرگە يىقىلغان پېتى چۈشتى. مەن ئۇنى يۆلەپ تۇرغۇزدۇم. ئۇنىڭ كىيىملىرى لاي بوپ كەتكەنىدى. «نېمە بولدى؟ »دەپ سورىدىم مەن ئۇنىڭدىن. ئۇ چىرايىنى پۈرۈشتۈرۈپ تۇرۇپ «ھېچنىمە» دېدى. مەن ئىشەنمەي يەنە سورىدىم. ئۇ باشقا بىر نېمە دېمەي مېنى ئاۋۋال كىرىپ كىتىپ تۇرۇشقا، ئۆزى بىر ئازدىن كېيىن كىرىدىغانلىقىنى ئېيىتتى. مەن ئۇنىڭدىن خاتىرجەم بولالماي يەنە بىر نېمە دېيىشىمگە، ئۇ ماڭا «كىرىپ كەت! »دەپ ۋارقىرىدى. ئۇنىڭ ۋارقىرىشى كۆڭلۈمگە كېلىپ «ماقۇل» دەپ سەل يامانلىغاندەك قىلىپ ياتاققا قاراپ ماڭدىم. يولدا نەچچە قېتىم كەينىمگە بۇرۇلۇپ ئۇنىڭغا قارىدىم، ئۇ جايىدا مىدىرلىماي ئولتۇراتتى. ئۇنىڭدىن خاتىرجەم بولالماي دەرھال ياتاققا قايتىپ ياتاقداشلىرىمدىن  بىرقانچىنى توۋلاپ چىقماقچى بولدۇم - دە ياتاققا قاراپ يۈگۈردۈم. ياتاق بىناسىغا قايتىپ يۈگۈرگۈنۈمچە ياتاققا قاراپ يول ئالدىم. نېمىشقىكى كارىدوردا مېنى كۆرگەن ساۋاقداشلىرىم بىرخىل قورقۇش ئىلكىدە مەندىن قاچاتتى. ياتاق ئىشىكىنى چەكتىم، ئۇزاق ئۆتمەي بىرى ئىشىكنى ئاچتى - يۇ، مېنى كۆرۈپ ۋارقىراپ تاشلىدى. نېمە بولغانلىقىنى بىلمىگەن مەن «تېز بېرىپ ئەركىنگە قاراپ بېقىڭلار» دېگىنىمچە ياتاققا كىردىم. لېكىن ياتاقتىكىلەرنىڭ ھەممىسى ئوخشاش پوزىتسىيەدە ئىدى. «ئاغىنىلەر،  سىلەردىن ئۆتۈنگىنىم بولسۇن ...»دېيىشىمگە ياتاقتىكى بىرەيلەن دەررۇ ئورنىدىن تۇرۇپ مەندىن «ئۇ ھازىر نەدە؟» دەپ سورىدى. مەن ھېلىقى رىشاتكا تۈۋىدە ئىكەنلىكىمنى ئېيتقاندا ئۇ مېنى تىللىغىنىچە يۈگۈرگىنىچە چىقىپ كەتتى. مەن تېخىچە نېمە بولغىنىنى ئاڭقىرالماي تۇرغىنىمدا يەنە بىر ياتاقدىشىم دۇدۇقلىغىنىچە ماڭا قاراپ دېدى «ئۇنداقتا كىيىمىڭدىكى قان ...؟» «قان؟!» بۇ گەپنى ئاڭلاپ مېڭەمدىن تۈتۈن چىقىپ كەتكۈدەك بوپ كەتتىم. چۈنكى مەن بىر ئاق —  قارا رەڭ قارىغۇسى! ئۇنداقتا بايا رىشاتكىدىن چۈشكەن ۋاقىتتا ئۇنىڭ كىيىمىدىكى لاي ...؟ —ئەركىن!... ئەپسۇس، ئۇچاغدا تولىمۇ كېچىككەنىدىم ... مەن كېچىدىن بىزار ...تولىمۇ بىزار ... ———شامال

marhaba77

	ئەركىنگە زادى نىمە بولغاندۇ؟

بانكىر

	مەن قاراڭغۇ كىچىگە ئامراقتىم. قارىشى گەپ قىللىيا.

katran

	ئەركىنگە نېمە ئىش بولغىنى ئېنىقسىز بولۇپ قالدىمۇ قانداق؟ چۈشىنەلمەيلا قالدىمغۇ؟

konafilim

	ھېچ مىكرو ھېكايىگە ئوخشىمايدىغۇ،

mercury

	چالا يىزىلىپ قالدىمۇ قانداق ؟   بىر يەرلىرى كامدەكلا .

xamal1124

	katran يوللىغان ۋاقتى  2014-1-4 02:02 PM ئەركىنگە نېمە ئىش بولغىنى ئېنىقسىز بولۇپ قالدىمۇ قاند ... مەكتەپكە رىشاتكىلىرغا دىققەت قىلسىڭىز، رىشاتكىلارنىڭ كۆپىىنچىسى ئۇچلۇق كېلىدۇ.

xamal1124

	katran يوللىغان ۋاقتى  2014-1-4 02:02 PM ئەركىنگە نېمە ئىش بولغىنى ئېنىقسىز بولۇپ قالدىمۇ قاند ... ھېكايىدىكى «مەن» بولسا بىر ئاق - قارا رەڭ قارىغۇسى. ئەركىن رىشاتكىدىن ئارتىلىپ كىرىۋاتقان چېغدا ئېھتىياتسىزلىقتىن پۇتى تېيىلىپ رىشاتكا قورسىقىغا كىرىپ كەتكەن. «مەن »نىڭ  ئۇ چاغدا كۆرگىنى ئەسلى لاي بولماستىن بەلكى قان.

dawakol1

	قان ئىسسىق بولىدۇ،لاي پاتقاقنىڭ قاراڭغۇ تۈن كىچىدە ئىسسىق ھالەتتە ئىكەنلىكىنى بىلمەيدىكەنمەن،ھەم قان دىگەن بىر ئىككى دەقىقە ئىچىدە مۇزلاپمۇ قالمىس،قولىڭىزغا ئۇرۇلغان ئىسسىق نەرسىنىڭ لاي ياكى باشقا نەرسىلىكىگە ھۆكۈم قىلالماپسىز،يەنە دىسەم بىر زەخمىلەنگەن ئادەم نىمە ئۈچۈن سىزنى ياتاققا قايتۇرۋېتىدۇ،قايتىپ كەت دىسە سەۋەبىنى بىلىپ بېقىشقا تىرىشىپ باقمايلا كىرىپ كىتىپسىز،بىر ئىش بوپقېلىشىدىن ئەنسىرىگەن ئادەمنىڭ كىچىككىنە ۋارقىراشلارغا باتناپ يۈرگىنى قىززىق.سىز پەقەت ئوقۇرمەنلەرگە ئۆزۈڭ بىلىۋال دىگەندەكلا بىر نەتىجە قالدۇرۇپ  قويۇپسىز،بۇلار پەقەت مىنىڭ شەخسىي كۆز قارىشىم خالاس،ئەمدى سوغوق سۇ سەپتى دەيدىغانلار چىقىپ قالسا ئارقا ھويلىدا پاراڭلىشارمىز.

xamal1124

	mercury يوللىغان ۋاقتى  2014-1-4 02:51 PM چالا يىزىلىپ قالدىمۇ قانداق ؟   بىر يەرلىرى كامدەكلا . ياق، كەم ئەمەس.