ئابابەكرى مۇختەر مىسرانىمنىڭ تەرجمھالى

anatuprak

	ئەسسالامۇ ئەلەيكۇم ،تورداشلارنىڭ تەلىپىگە ئاساسەن ،دوستۇم ھەم ئۇزۇن يىللىق كەسىپدىشىم ئابابەكرى مۇختەرنىڭ قىسقىچىلا تەرجىمھالىنى سوراپ بىلگىنىم بويىچىلا يوللاپ قويدۇم ... ئابابەكرى مۇختەر ،ئەر، ئۇيغۇر ، 1987- يىلى 3- ئاينىڭ 5 – كۈنى غەربىي جەنۇبىي تارىم نېفىت بازىسى،يەنى پوسكام نېفىتلىكىدە شوپۇر ئىشچى ئائىلىسىدە تۇغۇلغان  ،  ئائىلىسىدە 6 جان بولۇپ ،بالىنىڭ ئۈچىنجىسى ،،، 1987 - يىلى 12 ئايدا قىزىتىپ قېلىش باھانىسى بىلەن دوختۇرخانىغا ئېلىپ بېرىلغان  ،قىزىتمىنىڭ زىيادىلىكى تۈپەيلىدىن ،شۇ چاغدىكى كۆپ كۆرۈلىدىغان بالىلار پارالىچ كېسىلىگە گىرىپتار بولۇپ مېڭىش ئەركىنلىكى تارتىۋىلىنغان. 1995- يىلى سىڭلىسىنىڭ مەكتەپكە بېرىشى بىلەن ،ئوقۇش ھەۋىسى قوزغۇلىپ مەكتەپكە بارغان ، مەكتەپكە كىرىشى بىلەنلا ئۆزىنىڭ تېتىكلىكى ،زىرەنلىكى بىلەن ئوقۇتقۇچىلارنىڭ ،ساۋاقداشلارنىڭ قوللىشىغا ئېرىشىپ سىنىپ باشلىقلىق ۋەزىپىسىنى ئۆز ئۈستىگە ئالغان  ، 2001- يىلغىچە نېفىت 4- باشلانغۇچ مەكتەپتە باشلانغۇچنى ئەلا نەتىجە بىلەن پۈتتۈرگەن. 1999- يىلى تاغىسى گۇاڭجۇدىن بىر 3 چاقلىق مىيىپلار موتسىكىلىتى ۋە بىر كومپىيۇتىر ئەۋەتىپ بەرگەن ،،شۇنىڭدىن ئىتىبارەن ئابابەكرى مەكتەپلەرگە ئۆزى مۇستەقىل بېرىپ كېلەلەيدىغان بولغان، ھەم دەرىستىن سىرتقى ۋاقىتلاردا كومپىيۇتىر بىلەن شۇغۇللىنىپ شۇ چاغدىكى نىفىتلىكنىڭ كومپىيۇتىر رېمونىتچىسى، ئائىللەرگىچە بېرىپ ھەقسىز كومپىيۇتىر ئوڭشاپ كومپىيۇتىر ساھەسىدىكى بىلىملىرىنى ئۈزلىكسىز چوڭقۇرلاشتۇرغان. 2001- يىلدىن 2006 – يىلغىچە نېفىت 1- ئوتتۇرا مەكتەپتە تولۇقسىز ۋە تولۇق 2- يىللىققىچە ،2007- يىلى نېفىت 2- ئوتتۇرا مەكتەپتە تولۇق 3- يىللىقنى تاماملىغان.. 12 يىل سىنىپ باشلىقلىق ھاياتىنى باشتىن كەچۈرگەن..كۆپ قېتىم مەكتەپلەردە ئەلا نەتىجىلەرگە داخىل بولغان، كۆپ قېتىم مەكتەپ ۋە ئاپتونۇم رايون دەرىجىلىك ماقالە يېزىش مۇسابىقىسى، زېھىن سىناش مۇسابىقىلىرى،نۇتۇق سۆزلەش ۋە ھۆسنىخەت مۇسابىقىلىرىدە ئىزچىل 1- دەرىجىلىك مۇكاپاتلارغا ئېرىشكەن . 2004- يىللىدىن باشلاپ خوتەندىكى دوستى ئادىلجان بىلەن بىرلىكتە چىننۇرى ناخشا چۈشۈرۈش بېكىتىنى بىرلىكتە باشقۇرغان . 2006- يىلى تەكلىماكان لوڭقىسىنى تالىشىش ناخشا ئېيتىش مۇسابىقىسىگە قاتناشقان ، ئۈرۈمچىدىكى ئالىي مەكتەپلەرنىڭ كۆلىمىنىڭ چوڭلىقى ،ئوقۇتۇش ئىشلىرىنىڭ سىنىپلارغا يۆتكىلىشچانلىقىدىن ئالىي مەكتەپ ئوقۇش ھاياتىدىن ۋاز كەچكەن، 2007- يىلى تولۇق ئوتتۇرىنى پۈتتۈرۈپ ئۈرۈمچىگە كېلىپ بىر قانچە يەردىن كەسپىي كومپىيۇتىر تەربىيلەش مەركەزلىرىنى ئۇقۇشقان بولسىمۇ شارائىتنىڭ كۆڭۈلدىكىدەك بولماسلىق سەۋەبلىك شىركەتلەرگە بېرىپ ئىشلەشنى قارار قىلغان، ئىزچىل ئۆزلىكىدىن ئۆگىنىپ تورچىلىق ھاياتىنى مۇستەقىل باشلىۋەتتى 2007- يىلى مىسرانىم تور نامىنى رەسمىي ئەنگە ئالدۇرۇپ مەخسۇس ناخشا چۈشۈرۈش بېكىتى ئاچقان . 2008- يىلىدىن 2009- يىلغىچە بىر يىل ئۆيگە قايتىپ ،شۇ يەردىكى كىشىلەرگە توردىن مال سېتىۋىلىپ ،توربەتچىلىك ۋە تور سودىسى بىلەن مەلۇم مەزگىل شۇغۇللانغان .. 2009- يىلى ئۈرۈمچىگە چىقىپ شىنجاڭ سودا تورىدا ،ماياك مېدىيا شىركىتىدە ۋە شۇنىڭدەك بىر قانچە شىركەتلەردە پۈتۈنلەي ھەقسىز ئىشلىگەن .2009- يىلىنىڭ ئاخىرلىرى ئۈرۈمچىدە مەخسۇس ئېلان باسمىچىلىق، تېلفونخانا، ۋە تاللا بازار بىرگەۋدە قىلىنغان دۇككان ئاچقان .2010- يىلى ھەممە ئىشلىرىنى تاشلاپ پۈتۈنلەي تورچىلىق ساھەسىگىلا كۈچىگەن .. 2010- يىلدىن باشلاپ نۇرغۇن ئاۋازلىق ئەسەرلەرنى ئىشلىگەن ،100 گە يېقىن پائالىيەتلەرگە قاتنىشىپ بىر قانچە پائالىيەتلەردە ئاساسلىق رولىنى جارى قىلدۇرغان ..   2010- يىلى 5- ئاينىڭ 16- كۈنى مۇنبەرنى قايتا ئاچقان، شۇنداقلا ھازىرقى دىيارىمىزدىكى شۇنداقلا ئۇيغۇر تور تارىخىدىكى ئەزا سانى تارىختىن بۇيانقى ئەڭ كۆپ مۇنبەرگە ئايلانغان. 2011- يىلدىن 2012- يىلغىچە بولغان بىر يىل ئىچىدە ئۇيغۇرلار ئىچىدىكى ھەر ساھە كەسىپ ئىگىلىرى ۋە يازغۇچى ،سەنئەتچى قاتارلىقلالر بىلەن 30 دىن ئارتۇق سۆھبەت ئورۇنلاشتۇرۇپ خەلقىمىزگە سۇنغان . 2011- يىلى مىيىپلار پىراۋىسىنى تۇنجى ئىلتىماس قىلىپ بىرلا قېتىمدا مۇۋەپپىقىيەتلىك ئۆتۈپ رايونىمىزدىكى مىيپ ئۇيغۇرلاردىن تۇنجى ماشىنا سېتىۋالغۇچى ۋە ھەيدىگۈچى بولغان .بىر قانچە قېتىم قاتناش قىززىق لىنىيلىرىگە تەكلىب بىلەن قاتنىشىپ مىيىپ دوستلارغا پىراۋا توغرىسىدىكى مۇھىم ئۇچۇرلاردىن مەسلىھەت بەرگەن. 2012- يىلى كۆڭۈلدىكى سۆز ۋە مەركىزى خەلق رادىئو ئىستانسىنىڭ تۇرمۇش پىروگراممىسىدا ياشلارغا ئۈلگە قىلىنىپ زىيارەتلەر ئورۇنلاشتۇرغان. 2013- يىلى 3- ئايدا بىر قانچە توربېكەتلەر بىلەن بىرلىكتە، ئىتتىپاق كومتىتىنىڭ ئورۇنلاشتۇرۇشى بىلەن بېيجىڭغا بېرىپ دۆلىتىمىزدىكى بىر قىسىم داڭلىق تورلاردىن ، سىنا، تېڭشۈن ،خەلىق تورى قاتارلىقلاردا تەجرىبە ئالماشتۇرۇپ كەلگەن . 2013- يىلى 4- ئاينىڭ 27 – كۈنى ئورۇنلاشتۇرۇش بويىچە ئامرىكىنىڭ جۇڭگودا تۇرۇشلۇق باش ئەلچىسى لوجىياخۈي ئەپەندىم بىلەن بىۋاستە كۆرۈشۈش شەرىپىگە ئېرىشكەن . 2013- يىلدىن بۇيان ئىزچىل تېرىشىش نەتىجىسىدە ئۇيغۇر تورچىلىقىنىڭ بايراقدارلىق رولىنى ياخشى ئويناپ كەلگەن .شۇنداقلا يەنە شىنجاڭ خەلق رادىئو ئىستانسى قاتارلىق ئاخبارات ۋاستىلىرىدا زىيارەت قىلىنغان . 2013- يىلى 12- ئاينىڭ 28 – كۈنى تىزناپ مەكتىپىنىڭ ئورۇنلاشتۇرىشى بىلەن بىر قېتىملىق 200 ئادەملىك لىكسىيە ئورۇنلاشتۇرلۇپ ،سەرگۈزەشتلەر بىرلەشكەن ئاساستا بىر قېتىملىق لىكسىيەدىكى ئاساسىي كىشى بولغان ، 2014- يىلى 1- ئاينىڭ 1- كۈنى يىدۇ رېستۇرانىنىڭ ئىش باشلىغانلىقى ۋە مىسرانىم تورى قۇرۇلغانلىقنىڭ 7 يىللىقىنى تەبرىكلەش مۇناسىۋىتى بىلەن رايونىمىزدىكى تونۇلغان جامائەت ئەربابلىرى ۋە داڭلىق سەنەتكارلىرىمىز بىلەن بىرلىكتە كاتتا بىر پائالىيەت ئۆتكۈزگەن ، نۇرغۇن مەزمۇنلار قالدى، ئەمما قىسقىچە تەرجىمالىغا خېلى كۆپ كۈچ چىقاردىم .تولۇقلايدىغان جايلىرى يەنە تۈزىتىلىپ يوللىنىدۇ .. ئۇ داۋاملىق تېرىشىش جەريانىدا ھازىرقى نەتىجىلەرگە ئېرىشكەن، ئۇنىڭ تېرىشچانلىقى ۋە ئىزچىللىقى نەتىجىسىدە ھازىرقى غەلبىلەرگە نائىل بولدى .. بىز دوستىمىز ئابابەكرىنىڭ يەنىمۇ ھارماي تېرىشچانلىق كۆرسىتىپ رايونىمىز تورچىلىقىنىڭ ھەقىقىي سەركىسى بولۇپ قېلىشىنى چىن قەلبىمىزدىن ئۈمىد قىلمىز

jelwa

	نىمانداق تىرىشچان ئاكاشتۇ ئۇ ............ ئوقۇپ بولغۇچە بەك ھاياجانلاندىم ....ھەقىقەتەن بەك تىرىشچان ئاكاش ئىكەن ، بۇنىڭدىن كىيىنكى ئىشلىرىغىمۇ ئۇتۇق تىلەيمەن

jelwa

	ئابابەكرى مۇختەرىم ئاكاشىنى ئۇستاز تۇتۇشقا ئەرزىگۈدەك جۇمۇ .........

zubayda0997

	ھەجەپ تىرىشچان ئاكاشكىنا بۇ؟

zapar

	2011   - يىلى مىيىپلار پىراۋىسىنى تۇنجى ئىلتىماس قىلىپ بىرلا قېتىمدا مۇۋەپپىقىيەتلىك ئۆتۈپ رايونىمىزدىكى مىيىپ ئۇيغۇرلاردىن تۇنجى ماشىنا سېتىۋالغۇچى ۋە ھەيدىگۈچى بولغان . ئابابەكرى ئىنمزىنىڭ تىرىشچانلىقىغا بەكمۇ قايىل بىز، بىراق ماۋۇ بايانلار توغرا بولماپتۇ. كىچىك ئىش، زىغىرلىغىنىم ئەمەس.

iptihar2014

	ھەي مەن پوسكاملىق تۇرۇپ ئۇ ئاكاشنىڭ پوسكاملىق ئىكەنلىكىنى بىلمەپتىمەن دىسە ھەي ئىسىت ! شۇ ئاكامنىڭ ئىشلىرنىڭ ئۇتۇقلۇق بولۇشنى تىلەيمەن . بولسا مىنىمۇ تەربىيلەپ كەتكەن بولسا ھە  ئەپسۇس بۇ بىر ئارزۇ خالاس . بۇ بىر پوسكاملىق قىزنىڭ ئارزۇسى ئارمىنى . ياشا ئابابەكرى ئاكا . سىزگە كۆز تەگمىسۇن.

لوپنۇرى

	تور دۇنياسىدا تونۇشقان دوستۇم ھەم سىردىشىم ئابابەكرى مۇختەر مىسرانىمنىڭ تېنىگە سالامەتلىك، ئىشلىرىغا بەرىكەت تىلەيمەن. ئۇنىڭ ۋۇجۇدىدىن ۋە ئىش-پائالىيەتلىرىدىن نۇرغۇن نەرسىلەرنى ئۆگىنىشىمگە ئەرزىيدۇ، دەپ قارايمەن.

abduweli

	كۆز تەگمىسۇن.  تېخىمۇ ياخشى نەتىجىلەرگە ئېرىشىڭ.

edirlik

	بۇنىڭدىن كېيىنكى ئىشلىرىغا تېخىمۇ زور ئۇتۇقلار يار بولسۇن!!!!!

babur99

	مەن ئابابەكرى مۇختەرنىڭ مەندىن 5ياش كىچىكلىكىنى ئويلاپمۇ باقماپتىمەن. ئۇكام ،سزدەك بۈگۈنكىدەك ئۇتۇقلارغا ئېرىشىش بىرئادەم ئۈچۈن  ئۇنداق ئاسان ئەمەس .بولۇپمۇ سىزدەك بىر مىيىپ بالىنىڭ تېخىمۇ شۇنداق . ئاللا خالىس نىيەتتە ،ھاللال ياشاش ئۈچۈن تىرشىۋاتقان ھەقانداق بەندىسىنى مۇرادىغا يەتكۈزىدىكەن ،سزنىڭ سەرگۈزەشتڭىز بۇنىڭغا پولاتتەك ئىسپات . ئاللا سزنى شۇنداقلا پۈتۈن قېرىنداشلىرىمىزنى كۆزلىگەن مەنزىلىگە يەتكۈزسۇن .