يۈرەك يايرىدى

halpambag

	يۈرەك يايرىدى تۇرغۇن مىجىت قادىرى    2013-يىلى 8-دېكابىر ۋىلايىتىمىز ئىچى ۋە سىرتىغا تونۇلغان ئەدىپ، شائىر، يازغۇچى، سەنئەتكارلاردىن ئابباس مۇنىياز، ئابلىز ئوسمان، مۇتەللىپ خۇرسەندى... قاتارلىق 17 نەپەر كىشىنىڭ بىۋاستە ئىشتىراك قىلىشى بىلەن ئەدەبىياتىمىزنىڭ نۆۋەتتىكى تەرەققىيات ئەھۋالى ئۈستىدە بەس-مۇنازىرە قىلىش ئاساسى مەقسەت قىلىنغان بىر قېتىملىق ئەھمىيەتلىك يىغىلىش بولۇپ ئۆتتى. بۇ يىغىلىش ئەدەبىياتنىڭ ئوت پىراقى گۈرۈلدەپ كۆيىۋاتقان يۈرەك قەلبىمدە ئۇنتۇلماس تەسىراتلارنى قالدۇردى... ئەنجۈمەنى ئىجادكارلارنىڭ،          يۈرىكىمنى يايراتتى شۇنچە.          خوشال كۈلكە، ناخشا-سازلىرى، تېلىقتۇرۇپ كۈلدۈردى نەچچە.                   يىغىلىپتۇ ئونيەتتە ئوغۇل،                  (بىرمۇ يوقكەن قىز، جۇۋان يا تۇل).                   سەنئەتكار،  ھەم شائىر، يازغۇچى،                  بىر نىيەتتە گىرەلەشكەن قول. يىگىت بېشى مۇقارەپ يەھيا، سۆز باشلىدى  ئەنجۈمەندىن. ھەممە بىردەك خوشال بولۇشتى، ئاقسۇدىكى تۆت خوشخەۋەردىن.            چىقار ئىكەن قازاقئىستانغا،     ئابلىكىم، تۇرغۇن دۆلەت ئاتلاپ. بارار ئىكەن مۇھەرىر ئابلىز، كى سەنيا تامان ئۇچۇپ-تاقلاپ. ئوتتۇز مىڭ يۈەن بىرپتۇ ئۇلار،(1) ئىجادىيەت ئۈچۈن ئابباسقا. يىگىرمە مىڭ يۈەن ئاپتۇ خۇرسەندى، چېقىپ «خانتەڭرى»چوققىسىغا.(2)             تەبرىكلەشتۇق قول-قولغا تەگمەي،             ئېغىزلاردا تەبرىك سۆزلىرى.           ئۈمۈدلەرگە تولغان شۇدەمدە،          ھەممەيلەننىڭ ئوتلۇق كۆزلىرى. سەكرەپ چۈشۈپ بىدارى(3) شۇچاغ، داسقان سالدى سورۇن ئەھلىگە. مۇسەللەسنى قىلىپ بېلىق كۆز، ئىچكىنىدە تەپتى يۈزىگە.         مۇقارەپنىڭ، تايىرنىڭ ھەردەم، تېلىقتۇردى ساپ يۇمۇرلىرى. تۇرغۇن، تۇرسۇن،ئەمەت، فارابى،(4) دىل يايراتتى-مۇڭلۇق كۈيلىرى. شۇندا بىردىن تايىر قاسىممۇ، باغراشكامنى ئالدى ئىسىگە. ئوغلانلىرمىز ئېغىر تىنىشتى، تايىر چالدى ئۇنىڭ پەدىسگە.(5)          ھەسرەت چەكتۇق ھەممە بىر نەپەس، ئىزدىنىشكە باي قەلەمداشقا. تىلەشتۇق بىز ئۇ دۇنيادىمۇ، ئىجادىيەت تۆرى تۇرۇشقا. ھەييام دېگەن: ئاقىل بىرلە ئىچ، گاھ، يۇشۇرۇن، ھايا بىرلە ئىچ. ئاقىللار يىغىلغان ئەنجۈمەن، كۆڭلىنى ھەممىنىڭ قىلدى تىچ.        يۈرەك يايرىدى ئەنجۈمەنىدىن،       كۆڭۈل قەسىرىم ئېچىلىپ بىردىن. چەكسىز بەخىت، ئۇتۇقلار تىلەپ، ئايرىلدۇق ئاھ! كۆز قىيالماستىن.   2013-يىلى 13-دېكابىر. ئاۋات چۈشەنچە: (1)ئوتتۇز مىڭ يۈەن بىرىپتۇ ئۇلار- ئابباس مونىياز تۈركىقانغا شىنجاڭ يازغۇچىلار جەمئىيىتى بەرگەن پۇلكەن.          (2)چىقىپ«خانتەڭرى» چوققىسىغا-مۇتەللىپ خۇرسەندى بۇ يىللىق «خانتەڭرى ئەدەبىيات مۇكاپاتى»غا ئىرىشكەنلىكى كۆزدە تۇتۇلدۇ.         (3)بىدارى-تۇرسۇن تۇردى بىدارنى كۆرسىتىدۇ.        (4)ئاقسۇدىكى سازەندە، يازغۇچى، شائىرلارنى كۆرسىتىدۇ.        (5)تايىر قاسىم مۇھەممەت باغراش بەك ياقتۇرۇپ توۋلايدىغان بىر ناخشىنى دۇتتار بىلەن توۋلىدى.

326ayixa

	(بىرمۇ يوقكەن قىز، جۇۋان يا تۇل). ئاياللار ئۆگەيمۇ ؟ قاتناشتۇرماپسىلەرغۇ ؟

nazila998

	مۇشۇنداق ياخشى يىغىلىش بولسا ئەلۋەتتە يۈرەك يايرايدۇ - دە ، بۇنىمۇ دىيىش كىتەمدۇ

mahatjan

	ھەقىقىتەن يۈرەك يايرىغىدەك ياخشى پائالىيەت بوپتۇ.

halpambag

	ئارام ئېلىش ۋاقلىرى، كەچ قۇرۇنلقى بولىدىغان ئىش بولغاچقا ئاياللارنى، يەنە باشقىلارنى تەكلىپ قىلسا بەك ئادەم كۆپىيىپ كىتىدۇ دەپ ئاقسۇ شەھەرىدىكى ئەرلەرنىلا ئاساس قىلغان ئىشكەندۇق، مەنمۇ سىرتتىن قاتناشتىم.   بۇ 17 ئادەم ئابباس مونىياز، ئەخمەت كېبىر ، ئابلەت ئەسمەت(ۋىلايەتلىك 1-ئوتتۇرا مەكتەپتىن)، ئەخمەتقان ئىمىن(ۋىلايەتلىك پارتكوم تەشۋىقات بۆلىمىنىڭ مۇئاۋىن باشلىقى)، ئابلىز ئوسمان(«ئاقسۇ ئەدەبىياتى» ژورنىلىدىن)، تايىر قاسىم، ئەخمەتجان سادىق(ئاقسۇ مائارىپ ئىنىستېتوتىدىن)، مۇتەللىپ خۇرسەندى، تۇرسۇن زومۇدۇن، مۇتەللىپ ئىسكەندەر فارابى(ئاقسۇ تەجىربە ئوتتۇرا مەكتەپتىن)، ئابلىكىم ئەمەت (ۋىلايەتلىك تېلۋىزىيە ئىستانسىسىدىن)،  تۇرغۇن ئىسلام (ۋىلايەتلىك سەنئەت ئۆمەكتىن)،تۇرسۇنجان(ئاقسۇ شەھەر سۆگەتئېرىق باش مەيداندىن)، تۇرسۇن تۇردى بىدار(ئاقسۇ باھادىر ئادۇۋكاتلىق ئىش ئورنىدىن)، ئوسمانجان(ئارال شەھرىدىن)