ت.ئا.قوشماق:ئەسقەر ئەھمىدىنىڭ ئىككى كىتاۋى نەشىر قىلىندى

koxmak7

	ئەسقەر ئەھمىدىنىڭ ئىككى كىتاۋى بىرلا ۋاقىتتا كىتاپخانلار بىلەن يۈز كۆرۈشتى قەشقەر شەھەرلىك مائارىپ ئىدارسىى ئۇنىۋېرسال ئىشخانىسىڭ كادىرى، ئىجتىھاتلىق ئەدىبىي تەرجىمان،  يېتىلىۋاتقان ياش يازغۇچى  ئەسقەر ئەھمىدىنمىڭ  «مېھىر» ناملىق ئىجادى ھىكايىلەر توپلىمى بىلەن « روھ ۋە ماددا ھەققىدە ھىكايە» ناملىق تەرجىمە كىتاۋى يىقىندا شىنجاڭ خەلق باش نەشرىياتى قەشقەر ئۇيغۇر نەشرىياتى تەرىپىدىن بىرلا ۋاقىتتا نەشىر قىلىنىپ كىتاپخانلار بىلەن يۈز كۆرۈشتى.      « مېھىر » ناملىق ھېكايىلەر توپلىمىغا ئەسقەر ئەھمىدىنىڭ يىقىنقى 10 يىل مابەينىدە ھەر قايسى مەتبۇئاتلاردا ئېلان قىلىنغان 88 پارچە ھېكايىسى ئىچىدىن  36 پارچە ھېكايىسى تاللاپ كىرگۈزۈلگەن بولۇپ،بۇ ھېكايىلەرنىڭ ۋەقەلىگى گەرچە قىىسقا، پىرسۇناجلىرى ئاز بولسىمۇ، لېكىن تۇرمۇش پۇرىغا ناھايىتى كۈچلۈك بولۇپ، ھەر بىر ھىكايىسى ئادەمگە ئۆزگىچە تەسىرات، ئۆزگىچە  تۇيغۇلارنى ئاتا قىلىدۇ. بولۇپمۇ بۇ توپلامغا كىرگۈزۈلگەن « خۇشامەت»، « بۇ قانداق  مەنتىقە»، « مېھىر»، « تېلەمچى باي»، « جىنازا»، « سىز قاچان مۇدىر بولىسىز ؟ » « قېتىقچى بالا» قاتارلىق ھېكايىلەر تاللىغان ۋەقەلىكلىرىنىڭ ئىجتىمائى تۇرمۇشقا ناھايىتى يىقىنلىغى، تېلىنىڭ يۇمۇرىستىك ۋە گۈزەللىگى، پىرسۇناجلار دېئالۇگلىرىنىڭ قىسقا ۋە مەزمۇنلىغى بىلەن  ئوقۇغان ھەر بىر كەتاپخاننى ئۇزۇنغىچە چوڭقۇر خېيال دەرياسىغا غەرق قىلىدۇ. « روھ ۋە ماددا ھەققىدە ھىكايە» ناملىق تەرجىمە كېتاۋىنىڭ ئەسلى ئاپتۇرى كورىيەلىك يازغۇچى كاڭ يىنچى ئەپەندى بولۇپ، بۇ كىتاپتا ئاساسەن بالىلارنىڭ زېھنى كۈچىنى ئاچىدىغان قىزىقارلىق پەلسەپىۋى ھېكايىلەر سۆزلەنگەن بولۇپ، بۇ كىتاپ بالىلارنىڭ ئەقىل بۇلېغىنى ئىچىش، ۋە  بالىلار تەربىيىسى ئىلىپ بىرىشتا تۈرتكىلىك رول ئوينايدۇ. 1965 -يىلى 2-ئايدا قەشقەر شەھەرىدە ئوقۇتقۇچى ئائىلىسىدە دۇنياغا كەلگەن ئەسقەر ئەھمىدى 1987-يىلى قەشقەر پېداگوگىكا ئىنىستىتۇتىنىڭ تىل فاكۇلتىتنى پۇتكۇزۇپ، قەشقەر شەھەرلىك 3-ئوتتۇرا مەكتەپكە خىزمەتكە تەخسىم قىلىنغان بولۇپ، 1993 – يىلغىچە مەزكۇر مەكتەپتە خەنزۇ تېلى ئوقۇتقۇچىسى بولۇپ ئىشلىگەن.  1993-يىلدىن 2005-يىلغىچە قەشقەر شەھەرلىك مائارىپ ئىدارىسنىڭ ئوقۇتۇش تەتقىقات ئىشخانىسىدا، 2005 – يىلدىن 2007 - يىلغىچە قەشقەر شەھەرلىك 14-ئوتتۇرا مەكتەپتە ئىشخانا مۇدىرى بولۇپ ئىشلىگەن. ئۇ ھازىر قەشقەر شەھەرلىك مائارىپ ئىدارسىنىڭ ئۇنىۋېرسال ئىشخانىسىدا ئىشلەۋاتىدۇ. ئۇنىڭ تۇنجى تەرجىمە ماقالىسى 1984- يىلى « قەشقەر گېزىتى» دە،  كېچىك ۋاختىمدىكى بىر ئىش» ناملىق تۇنجخ ئىجادى ھېكايىسى1988 – يىلى « شىنجاڭ ئۆسمۈرلىرى گېزىتى»دە ئېلان قىلىنغاندىن باشلاپ ھازىرغىچە  ھەر قايسى مەتبۇئاتلاردا  دۆلەت ئىچى ۋە سىرتىدىكى داڭلىق يازغۇچىلارنىڭ 650 پارچىدىن ئارتۇق ئەسىرىنى تەرجىمە قىلىپ كىتاپخانلار بىلەن يۈز كۆرۈشتۈردى. 90 پارچىغا يىقىن ئىجادىي ھېكايىسى ، 50 پارچىدىن ئارتۇق ئىلمىي ۋە مۇھاكىمە ماقالىلەرنى  ئېلان قىلىندى. ئۇ يەنە باشقىلار بىلەن بىرلىكتە « ئىناق قەشقەر » ( 7 قىسىم ) « ئائىلە تاپشۇرقى » ( 3 قىسىم )قاتارلىق دەرىسلىك ۋە پايدىلنىش ماتىرىياللىرىنى تۈزۈش ،تەرجىمە قىلىش خىزمىتىگە قاتناشتى . ئۇنىڭدىن باشقا  « ۋۇدۇڭيۇن » (ئابلەت جۈمە تۇپراق بىلەن بىللە) ،« لېنىن ئۆكتەبىردە » ، « لېنىن  1918 –يىلىدا » ، « يولداش  لىيۇشاۋچى  ئەنيۈەندە » ، « يولداش ماۋزېدۇڭ  شىمالى  شەنشىدە »،  « تەرقىقى قىلۋاتقان ‹قەشقەر مائارىپى › » قاتارلىق 10 نەچچە پارچە تەرجىمە ۋە ئېجادى كىتابى نەسر قىلىنىپ تارقىتىلدى. ئەسقەر ئەھمىدى ھازىر شىنجاڭ ئۇيغۇر ئاپتۇنۇم رايۇنلۇق ئەدىبىي تەرجىمانلار جەمئىيىتىنىڭ ئەزاسى، قەشقەر ۋىلايەتلىك ۋە شەھەرلىك خەتتاتلار جەمىئيتىنىڭ مۇئاۋىن باش كاتىپى، شىنجاڭ ئۇيغۇر ئاپتۇنۇم رايۇنلۇق ئەدەبىي تەرجىمانلار جەمئىيتىنىڭ ئەزاسى. « شىنجاڭ ئۆسمۈرلىرى گېزىتى » نىڭ تەكلىپلىك مۇخبىرى.

quxtikiakku

	بۇ يازغۇچىغا ئۇتۇقلار يار بولسۇن.

edirlik

	بۇ يازغۇچىغا ئۇتۇق تىلەيمەن !!!!!!

iptihar2014

	مۇبارەك بولسۇن . ھازىر كىتاب چىقارماق تەس بولۋاتقان ۋاقىتتا سزنىڭ كىتابىڭىزنىڭ نەشىرىدىن چىققانلىقىغا خوش بولدۇم.

ئەرتۇرا

	ئىتىقادلىق يازغۇچىلار خەلقىمىزنىڭ بايلىقى ! تىما ئىگىسى' ئىتىقادلىق قېرىندىشىم "قوشماق "نىڭ يازمىللىرىغا تەشنامىز!  .......

gultaj

	بەركەت تىلەيمەن

uyol

	مۇبارەك بولسۇن

kaqvr

	مۇبارەك بولسۇن ، قوللاش يۈزىسدىن كىتاپخانىغا بارسام سېتىۋالىمەن .

azmat998

	موبارەك بولسۇن

aqari123

	مۇبارەك  بولسۇن ئۇستازىم ،10يىلچە بولۇپتۇ مۇشۇ قەشقەر شەھەرلىك 3-ئوتتۇرا مەكتەپنى پۇتتۇرگىلى ،ئاجايىپ ئىستىبداتلىق ،مىھرىبان ئوقۇتقۇچىلىرىمىز بولىدىغان ،ئوتكەندە ئەسلىمە بولسۇن ئۇچۇن بۇ ئانا مەكتەپكە بارسام ئۇ ۋاقىتتىكى قەدىردان ئۇستازلار ئاساسەن يوق ،بەكلا ياشلىشىپ كىتىپتۇ ،ئەسلىدە بۇ پىشقەدەملىرىمىز يوتكىلىۋاپتىكەن ئەمەسمۇ