سائادەت ساتتار ئايتۇغنىڭ تەرجىمھالى

Rujak

	مىسرانىم تورىنىڭ باشقۇرغۇچىسى سائادەت ساتتار ئايتۇغنىڭ تەرجىمھالى                              سائادەت ساتتار ئايتۇغ  1975-يىلى 6-ئاينىڭ 8-كۈنى ئاقسۇ ۋىلايىتىنىڭ توقسۇ ناھىيەسىدە سەنئەت سۆيەر دېھقان ئا  ئىلىسىدە دۇنياغا كەلگەن. ئۇنىڭ دادىسى ساتتار مىجىت ئاكا ۋە ئانىسى دىلەيسەم روزى ئانا ئەدەبىيات-سەنئەتكە ھېرىسمەن كىشىلەردىن ئىدى. دادىسى ئۆزى يازغان شېئىرلارنى ئاھاڭغا سېلىپ، دۇتتار تەمبۈر مۇزىكىلىرىغا سىڭدۈرۈپ چالاتتى. ئۇلارنىڭ ئەدەبىيات –سەنئەتكە بولغان ھېرىسمەنلىكى سائادەتنىڭ كىچىكىدىنلا يۈرىكىگە ئەدەبىيات ئىشتىياقى سالغان. ئۇنىڭ  تۇنجى شېئىرى‹‹كىتاب›› 1987-يىلى  ‹‹شىنجاڭ ئۆسمۈرلىرى›› گېزىتىدە ئېلان قىلىنغاندىن باشلاپ ھازىرغا قەدەر 400پارچىدىن ئارتۇق شېئىرى،ئون نەچچە پارچە ھېكايە،5پارچە ماقالە،3پارچە پوۋېستى،،‹‹كروران››ژورنىلى،‹‹جوڭگومىللەتلىرى››ژورنىلى،‹‹شىنجاڭ ئاياللىرى››ژورنىلى،‹‹كۈسەن مەدەنىيىتى›› ژورنىلى،‹‹‹شىنجاڭ سەنئىتى›› ژورنىلى،‹‹ئاقسۇ ئەدەبىياتى››ژورنىلى،‹‹يەكەن ئەدەبىياتى››ژورنىلى‹‹تۇرپان گېزىتى››،‹‹تۇرپان ژورنىلى››،‹‹دولان ژورنىلى››،‹‹شىنجاڭ ياشلىرى ژورنىلى››،‹‹شىنجاڭ گېزىتى››،‹‹ئۈرۈمچى كەچلىك گېزىتى››،‹‹شىنجاڭ قانۇنچىلىق گېزىتى››،‹‹ئىشچىلار ۋاقىت گېزىتى››...قاتارلىق گېزىت-ژورناللاردا ئېلان قىلىنغان.قەشقەر ئۇيغۇر  نەشرىياتى تەرىپىدىن نەشىر قىلىنغان ‹‹تىۋىشىسز كېچە››ناملىق ھېكايىلەر توپلىمىغا 3پارچە ھېكايىسى تاللانغان.‹‹سېنىڭ يازغان ھېلىقى خېتىڭ››ناملىق شېئىرى خەنزۇچىغا تەرجىمە قىلىنىپ‹‹مۇزات دولقۇنلىرى››نىڭ خەنزۇچە2013-يىللىق 1- سانىدا ئېلان قىلىنغان. ‹‹ گۇناھ قورغىنى›› ناملىق شېئىرلار توپلىمىنى مەركىزى مىللەتلەر نەشرىياتىغا،‹‹قىسمەت›› ناملىق ھېكايە-پوۋىستلار توپلىمىنى شىنجاڭ ئۇنۋېرسىتىتى نەشرىياتىغا تاپشۇردى. ئۇ ئۇيغۇر تور ئەدەبىياتىدىمۇ بەلگىلىك نەتىجىلەرنى قولغا كەلتۈرگەن بولۇپ ‹‹شىنجاڭ يازغۇچىلار تورى›› دا ئېلان قىلىنىۋاتقان بىر تۈركۈم شېئىر-قوشاقلىرى كەڭ ئوقۇرمەنلەرنىڭ ياقتۇرۇپ ئوقۇشى ۋە ياخشى باھاسىغا ئېرىشكەن. ئۇيغۇر تور مۇنبەرلىرىدە ئۆتكۈزۈلگەن‹‹بىلقۇت لوڭقىسى ئەدەبىي ئىجادىيەت مۇكاپاتى››،‹‹ باس-باس تورى ئەدەبىي ئىجادىيەت مۇكاپاتى››،‹‹مىسرانىم-مەشرەپ ئەدەبىي ئىجادىيەت مۇكاپاتى››،‹‹يانغىن ئەدەبىي ئىجادىيەت مۇكاپاتى››....قاتارلىق ئىجادىيەت مۇسابىقىلىرىدە 1-ۋە 2-دەرىجىلىك مۇكاپاتلارغا ئېرىشكەن. ئۇ شىنجاڭ ‹‹ھۆرىيەت كىنو-تىلىۋېزىيە شىركىتى››گە خىزمەتكە چۈشكەندىن بېرى قەلبىدىكى ئەدەبىيات-سەنئەتكە بولغان ئىشتىياقىنىڭ تۈرتكىسىدە ئەدەبىي ئىجادىيەت ۋە سەھنە-ئېكران سەنئىتى  ئىجادىيىتىگە ئاز بولمىغان يۈرەك قېنىنى سەرپ قىلىپ كەلمەكتە. ئۇ ھازىر ‹‹ ھۆرىيەت كىنو-تېلېۋىزىيە شىركىتى›› ئەدەبىي ئىجادىيەت بۆلۈمىنىڭ ئىشخانا  مەسئۇلى بولۇپ، شىركەت ئىشلىگەن كۆپلىگەن ئېكران ئېلانلىرىنىڭ سىنارىيەسى،ئېلان سۆزى، ئېلان لايىھەلىرىنى يازغان. ئۇ يەنە ‹‹شىنجاڭ ھۆرىيەت كىنو-تېلېۋىزىيە چەكلىك شىركىتى››دە يېقىندا ئىشلىنىۋاتقان كۆپ قىسىملىق تېلېۋىزىيە تىياتىرى‹‹مىليون گۈل››فىلىمىنىڭ مەيدان خاتىرىلىگۈچىسى ۋە مەزكۈر تېلېۋىزىيە فىلىمىنىڭ  ئاساسلىق سىنارىستلىرىنىڭ بىرى . ئۇ شىنجاڭ ئۇيغۇر ئاپتونۇم رايونلۇق يازغۇچىلار جەمئىيىتىنىڭ ئەزاسى. مەنبەسى --ئەپەندىم تورى

uyol

	سائادەت ساتتار ئايتۇغ خانىمنىڭ ئىشلىرىغا ئۇتۇق تىلەيمەن

kaqvr

	مىسرانىم مۇنبىرىنىڭ مۇكاپاتلىق ئەسەرلەر سەھىپىسىگە يوللانغان سىرلىق تىۋىش دىگەن ھېكايىسى شۇنداق يارىغان ئىدى ماڭا .  ئۇنىڭدىن باشقا ئەسەرلىرىمۇ ياخشى .   ئائىلىسىگە بەخىت ، تىنىگە سالامەتلىك تىلەيمەن  .

akkani

	خانىمنىڭ ئىجادىيەتلىرىگە يەنىمۇ زور ئۇتۇقلار تىلەيمەن.

.tuz.

	سائادەت خانىمنىڭ ھەممە تەرەپكە تەڭ ماسلىشىپ ، مىسرانىم مۇنبىرگە تۆھپە قوشۋاتقانلىقىدىن ئىنتايىن خۇرسەن بولدۇم . سائادەت خانىمنىڭ ئىشلىرغا ئۇتۇق ئائىلىسىگە بەخت تىلەيمەن !

mahatjan

	سائادەت ساتتارنىڭ خىزمىتىگە ئۇتۇق،ئائىلىسىگە بەخىت ، تىنىگە سالامەتلىك تىلەيمەن.

yancin

	ياغلىقڭنى ئارتىۋال موما ياغلىقىڭنى ئارتىۋال موما،   پاخما باشتا نە قىلسۇن ئىمان.     سەن بىلەمسەن چاچ ئۇچۇق تۇرسا، قەبرىلەردە قىينىلار ئىنسان . ياغلىقىڭنى ئارتىۋال موما، ساڭا ھېچكىم بولماس تۇسالغۇ. بىز ھەممىمىز قايتىمىز ھەققە، بىلسەڭ دۇنيا بىزگە قۇنالغۇ. دەرسەن بەلكىم «ياغلىق ئارتمايمۇ، تالاي ياخشى ئىشلارنى قىلدىم. ئاللاھ بىلەر دىلىمدىكىنى ، غەيرىيلەردەك تۇرسىمۇ ئەپتىم. يىتىملارنى يۈلەۋاتىمەن، مەرىپەتتە نامىم بار مىنىڭ. بۇ سىياقىم تاقاشتى كىمگە، تەنتەك شائىر كارىڭ نە سېنىڭ». ئەگەر شۇنداق ئويلىغان بولساڭ، خاتالاشتىڭ چۇقۇم جان موما. نىيەت ئەمەل ئىككىسى بىردەك، قۇبۇل بولماس بىرى كەم بولسا. *رەسۇلىمىز ئېيتقان ئەمەسمۇ، غەيرىيلەرگە ئوخشىسا گەر كىم. جۈملىسىدىن ئەنە شۇلارنىڭ، ئۇنداق كىشى ئەمەس ئۈممىتىم. ئويلاپ باقە چايداندا سۈيۈڭ، قىزىق تۇرار ئېتىلسە ئاغزى. ئۇچۇق تۇرسا مۇزلايدۇ چۇقۇم، ئىنكار قىلماس بۇنى ھېچكىشى. ياغلىقىڭدۇر چايدان ئېغىزى، ئىتىلسە گەر مۇزلىماس سۈيۈڭ. يالىڭاچلىق  باشلىنار چاچتىن، دىمە زىنھار يالغان بۇ سۈزۈڭ. سېنىڭ تالاي ئىزگۇ ئىشلىرىڭ، ئوخشىمىسۇن ئۇچۇق چايدانغا. تۈزۈۋالغىن قىياپىتىڭنى، قالماي دىسەڭ پۇشايمانلارغا. شۇنچە بىلىم ئالسىمۇ كۆپلەر، ئۆزگىلەردەك ياسىنار توۋا. سەن ئىھسانغا ئىبادەتنى قوش، قۇشالمىساڭ ئۇ چۇقۇم رىيا. رىيا بىلەن قىلغان ئەمەلدىن، تۇزۇپ كەتكەن سامان ياخشىراق. جىڭ باسىدۇ پەقەت تەقۋالىق، *سەييىدىمىز ئېيتقان ئاشۇنداق. يۈرمە يەنە چاچنى كۆپتۈرۈپ، ئارتىۋالغىن قېلىنراق رومال. سەندە كۆپقۇ بىزلەرنىڭكىدىن، سەئۇدىيغا بېرىشقا ئامال. ئەۋرەتلەرنىڭ ئۇچۇقلىقىدىن، چايقىلاركەن زىمىن غەزەپتە. ھادىساتلار كەتمەكتە جىقلاپ، يەر تەۋرەشلەر بىشارەت ئەنە......... جېنىم موما رەنجىمە مەندىن، دىمەي دىسەم كۆيدى بۇ دىلىم. مەن ناتۇنۇش قېرىندىشىڭمەن، لېكىن ساڭا تۇتاشتۇر مېھرىم. ئاشتىم مانا مەنمۇ ئوتتۇزدىن، تۈزىۋالدىم قىياپىتىمنى. تەۋھىدىمنى يېڭىلاپ يەنە، تېپىۋالدىم نۇرلۇق يۇلۇمنى. جېنىم موما قېرىندىشىمسەن، سەنمۇ مەندەك ياشىغىن ئەمدى. سەندە بارى مەندە يوق لېكىن ، تولدۇراركەن ئورنىنى زىكرى. ياش-قېرى دەپ ئايرىماس ئۈلۈم، كەتسە ئىنسان كەلمەيدۇ قايتا. پايدا بەرمەس سۇنغان گۈزەللىك، ياغلىقىڭنى ئارتىۋال موما. ئاپتۇرى؛يانغىن *-پەيغەمبىرىمىزنىڭ مۇبارەك ئاتىلىشى. ئەسەردە تەسۋىرلەنگەن ئانىنى تورداشلارنىڭ كىملەرگىدۇر قىياسلاپ غۇلغۇلا قىلىشىنى خالىمايمەن.مەن بۇئەسەردە ئۈبىكىتنى موما دەپ ئالغان بولساممۇ،بىراق بىزنىڭ نۇرغۇن ئىگىلىك تىكلىگەن،خەيرى-ساخاۋەت ئىشلىرى قىلىۋاتقان، جەمىيەتنىڭ ھەرقايسى ئۇرۇنلىرىدا نەتىجە يارىتىۋاتقان تۆھپىكار ئاياللىرىمىز, سەنئەتكارلار،مەنىۋىيەت ئالىمىدە  ئىزدىنىۋاتقان ئەدىبەلىرىمىز ،مائارىپنىڭ ھەر قايسى قاتلىمىدا ئىشلىگەن ،ئىشلەۋاتقان ئاياللار مومام، ئانام،،ئاچام،دوستۇم،سىڭلىم دىمەتلىك بۇلىشى مۇمكىن.شېئرى پىكىرنىڭ ئاھاڭدارلىقى ئۈچۈن موما دەپ ئالدىم.ھەر قايسى ساھە،قاتلاملاردىكى ھەر بىر ئايال دوستلارغا ئازراق بولسىمۇ تەربىيىۋى ئەھمىيىتى بولسىدى كەمىنە يانغىننىڭ قەلەم تەۋرىتىش مۇددىئاسى ئىشقا ئاشقان ھىساپلىنىدۇ. 2013-يىل يانۋار

Gvlbargi0999

	سائادەت ئايتۇغنىڭ خىزمەتلىرىگە ئۇتۇقلار يار بولسۇن! تېنىڭز سالامەت بولسۇن!

gulsumay

	ۋۇي....ماۋۇ  ئىشنى  كۆرۈڭ!  سائادەت  ھەدەم  بىلەن  بىر  يۇرتلۇق  ئىكەنمىزغۇ... بەك  پەخىرلىنىۋاتىمەن  جۇمۇ....

edirlik

	سائادەت ساتتار ئايتۇغ خانىمنىڭ ئىشلىرىغا ئۇتۇق تىلەيمەن!!!!!!!