ئاياللارغا يۈز نەسىھەت (داۋامى)

Gvlbargi0999

	ئاياللارغا يۈز نەسىھەت     (داۋامى) تۈزگۈچى؛‹‹ئەزىز ئاتاۋۇللا سارتېكىن››                                  سەككىزىنجى نەسىھەت ئەي ھاياتنىڭ گۈلى بولغان ئايال،شۇنى بىلگىنكى،بىز ئارزۇ-ئارماننىڭ بىر كۈندىلا ئەمەس،بەلكى مەلۇم جەرياندا ئىشقا ئاشىدىغانلىقىغا كامىل ئىشەنگەن چېغىمىزدا،ئاندىن سەۋىرچانلىقنىڭ چىن مەنىسىنى چۈشۈنۈشكە باشلايمىز. سەۋىرچانلىقنىڭ جەۋھېرى-ئۇنى ئىنسانىيەت زورلاپ تاڭغان ۋاقىت جەدۋىلىگە بېقىندۇرۇشقا ئۇرۇنۇش ئەمەس،بەلكى ھاياتلىقنىڭ تەبىئىي رېتىمىنى قوبۇل قىلىش،خۇداغا شۈكۈر،سەۋىرچانلىق مانا مۇشۇنداق نەرسە،بىز بۇنىڭدىن خوشال بولۇشىمىز كېرەك. بىزنىڭ ئىچىمىزدىكى نۇرغۇن ئادەم خىزمەت ئورنىدا قالتىس ھەمكارلىشىش روھىغا ئىگە،ئەمما ئۇ ئۆينىڭ بوسۇغىسىدىن ئاتلاپ كىرىشى بىلەنلا باشقىچە بىر ئادەم بولۇپ قالىدۇ. قارىغاندا بىز تېخى شۇنى تونۇپ يەتمىگەن بولساق كېرەك،بىزنىڭ جۆرىمىز،بالىلىرىمىز بىزنىڭ تۇتقان ئەمىلىمىزگە زادىلا قىززىقمايدۇ.                                                  توققۇزۇنجى نەسىھەت ئەي ھاياتنىڭ گۈلى بولغان ئايال، شۇنى بىلگىنكى،ئەگەر سەن سېنىڭ سۆھبەتدېشىڭنىڭ سەن ياقتۇرمايدىغان بىرەر ئىشىنى بايقىساڭ ياكى ئۇنىڭدىن بىرەر ناشايان سۆز چىقىپ كەتكەن بولسا،ئۇنىڭ بىلەن مۇناسىۋەتنى ئۈزۈپ،دوسلۇقنى بۇزىۋەتمىگىن. ئۇنىڭ خاتا كەتكەن سۆزىنى تۈزەتكىن،ناشايان ئىشلىرىنى ياپ،دوسلۇقنى ساقلاپ قال،ئۇنىڭ قىلغان ئىشلىرىنى قىلما،تەسىرگە ئۇچرىغۇچى ئەمەس تەسىرگە ئۇچراتقۇچى بول. كۆپ ئۇخلىغان ئادەم ئۆمرىگە بەركەت تاپالمايدۇ. كۆپ يىگەن ئادەم ئىبادەتنىڭ لەززىتىنى تاپالمايدۇ.قوغلىغانلارنىڭ ھەممىسى تۇرىۋەرمەيدۇ.قاچقانلارنىڭ ھەممىسى قۇتۇلۇپ قېلىۋەرمەيدۇ. دوس ساقلاش پۇل ساقلاشتىن ياخشىدۇر.پۇلنىڭ بىرىنى بىرىنىڭ ئورنىغا ئىشلەتكىلى بولىدۇ،دوسنىڭ بىرىنى بىرىنىڭ ئورنىغا دەسسەتكىلى بولمايدۇ.                                                 ئونىنجى نەسىھەت ئەي ھاياتنىڭ گۈلى بولغان ئايال،شۇنى بىلگىنكى،سەن گەپنى قانچە ئاز قىلساڭ،شۇنچە قالتىس ھەم سالاپەتلىك كۆرۈنىسەن.، چۈنكى،سىنىڭ سۈكۈتۈڭ باشقىلارنى قورۇندۇرۇپ قويىدۇ،ئادەم ئەسلىدىنلا باشقىلارنى چۈشۈنۈشكە قىزىقىدىغان مەخلۇق،ئۇلار سىنىڭ نىمە ئويلاۋاتقىنىڭنى بىلىشكە ئىنتىلىدۇ،ناۋادا سەن مۇھىم ئۇچۇرلارنى ئېھتىياتچانلىق بىلەن تىزگىنلىيەلىسەڭ،ئۇلار سىنىڭ مەقسىدىڭنى بىلىشكە ئامالسىز قالىدۇ .ھەقىقى دانا كىشىلەر باشقىلارنى ئۆزىگە رەھمەت ئېيتقۇزۇشقا ئەمەس،بەلكى ئۆزىگە ھاجەتمەن قېلىۋېلىشقا ئەھمىيەت بېرىدۇ. چۈنكى،باشقىلار ساڭا ھاجەتمەن بولسا،سىنى ھەرگىز ئۇنتىمايدۇ،رەھمەت-ھەشقاللا بولسا ھە دىگەندىلا ئۇنتۇلۇپ كېتىدۇ.

mahatjan

	بىلىۋىلىشقا تىگىشلىك ياخشى نەسىھەتلەر ئىكەن.

gulsumay

	ھەممىسى  مۇشۇنىڭ  بىلەن  ئاخىرلاشقان  ئوخشىمامدۇ؟ رەھمەت  جۇمۇ!  بىزنى  شۇنداق  ياخشى  بىر  پايدىلىنىش  بىلىمىگە  ئىگە  قىلدىڭىز...

Gvlbargi0999

	gulsumay يوللىغان ۋاقتى  2013-12-27 11:57 PM ھەممىسى  مۇشۇنىڭ  بىلەن  ئاخىرلاشقان  ئوخشىمامدۇ؟ رەھم ... ياقەي، يەنە بار.

gulsumay

	ئەمىسە  يەنە  داۋاملىق  يوللاپ  تۇرۇڭ  ھە.....  توختاپ  قالماڭ!

پەرى

	بىز خانىم - قىزلار ئۇچۇن ئېسىل تېما يوللاپسىز گۈلۈم . بۇ نەسىھەتلەرنى  ئېسىمدە ساقلاپ  كېيىنكى ھايات يولۇمدا ئۆرنەك قىلىمەن ئىنشائاللاھ.

1263318936

	بىلىۋىلىشقا تىگىشلىك ياخشى نەسىھەتلەر ئىكەن.