<ھەربىي ئەۋلىيا> ژۇكوۋنىڭ مەنسەپتىن تۇيۇقسىز قالدۇرۇلىشىنىڭ سىرى

abux

	<ھەربىي ئەۋلىيا> ژۇكوۋنىڭ مەنسەپتىن تۇيۇقسىز قالدۇرۇلىشىنىڭ سىرى مارشال گېئورگىي كونستانتىنوۋىچ ژۇكوۋ سوۋىت ئىتىپاقىنىڭ ئاتاقلىق ھەربىي ئالىمى بولۇپ ، ئىككىنچى دۇنيا ئۇرۇشىدا ئۆچمەس تۆھپىلەرنى ياراتقان . بەزىلەر ئۇنى <ھەربىي ئەۋلىيا> دەپ ئاتايدۇ . ئەمما نۇرغۇن كىشى سوۋىت ئىتىپاقى رەھبەرلىرىنىڭ ئۇنى تۇيۇقسىز بارلىق ۋەزىپىلىرىدىن ئىلىپ تاشلانغانلىقىنىڭ سىرىنى بىلمەيدۇ . 1953 - يىلى مارتتا سىتالىن ۋاپات بولغاندىن كېيىن ، مالېنكو ، مولوتوۋ ، خرۇششېۋ قاتارلىقلارنىڭ ھەممىسى ھاكىمىيەت بىشىغا چىقىشنى ئويلىدى ، ئەمما سىتالىن ھايات چىغىدا شەخسىي نوپۇز تۈزۈمىنى ئورناتقانلىقتىن ، ھەر قانداق ئادەمنىڭ ئۇنىڭ رۇخسىتىسىز ھوقۇق تارتىۋىلىشىغا يول قويۇلمايتى . شۇنىڭ بىلەن خرۇششېۋ ئالدى بىلەن بېرىيانى يوقىتىشنى قارار قىلدى . بۇ چاغدا ئۇ ژۇكوۋنى ئىسىگە ئالدى . ژۇكوۋ بىلەن بېرىيا سىتالىن ھايات چىغىدىلا زىدىيەتلىشىپ قالغانىدى . شۇنىڭ بىلەن خرۇششېۋ ژۇكوۋغا : <مەركىزىي كومىتېت ھەيئەت رىياسىتى بېرىيا مەسىلىسىنى مۇزاكىرە قىلماقچى ، ئۇنى قولغا ئىلىشىمۇ مۇمكىن ، سىز ۋاقتىدا ھەرىكەتلىنىشكە تەييارلىنىڭ> دەپ تېلېفون بەردى . 1953 - يىلى ئىيوننىڭ ئاخىرقى كۈنى بارلىق ئىشلار خرۇششېۋنىڭ لايىھەسى بويىچە ئوڭۇشلۇق بولدى ، ئۇ ژۇكوۋنىڭ ياردىمىدە بېرىيانى قولغا ئالدى . شۇنىڭ بىلەن ژۇكوۋ ئوڭۇشلۇق ھالدا يىڭى بىر كۈچ سۈپىتىدە ئوتتۇرىغا چىقتى . بېرىيا كۆزدىن يوقىتىلغاندىن كېيىن ، خرۇششېۋ ، مولوتۇۋ ، مالېنكو قاتارلىقلارنىڭ خەلقئارا ۋە دۆلەت ئىچىدىكى چوڭ سىياسەت - فاڭجىنلارنى بەلگىلەش قاتارلىق جەھەتلەردىكى زىدىيىتى بارغانسىرى ئۆتكۈرلەشتى ، خرۇششېۋ چەتكە قىقىلدى . ئۇلار خرۇششېۋنى پارتىيە مەركىزىي كومىتېتىنىڭ بىرىنچى شۇجىسىلىق ۋەزىپىسىدىن ئېلىپ تاشلىماقچى بولۇشتى . 1957 - يىلى ئىيوننىڭ باشلىرىدا مالېنكو ، مولوتوۋ قاتارلىقلار خرۇششېۋنىڭ فىنلاندىيىگە زىيارەتكە چىقىپ كەتكەنلىكىدىن پايدىلىنىپ ، <تەختتىن چۈشۈرۈش پىلانى> نى تۈزدى . خرۇششېۋ زىيارەتتىن قايتىپ كىلىپلار ، لېنىنگراد شەھرى قۇرۇلغانلىقىنىڭ 250 يىللىقىنى خاتىرىلەش يىغىنىغا قاتناشتى . يېغىندا مالېنكو باشلامچىلىق بىلەن خرۇششېۋنىڭ ئىچكى - تاشقى سىياسەتلىرىنى تەنقىد قىلدى . كۆرەش ئەۋجىگە چىققاندا ، ژۇكوۋ يىغىن زالىغا كىردى . ئۇ : < يولداشلار ، يىغىن ئىچىلىشتىن بىر سائەت ئىلگىرى مالېنكو مەن بىلەن سۆزلىشىپ ، مېنى يىنىغا تارتتى . بىراق مەن خرۇششېۋ تەرەپتە تۇرىمەن!> دېدى . شۇنىڭ بىلەن خرۇششېۋنىڭ ۋەزىپىسىدىن ئىلىپ تاشلاش پىلانى ئوڭۇشسىزلىققا ئۇچرىدى . ژۇكوۋ بولسا خرۇششېۋنىڭ خىزمەت كۆرسەتكەنلەر تىزىملىكىدە بىرىنچى ئورۇنغا تىزىلدى . ئۇ ھەيئەت رىياسىتىنىڭ كاندىدات ئەزالىقىدىن رەسمىي ئەزالىقىغا ئۆستۈرۈلدى ، ئەمما ھوقۇقنىڭ ئۆسۈشى ئۇنىڭ ھالاكىتىدىن دېرەك بىرەتتى . 1957 - يىلى 4 - ئۆكتەبىر ژۇكوۋ يۈگۈسلاۋىيە ۋە ئالبانىيىگە زىيارەتكە مېڭىشى بىلەنلا خرۇششېۋ قىرىمدىكى دەم ئىلىشىنى ئەمەلدىن قالدۇرۇپ ، موسكۋاغا قايتىپ كەلدى ۋە ژوكۇۋنى ۋەزىپىسىدىن قالدۇرۇشقا تەييارلىق قىلدى . ئۇ ھەربىي قىسىمنى مۇقىملاشتۇرغاندىن كېيىن ، 19 - ئۆكتەبىر ھەيئەت رىياسىتى يىغىنىغا رىياسەتچىلىك قىلىپ ، <سوۋېت ئىتتىپاقى قۇرۇقلۇق ، دېڭىز ئارمىيىلىرىدە پارتىيىنىڭ سىياسىي خىزمىتىنى كۈچەيتىش توغرىسىدىكى پىكىر> نى ماقۇللىدى ، <قارار> ژۇكوۋ بىلەن تەبىئى ھالدا توقۇنۇشۇپ قالاتتى ، بۇ نوقتا خرۇششېۋغا ئايان ئىدى . 26 - ئۆكتەبىر ژۇكوۋ موسكۋاغا قايتىپ كېلىپ ، سوۋېت كومپارتىيىسى مەركىزىي كومىتېتى يىغىنىغا قاتناشتى . ئۇ يىغىندا قاتتىق تەنقىدكە ئۇچرىدى . خرۇششېۋ يىغىندا : < ژۇكوۋ مەسىلىسىگە مۇئامىلە قىلىشتا چوقۇم تەدبىر قوللىنىش كېرەك ، پارتىيىنىڭ مەخپىيەتلىكىنى ساقلىمىغان ھەر قانداق ئادەمنى ئۇنىڭ قانچىلىك چوڭ تۆھپىسى بولسىمۇ كەچۈرۈشكە بولمايدۇ> دېدى ، ئاخىردا ژۇكوۋنىڭ بارلىق ۋەزىپىسىدىن ئېلىپ تاشلاندى . سوۋېت كومپارتىيىسى ئومومى يىغىنى ماقۇللىغان قاراردا ژۇكوۋنىڭ بىر قانچە جىنايىتى كۆرسىتىلگەن ، يەنى : بىرىنچى ، سوۋېت كومپارتىيىسىنىڭ ئارمىيە قۇرۇلۇشىغا مۇناسىۋەتلىك پرىنسىپلارغا بۇزغۇنچىلىق قىلغان ؛ ئىككىنچى ، ئارمىيە ئىچىدە شەخىسكە چوقۇنۇشنى يولغا قويغان ؛ ئۈچىنچى ، پارتىيىۋىلىكى ساپ ئەمەس ، پارتىيىنىڭ ئۇنىڭ تۆھپىسىگە بەرگەن باھاسىنى توغرا چۈشەنمىگەن ؛ تۆتىنچى ، سوۋېت ئىتىپاقىنىڭ دېپلوماتىيە سىياسىتى ۋە دۆلەت مۇداپىئە خىزمىتىگە رەھبەرلىك قىلىشنى چۈشۈنىشتە تەۋەككۇلچىلىك خاھىشى ئېغىر . ئۇنىڭدىن باشقا ، ژۇكوۋ : <مېنىڭ بۇيرۇقۇمسىز ئارمىيىدىكى بىرمۇ ئەسكەرنى مىدىرلىتىشقا بولمايدۇ> دېگەن . بۇ ئۇنىڭ ئۆز ھوقۇقىنى پارتىيە رەھبەرلىكىدىن ئۈستۈن قويغانلىقى بولۇپ ھېسابلىنىدۇ ، دىيىلگەن . شۇنىڭدىن كېيىن ژۇكوۋ ئۆيىدە بىكار ئولتۇرغان . 1964 - يىلى برېژنىۋ خرۇششېۋنى ئاغدۇرۇپ تاشلىغاندىن كېيىنمۇ ، ئۇنى ئىشلەتمىگەن . ئۇ ئۆمرىنىڭ ئاخىرقى يىللىرىنى ئىنتايىن غېرىپلىق ئىچىدە ئۆتكۈزگەن . 1995 - يىلى مايغا كەلگەندە روسىيە فاشىزىمغا قارشى ئۇرۇش غەلبىسىنىڭ 50 يىللىقىنى تەبرىكلىگەندە ، ژۇكوۋنىڭ نامىنى ئەسلىگە كەلتۈرگەن ، ئۇنىڭ مىس ھەيكىلى موسكۋا قىزىل مەيدانغا ئورنىتىلغان . <كونا خەۋەرلەر گېزىتى> دىن ئىلمىرە ھۈسەنجان تەرجىمە قىلغان . شىنجاڭ قانۇنچىلىق گېزىتىنىڭ 2009 - يىللىق 15 -ماي سانىدىن ئىلىندى . يوللىغۇچىدىن : ژۇكوۋ 1896 - يىلى 12 - ئاينىڭ 2 - كۈنى تۇغۇلۇپ 1974 - يىلى 6 - ئاينىڭ 18 - كۈنى 78 يىشىدا ۋاپات بولغان

326ayixa

	ئۆلگەندىن كېيىن نامى ئەسىگە كەپتۇدە .

unix212

	ئۇ ئېغىزىدىن كەتكەن،يەنى خىروششىۋنىڭ ئالدىدا «مىنىڭ روخسىتىمسىز سوۋىت تەۋەسىدە بىرمۇ تانكا مىدىرمايدۇ»دەپ سېلىپ (ھەربى ئىچىدە ئۇنىڭ ھەقىقەتەن ئىاۋىتى زور ئىدى)ئۈزىنىڭ نىيتىنى ئاشكارلاپ قويغان.قايسى ماتىريال ئىكەنلىكى ئىسىمدە قالماپتۇ.بۇنداق ئادەمنى ھېچقانداق باشلىق ئىشلەتمەيدۇ،چۇقۇم كۆزدىن يۇقۇتىدىغان گەپ.ئۇرۇش قىلىشنى بىلگەن ئادەمنىڭ سىياسىنى چۈشۈنىشى ناتايىن.

boldibas

	ئۇرۇش قىلىشنى بىلگەن ئادەمنىڭ سىياسىنى چۈشۈنىشى ناتايىن    توغرا ، بىراق ھەممىسىنى دەپ كەتكىلى بولمايدۇ !

babur99

	ئەينى چاغدا گىرمانلارنى يېڭىپ ، بېرلىننى ئىشغال قىلغان ،سىتالىننى ئورنىدا مەھكەم ئولتۇرغۇزغان ئادەم دەل ژوكوۋ ئىدى. دەل تورداشلار دىگەندەك ھەربىي تالانتى بولغان بىلەن سىياسىي كاللا بولمىسا ھامان سىياسىينىڭ قۇربانى بولىدىغان گەپ.

allo2010

	شۇشۇ

allo2010

	ژوكوۋ  ھەربىي

abux

	ئەسسالامۇئەلەيكۇم تورداشلار  !  مەن بىر ئوتتۇرا مەكتەپ  تارىخ ئوقۇتقۇچىسى ، ‹‹ ئوتتۇرا شەرق مەسىلىسى› ‹سوغۇق مۇناسىۋەتلەر ئۇرۇشى› لارغا مۇناسىۋەتلىك فىلىم بىلەن تەمنىلەپ بىرىشىڭلارنى ئۈمۈد قىلىمەن ! ياردەم قولۇڭلارنى ئايىمايغايسىلەر!  رەخمە

barhan1700

	شۇڭا ئادەم بەزى چاغلاردا دۆت بولۋالمىسا ئازگالغا چۇشۇپ كىتىدۇ.