يىڭى يىل --يىڭى ئارمان(نەسىر)

ahmat888

	ئەي، قەلبىمدىكى 2014-يىلى، سىنى ساقلاۋاتقىلى بۈگۈن دەل 30يىل 30كۈن بولدى، سىنى سېغىندىم، سىنى ئەسىلىدىم، سىنى چاقىردىم، سېنى ھېچنىمىگە تەڭ قىلمىدىم. سىنى ئىچىمدە يادىلىدىم. سىنى چۈشلىرىمدە كۆردۈم، سىنىڭ ئۈچۈن نۇرغۇن قۇربانلارنى بەردىم،   ياش ئاققۇزدۇم، قان ئاققۇزدۇم، يۈرۈكۈم تىلىندى، سىنى دەپ نۇرۇغۇن نەرسىلەرنى يوقاتتىم.    لېكىن بىلەمسەن، ئەي يىڭى يىلىم!   سەن ئۈچۈن قىلغانلىرىمغا قىلچە پۇشايمەن قىلمايمەن،   بەلكى ۋاقتى توشۇپ كۆزى يورىغان ئانا بالىسىنى كۆرگەندەك خوشالمەن!    شۇ تاپتا كۆز ئالدىمدىن سەن ئۈچۈن ياشىغانلىرىم، كىنو لىنتىسىدەك، خۇددى يىپچىنىڭ يىپىدەك ئۆتمەكتە!    مەن سەن ئۈچۈن ھەممىدىن كەچتىم، نۇرغۇن نەرسىلەرنى يوقاتتىم،   شۇڭا ساڭا ئىرىشىش ئالدىدا تۇرۇپتىمەن. چۈنكى مەن ساڭا كۈيىمەن، سەن ماڭا كېرەك!    مانا ئەمدى، قەدەم تىۋىشلىرىڭ ئاڭلىنىۋاتىدۇ، شۇنچە يېقىملىق، شۇنچە تاتلىق، شۇنچە مىھىرلىك!    ئەي قەلبىمدىكى 2014-يىلى، سەندە ھەممە ئارمانىم، سەندە ھەممە دەرمانىم.    سەن ئۈچۈن ئاقتى نۇرغۇن قانلار، ئاقتى نۇرغۇن ياشلار، سەن ئۈچۈن توغۇلدى جانلار، سەن ئۈچۈن ياسالدى يوللار!    قەلبىمدىكى يېڭى يىل، بىلەمسەن، سەن مەن ئۈچۈن ئارمان، سەن مەن ئۈچۈن دەرمان.   يېڭى يىل مەن ساڭا ئىرىشكەندە قانچىلىك خوشال بولارمەن ھە!   نۇرغۇن ئادەملەر، بىر يىل ئۆتسە ئادەم بىر يىل قىرىيدۇ، دىيىشىدۇ،    ياق، ياق، سەن مەن ئۈچۈن ئارمان يىلى، ياشىرىدىغان يىل، كۈچكە تولىدىغان يىل، تېخىمۇ ئەركىن نەپەس ئالىدىغان يىل،   نۇرغۇن ئوغلانلار ئاپىرىدە بولىدىغان يىل، تېخىمۇ نۇرغۇن شانلىق ئىزلار قالىدىغان يىل!   ئاھ، قەلبىمدىكى 2014-يىلى، قەدەم ئاۋازىڭنى ئاڭلاپ،    شۇ تاپتا يۈرەكلىرىم ئويناپ، قانىلىرىم كۈۋەجەپ كىتىۋاتىدۇ.    شۇ تاپتا، سىنى ساقلاپ قاغىجىرىغان يۈرۈكۈم قەپىسىگە پاتماي قېلىۋاتىدۇ.   ئاھ، بۇنداق خوشال كۈنلەرمۇ كىلىدىكەن ھە!   ئاۋازىمنى قويۇپ بېرىپ تەكلىماكاننىڭ قۇملىرىنى سورۇپ تۇرۇپ شۇنداق توۋلىغۇم كىلىۋاتىدۇ! سەن بىز ئۈچۈن سىلكىنىش يىلى، ئىنتىلىش يىلى، كۈرەش يىلى، گۈللىنىش يىلى، بەخت يىلىسەن!   ئاھ مىنىڭ يېڭى يىلىم، سەن مىنىڭ غەلبىگە قاراپ ئۇچقان تۇلپارىم، سەن مىنىڭ يېڭى ئارمىنىم! مەنبە:ئىجادىيىتىم

sehi

	مەرھابا يېڭى يىل

natonux-kiz

	سەن بىز ئۈچۈن سىلكىنىش يىلى، ئىنتىلىش يىلى، كۈرەش يىلى، گۈللىنىش يىلى، بەخت يىلىسەن!   ئاپىرىن ~!

0998cn

	مەرھابا يېڭى يىل،2014-يىلى مەن ئۈچۈن يېڭى بىر باشلىنىش بوپ قالغۇسى ئامىن!

tokqi123

	ئويلىغىنىڭزدەك بولغاي!

1263318936

	يىڭى يىل يىڭى ئارمانلارنى قىلىپ بىلىپ بىلمەي ئۆمۇر كالىندارىمىزدىن بىر بەت يىرتىۋىتىمىز

rana2

	رەھمەت قېرىندىشىم ،قەلىمىڭز تېخىمۇ بەركەتلىك بولسۇن ،يېڭى يىلدا مۇنبەردىكى بارلىق دوستلارنىڭ تىنىنىڭ سالامەت،قەدەملىرىنىڭ ئۇتۇقلۇق بۇلىشىنى تىلەيمەن.

mahatjan

	يېڭى يىلدا يېقىملىق، يازمىلارنى يوللاپسىز. يازما يېزىش يولىدا، يولداشلارنى يانداپسىز. ي نى يۆتكەپ يۈز يەردە، يۇمۇر يازاي يىڭنىدەك. يامانلارنى يىغلاتسۇن، ياخشلارغا يار-يۆلەك.

ahmat888

	ھەممىڭلارنىڭ يىڭى يىلىنى قىزغىن تەبرىكلەيمەن!

salkin

	بۇ تىمىنى باشقا مۇنبەردە ئوقۇپ بوغان ئىدىم   بۇ يەرگە ئەمدى كەپتۇ.   يېڭى يىلدىكى ئىشلارنى شۇنىڭغا يازغانتىم.