مەدەنىيەت بوستانى -سۇلتان سۇتۇق بۇغراخان

istikbal

	ھەزرىتى سۇلتان سۇتۇق بۇغراخان قاراخانىيلار خاندانلىقىنىڭ ئۈچىنچى ئەۋلاد خاقانى بولۇپ ئۇ شىنجاڭغا تۇنجى قېتىم ئىسلام دىنى تارقاتقان بولغاچقا ،ئىسلام دىنى ئېتىقادچىلىرىنىڭ پېشىۋاسى بولۇپ ھېسابلىنىدۇ . ئۇنىڭ قاچان تۇغۇلۇپ قاچان ۋاپات بولغانلىقى توغرىسىدا ئېنىق مەلۇماتلار بولمىسىمۇ،لىكىن بەزى تارىخىي ماتىرىياللار ئۇنىڭ 901- يلىدىن 956- يىلىغىچە ياشىغانلىقىنى مۇئەييەنلەشتۈرىدۇ . ئۇنىڭ ئۇستازى ئەبۇ نەسىر سامانى ئالەمدىن ئۆتكەندىن كىيىن، يەرلىكنى دۆلەتنى قوغداش يولىدا ئالەمدىن ئۆتكەن كىشىلەر قويۇلغان جايغا قويۇشنى تەۋسىيە قىلغان ، ئۇ يەر « شىھىت ماكانى» يەنى «مەشھەد» دەپ ئاتالغان . ئۇ يەردە ھازىرمۇ «ھەز سۇلتان»، «ھەز سۇلتۇنۇم »دىگەن ناملار بىلەن ئاتىلىپ كېلىۋاتقان سۇلتان سۇتۇق بۇغراخاننىڭ مازىرى بار . «ھەز سۇلتان» دىگەن سۆز «ھەزرەت سۇلتان»دېگەن سۆزنىڭ جانلىق تىلدا ئېيتىلىشى بولۇپ ، « ھەزرەت سۇلتان سۇتۇق بۇغراخان» دىگەن سۆزنىڭ قىسقارتىلمىسى . «سۇلتان» دىگەن سۆز ئەرەبچە «سەلتەنەت ئىگىسى» دىگەن مەنىدە بولۇپ ، سۇتۇق بۇغراخان نامىغا ئۇنىڭ ئۆمرىنىڭ كىيىنكى ۋاقتلىرىدا قۇشۇلغان بولۇشى مۇمكىن . تارىخى ماتىرىياللاردا بولسا «سۇلتان سۇتۇق بۇغراخان ئابدۇكېرىم» دەپ ئاتىلىپ كەلگەن. «ئابدۇكېرىم»ئۇنىڭ مۇسۇلمان بولغاندىن كېيىن قويۇلغان ئىسمى . 1990- يىلى دۆلەت ۋە شۇ يەردىكى يەرلىك خەلقلەر كۆپلەپ مەبلەغ ئاجرىتىپ ئالدى دەرۋازا ۋە ئىككى ياندىكى ئىگىز قەد كۆتۈرۈپ تۇرغان يېڭى مۇنارنى ياسىدى ، بۇ يەر «سۇلتان سۇتۇق بۇغراخان مازىرى» دەپ ئاتىلىپ «جۇڭگو مەشھۇر ئاسارە – ئەتىقىلەر لۇغىتى» دىگەن كىتاپقا مەشھۇر ئاسار – ئەتىقىلەر سۈپىتىدە كىرگۈزۈلدى شىنجاڭ تىلۋىزىيە ئىستانسىسىنىڭ مەدەنىيەت بوستانى پىروگىراممىسى-سۇلتان سۇتۇق بۇغراخان ئەسلى مەنبە:ئۇيغۇر خەۋەر تورى http://www.uynews.com/mazmun_2165.html

aman768

	پاگاغا  چىقىپ بىر كۆرەي

tikanpasli

	بۇغراخان ھەزرەتلىرىنىڭ بۇ يېڭى پورتېرىتى ماڭا ئانچە ياقمىدى . بۇنى خىرىستىيان ياكى يەھۇدىي پادىشاھلىرىغا ئوخشاپ قالغاندەك ھېس قىلدىم .

ATAMAN25

	تىما ئىگىسىگە رەھمەت، مۇشۇنداق مەشھۇرلارنى تونۇشتۇرىدىغان تېمىلارنىڭ ئۈزۈلۈپ قالماسلىقىنى ئۈمۈد قىلىمەن. يېڭى رەسىمى ماڭىمۇ باشقىچە تۇيۇلدى، قىسقىسى بۇ رەسىمدىن تۈركلەرنىڭ، جۈملىدىن ئۇيغۇرلارنىڭ خاسلىقىنى تاپقىلى بولمايدىكەن.

Azizan

	شىنجاڭغا تۇنجى بولۇپ ئىسلام دىنى تارتقان دېگەن گەپنى سەل چايناپراق قىلايلى جۇمۇ ... ئاغزىغا كەلگەننى جۆيلۈگەننىڭ پەقەت پايدىسى يوق ...

Azizan

	بىرىنچى مەسىلە - ئۇيغۇر قەبىلىلىرىنىڭ ئاۋانگارتى بولغان ياغما ۋە ياغلاقارلاردا يايلاق مىللىتىگە تەۋە تىپىك موڭغۇللوئىد گېن ئالاھىدىلىكى ساقلانغان بولۇپ ، شۇلارنىڭ ئەڭ ساپ قېنىدىن بولغان شاھزادە ساتۇقنىڭ بۇنداق ئاق-پىشماق ، ئورۇق ، ئىلمەك بۇرۇن ، چېچى بۈدرە بولۇشى ئېھتىماللىقتىن تولىمۇ يىراق . بۇ ساكلارنىڭ گېن ئالاھىدىلىكىگە ئوخشاپ قاپتۇ . ئىككىنچى مەسىلە - بۇ رەسىمنىڭ كەينىدە ئىسلامىي ئالاھىدىلىكتىكى بىرقانچە ئىمارەت قەد كۆتۈرۈپ تۇرىدۇ ، ئەپسۇس ، بۇ خىل قۇرۇلۇشلارنىڭ قەشقەر دىيارىدا پەيدا بولغان ۋاقتى سۇلتان ساتۇقتىن خېلىلا كېيىن ، ئۇيغۇرلارنىڭ ئىسلامىيەتتىن بۇرۇنقى قۇرۇلۇش ، مىمارچىلىق ئالاھىدىلىكى مىڭ ئۆيلەردىكى سۈرەتلەردە خاتىرىلەنگەن ، شۇنى كۆرۈپ تەتقىق قىلىپ بولۇپ ئاندىن سىزغۇلۇق رەسىم دېگەننى ...

kapitan2

	رەسىم سىزالايدىغان رەسساملار ئۆزىنىڭ بىلىمىنىڭ يىتىشىچە بەھوزۇر ئولتۇرۇپ، ھەرخىل رەسىملەرنى سىزىپ چىقىپ خەلىققە سۇنۇش ۋە مەتبۇئاتلاردا ئىلان قىلىش ھوقۇقىغاھەم ئىختىيارلىقىغا ئىگە . ئەگەر ئۇلار سىزىشنى ئۇنۇتقان ياكى خاتا سىزىپ سالغان دىگۈچىلەر ،ۋە ياكى بىزنىڭ كۆڭلىمىزدىكىدەك سىزماپتۇ دىگۈچىلەر ئۇلاردىن ئاغرىنىپ ئولتۇرماي، قولىمىزغا قەلەمنى ئېلىپ ئۆزىمىزنىڭ كۆڭلىمىزدىكىنى سىزىۋەرسەك بولىۋېرىدۇ!!!.