ئەلناز: سۆيگۈ مۇكاپاتى-نەسىر

ئاي530

	سۆيگۈ مۇكاپاتى                         نەسىر مۇڭ باسقان زىمىن ،چاراسلاپ چېقىلىۋاتقان چاقماق، مىنى ئەنسىزلىككە سالدى.    يۈرۈكۈمدىكى يالقۇنجاۋاتقان سۆيگۈ گۈلخانلىرى ئىختىيارسىز ئىسمىڭنى چاقىرۋاتاتتى .قەدەملىرىم ھىچبىر ماڭا بويسۇنمايتتى .كىتىۋاتىىمەن. كىتىۋاتىمەن .شۇنداق بىر تۇنۇش سىمانى ئىزدەۋاتىمەن .خىيال قۇشلىرىمنىڭ يېقىملىق سايراشلىرى سېنىڭ مۇڭكۈيلىرىڭنى ئەسلىتىپ  ماڭا يول باشلاۋاتىدۇ. جېنىم  سەن يامغۇرنى  ياخشى كۈرەتتىڭ.ھەر قىتىملىق يامغۇرلۇق كىچىدە  ماڭا ھەمراھ بۇلۇپ تۈن سەيلىسى قىلاتتۇق. قارا،مانا بۈگۈن يامغۇر يىغىپتۇ. يامغۇرنىڭ ھەر بىر شارقىراشلىرىدىن ھىدىڭنى تويماي پۇراۋاتىمەن... كۈچۈمنىڭ بارىچە ئىسمىڭنى  توۋلاپ سېنى   چاقىرۋاتىمەن........   بۇ جىمجىت كىچىدە مىنى  ھىجران سىناقلىرىدا تۇنجى بۇلۇپ قىيناۋاتىسەن. مانا بۇ سېنىڭ ماڭا قالدۇرغان  يادنامەڭ، سۆيگۈ مۇكاپاتىڭ. دىل خانەمگە پىيغان ،سېغىنىش پۈتۈكلىرىنى  ئۇيىۋېتىپ كەتكۈچە مېنىمۇ بىللە ئېلىپ كەتسەڭچۇ جېنىم. قەدەملىرىم توختاپ قالدى، ئارقامغا ياندىم. سۈرىتىڭگە قاراپ ئەسلىمىلىرىم ئارىسىدىن يىقىملىق كۈلكەڭنى تاپتىم،قارا ، بىر جۈپ زىناقلىرىڭغا.  كۈلگەن  قىياپىتڭنى  ھەر بىر كۆرگىنىمدە ساڭا  زەررىچە بىرەلىگەن خوشاللىقىمدىن  مەمنۇن بۇلىمەن. يامغۇرلۇق كىچىلەردە مەن ئۈچۈن ئىيتقان ناخشىلىرىڭ ھىلىمۇھەم قۇلاق تۈۋىمدە جاراڭلاۋاتىدۇ..... خۇددى سەن پەيدا بۇلۇپ قالىدىغاندەك ئەتراپىمغا يىنىش-يىنىشلاپ قارىدىم. ئۈمۈدسىزلىك پاتقىقى مىنى يەنە بىر نۆۋەت چۆكتۈردى. ماڭا قالدۇرغان مۇھەببەت شاراپلىرىڭ ھەقىقەتەن ئادەمنى مەسخۇش قىلىدىكەن. ماڭا ۋاقىتلىق بىرىلگەن سۆيگۈ مۇكاپاتىڭدىن ئالغان تەسىراتىمنىڭ تۈرتكىسىدە كۆز ياشلىرىم ئاللىبۇرۇن نۇرى ئۆچكەن كۆزلىرىمدىن قۇرۇپ تۈگىگەن. پەقەت  سېنى كۈتۈش ،سېغىنىش ماڭا بىرىلگەن تەسەللى. قايتىپ كەل، مىنى يامغۇرلۇق تۈندە يالغۇز قويما. يۈركۈم قالغۇزلۇقتىن قورقىدۇ.چۈنكى سەن ئۇنى ۋىسال كىمىلىرىدە پەرۋاز قىلدۇرۇپ كۆندۈرۈپ قويدۇڭ. مىھرى-مۇھەببەت تامچىلىرىڭدىن   ئابىھايات  سۇلىرىنى  مەندىن ئايىمايدىنىڭغا ئىشىنىمەن.                   مەنبە: ئەلناز قەلەملىرىدىن.

NRXTنۇر

	ياخشى چىقىپتۇ، چىن ھېسيات ئۇرغۇپ تۇرىدۇ !

kakkuk11

	تېمىڭىزغا تەشەككۈر.... مۇنبەردە نەسىر كۆرسەم بەلەكچە خوش بولۇپ كېتىمەن.دېسە قەلەملىرىڭىز بەركەتلىك بولغاي

vincent

	كۈچۈمنىڭ بارىچە ئىسمىڭنى  توۋلاپ سېنى   چاقىرۋاتىمەن........   بۇ سۆزنى ‹‹يۇرەك تۇيغۇم سىېنى چاقىرىۋاتىدۇ ››دەپ ئالسىڭىز  بەلەكچە تەسىز بېرەرمىكىن دەيمەن...يېقىملىق  دىگەندەك ،،، قەلەم تۇلپارىڭىزغا ئاپىرىن!!