پانى ئالەمدىن ھەيدەلگەن جەسەت

kara-yijiran

	-ئاكا تېز بول، ئۇدۇلىمىزدىكى بىنادا ئولتۇرۇشلۇق خوشنىمىز قاسىم جودا تۈگەپ قاپتۇ، توك پۇلى تاپشۇرۇپ ئۆيگە ئەمدى كىرىشىمگە ئوتتۇرانجى ئىنىمنىڭ سۆزى مىنى دەماللىققا سەل گاڭگىرىتىپ قويغان بولسىمۇ يەنە ئىتتىكلا ئەسلىمگە كەلدىم، ئايىقىمنى كەيگەچ ئۇكامنىڭ چىرايىغىمۇ قارىماي تۇرۇپ: -نىمە بولۇپ تۈگەپ كېتىپتۇ؟بىز ئەتتىگەنلا سالاملاشقانتۇققۇ؟ خاتا ئاڭلىۋالمىغانسەن؟ -ياق ئاكا خاتا ئەمەس، مەنمۇ كىرىپ كۆرۈپ چىقتىم توۋا خۇدايىم ھىچ ئىشەنگىم كەلمەيدۇ، -ئىشەنمەيدىغان نىمىسى بار؟جان دىگەن بىر ھور، قاش بىلەن كىرپىكنىڭ ئارلىقىدا، -بايا ئۆزەڭمۇ ئىشەنمىگەندەك گەپ قىلدىڭغۇ ئەمىسە؟ -مەن شۇ... ئەمدى بۇنىڭغا نىمە دەيمەن، راستىمنى ئېيتقاندا بايا مەنمۇ ئىشەنمىگەندەك گەپ قىلدىم ئەمەسمۇ؟مىنىڭ ئوڭايسىزلىنىپ قالغىنىمنى كۆرگەن ئۇكام ئىتتىكلا گەپنى باشقا ياققا بۇرىۋەتتى. -مەنمۇ ئاخشام قاسىم ئاكاشنىڭ باشقىلار بىلەن  كۈلۈشۈپ -چاقچاقلىشىپ قەرىت ئويناپ ئولتۇرغىنىنى كۆرگەن ئىدىم،ماڭىمۇ بەك تەساددىبى تويۇلدى. ئىنىم ئىككىمىز ئالدىراپ تاھارەت ئېلىپ قاسىمنىڭ ئۈيىگە چاپتۇق،ئۆيدە خۇلۇم-خوشنىلار جامائەت كىرىپ-چىقىپ يۈرەتتى.قاسىمنىڭ ئايالى جانان بولسا بېشىغا قارىلىق ئارتىپ ،ئەمدىلا 10 ئايلىق بولغان بالىسىنى مەيدىسىگە چىڭ تاڭغىنىچە ئىسەدەپ يىغلاۋاتاتتى.قاسىم بولسا يۈزىگە ئاپپاق رەخىت يىپىلغان ھالدا تۈپتۈز ياتاتتى.قائىدە بويىچە ئۇنى يىشىندۈرۈپ ،سۇغا ئېلىپ ،نامىزىنى پىشىنگە ئۈلگۈرتۈپ چۈشۈردۇق.قەبرىستانلىق شەھەرنىڭ چىتىگە جايلاشقان، قىش ئايلىرى بولغاچ ھەممە يەر ئاپپاق قار-مۇز،جىنازىنى ماشىنىغا سېلىپ كۆپچىلىك بىرلىكتە چىقتۇق، يۈزلىرىمگە ئۇرۇلغان ئاچچىق سوغوقنىمۇ سەزمەستىن ئاچچىقى يامان بولسىمۇ ئاقكۆڭۈل، ياش جەھەتتە مەندىن ئانچە  پەرىقلىنىپ كەتمەيدىغان بۇرادىرىم قاسىمنىڭ جىددىلىك چىقىپ تۇرىدىغان چىرايى كۆز ئالدىمغا كىلىۋىلىپ زادىلا ئارام بەرمىدى.كۆڭلۈمدە ‹تىنى شۇنچە ساغلام بۇ ئادەم قانداققىسىگە تويۇقسىز تۈگەپ كەتكەندۇ؟ئۇنىڭ ئايالى بىلەن يېشىغا توشمىغان بالىسى مۇندىن كىيىنكى تۇرمۇشىنى قانداق قىلار؟›دىگەن ئوي چىرمىۋالغان ئىدى.قەبرىستانلىققا يىتىپ كەلگەندىن كىيىن ھەممىمىز قولمۇ-قول ياردەملىشىپ، رەھمەتلىكنى يەرلىككە قويدۇق.مىيىت كۆمۈلۈپ بولۇپ جامائەت قىرائەت قىلىپ دۇئاغا قول كۆتىرىۋاتقاندا بۇرنۇمغا بىرنىمە كۆيگەندەك ئاچچىق ئىس. كۆيۈك پۇرىدى.مەن ئىچىمدە‹يېقىن ئەتراپتا ئۆي بولسا كىرەك، ياكى قەبرە يوقلىغىلى چىققانلار ۋەياكى بىرەر مۇساپىر بەك مۇزلاپ كېتىپ ئوت قالاپ ئىسنىۋاتقان ئوخشايدۇ،›دەپ ئويلاپ ئانچە پەرۋا قىلمىدىم. ئەمما يىنىمدىكىلەر دۇئانى چالا-پۇچۇق قىلىپلا غولغولا قىلىشقا باشلىدى. -بىر نىمە كۆيىۋاتامدۇ نىمە؟ -قەبرىستانلىقتىمۇ تاما چىكىۋاتامسىلەر؟ -ھەي قاراڭلار ئاۋۇ يەردىن ئىس چىققىلى تۇرۇپتىغۇ؟ كىچىك بالىلار  بىرەر نىمىگە ئوت يىقىۋەتتىمۇ قانداق؟ ھەممىمىز ئورنىمىزدىن تۇرۇپ ئىس چىققان تەرەپكە قارىدۇق، دىمىسىمۇ ئىس ناھايىتى قويۇق ،خۇددى بىرەر زاۋۇتنىڭ تۇرخىنىدىن چىققاندەك شىددەتلىك ئىدى.ھەممىمىز ئورنىمىزدىن تۇرۇپ بىزدىن نەچچە مېتىر نىرىدىكى ئىس چىققان تەرەپكە بويۇنداپ قارىدۇق،ئادەم تۇرماق بىرەر نەرسىنىڭ ئىزىمۇ كۆرۈنمەيتتى.بىز ھەيران بولغانچە ئىككى قەدەم ئېلىشىمىزغا .ھېلىقى ئىس تۇيۇقسىزلا بىرى پۈلەپ ياندۇرغاندەكلا يېنىپ گۈرۈلدەپ كۆيۈشكە باشلىدى.ھەممىمىز ھەيران ھەم قورققىنىمىزدىن كۆزلىرىمىزنى چەكچەيتىپ ،ياقىمىزغا ئۇزۇتۇلغان قوللار ھاۋا بوشلۇغىدا لەيلەپ قالدى.شۇنداقتىمۇ ئوتنىڭ قار ئۈستىدە گۈرۈلدەپ كۆيىۋاتقىنىنى كۆردۇق،بىزمۇ بۇ مەنزىرىدىن ھاڭۋاققانچە مىدىرىيالماي، بىرى باغلاپ قويغاندەك تۇرۇپلا قالدۇق،ئوت ھىچ پەسلەيدىغاندەك ئەمەس بىزمۇ سىھىرلىنىپ قالغاندەك كاللىمىز تورمۇزلۇنۇپ قالغان ئىدى.چۆچۈپ كەتكىنىمزدىن ھىچكىمنىڭ مىڭىسى تەپەككۇر قىلالمايتتى. شۇ ھالەتتە قانچىلىك تۇرغىنىمىزنى بىلمىدۇق، بىر چاغدا ‹گۈم› قىلغان ئاۋاز بىلەن ھېلىقى كۆيىۋاتقان يەر خۇددى بىرى پارتىلاتقۇچ تىقىپ قويغاندەك پارتىلىدى.شۇ ئاۋاز بىلەن تەڭ ھەممىمىز ئىسىمىزگە كەلدۇق،بەزىلەر پىتىراپ قىچىشقا باشلىدى.يەنە بەزىلەر تىخىچە ھوشىنى يىغالماي تۇراتتى.بەزىلىرى ئۆزلىرىنىڭ يارلىنىشىدىن قورققاندەك يەردە دۈم يېتىۋىلىشقان ئىدى، -مۇتەللىپ،ھەي مۇتەللىپ يۈرۈڭلار بۇيەردىن تېزراق كىتەيلى. يۈرۈگۈم ئاغزىمغا قاپلىشىپ قالاي دىدى. كەينىمگە ئۆرۈلۈپ ماڭا گەپ قىلىۋاتقان سىدىق ھاجىغا قارىدىم. ئۇنىڭ قورققىنىدىن چىرايىدا قان قالماي تاتىرىپ كەتكەن ئىدى.ئەمدى گەپ قىلاي دىيىشىمگە ئۇكام قورقۇش ھەم قىزىقىش بېلەن ماڭا قاراپ: -ئاكا، يۈرە بېرىپ قاراپ باقايلى، -ھوي ئۇكام، ئۇنىڭ كۆرگىدەك نىمىسى بار؟ ئۇيەر ھازىر ئىنتايىن خەتەرلىك بارماڭلار، -ھاجى ئاكا،خاتالاشمىسام شۇ تەرەپتە جىيەن ئوغلىڭىز رېھىمجاننىڭ قەبرىسى بارغۇ دەيمەن؟ سىدىق ئەمدى بىرنىمىنى ئېسىگە ئالغاندەك چۆچۈپ باشقىلارغا يىلىنغاندەك قارىدى. ئۇنىڭ قاراشلىرىدىن شۇ تەرەپكە بىللە بىرىشىپ بىرىشكە ئۈندەۋاتقىنى چىقىپ تۇراتتى. بىللە كەلگەن جامائەتنىڭ تەڭدىن كۆپرەگى ماشىنىغا چىقىپ ھەتتا ئورۇنلىشىپمۇ ئۈلگۈرگەن. مەزىناخۇنۇمنىڭ چاقىرىشى بىلەن پەقەتلا نەچچە كىشى خۇشياقمىغاندەك ،ئىچىدە نېمىلەرنىدۇ دىيىشىپ غۇدۇرىغىنىچە ئېرىنچەكلىك بېلەن ماشىنىدىن چۈشتى، ۋاقىت يىتىشمەسلىك سەۋەبىدىن كەچۈرۈم سورايمەن، داۋامى ئىنكاس شەكلىدە يوللىنىدۇ،

faruh193

	ۋاي ئاللاھ       جودالىرىمىز  قەبىھيا بۇ  ئولسىما ئوتچىقىرىپ ئولىتكەندىسە ،  مىرئۇشكە فىليەتۇنلىرى.!!!!!!!!!!!!!!!

paykan

	قىنى ئاخىرى.......................،

ADIL99

	خەپ  قىزىقىپ كىرسە ئاخىرى يوق  يا يوللىمەي تۇرسا ۋاقتى يەتمىسە  يوللىغاندىكىن پۇتتۇرۇپ بىرلا  يوللىسا

musilina

	داۋامىغا قىزىقىپ قالدىم،ياخشى باشلىنپىتۇ،ئادەمنى ئويغا سالغۇدەك چىقىپتۇ ۋەقەلىكى..

卍Ｌife

	ئاخىرىغا قاراپ قالدۇق

dulanburkiti

	بۇ  ۋەھىمىلىك ھىكايىما

HY@Li

	ئاخىرى قاچان چىقار ئەمدى،،،،،

zulpukar

	يەنە داۋامى بار تېما..........    ئۇ تەرەپتە زادى نېمە پارتىلدى؟؟؟؟؟؟؟؟