ئوغلانى: يولۋاسنىڭ ئۆلۈمى

BATUR72

	يولۋاسنىڭ ئۆلۈمى مۇھەممەدتۇرسۇن ئابدۇرېھىم ئوغلانى                                                               (  ھېكايە)            بۇرۇنقى زاماندا بىر يولۋاس بالىسى  بولغان ئىكەن ، ئۇ كىچىكىدىن بەكمۇ ئەقىللىق چوڭ بولۇپتۇ ،ئۇنىڭغا نىمىنى ئۈگەتسە ئۇ شۇنى تىزلا ئۈگىنىۋالىدىكەن . ئۇنىڭ بۇنداق ئەقىللىق چوڭ بولغىنىنى ھىس قىلغان دادا  يولۋاس  ئۇنىڭغا بىر نەرسە ئۈگۈتۈش ئۈچۈن ھەركۈنى ئورمانلىققا ئوۋغا  ئۆزى بىلەن  بىللە ئېلىپ بارىدىكەن . ئۇ بالىسىغا :"بالام ،ئورمانلىقتا ئۆگىنەي دىسەڭ بىلىم بەكمۇ كۆپ ، ھەر بىر ھايۋان سېنىڭ ئۆگۈنۈشۈڭگە ئەرزىيدۇ ،سەن بۇنچە ئەقىللىق ، چوقۇم مەندىن ياراملىق يولۋاس بولۇپ ،ئورمانلىققا  پادىشاھ بولۇپ چىقىسەن  " دەپتۇ . بالا يولۋاس خۇشال ھالدا بېشىنى لىڭشىتىپ "ماقۇل" دەپتۇ .       كۈنلەر ئۆتۈپتۇ ، يولۋاس بالىسىمۇ ئۆگۈنۈش سەپىرىنى باشلاپتۇ .      ئۇ بىر كۈنى دادىسىنىڭ ئوۋ كۈزىتىۋاتقان پۇرسىتىدىن پايدىلىنىپ بىر ئىشەكنى كۆرۈپتۇ . ئۇ تۇيدۇرماي دادىسىنى دوراپ  بۇ ئىشەكنىڭ كەينىدىن مېڭىپتۇ . ئىشەكنىڭ مېڭىپ بىر ئوتلاققا كىرىپ كەتكەنلىكىنى كۆرۈپ گەپ قىلماي ئەگىشىپ مېڭىپتۇ . ئىشەك بىر يوغان چۆپنى كۆرگەندىن كىيىن ئۇنى يۈگۈرۈپ بېرىپ يەپتۇ -دە ، ئاسمانغا قاراپ ھاڭراشقا باشلاپتۇ . ئىشەكنىڭ بۇنچە چىڭ ۋارقىراپ ھاڭرىغىنىنى ئاڭلىغان كىچىك يولۋاس قورقۇپ كىتىپتۇ ، ئۇ كۆڭلىدە ئىشەكنىڭ بۇنچە ياڭراق ئاۋازىغا قايىل بوپتۇ ،ھەتتا ئىشەكنىڭ دادىسىدىنمۇ ياڭراق ۋارقىرىيالايدىغانلىقىنى كۆرۈپ دادىسىدىن ۋاقتىنچە ئايرىلىپ مۇشۇ يامان  ئىشەكنىڭ كەينىدىن ئەگىشىشنى قارار قىپتۇ .  ئىشەك كىچىك يولۋاسنىڭ ئۆزىگە ئەگىشىۋالغانلىقىغا ئېرەڭشىپمۇ كەتمەپتۇ . كىچىك يولۋاس قورسىقى ئاچسا كچىك توشقانلارنى تۇتۇپ يەپ ،ئىشەكنىڭ كەينىدىنلا يۈرۈپتۇ .     كۈنلەر ئۆتۈپتۇ ، ئايلار ئۆتۈپتۇ ، ئۇ ئاستا -ئاستا ئىشەكتەك ھاڭراشنى ئۆگۈنۈپتۇ ، ئىشەكتەك ئېغاڭلاشنى ئۆگۈنۈپتۇ ، باشقا ئوۋچى ھايۋانلار كەلسە ھوشيار بولۇپ قېچىشنى ئۆگۈنۈپتۇ . ئۈگەنگەنسىرى يەنە ئىچكىرلەپ ئۈگەنگىسى كەپتۇ، ئىشەكتىن بىر ئوت يىيىشتىن بۆلەك بىر پاتقان يەرگە ئىككىنجى پاتماسلىقنى ئۈگۈنۈپتۇ ، ئىشەكنىڭ جاھىل خۇيلىرىنىمۇ ئۈگۈنۈپتۇ . بىر كۈنى ئۇ ئىشەكتىن ئۈگەنگەنلىرىنى يىتەرلىك دەپ قاراپ ،دادىسىنىڭ دىگىنى بويىچە  ئىشەكتىن ئايرىلىپ يېڭى ئۇستاز ئىزدەپتۇ .    ئۇ تۇيۇقسىز يولدىن ئۆتۈپ كىتىپ بارغان ناھايتى يوغان بىر كالىنى كۆرۈپتۇ ، ئۆز كۆڭلىدە ئۇ كالىنىڭ مۈڭگۈزى ، جىمجىت قىياپىتى ، سۈرلۈك كۆزلىرى ،يوغان بەستىگە قاراپ ئۆزىنىڭ چوقۇم بىر نەرسە ئۈگۈنەلەيدىغانلىقىغا ئىشىنىپتۇ . شۇنىڭ بىلەن كالىغا ئەگىشىشنى قارار قىپتۇ . كالىمۇ بۇ كىچىككىنە يولۋاسنىڭ ئۆزىگە خەتەر يەتكۈزەلمەيدىغانلىقىنى بىلگەچكە ئۇنىڭ شاگىرت بولۇش تەلىپىگە ماقۇل بوپتۇ .      كىچىك يولۋاس كالىدىنمۇ نۇرغۇن نەرسىلەرنى ئۈگۈنۈشكە باشلاپتۇ ،ئۇنىڭغا قانداق قىلىپ خەتەردىن قۇتۇلۇش ، قانداق قىلىپ پۈتۈن كۈچى بىلەن         باشقىلارنى ئۈسسۈپ يارلاندۇرۇش ، قانداق قىلىپ جىمجىت تۇرۇش ، قانداق قىلىپ مۆرەش قاتارلىق نۇرغۇن كالىنىڭ بىلىملىرىنى ئۈگۈنۈپتۇ . بىر كۈنى       كالىنىڭمۇ نۇرغۇن تېخنىكىللىرىنى ئۈگۈنۈپ بولغاندىن كىيىن كالىدىنمۇ ئايرىلىپتۇ .    ئۇنىڭ كۆڭلىدەمۇنچە كىچىك يېشىدىلا  دادىسىدىن  ئاللىبۇرۇن ئېشىپ كەتكەندەك تۇيغۇغا كاپتۇ ، لىكىن ئۆزىنىڭ يەنىمۇ ئۈگۈنۈشكە تىگىشلىك نەرسىللىرىنىڭ بار -يوقلۇقىنى كۆرۈپ بېقىش ئۈچۈن يەنە ئورمانلىقنى كىزىپتۇ .    ئۇ تۆگە قۇشتىن يۈگۈرۈشنى  ئۈگۈنۈپتۇ ،بۇغا -مارال جەرەندىن سەكرەشنى ئۈگۈنۈپتۇ ،تۈلكىدىن خوشامەتچىلىكنى ئۈگۈنۈپتۇ .  كۈنلەر ئۆتۈپ ئۇ ئاخىرى چوڭ بوپتۇ .     بىر كۈنى ئۆزىنىڭ يەنە كەم يەرلىرىنىڭ بارلىقىنى بىلىپ بېقىش ئۈچۈن ئورمانلىققا بېرىپ ئۆزىنى سىناپ بېقىش قارارىغا كەپتۇ .        ئۇ بىر توپ  بۆرىلەرنى كۆرۈپتۇ ، بۆرىلەر ئۇنى بايقاپ ئارىسىغا ئېلىۋاپتۇ . ئۇ دەسلەپتە ئىشەكتەك ھاڭراپتۇ ، بۆرىلەر پىسەنتمۇ قىلماستىن ئۇنىڭغا يېقىنلاپتۇ ، ئۇنى بۇنى تىپىپ بېقىپتۇ ،ئىغاڭلاپتۇ ، پايدىسى بولماپتۇ ، ئۇ بۆرىلەرگە كالىدەك جىمجىت تۇرۇپ ئالىيىپتۇ ، يېقىنراق بىر نەچچىسىنى ئۈسسۈپتۇ ، بۇغىدەك سەكرەپتۇ ، تۆگە قۇشتەك قېچىپتۇ ، لىكىن بۆرە توپى ئۇنى ئارىغا ئېلىپ قورشاپ ئۇنىڭغا ئېتىلىشقا باشلاپتۇ ،  بۇ چاغدا ئەھۋالنىڭ خەتەرلىك ئىكەنلىكىنى بايقىغان يولۋاس بۆرىلەرگە خوشامەت قىلىشقا باشلاپتۇ : __ بۆرە ئاكىلار ، سىلەر ئورمانلىقتىكى ئەڭ يامان ھايۋانسىلەر  ، سىلەردىن كۈچلۈك ھەم يامان ھايۋان يوقتۇر ،مەندەك بىر مەينەت يولۋاسنى يەپ نىمە قىلىسىلەر ، مومكىن بولسا مەن سىلەرنىڭ خىزمىتىڭلارنى قىلاي ،نىمە دىسەڭلار شۇنى قىلاي ، سىلەر ئۈچۈن جېنىمنى پىدا قىلاي ،مىنى يىمەڭلار بولامدۇ ؟ ــ دەپتۇ يولۋاس يىغلاپ تۇرۇپ . ــ ھوي بۇرادەرلەر ماۋۇ لامزەللە راست يولۋاسمۇ يە ؟ نىمانداق بىردەم كالىنىڭ ، بىردەم ئىشەكنىڭ ،بىردەم تۈلكىنىڭ قىلىقىنى قىلىپ يۈرۈيدۇ ؟  يىىمىسەك بولمىدى بۇنى ،ــ دەپتۇ بۆرىلەر يەنىمۇ يېقىنلاپ . ــ ئاكىلار ، قانداق قىلسام مېنى يىمەيسىلەر ؟ ــ دەپتۇ يولۋاس ئۆزىنى بىچارە كۆرسىتىپ . ــ بىز سېنى ھامان يەيمىز ، سەن ئەگەر يوۋاستەك باتۇر بولغان بولساڭ ئىدىڭ ، سەندىن ئەيمىنىپ تۇرغان چاغدا بىزدىن بىر نەچچىنى يارلاندۇرۇپ قېچىپ كىتەلەيتىڭ ، لىكىن سەن بۇ ھالىڭ بىلەن ھامان بىزگە يەم بولىسەن ،چىشلەڭلار بۇنى !!ــ دەپتۇ بۆرىلەرنىڭ باشلىقى ۋارقىراپ تۇرۇپ .   بۆرىلەر تۇشمۇتۇشتىن كىلىپ قورقۇپ تىتىرەپ تۇرغان يولۋاسنىڭ بوينىدىن ئاپتۇ .     يولۋاس بۇ چاغدا ئۆزىنىڭ ئۈگەنگەن نەرسىللىرىنىڭ ئورمانلىقتا ھېچنىمىگە ئەسقاتمايدىغانلىقىنى ، ئەسلىدە ئۈگۈنۈشكە تىگىشلىك كىشىنىڭ ئۆزىنىڭ دادىسى يەنى ھەقىقى يولۋاس ئىكەنلىكىنى ،ئۈگۈنۈشكە تىگىشلىك ئۇستازنى ۋە بىلىمنى خاتا تاللاپ ،دورامچىلىق قىلسا بولمايدىغانلىقىنى ھىس قىلىپ يىتىپتۇ ، لىكىن بۇ چاغدا بۆرىنىڭ بىر چىشلىشى بىلەن جان تەسلىم قىپتۇ .                                                                                                                      2013-12-22                                                                                                                              تىيەنجىن

chaksa

	مۇشۇ كۈنلەردە ئىلھامىڭ تازا كېلىۋاتقان چېغى، بەك ياخشى مەزمۇنلۇق، تەربىيىۋى ئەھمىيەتكە ئىگە ئەسەرلەرنى يوللاۋاتىسە، ھارمىغايسە ئاداش

oyhanogul

	ئەسسالامۇ ئەلەيكۇم   پاھ پاھ بۇ تېما ھەقىقەتەن  مىنىڭ قەلبىمنى يېڭىۋدشتىن ئويغاتتى مەن بۇندىن كىيىنكى ھايات مۇساپەمدە  تېخىمۇ تىرىشىپ ئۈزۈمنىڭ كۆڭلىمگە  پۈككەن نىشانىمغا  ئاۋال ئاللاھنىڭ رەھمىتىنى ئاندىن ئۈزەمنىڭ تىرىشچانلىقىنى ئاخىرىغا كەلگۈسى پەرزەنتلىرىمنىڭ ئانىسىنى ئۇنىڭمۇ ئاخىرىغا پەرزەنتلىرىمنى قۇيۇپ تۇرۇپ  كەلگۈسى پەرزەنتلىرىمنىڭ ئاللاھ خالىسا چۇقۇم ئەركەك يولۋاستەك يەنى جىنسىي جەھەتتىكى ئەركەك ئەمەس بەلكى روھىي جەھەتتىكى ئەركەك يولۋاستەك مەزمۇت يولۋاس ئەمەس ئادەم بۇلۇپ يىتىشىپ چىقىشىنى قولغا كەلتۈرىمەن....... دىمەكچىمەنكى مەنمۇ چۇقۇم باللىرىمنى دىگىنىمدەك قىلىش ئۈچۈن ئۈزۈممۇ ئاشۇنداق  ئادەم بۇلىۋاتىمەن ھەم تېخىمۇ ياخشى بۇلىمەن.....پەقەت ئاللاھ خالىسا

ehrami

	يولۋاستەك ياشاش كېرەك

zulpukar

	بىزدىكى دورامچىلىق  ناھايتى ياخشى قامچىلنىپتۇ........

ئەلچۈن

	تولىمۇ ئىبرەتلىك مەسەل ئىكەن. ئەمەلىيەتتىمۇ ھەر بىر جانلىق تەبىئەت دۇنياسىغا ئۆزىگە خاس ئورۇن ۋە قىممەت بىلەن يارالدى، ئەڭ ئەزىز سانىلىۋاتقان ئادەم ۋە قوغدىلىۋاتقان ياۋايى ھايۋانلاردىن تارتىپ ئەڭ خەس سانىلىۋاتقان پاشا،چىۋىنلارغىچە بارلىق جانلىقلار ئەمەلىيەتتە تەبىئەت دۇنياسىدا بىرىمۇ كەم بولسا بولمايدىغان ئېكو مۇۋازىنەتنىڭ بىر قىسمى. تەبىئەت دۇنياسىدىكى ئورنى ۋە يارىتىلىشتىكى قىممىتى ھېچقايسىنىڭ بىر-بىرىدىن كەم ئەمەس. بۇنى مەدەنىيەت ئالىمىگە تەدبىقلىساق ئوخشاشلا ھۆكۈم، ئاتالمىش كۈچلۈكلەر بىلەن ئاجىزلار، ھاكىمىيەت ئورنىدىكىلەر بىلەن پۇقرالار ئەمەلىيەتتە مەدەنىيەت ئالىمىدە ئوخشاش قىممەتكە، ئوخشاش ھوقۇق ۋە ئوخشاش ئەركىنلىككە ئىگە. ئۆز قىممىتىنى تونۇماي باشقىلارنى دوراپ جان باقماقچى بولغانلارنىڭ ئېرىشىدىغىنىدىن تۆلەيدىغان بەدىلى ئېغىر بولىدۇ.

nikita01

	بۇ ئاخىرى باشقىلارنى دوراۋېرىپ ئۆز خۇسۇسىيىتىنى يوقىتىپتۇدە... ئاخىرى ئۆزىنىۇ يوقىتىپتۇ...

ئوغلان132

	دىمەك بۇ ئەسەردە باشقىلارنى دوراپ ئۆزىنىڭ نىمىلىكىنى ئۇنتۇپ قالغانلىقى ئىپادىلەپ بىرىلىپتۇ. ياخشى يېزىپسىز.

mamat820

	ھەقىقىەتەن ياخشى يىزلىپــتۇ،،بىزنى ھەرۋاقىت ئۆزىمىزنى ئۇنتۇپقالماسلىققائۈندەپتۇ

dilbar

	شۇنداق يولۋاس يولۋاستەك ياشاش كېرەك. ئوبدان ھىكايە ئىكەن