ئاخۇنجان مەدەلىيېۋ: كېتىمەن

Axunjan

	ئەسسالامۇ ئەلەيكۇم ئەزىز تورداشلار، مېھىر-مۇھەببەت، ۋاپا، ساداقەت، ئىنسانىيلىق، ئانا تۇپراق، قېرىنداشلىق... تېمىسىدىكى ناخشىلارنى ئىجاد قىلىپ ۋە ئۆزگىچە مۇڭ بىلەن ئورۇندىغان مەشھۇر سەنئەتكار ئاخۇنجان مەدەلىيېۋ ھەققىدە سۆزلىگۈم كەلدى. ئاخۇنجان 1963-يىل21-ماي كۈنى فەرغانە ۋادىسىدىكى قەدىمىي مەرغىلان شەھىرىنىڭ ئالتەئېرىق يېزىسىدا تۇغۇلغان. ئاتىسى نۇسرەتئەلى مەدەلىيېۋ ئۇستا ياغاچچى ۋە توي-تۆكۈندە پولو ئېتىدىغان ساددا كىشى ئىدى. ئاخۇنجان 1981 - يىلى فەرغانە پېداگوگېكا ئۇنىۋېرسىتېتىنىڭ مۇزىكا كەسپىگە قوبۇل قىلىنىپ، 1985 - يىلى پۈتتۈرگەن. 1985-يىلى ھەبىبە ئىسىملىك سېستىرا قىز بىلەن توي قىلغان. بالىلىق چاغلىرىدا ناخشىدا تەربىيەلىگەن تۇنجى ئۇستازى ئەل ئىچى سەنئەتكارى قىلىچبېك تاجىيېۋ بولغاچقا، ئۇستازىغا ھۆرمەت بىلدۈرۈش يۈزىسىدىن 1990 -يىلى 17-يانۋار تۇغۇلغان ئوغلىغا قىلىچبېك دەپ ئىسىم قويغان. ئاخۇنجان 1989-يىلى "كامالەت 1989" ناملىق دۆلەت دەرىجىلىك ناخشا مۇسابىقىسىدە ئىككىنچى بولغان (مۇھرىددىن خالىقوۋ بىرىنچى بولغان). 1991-يىلى مۇھەممەد يۇسۇف ئاپتورلىقىدىكى "قوينۇمدا بىر يارۇ كۆڭلۈمدە بىر يار" ناملىق ناخشا ئاخۇنجاننى پۈتۈن ئۆزبېكىستانغا تونۇتقان. 1992-يىلى مۇھەممەد يۇسۇف ئاپتورلىقىدىكى "تۈركمەن قىز" ناملىق ناخشىسى يەنە بىر مەشھۇر بۇلبۇل --يۇلدۇز ئۇسمانوۋا بىلەن ئاخۇنجان ئوتتۇرسىدىكى سەككىز يىللىق ناخشا مۇنازىرەسىنىڭ پىلتىسىغا ئوت ياققان. سەنئەت ساھەسىدە دولقۇن قوزغىغان "تۈركمەن قىز ماجراسى" 2000-يىلى 30-ئىيۇن ئاخۇنجاننىڭ سىرلىق ئۆلۈمى بىلەن ئاخىرلاشقان. ئاخۇنجان 20 يىللىق سەنئەت ھاياتىدا 100 دىن ئارتۇق ناخشا ئىجاد قىلغان. ھەممىسى دېگۈدەك كىلاسسىك ناخشىلارغا ئايلانغان. ئۇنىڭ "كۆڭلۈمدە بىر يار"، "تۈركمەن قىز"، "دادام يوق"، "سېنى بۈگۈن كۆرمىسەم بولماس"، "ئۇنۇتماق ئاسانمەس بىزلەرنى"، "سۆيۈلمىگەن كېلىنچەك"،  "يۈرىكىمدە سىزدىن قالغان داغ جاي بار"، "ئانامنىڭ دۇئاسى مېنى ئاسرايدۇ"، "بۇ دۇنيادا مەن بولمىسام ھەم"، "ئەلەم"...قاتارلىق ناخشىلىرى تۈركىيلەر دۇنياسىغا كەڭ تارقالغان. ئۇ ھايات چېغىدا چۇستىي، ئابدۇللا ئارىپوۋ، مۇھەممەد يۇسۇف، سىراجىددىن سەييىد، قوچقار نۇرقابىل،  شۆھرەت ئەھمېدوۋ، ئىقبال مىرزا...قاتارلىق شائىرلار بىلەن ھەمكارلاشغان. 37 يېشىدا تۇپراققا قايتقان ئاخۇنجاندىن تۆت پەرزەنت قالغان بولۇپ، ئۈچىنچى بالىسى قىلىچبېك مەدەلىيېۋ كۈنىمىزدە تونۇلغان ناخشىچىغا ئايلاندى. مەن سىلەرگە سۇنۇۋاتقان "كېتىمەن" ناملىق بۇ شېئىرنى ئابدۇلئەزىز مۇبارەك يازغان. ئاخۇنجان بۇ شېئىرنى ناخشا قىلىپ ئېيتىپ، كۆپ ئۆتمەي ۋاپات بولغاچقا، سەنئەت شەيدالىرى بۇنى ئاخۇنجاننىڭ ئۆلۈمى بىلەن باغلاپ: "'تىلىسەڭ تاپارسەن'دېگەندەك ئىش بولدى" دەپ ھەسرەتلەنگەن ئىدى. ئاللاھ مەرھۇمنىڭ ئاخىرەتلىكىنى ياخشى قىلسۇن. ھۆرمەت بىلەن: مەھمۇدجان خوجا ئۈمىدۋار ئابدۇلئەزىز مۇبارەك (ئۆزبېكىستان) كېتىمەن كېتىمەن بۇ يەردىن باش ئېلىپ، مەجنۇننى سىلىغان سەھراغا. كېتىمەن كۆزۈمگە ياش ئېلىپ، يۇلتۇزلار ۋەتىنى ساماغا. بولمىسا بىر تاشقا باغلىنىپ، چۆكىمەن تۈۋى يوق ئۇممانغا. ياكى كۆك كەپتەرگە ئايلىنىپ، ئۇچىمەن كوھىقاپ تامانغا. دوست تۇتۇپ تاڭدىكى شەبنەمنى، مەن سىڭىپ كېتىمەن تۇپراققا. كېتىمەن يىغلىتىپ ئانامنى، بارسا كەلمەستىنمۇ يىراققا. كېتىمەن، بەرىبىر كېتىمەن، شۇ مېنىڭ ئاخىرقى قارارىم. سۆيمىسەڭ، سۆي كېلىپ، نېتەرمەن؟ ئەلۋىدا سۆيۈلگەن دىلدارىم. كېتىمەن، بەرىبىر كېتىمەن. (مەھمۇدجان خوجا ئۈمىدۋار ئۇيغۇرچىلاشتۇرغان.)

esiluygur

	سالام يۇرتۇم سېغىنىپ كەلدىم، يىللار ئۆتكەن دىدارلىشالماي. دېمەك بۈگۈن مۇرادقا يەتتىم، قانداق تۇراي قۇشاقلار قاتماي. جامالىڭغا ئاشىق پەرزەنتىڭ، يىراقلاردىن كۆرگىلى كەلدى. يۇرتنى ئۇنتۇش ئىشى نامەرتنىڭ، بالاڭ سېنى سۆيگىلى كەلدى. سەھرالارنى ئايلاندىم ئاۋال، چۈنكى سەھرا دىھقاننىڭ يۇرتى. سەھرالىرىم مەڭگۈ ئامان قال، بۇ پىقىرنىڭ مەڭگۈلۈك دۇرتى. يارىشىپتۇ ئىگىز بىنالار، قامىتىڭگە قامەت قېتىپتۇ. مەشرەپتىكەن ئىشچى دىھقانلار، خەلقىڭ يەنە بەركەت تېپىپتۇ. كونا ئاتۇش قالماپتۇ مانا، دەۋىر سەندە خامان چەشلەپتۇ. چالا قويماي ئايلىنىپ چىقتىم، ئىزلىرىمدىن بالام دە كەپتۇ. رۇستەم قاراسۇ...2011.8.ئاتۇشتا يېىزىلغان

nurjahan0997

	ناخشا قىلىپ ئېيتقىنى بولسىچۇ

eerpan

	ناخشىلىرىنى توردىن تاپقىلى بولامدۇ ؟

QALIB

	eerpan يوللىغان ۋاقتى  2013-12-25 03:09 PM ناخشىلىرىنى توردىن تاپقىلى بولامدۇ ؟ manzil http://www.yoryor.com/o/ohun-madaliev/

kudiratjan

	ئابدۇسۇپۇرنىڭ كېتمەن ناملىق ناخشىسىمۇ بىرخىل پەيزى .. بۇمۇ شۇ ناخشىنى ئۆزبىكچە قۇشۇقتىن  ئۆزلەشتۈرگەنغۇ دەيمەن.

QALIB

	nurjahan0997 يوللىغان ۋاقتى  2013-12-25 02:45 PM ناخشا قىلىپ ئېيتقىنى بولسىچۇ bu yerdan soqlab olashiz mumkin. http://www.yoryor.com/o/ohun-madaliev/ketaman/

abdul915

	توۋا،  ئەھمەت گىتتار " كىرىپ قاپتۇ ئانام چۈشۈمگە،  نەگە كەتتىڭ ئوغلۇم دېگۈدەك " دەپ كەتسە،  پەرىدە قاسىم بولسا " مەن يەنە مۇبارەك ياشىسام يەنە،  سۆيىمەن سېنى دۇنيا سۆيىمەن سېنى " دەپ كەتسە،  بۇلىشى كېتىمەن دەپلا كەتسە ھەم.....

سەنجەر

	ئىنكاستىن بىرنى ئويناپ قوياي .

asrari

	سەنجەر يوللىغان ۋاقتى  2013-12-26 04:20 AM ئىنكاستىن بىرنى ئويناپ قوياي . ئوينىۋېلىڭ،بەربىر كىتىدىغان ئىش بولغاندىكىن.  ئەمما ئوينىسىڭىزمۇ ئويلىۋېلىڭكى: تىلىسەڭ تاپارسەن دەپتۇ؟!!!