پاتقاق گازى كۆلچىكى

ablimitt

	خېلى بۇرۇنلا بىر قىسىم تورداشلار بۇنى سورىغان، شۇڭا تورداشلارنىڭ تەلۋى بىلەن يازدىم. تۇلۇقسىزنىڭ خىمىيە دەرىسلىكىدە مىتان گازى تۇغرىلىق تەپسىلى تۇختالغان بۇلۇپ، بۇ يەردە قىسقىچە پاتقاق گازى كۆلچىگى ياساش تۇغرىلىقلا تۇختىلاي. ئادەتتە 3 كىلو قاتتىق ئۇتۇننىڭ چىقىرىدىغان ئىسسىقلىقى بىر كىلو كۈمۈرگە تەڭ بۇلىدىغىنىنى بىلىمىز، بۇ خىل ئۇسولدا پايدىلانغاندا بولسا بىر كىلو ئۇغوتتىن تەخمىنەن 2 كىلو كۈمۈرنىڭ ئىسسىقلىقىغا ئېرىشىپلا قالماي يەنە قالدۇقى يۇقىرى سۈپەتلىك ئۇغوتقا ئايلىنىدۇ، تەركىبى ئۇخشىمىغان ماتىريالغا ئاساسەن ئۇخشاش بولمىسىمۇ ئەمما سۇغا سىڭدۈرۈلگەن ئازوتنىڭ خىمىيۋى ئۇغوتتىكى ئازوتتىن چوڭ پەرقى ،يەرنى قاتتىقلاشتۇرۋەتمەيدۇ، ھەم باشقا تەركىپلەرنىڭ ئۈسۈملۈككە پايدىسى ئىنتايىن يۇقىرى. تەركىبلېرىنى ئىسىمدە تۇتىۋالماپتىمەن، ‹‹ئۈسۈملۈكنىڭ ئاجايىپ شىپالىق دورىسى›› دەپ تۇرايلى. بۇرۇنلاردا خىش ۋە سىمونىتتىن كۆلچەك ياساپ ، ئىچ تەرپىگە شام(موم) نى يالىتىپ سۇ سىڭمەسلەشتۈرىدۇ، يەنى كۆلچەك تىمىنى ئوت بىلەن قىزدۇرۇپ(ماشنىلارنى قىزىتىشتا ئىشلىتىدىغان پۈركىگۈچلۈك قىزىتقۇچ بىلەن)، مومنى تامغا سۈركىسە سىمونىت سۇۋاقنىڭ يۈزىگە شام ئېرىتمىسى سىڭىپ، بىر قەۋەت سۇ ئۈتكۈزمەس قەۋەت پەيدا بۇلىدۇ. ئاندىن ئۈستى قىسمىغا ھىم ئىتىلىدىغان قاپقاق ئورنىتىمىز، نەيچە ئارقىلىق ئىشلىتىدىغان ئەسۋاپلارغا ئىچىدىكى گازنى يەتكۈزىدىغان لىنىيە تەييارلاپ،  ئاندىن ئىچىگە %70 سۇ تولدۇرۇپ، دەرەخ يۇپۇرماقلېرى، ئوت-چۆپلەرنى ياكى قوي-كالا ئۇغوتلېرىنى سىلىپ بىر مەزگىل(15كۈندىن 1 ئايغىچە) تۇرغۇزسا مىتان گازى ھاسىل بۇلىدۇ. بىز بۇ يەردە يەنە زىيادە گازنى بىسىملىق قىلىپ ساقلاش ۋە كەڭلىكى 8 مىتىرلىق قىلىنراق سۇلياۋنى ئۇتتۇردىن يارمايلا ئىككى بىشىنى پۇختا ،ھىم قىلىپ يىپىشتۇرۇپ، نەيچىنى ئۇلاپ قويساق، شۇ خالتا ئىچىگە كىرىپ، ساقلىنىدۇ، ئەتراپىنى ياخشى تۇسۇش، بىخەتەرلىككە دىققەت قىلىش لازىم）يەنە مۇشۇ ئاددى سۇلياۋنىڭ ئىچى-تىشىنى باشقا نەرسە بىلەن قاپلاپ پاتقاق گازى كۆلچىكى ياسىسىمۇ بۇلىدۇ). قىش-ياز پەسىللېرىدە مىتانغا ئايلىنىش ئۈنىمى ئۇخشاش بولمايدۇ، بۇ بولدۇرىدىغان خىمىرنى ئىسسىق يەرگە قويسىڭىز تىز بولغىنىدەك ئىش. بىز لاھىيەلەشتە ئېھتىياجىمىزغا كىتەرلىك كۆلچەكنى قىش پەسلىدىكى ۋاقىتنى ئۆلچەم قىلىپ گاز ئاز ھاسىل بولغاندا يەنىلا ئېھتىياجىمىزنى قامدايدىغان قىلىپ بىكىتىمىز، نەچچە يىل بۇرۇن بۇنىڭ فورمۇلالېرىنى بىر زاۋۇت ماڭا ئەۋەتكەن، قاتتىق دېسكىنى نەچچىنى ئالماشتۇرۇپ كەتكەچ ساقلىۋالغىنىممۇ ھازىر يوق، ناۋادا بىر ماتور بىلەن ھەم توك چىقىرىپ، ھەم ماتورنىڭ ئاۋازىنى ئۈتكۈزمەي ئىسسىقلىقىدىن پايدىلىنىدىغان قۇرۇلما تەييارلىۋالساق،بىر ۋاقىتتىلا ئىسسىنىشنىمۇ ئەمەلگە ئاشۇرىمىز دىسەكمۇ ئىككى يۈز كۇۋادىرات كۆلچەك تەييارلىساق يىتىدۇ. كۆلچەك چوڭقۇرلىقى 3 مىتىر بۇلىدۇ، ماتىريال تاشلىغاندا بىر قىتىمدا بەك كۆپ تاشلىۋەتمەي، دەسلەپتە بىر مىتىر قىلىنلىقتا تاشلاپ، ئۈستىدىن بىسىپ سۇغا چۈكتۈرۈپ تۇرىمىز، ھەم بىسىپ تۇرىدىغان تاختاينى ھەر كۈندە ئىككى-ئۈچ قىتىم سىلكىنىپ تۇرىدىغان قىلىپ قويساق، ماتىريال ئارلىقلېرىدا گاز قاپلىشىۋالغان بولسا ۋاقتىدا بوشلۇققا لەيلەپ چىقىدۇ، گاز قاپلىشىۋىلىپ سۇدىن ئايرىلغان ماتىريالمۇ قايتا سۇ بىلەن ئۇچرىشىپ، داۋاملىق گاز ھاسىل بۇلۇپ تۇرىشى كاپالەتلەندۈرىلىدۇ. نەچچە يىللاردىنلا بىر خىل يۇپۇق يوللۇق يۇمشاق خالتىلىق گاز كۆلچەكلېرى ئۇيغۇر سودىگەرلېرىمىز تەرپىدىن تورلاردا ئېلان قىلىنىپ سىتىلىۋاتقان ئىدى. ئېھتىياجىمىزغا ماس كەلسە شۇنى سىتىۋىلىپ ئىشلەتسەكمۇ بۇلىدۇ.

xajarim

	مۇشۇ پاتقاق گازى توغرىلۇق  نۇرغۇن  يللاردىن بۇيان كۆپ ئاڭلاپ كەتتىم..  لىكىن تۈزۈك چۈشىنىش ھاسىل قىلمىغان ئىدىم. بۇ تېمىنى كۆرۈپ خىلى  نەرسىلەرنى بىلۋالدىم....     نىمىشقا ھۆكىمەت ھەممە ئائللىەرگە  مۇشۇ تەبئىي پاكىز بولغان پاتقاق گازى قىلىپ   بىرىپ  ، باشقا  بايلىقلارنى تىجىمەيدىغاندۇ  دەيمەن.......      مىنىڭمۇ بەكلا پايدىلانغىم بار مۇشۇ پاتقاق گازىدىن.   توك پۇلى، گاز  پۇلى تۆلىمەي   بىكارغىلا  ئۆز ئۆيىدىن  توك  ،گاز چىقسا  نىمىدىگەن ياخشى

1263318936

	بۇ تېمىنى كۆرۈپ خىلى  نەرسىلەرنى بىلۋالدىم

tumurqi998

	مىنىڭ ئۆيۇم يىزىدا ،تەبئى گاز تۇرۇبىسى يوق .ئۆينى بۇيىل سالغان ،ئۆينى يەردىن ئىسسيدىغان قىلىپ پار ئورناتقان ئىدىم ،توكتا ئىسسىيدىغان قىلاي دىسەم توك بەك جىق كىتىدىكەن ،قانداق قىلسام ئىنىرگىيە تىىجەيدىغان ھەم چىقىم ئازراق كىتىدىغان قىلغىلى بولىدۇ؟

pikAso

	ما گەپ بۇلاپ قالدى   بىزنىڭ نايىدە  90% دىھقاننىڭ ھويلىسىغا پاتقاق گاز كۆلچىكى ياسىتىپ 3يىل  بولدى تاشلىنىپ قالدى نۇرغۇن مەبلەغ سېلىپ ياسىتىپ قويۇپ ھېچ كىمنىڭ كارى يوق بىزنىڭ مۇ  بادى ياساپ قويغاننىڭ ياقى ئىچىگە بىر قىتىممۇ ماتىريال سېلىپ ئىشلىتىپىمۇ باقمىدۇق

tatinqak

	بۇنىڭدىن پايدىلانغاندا تاماقمۇ سەل گاز بۇرامدىكەن نىمە

uzum-tal

	pikAso يوللىغان ۋاقتى  2013-12-24 03:22 PM ما گەپ بۇلاپ قالدى   بىزنىڭ نايىدە  90% دىھقاننىڭ ھويلىسى ... بۇ ئىش بىزنىڭ قوشنا رايۇندىمۇ بوپتۇ بىرىپ كۆرمىگەچە مەن تىخى بۇ ئىشنى تېخنىكا خادىملاردىن كۆرۈپتىكەنمەن .تېما ئېگىسىنىڭ يازمىسىنى كۆرگەندىن كىيىن ھەممە خاتالىقنىڭ شۇلاردا ئىكەنلىگىنى ھىس قىلدىم .    دىھقانلار قانداق قىلىدۇ كۆلچەك ئىچىگە بىر-ئىككى ھارۋا قىغ بەش-ئون چىلەك سۇنى تۆكىۋىتىپ كەچىكە قازاننىڭ كۆتىگە قاراپ ئولتۇرغاندۇ  ياكى بولسا بۇنى ھۆكۈمەت ئۆزلىرى  ياساپ بەرگەندىن كىيىن شۇلار ئۆزى كۈندە كىلىپ ھە-ھۇ قىلىشىپ بەرمەمدۇ دەپ خاچىلىقتا تاشلاپ قويغاندۇ   . ......ئەسلىدە مۇھىم نۇقتىلارغا دىققەت قىلىپ ۋاقتى-ۋاقتىدا تەكشۇرۇپ نامۇۋاپىق جايلىرىنى ئوڭشاپ تۇرۇش كىرەككەن .

326ayixa

	ياخشى تەرەپلىرى كۆپ ئىكەن .

ADIL99

	بىزنىڭ كەنىتكىمۇ بار  400يۈەن ئالغان ئون كۈن تاماق ئىتىپ يىدۇق  ئاندىن تاشلىنىپ قالدى    سۇيى سىڭىپ كىتىش سەۋەپلىك گاز چىقمىدى  ياسىغان خەنزۇ پۇتتىرەلمەي  كۇلىيەغا  قاچتى

ئەلچۈن

	tumurqi998 يوللىغان ۋاقتى  2013-12-24 03:08 PM مىنىڭ ئۆيۇم يىزىدا ،تەبئى گاز تۇرۇبىسى يوق .ئۆينى بۇيى ...   مۇشۇ تېما ئېگىسىنىڭ تۈنۈگۈن مۇشۇ مۇنبەرگە چىقارغان يەر ئاستى سۈيىدىن پايدىلىنىپ ئۆيلەرنىڭ ئىسىتىش ۋە سوۋۇتۇش مەسىلىسىنى ھەل قىلىش توغرىلىق بىر تېمىسى بار، سىزگىمۇ ناھايىتى ماس كەلگۈدەك، پايدىلىنىپ باقارسىز. ئۇيغۇر تور بەتلىرىمىزمۇ بارغانسىرى ياخشىلىنىپ كېتىۋاتىدۇ، نۇرغۇنلىغان قىممەتلىك ئۇچۇرلار مۇشۇ تېما ئىگىسىدەك خالىس نىيەتلىك قېرىنداشلىرىمىز تەرىپىدىن تارقىتىلىپ، ئەمەلى تۇرمۇشتىكى، خىزمەتتىكى، ئىدىيىدىكى ھەل بولمىغان نۇرغۇن مەسىلىلەرگە يول چىقىپ ھەل بولۇۋاتىدۇ. بۇ ھەممىمىز خوشال بولۇشقا تىگشلىك، قوللاشقا تىگىشلىك ۋە ئۆزىمىز بىلگەن دائېرىدە ئىقتىدارىمىزنىڭ يىتىشىچە قاتنىشىشقا تېگىشلىك ئىش ئىكەن. مۇشۇنداق خالىس نىيەتلىك بىلىم ساخاۋەتچىلىرىگە ئەجىر ۋە رەھمەتلەر بولسۇن!