ﺑﯘ ﻣﯘﮬﻪﺑﺒﻪﺗﻨﯩﯔ ﺩﺍﯞﺍﻣﻰ ﺑﺎﺭﻣﯩﺪﯗ

ixaniq14

	ﺑﯘ ﻣﯘﮬﻪﺑﺒﻪﺗﻨﯩﯔ ﺩﺍﯞﺍﻣﻰ ﺑﺎﺭﻣﯩﺪﯗ (ھېكايە) ﺟﯩﺪﺩﯨﻴﭽﯩﻠﯩﻚ ﺋﯩﭽﯩﺪﻩ ﺋﯚﺗﻜﻪﻥ 2 ﻛﯜﻥ ﺋﯩﻤﺘﯩﮭﺎﻧﺪﯨﻦ ﻛﯧﻴﯩﻦ ﻛﯜﻧﺪﻩ ﺧﺎﺗﯩﺮﺟﻪﻣﺴﯩﺰﻟﯩﻚ ﺋﯩﭽﯩﺪﻩ ﭼﺎﻗﯩﺮﯨﻖ ﺳﺎﻗﻼﺵ ﻣﯧﻨﻰ ﺗﻮﻟﯩﻤﯘ ﺯﯦﺮﯨﻜﺘﯜﺭﺩﻯ. ﺷﯘﻧﯩﯔ ﺑﯩﻠﻪﻥ ﺗﻮﺭﻏﺎ ﭼﯩﻘﯩﭗ ﺩﻭﺳﺘﻠﯩﺮﯨﻢ ﭘﺎﺭﺍﯕﻠﯩﺸﯩﺶ ﻣﺎﯕﺎ ﺋﺎﺩﻩﺕ ﺑﯘﻟﯘﭖ ﻗﺎﻟﺪﻯ. ﮬﻪﺭ ﻛﯜﻧﻰ ﺳﻪﮬﻪﺭﺩﻩ ﻛﻮﻣﭙﯩﻴﯘﺗﯧﺮﻧﻰ ئېچۋالسام ﻛﻪﭼﺘﻪ ﺋﺎﭘﺎﻡ ﻗﺎﻗﺸﯩﻐﺎﻧﺪﯨﻦ ﻛﯧﻴﯩﻨﻼ ﺋﺎﻧﺪﯨﻦ ﺋﯚﭼﯜﺭﻩﺗﺘﯩﻢ. ﻛﯜﻧﻠﻪﺭ ﺷﯘ ﺗﻪﺭﯨﻘﯩﺪﻩ ﺋﯚﺗﯜﭖ ﭼﺎﻗﯩﺮﯨﻘﻼﺭ ﻛﯧﻠﯩﺸﻜﻪ ﺑﺎﺷﻠﯩﺪﻯ. ﻟﯧﻜﯩﻦ ﻣﺎﯕﺎ ﮬﯧﭽﻘﺎﻧﺪﺍﻕ ﺧﻪﯞﻩﺭ ﻳﻮﻕ . ﺷﯘﯕﺎ ﻛﻪﻳﭙﯩﻴﺎﺗﯩﻢ ﺗﻮﻟﯩﻤﯘ ﻧﺎﭼﺎﺭ ﺋﯩﺪﻯ. ﺑﯩﺮ ﻛﯜﻧﻰ (ﭺ ﭺ) ﺭﯨﻤﻐﺎ ﺑﯩﺮﯨﻨﯩﯔ ﻗﻮﺷﯘﯞﯦﻠﯩﺶ ﺋﯘﭼﯘﺭﻯ ﻛﻪﻟﺪﻯ. ﻣﻪﻧﻤﯘ ﮬﯧﭻ ﺋﻮﻳﻼﻧﻤﺎﻳﻼ ﻗﯘﺑﯘﻝ ﻗﯩﻠﺪﯨﻢ ﮬﻪﻡ ﺋﯘﻧﯩﯔ ﺑﯩﻠﻪﻥ ﺋﺎﺩﻩﺗﺘﯩﻜﯩﺪﻩﻙ ﭘﺎﺭﺍﯕﻠﯩﺸﯩﭗ ﺗﯘﻧﯘﺷﺘﯘﻕ. ﻧﯧﻤﯩﺸﻘﯩﻜﯩﻦ ﺋﯘﻧﯩﯔ ﺑﯩﻠﻪﻥ ﺗﯘﻧﺠﻰ ﻗﯧﺘﯩﻢ ﭘﺎﺭﺍﯕﻼﺷﻘﺎﻥ ﺑﻮﻟﺴﺎﻣﻤﯘ ﺧﯘﺩﺩﻯ ﻛﻮﻧﺎ ﺗﯘﻧﯘﺷﻼﺭﺩﻩﻙ ﺑﻪﻛﻤﯘ ﺋﻪﺭﻛﯩﻦ ﺋﯩﺪﯨﻢ. ئۇ ﺋﯚﺯﯨﻨﯩﯔ ﺗﻪﻧﺘﻪﺭﺑﯩﻴﻪ ﻣﻪﻛﺘﯩﭙﯩﺪﻩ ﺋﻮﻗﯘﻳﺪﯨﻐﺎﻧﻠﯩﻘﯩﻨﻰ، ئۈرۈمچىگە ﻛﻪﻟﮕﯩﻨﯩﮕﻪ 2 ﻳﯩﻞ ﺑﻮﻟﻐﯩﻨﯩﻨﻰ ﺩﯨﺪﻯ. ﺑﯩﺰ ﺷﯘﻧﺪﺍﻕ ﺗﯘﻧﯘﺷﯘﺷﻼﺭﺩﯨﻦ ﻛﯧﻴﯩﻦ ئۇ ﻣﻪﻛﺘﻪﭘﻜﻪ ﻗﺎﻳﺘﯩﺪﯨﻐﺎﻧﻠﯩﻘﯩﻨﻰ ئېيتىپ ﺧﻮﺷﻼﺷﺘﯘﻕ.ئۇنىڭ ﮔﻪﭘﻠﯩﺮﻯ ﺗﻮﺭﺩﯨﻜﻰ ﺑﻪﺯﻯ ﺗﯧﺘﯩﻘﺴﯩﺰ ﺑﺎﻟﯩﻼﺭﻧﯩﯔ ﮔﯧﭙﯩﮕﻪ ﭘﻪﻗﻪﺗﻼ ئوﺧﺸﯩﻤﺎﻳﺘﺘﻰ. ﮬﻪﺭ ﺑﯩﺮ ﺳﯚﺯﯨﺪﯨﻦ ﺳﻪﻣﯩﻤﯩﻴﻠﯩﻚ ﮬﻪﻡ ئەﺩﻩﭘﻠﯩﻜﻠﯩﻜﻰ ﭼﯩﻘﯩﭗ ﺗﯘﺭﺍﺗﺘﻰ. ﺗﻮﺭﺩﺍ ﮬﺎﺯﯨﺮ ﺑﯘﻧﺪﺍﻕ ﺩﻭﺳﺘﻼﺭﻧﻰ ﺗﯧﭙﯩﺶ ﺗﻪﺱ ﺑﻮﻟﻐﺎﭼﻘﺎ ئۇﻧﯩﯔ ﺑﯩﻠﻪﻥ ﺗﯘﻧﯘﺷﯘﭖ ﻗﺎﻟﻐﺎﻧﻠﯩﻘﯩﻤﺪﯨﻦ ﺑﻪﻛﻤﯘ ﺧﻮﺵ ﺑﻮﻟﺪﯗﻡ. ﻛﯚﯕﻠﯜﻣﺪﯨﻜﯩﺪﻩﻙ ئۇﻣﯘ ﮬﻪﺭ ﻛﯘﻧﻰ ﺗﻮﺭﻏﺎ ﭼﯩﻘﺎﺗﺘﻰ. ﺑﯩﺮ -ﺑﯩﺮﯨﻤﯩﺰﻧﻰ ﻛﯚﺭﯛﭖ ﺑﺎﻗﻤﺎﻱ ﺗﯘﺭﯗﭖ ﺋﯩﻨﺘﺎﻳﯩﻦ ﻳﯧﻘﯩﻦ ﺩﻭﺳﺘﻼﺭﺩﯨﻦ ﺑﯘﻟﯘﭖ ﻗﺎﻟﺪﯗﻕ. ﺷﯘ ﺟﻪﺭﻳﺎﻧﺪﺍ ئۇ ﻣﻪﻧﺪﯨﻦ ﻧﻪﺩﻩ ئوﻗﯘﻳﺪﯨﻐﺎﻧﻠﯩﻘﯩﻤﻨﻰ ﺳﻮﺭﯨﻐﺎﻥ ﺑﻮﻟﺴﯩﻤﯘ، ﻣﻪﻥ ﮔﻪﭘﻨﻰ ﺋﻪﮔﯩﺘﯩﭗ ئۇﻧﯩﯖﻐﺎ ﺟﺎﯞﺍﺏ ﺑﻪﺭﻣﯩﺪﯨﻢ، ئۇمۇﯘ ﻗﺎﻳﺘﺎ ﺑﯘ ﺗﻮﻏﺮﯨﻠﯩﻖ ﺳﯚﺯ ئاﭼﻤﯩﺪﻯ.ﭼﯜﻧﻜﻰ ئوﻗﯘﻏﯘﭼﻰ ﻗﯘﺑﯘﻝ ﻗﯩﻠﯩﺶ ئاﺧﯩﺮﻟﯩﺸﺎﻱ ﺩﯨﮕﻪﻥ ﺑﻮﻟﺴﯩﻤﯘ، ﻣﺎﯕﺎ ﻳﻪﻧﯩﻼ ﺧﻪﯞﻩﺭ ﻳﻮﻕ. ﺑﯘﻧﺪﺍﻕ ﺩﯨﺴﻪﻡ ﻣﯧﻨﻰ ﻧﯘﻣﯘﺭﻯ ﻳﻪﺗﻤﯩﮕﻪﻥ ئوخشايدۇ ﺩﻩﭖ ئوﻳﻼﭖ ﻗﺎﻟﻤﺎﯕﻼﺭ. ﻛﯚﯕﻠﯜﻣﻨﻰ ئەﯓ ﻳﯧﺮﯨﻢ ﻗﯩﻠﯩﺪﯨﻐﯩﻨﻰ ﻧﯘﻣﯘﺭﯗﻡ 2 - ﺗﯜﺭﻛﯜﻡ ﺳﯩﺰﯨﻘﯩﻐﺎ ﻳﯧﺘﯩﭗ ﺗﯘﺭﯗﭖ ﭼﺎﻗﯩﺮﯨﻖ ﻛﻪﻟﻤﯩﮕﯩﻨﻰ ﺑﻮﻟﺪﻯ . ئەﻣﺪﻯ ﻗﺎﻧﺪﺍﻕ ﻗﯩﻼﻱ؟ ئۆﻳﺪﯨﻜﯩﻠﻪﺭﮔﻪ ﻧﯩﻤﯩﺪﻩﭖ ﺟﺎﯞﺍﺏ ﺑﯧﺮﻩﻱ؟ ئاتا- ئانامﻧﺎﻡ ﻣﺎﯕﺎ ﭼﺎﻧﺪﯗﺭﻣﯩﻐﺎﻥ ﺑﯩﻠﻪﻥ ئۇﻻﺭﻧﯩﯔ ﻛﯚﯕﻠﯩﻨﯩﯔ ﻗﺎﻧﭽﯩﻠﯩﻚ ﻳﯧﺮﯨﻤﻠﯩﻘﻰ ﻣﺎﯕﺎ ئاﻳﺎﻥ ﺋﯩﺪﻯ. ﺋﺎﺗﺎ - ئاﻧﺎ ﺩﯨﮕﻪﻥ ﮬﺎﻣﺎﻥ ﺑﺎﻟﯩﻐﺎ ﭼﯩﺪﯨﻤﺎﻳﺪﯨﻜﻪﻥ. ﻣﯩﻨﯩﯔ ﻏﻪﻣﻜﯩﻦ ﭼﯩﺮﺍﻳﯩﻤﻐﺎ ﻛﯜﻟﻜﻪ ﻳﯜﮔﯜﺭﺗﯜﺵ ﮬﻪﻡ ئۆﺯ ﻛﯚﯕﯜﻟﻠﯩﺮﯨﮕﻪ ﺗﻪﺳﻪﻟﻠﯩﻲ ﺗﯧﭙﯩﺶ ئۈﭼﯜﻥ ئۇﻻﺭ ﻣﺎﯕﺎ ﺗﻪﺭﻩﭖ - ﺗﻪﺭﻩﭘﺘﯩﻦ ﻣﻪﻛﺘﻪﭖ ئۇﻗﯘﺷﯘﺷﻘﺎ ﺑﺎﺷﻠﯩﺪﻯ. ئەﻣﻤﺎ ﺑﯩﺰ ﺳﻪﻝ ﻛﯧﭽﯩﻜﻜﻪﻧﯩﺪﯗﻕ، ﻣﻪﻥ ﻛﯩﺮﯨﺸﻨﻰ ئۈﻣﯩﺪ ﻗﯩﻠﻐﺎﻥ ﻣﻪﻛﺘﻪﭘﻠﻪﺭﻧﯩﯔ ﺳﺎﻧﻰ ﺗﻮﺷﯘﭖ ﺑﻮﭘﺘﯘ. ﻣﯘﻧﺪﺍﻗﺮﺍﻕ ﻣﻪﻛﺘﻪﭘﻠﻪﺭﺩﻩ ﻣﯧﻨﯩﯔ ئوﻗﯘﻏﯘﻡ ﻛﻪﻟﻤﯩﺪﻯ. ﺷﯘﻧﺪﺍﻕ ﻗﯩﻠﯩﭗ ﺑﯘ ﮬﺎﻝ ﺋﺎﺗﺎ -ئاﻧﺎﻣﻨﻰ ئاﻳﺮﯨﻠﯩﺶ ئاﺯﺍﺑﯩﻐﺎ ﭼﯩﺪﺍﭖ ﺗﯘﺭﯗﭖ ﻣﯧﻨﻰ ﭼﻪﺗﻜﻪ ئوﻗﯘﺷﻘﺎ ﭼﯩﻘﯩﺮﯨﺶ ﻗﺎﺭﺍﺭﯨﻐﺎ ﻛﻪﻟﺘﯘﺭﺩﻯ. ﺷﯘﻧﯩﯔ ﺑﯩﻠﻪﻥ ﺑﯩﺰ ﮬﻪﺭ ﻛﯘﻧﻰ ﭼﻪﺗﻜﻪ ﭼﯩﻘﯩﺮﯨﺪﯨﻐﺎﻥ ﺷﯩﺮﻛﻪﺗﻠﻪﺭﮔﻪ ﻗﺎﺗﺮﺍﭖ ﻳﯘﺭﺩﯗﻕ. ﺑﯘ ﺑﯩﺮ ﻧﻪﭼﭽﻪ ﻛﯜﻧﺪﻩ ﺑﯘﺭﯗﻧﻘﯩﺪﻩﻙ ﯞﺍﻗﺘﯩﺪﺍ ﺗﻮﺭﻏﺎ ﭼﯩﻘﺎﻟﻤﯩﺪﯨﻢ. ﻛﻪﭼﺘﻪ ئۆﻳﮕﻪ ﮬﯧﺮﯨﭗ ﻗﺎﻳﺘﯩﭗ ﻛﯧﻠﯩﭗ ﺗﯘﻳﯘﻗﺴﯩﺰ ئۇ ئىسىمگە ﻛﯧﻠﯩﭗ ﻗﺎﻟﺪﻯ. ﺋﯩﺘﺘﯩﻚ ﺑﯧﺮﯨﭗ ﻛﻮﻣﭙﯩﻴﯘﺗﯧﺮﻧﻰ ئاﭼﺘﯩﻢ. ئۇ ﻳﻮﻗﻜﻪﻥ، ﺑﯩﺮﺍﻕ ﻣﻪﻧﺪﯨﻦ ئەﮬﯟﺍﻝ ﺳﻮﺭﺍﭖ ﻗﺎﻟﺪﯗﺭﻏﺎﻥ ﺧﯧﺘﻰ ﺑﺎﺭﻛﻪﻥ. ﺧﻪﺕ ئاﺩﺩﯨﻲ، ﻗﯩﺴﻘﺎ ﻗﺎﻟﺪﯗﺭﯗﻟﻐﺎﻥ ﺑﻮﻟﺴﯩﻤﯘ، ﻣﯧﻨﻰ ئۇﻧﺘﯘﭖ ﻗﺎﻟﻤﯩﻐﺎﻧﻠﯩﻘﯩﻐﺎ ﺧﻮﺵ ﺑﯘﻟﯘﭖ ﻣﻪﻧﻤﯘ ﺧﻪﺕ ﻗﺎﻟﺪﯗﺭﯗﭖ ﻗﻮﻳﺪﯗﻡ. ﻣﻪﻥ ﭼﻪﺗﻜﻪ ﭼﯩﻘﯩﺸﻘﺎ ﺗﯩﺰﯨﻤﻠﯩﺘﯩﭗ ﻗﻮﻳﻐﺎﻧﺪﯨﻦ ﻛﯧﻴﯩﻨﻤﯘ ﻛﯘﻧﻠﯩﺮﯨﻢ ﻳﻪﻧﯩﻼ ﺳﺎﻗﻼﺵ، ﺗﻮﺭﻏﺎ ﭼﯩﻘﯩﺶ ﺑﯩﻠﻪﻥ ئۆﺗﺘﻰ. ﭼﯜﻧﻜﻰ ﻣﺎﯕﺎ ﺗﯩﻞ ﺩﻩﺭﯨﺴﻰ ﺑﯧﺮﯨﺪﯨﻐﺎﻥ ئاﺩﻩﻡ ﭼﯩﻘﻘﯘﭼﻪ ﻳﻪﻧﯩﻼ ﺳﺎﻗﻠﯩﺸﯩﻢ ﻛﯧﺮﻩﻙ ﺋﯩﺪﻯ. ﺑﯘ ﺟﻪﺭﻳﺎﻧﺪﺍ ئۇ ﺑﯩﺮ ﻗﯧﺘﯩﻢ ﻳﯘﺭﺗﯩﻐﺎ ﺑﯧﺮﯨﭗ ﻛﻪﻟﺪﻯ. ئۇ ﻳﯘﺭﺗﯩﻐﺎ ﻗﺎﻳﺘﻘﺎﻧﺪﯨﻦ ﻛﯧﻴﯩﻨﻤﯘ ﺑﯩﺰﻧﯩﯔ ئاﻻﻗﯩﻤﯩﺰ ئۈﺯﯛﻟﯜﭖ ﻗﺎﻟﻤﯩﺪﻯ. ئۇ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺑﯩﺮ ﻗﯧﺘﯩﻢ ﺗﻮﺭﻏﺎ ﭼﯩﻘﻘﺎﻧﺪﺍ، ﻣﯩﻨﯩﯔ ﺗﯧﻠﯩﻔﻮﻥ ﻧﯘﻣﯘﺭﯗﻣﻨﻰ ﺳﻮﺭﺍﭖ ﻣﺎﯕﺎ ﻗﯩﺴﻘﺎ ئۇﭼﯘﺭ ﻳﺎﺯﯨﺪﯨﻐﺎﻧﻠﯩﻘﯩﻨﻰ ﺩﯦﺪﻯ. ﺷﯘﻧﯩﯔ ﺑﯩﻠﻪﻥ ﺑﯩﺰ ئەﮔﻪﺭ ﺗﻮﺭﻏﺎ ﭼﯩﻘﺎﻟﻤﺎﻱ ﻗﺎﻟﺴﺎﻕ، ﻗﯩﺴﻘﺎ ئۇﭼﯘﺭ ئاﺭﻗﯩﻠﯩﻖ ئاﻻﻗﯩﻠﯩﺸﯩﺪﯨﻐﺎﻥ ﺑﻮﻟﺪﯗﻕ. ﺷﯘ ﯞﺍﻗﯩﺘﺘﺎ ﻣﺎﯕﯩﻤﯘ ئوﻗﯘﺗﻘﯘﭼﻰ ﺗﯧﭙﯩﻠﯩﭗ ئوﻗﯘﺷﯘﻣﻨﻰ ﺑﺎﺷﻠﯩﺪﯨﻢ. 2008 - ﻳﯩﻠﻰ ﻳﺎﻏﻘﺎﻥ ﺗﯘﻧﺠﻰ ﻗﺎﺭ ﺋﯩﻜﻜﯩﻤﯩﺰﻧﻰ ئۇﭼﺮﺍﺷﺘﯘﺭﺩﻯ. ﺗﯘﻧﺠﻰ ﻗﺎﺭ ﻳﺎﻏﻘﺎﻥ ﻛﯘﻧﻰ ﻣﻪﻥ ئۇﻧﯩﯖﻐﺎ ﺷﺎﻛﯩﻼﺕ ﺳﻮﯞﻏﺎ ﻗﯩﻠﯩﺶ ﺗﻮﻏﺮﯨﺴﯩﺪﺍ ﻗﺎﺭﻟﯩﻖ ﺗﺎﺷﻼﭖ ﻗﯩﺴﻘﺎ ئۇﭼﯘﺭ ﻳﻮﻟﻠﯩﺪﯨﻢ. ﻣﯧﻨﯩﯔ ﺋﻮﻳﯘﻣﺪﺍ ﺑﯘ ﺑﯩﺮ ﭼﺎﻗﭽﺎﻕ ﺋﯩﺪﻯ، ﻟﯧﻜﯩﻦ ئۇ ﺑﯘ ﻗﺎﺭﻟﯩﻘﻨﻰ ﻗﯘﺑﯘﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻳﯧﺰﯨﭙﺘﯘ، ﻣﻪﻥ ( ئۇﻣﯘ ﭼﺎﻗﭽﺎﻕ ﻗﯩﻠﯩﯟﺍﺗﺎﻣﺪﯗ-ﻳﻪ؟ ) ﺩﯨﮕﻪﻥ ﺧﯩﻴﺎﻝ ﺑﯩﻠﻪﻥ ( ﻗﺎﺭﻟﯩﻘﯩﻤﻨﻰ ﻗﺎﭼﺎﻥ ﺑﯧﺮﯨﺴﯩﺰ؟ ) ﺩﻩﭖ ﺳﻮﺭﯨﺪﯨﻢ. ئۇ ئۆﺯﯨﻨﯩﯔ ﭘﻪﻗﻪﺕ ﻳﻪﻛﺸﻪﻧﺒﻪ ﻛۈﻧﯩﻼ ﯞﺍﻗﺘﻰ ﺑﺎﺭﻟﯩﻘﯩﻨﻰ، ﺑﺎﺷﻘﺎ ﯞﺍﻗﯩﺘﺘﺎ ﻣﻪﺷﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ئېيتىپ، ﻳﻪﻛﺸﻪﻧﺒﻪ ﻛﯘﻧﻰ ﻛﯚﺭﯛﺷﯩﺪﯨﻐﺎﻥ ﺑﻮﻟﺪﯗﻕ. ﻣﻪﻥ ئەﻣﺪﻯ ﺑﯘ ﭼﺎﻗﭽﺎﻗﻨﻰ ﻗﺎﻳﺘﯘﺭﯗﯞﺍﻻﻱ ﺩﯨﺴﻪﻣﻤﯘ ﺳﻪﻝ ﻛﯧﭽﯩﻜﻜﻪﻧﯩﺪﯨﻢ. 10 - ئاﻳﻨﯩﯔ 26 - ﻛﯘﻧﻰ ﻳﻪﻛﺸﻪﻧﺒﻪ، ﻣﻪﻥ ﺑﯩﺮ ﺧﯩﻞ ﮔﯘﻣﺎﻥ ئىچىدە ﺩﻭﺳﺘﯘﻣﻨﻰ ئېلىپ، ئۇﻧﯩﯔ ﺑﯩﻠﻪﻥ ﺩﯦﻴﯩﺸﻜﻪﻥ ﺟﺎﻳﻐﺎ ﺑﺎﺭﺩﯨﻢ. ﺑﯩﺮﺍﻕ ﺩﯦﻴﯩﺸﻜﻪﻥ ﯞﺍﻗﺘﯩﻤﯩﺰ ﺗﻮﺷﻘﺎﻥ ﺑﻮﻟﺴﯩﻤﯘ ئۇ ﻛﯚﺭﯛﻧﻤﻪﻳﺘﺘﻰ. ﺩﻭﺳﺘﯘﻣﻨﯩﯔ ئاﻟﺪﯨﺪﺍ ئۆﺯﯛﻣﻨﻰ ﺑﯩﺮﺧﯩﻞ ﺳﻪﺗﻠﻪﺷﻜﻪﻧﺪﻩﻙ ﮬﯧﺲ ﻗﯩﻠﯩﭗ ﺗﯘﻧﺠﻰ ﻗﯧﺘﯩﻢ ئۇﻧﯩﯖﻐﺎ ﺗﯧﻠﯩﻔﯘﻥ ﺑﻪﺭﺩﯨﻢ. _ ﻳﺎﺧﺸﯩﻤﯘﺳﯩﺰ؟ _ ﻳﺎﺧﺸﯩﻤﯘ؟ ﻛﯧﻠﯩﭗ ﺑﻮﻟﺪﯨﯖﯩﺰﻣﺎ؟ _ ﻧﻪﺩﻩ ﻗﯩﺰ ﺑﺎﻟﯩﻨﻰ ﺳﺎﻗﻠﯩﺘﯩﺪﯨﻐﺎﻥ ﺋﯩﺶ ﺑﺎﺭﻛﻪﻥ؟ ئۇﻧﯩﯔ ئۈﺳﺘﯩﮕﻪ ﺑﯘ ﺩﯨﮕﻪﻥ ﺗﯘﻧﺠﻰ ﻗﯧﺘﯩﻢ ﻛﯚﺭﯙﺷﯩﺸﯩﻤﯩﺰ ﺗﯘﺭﺳﺎ؟ _ ﻣﺎﻗﯘﻝ. ﻣﻪﻥ ﮬﺎﺯﯨﺮ ﭼﯩﻘﺎﻱ. ئۇﺯﯗﻥ ئۆﺗﻤﻪﻱ ﺗﯧﻠﯩﻔﯘﻧﯘﻡ ﺳﺎﻳﺮﯨﺪﻯ. ﻗﺎﺭﯨﺴﺎﻡ ئۇﻛﻪﻥ. ( ﻧﯩﻤﻪ ﭼﯩﻘﻤﺎﻱ ﺗﯧﻠﯩﻔﯘﻥ ﻗﯩﻠﯩﭗ ﻳﯜﺭﯨﺪﯨﻐﺎﻧﺪﯗ ) ﺩﻩﭖ ئوﻳﻼﭖ ﺗﯧﻠﯩﻔﯘﻧﻨﻰ ئاﻟﺪﯨﻢ. _ ﻗﯧﻨﻰ ﺳﯩﺰ؟ _ ئاﺭﻗﯩﯖﯩﺰﻏﺎ ﻗﺎﺭﺍﯕﻪ. ﺋﯩﺘﺘﯩﻚ ئاﺭﻗﺎﻣﻐﺎ ﺑﯘﺭﯗﻟﺪﯗﻡ، ﻣﻪﻧﺪﯨﻦ ﻧﻪﭼﭽﻪ ﻗﻪﺩﻩﻣﻼ ﻳﯩﺮﺍﻗﺘﺎ ئۇ ﻗﻮﻟﯩﺪﺍ ﺷﺎﻛﯩﻼﺕ ﺗﯘﺗﻘﯩﻨﯩﭽﻪ ﻣﺎﯕﺎ ﻗﺎﺭﺍﭖ ﻛﯜﻟﯜﭖ ﺗﯘﺭﺍﺗﺘﻰ. ئۇﻧﯩﯔ ﺑﯘ ﮬﺎﻟﯩﺘﻰ ﺑﻪﻛﻤﯘ ئوﻣﺎﻕ ﺋﯩﺪﻯ. ﻣﻪﻧﻤﯘ ﻛﯜﻟﮕﯩﻨﯩﻤﭽﻪ ئۇﻧﯩﯔ ﻳﯧﻨﯩﻐﺎ ﺑﺎﺭﺩﯨﻢ. ﺑﯩﺰ ﻗﺎﻳﺘﯩﺪﯨﻦ ئەﮬﯟﺍﻟﻠﯩﺸﯩﭗ ئۇ ﻗﻮﻟﯩﺪﯨﻜﻰ ﺷﺎﻛﯩﻼﺗﻨﻰ ﻣﺎﯕﺎ ﺳﯘﻧﺪﻯ، ( ﺭﻩﮬﻤﻪﺕ ) ﺩﻩﭖ ﺷﺎﻛﯩﻼﺗﻨﻰ ﻗﻮﻟﯘﻣﻐﺎ ئاﻟﻐﺎﻧﺪﺍ ﺑﻮﻟﺴﺎ، ﺧﯘﺩﺩﯨﻲ ﻛﯩﭽﯩﻚ ﺑﺎﻟﯩﻼﺭ ﮬﯧﻴﺘﻠﯩﻖ ئېلىپ ﺧﻮﺵ ﺑﻮﻟﻐﺎﻧﺪﻩﻙ ﻗﻪﯞﻩﺗﻼ ﺧﻮﺵ ﺑﯘﻟﯘﭖ ﻛﻪﺗﺘﯩﻢ. ﺑﯩﻠﻠﻪ ﻛﻪﻟﮕﻪﻥ ﺩﻭﺳﺘﯘﻣﻨﯩﯔ ﺗﯘﻳﯘﻗﺴﯩﺰ ئاﺯﺭﺍﻕ ﺋﯩﺸﻰ ﭼﯩﻘﯩﭗ ﻗﺎﻟﻐﺎﭼﻘﺎ ﮬﯧﻠﻰ ﻛﯧﻠﯩﺪﯨﻐﺎﻧﻠﯩﻘﯩﻨﻰ ئېيتىپ ﻛﻪﺗﺘﻰ. ﻣﻪﻥ ئىگىز ﺟﺎﻳﻼﺭﻏﺎ ﺑﻪﻙ ئاﻣﺮﺍﻕ ﺑﻮﻟﻐﺎﭼﻘﺎ ﺑﯩﺰ ﻗﯩﺰﯨﻠﺘﺎﻏﻘﺎ ﭼﯩﻘﺘﯘﻕ. ﻳﻮﻟﺪﺍ ئۇ ( ئۇﮬ ) ﺩﯦﮕﯩﻨﯩﭽﻪ ﻣﯧﻴﯩﻘﯩﺪﺍ ﻛﯜﻟﺪﻯ، ﺑﯘ ﮬﺎﻝ ﻣﯧﻨﻰ ئاﺯﺭﺍﻕ ئوﯕﺎﻳﺴﯩﺰﻻﻧﺪﯗﺭﯗﭖ ﻗﻮﻳﺪﻯ. _ ﻧﯩﻤﻪ ﺑﻮﻟﺪﻯ؟ _ ﻳﺎﻕ ﺷﯘ... ئاﺯﺭﺍﻕ ﺟﯩﺪﺩﯨﻴﻠﯩﺸﯩﭗ... _ ﮬﻪ ؟ ﻣﻪﻥ ﺷﯘﻧﺪﺍﻕ ﻗﻮﺭﻗﯘﻧﭽﻠﯘﻗﻤﯩﻜﻪﻧﻤﻪﻥ؟ - ﺩﯦﺪﯨﻢ ﻣﻪﻥ ﻛﯜﻟﮕﯩﻨﯩﻤﭽﻪ. _ ﻣﻪﻥ ﺳﯩﺰﻧﻰ ﻛﻪﻟﻤﻪﻣﺪﯨﻜﯩﻦ، ﻣﯧﻨﻰ ئاﻟﺪﺍﯞﺍﺗﻘﺎﻧﻤﯩﺪﯗ ﺩﻩﭖ ئوﻳﻠﯩﻐﺎﻧﺘﯩﻢ. _ ﻧﯧﻤﯩﺸﻘﺎ ﻛﻪﻟﻤﻪﻳﻤﻪﻥ؟ ﺷﺎﻛﯩﻼﺗﻨﻰ ئېلىش ئۈﭼﯜﻥ ﺑﻮﻟﺴﯩﻤﯘ ﭼﻮﻗﯘﻡ ﻛﯧﻠﯩﻤﻪﻧﺪﻩ، - ﺋﯩﻜﻜﯩﻤﯩﺰ ﺑﯩﺮ - ﺑﯩﺮﯨﻤﯩﺰﮔﻪ ﻗﺎﺭﺍﭖ ﻛﯜﻟﯜﭖ ﻛﯧﺘﯩﺸﺘﯘﻕ. ﺷﯘ ﻗﯧﺘﯩﻤﻠﯩﻖ ﻗﯩﺴﻘﺎ ﻛﯚﺭﯛﺷﯜﺷﺘﯩﻦ ﻛﯧﻴﯩﻦ ﺑﯩﺰﻧﯩﯔ ئاﺭﯨﻠﯩﻘﯩﻤﯩﺰ ﺑﯩﺮ ﻗﻪﺩﻩﻡ ﻳﯧﻘﯩﻨﻠﯩﺪﻯ ﺩﻩﭖ ئوﻳﻼﻳﻤﻪﻥ. ﻛﯧﻴﯩﻨﻜﻰ ﻳﻪﻛﺸﻪﻧﺒﻪ ﻛﯘﻧﻰ ﻛﯚﺭﯛﺷﯜﺷﻜﻪ ﻣﻪﻥ ئۇﻧﻰ ﺗﻪﻛﻠﯩﭗ ﻗﯩﻠﺪﯨﻢ. ئۇ ﻛﯜﻧﻰ ﮬﺎﯞﺍ ﺗﻮﻟﯩﻤﯘ ﻳﺎﺧﺸﻰ ﺋﯩﺪﻯ. ﺑﯩﺰ ﭼﯩﻤﻠﯩﻘﺘﺎ ئوﻟﺘﯘﺭﯗﭖ ﻧﯘﺭﻏﯘﻥ ﺗﯧﻤﯩﻼﺭ ئۈستىدە ﭘﺎﺭﺍﯕﻼﺷﺘﯘﻕ. ئۇﻧﯩﯔ ﺑﯩﻠﻪﻥ ﻗﯩﺰﯨﻘﯩﺸﻠﯩﺮﯨﻤﯩﺰ ئاﺳﺎﺳﻪﻥ ئوﺧﺸﺎﻳﺘﺘﻰ. ئۇﻧﯩﯔ ﺑﯩﻠﻪﻥ ﺑﯩﻠﻠﻪ ﺑﻮﻟﺴﺎﻡ ﯞﺍﻗﯩﺖ ﺗﻮﻟﯩﻤﯘ ﺗﯧﺰ ئۆﺗﻪﺗﺘﻰ. ﺷﯘ ﻗﯧﺘﯩﻤﻘﻰ ئۇﭼﺮﯨﺸﯩﺸﺘﯩﻦ ﻛﯧﻴﯩﻦ ﻣﻪﻥ ئۆﺯﯛﻣﻨﻰ ئۇﻧﯩﯖﺪﯨﻦ ﺗﺎﺭﺗﺘﯩﻢ. ﭼﯜﻧﻜﻰ ﻛﯚﯕﻠﯜﻡ ﺑﯩﺮﻧﻪﺭﺳﯩﻨﻰ ﺳﻪﺯﮔﻪﻧﺪﻩﻙ ﻗﯩﻼﺗﺘﻰ. ﺑﯩﻜﺎﺭ ﻗﺎﻟﺴﺎﻡ ﺗﯘﻳﯘﻗﺴﯩﺰ ئۇ ئېسىمگە ﻛﯧﻠﯩﭗ ﻗﺎﻻﺗﺘﻰ ، ﺑﻪﺯﻯ ﮔﻪﭘﻠﯩﺮﯨﻨﻰ ئوﻳﻠﯩﺴﺎﻡ ئۆﺯﯛﻡ ﺑﯩﻠﻪﻥ ئۆﺯﯛﻡ ﻛﯜﻟﯜﭖ ﻛﯧﺘﻪﺗﺘﯩﻢ. ﻣﻪﻥ ﺑﯘ ئاﻻﻣﻪﺗﻠﻪﺭﻧﯩﯔ ﻧﯧﻤﯩﺪﯨﻦ ﺩﯦﺮﻩﻙ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﻪﺗﺘﯩﻢ ، ﺑﯩﺮﺍﻕ ئۆﺯ ﻛﯚﯕﻠﯜﻣﮕﻪ ﺑﯘﻧﺪﺍﻕ ئاﺳﺎﻥ ﺋﯜﺗﺘﯘﺭﯗﭖ ﺑﺎﺵ ئەﮔﻜﯜﻡ ﻛﻪﻟﻤﯩﺪﻯ. ﺷﯘﯕﺎ ئۇﻧﯩﯖﺪﯨﻦ ﻳﯩﺮﺍﻗﻠﯩﺸﯩﺸﻨﻰ ئۆﺯﯛﻣﮕﻪ ﻻﻳﯩﻖ ﺗﺎﭘﺘﯩﻢ. ( ئۆﻳﺪﯨﻜﻰ ﮬﯧﺴﺎﺏ ﺑﺎﺯﺍﺭﻏﺎ ﺗﻮﻏﺮﺍ ﻛﻪﻟﻤﻪﭘﺘﯘ ) ﺩﯨﮕﻪﻧﺪﻩﻙ ﺑﯘ ﺧﯩﻴﺎﻟﻠﯩﺮﯨﻢ ئەﻣﻪﻟﮕﻪ ﺋﺎﺷﻤﯩﺪﻯ. ئۇ ﻣﻪﻥ ﺑﯩﻠﻪﻥ ﻳﻪﻧﯩﻼ ﺑﯘﺭﯗﻧﻘﯩﺪﻩﻙ ئاﻻﻗﯩﻠﯩﺸﯩﭗ ﺗﯘﺭﺩﻯ. ﺗﯧﻠﯩﻔﻮﻥ ﻛﻪﻟﺴﻪ ئاﻟﻤﺎﺳﻠﯩﻘﻘﺎ، ئۇﭼﯘﺭ ﻛﻪﻟﺴﻪ ﻗﺎﻳﺘﯘﺭﻣﺎﺳﻠﯩﻘﻘﺎ ﻛﯚﯕﻠﯜﻡ ئۇﻧﯩﻤﺎﻳﺘﺘﻰ. ﺗﻪﺑﯩﺌﯩﻲ ئاﻻﻗﯩﻤﯩﺰ ﺑﺎﺭﻏﺎﻧﺴﯧﺮﻯ ﻗﻮﻳﯘﻗﻠﯩﺸﯩﺸﻘﺎ ﺑﺎﺷﻠﯩﺪﻯ. ﺑﯘﺭﯗﻧﻘﻰ ﻛﯘﻧﺪﻩ ﺑﯩﺮ ﻗﯧﺘﯩﻢ ﺗﯧﻠﯩﻔﻮﻥ ﻗﯩﻠﯩﺶ، ﻛﯘﻧﯩﮕﻪ ﺋﯩﻜﻜﻰ - ئۈﭺ ﯞﺍﺥ ﺗﯧﻠﯩﻔﻮﻥ ﻗﯩﻠﯩﺸﻘﺎ ،ﮔﻪﭘﻠﯩﺮﯨﻤﯩﺰ ﺑﯘﺭﯗﻧﻘﻰ ئاﺩﺩﯨﻲ ئەﮬﯟﺍﻝ ﺳﻮﺭﺍﺷﺘﯩﻦ ئۆﺯ - ئاﺭﺍ ﻛﯜﻳﯜﻧﯜﺵ، ئاﻧﭽﻪ - ﻣﯘﻧﭽﻪ ﺑﺎﺷﻘﯘﺭﯗﺵ... ﺩﯨﮕﻪﻧﻠﻪﺭﮔﻪ ئۆﺯﮔﻪﺭﺩﻯ. ﻣﻪﻥ ﺑﯘﺭﯗﻧﺪﯨﻦ ﻧﯩﻤﻪ ﺩﯨﺴﻪﻡ ﺷﯘﻧﻰ ﻗﯩﻠﯩﭗ، ئۆﺯﯛﻣﻨﯩﯖﻜﯩﻨﻰ ﺭﺍﺳﺖ ﺩﻩﭖ ئەﺭﻛﻪ ئۆﮔﯩﻨﯩﭗ ﻗﺎﻟﻐﺎﭼﻘﺎ، ﻣﻪﻥ ﺗﯧﻠﯩﻔﯘﻥ ﻗﯩﻠﻐﺎﻧﺪﺍ ئەﮔﻪﺭ ﺗﯧﻠﯩﻔﯘﻧﻰ ئىتتىك ﺑﯘﻟﯘﭖ ﻗﺎﻟﺴﯩﻼ، ئۇﻧﯩﯔ ﮬﻪﺭ ﻗﺎﻧﺪﺍﻕ ﭼﯘﺷﻪﻧﺪﯛﺭﯛﺷﻠﯩﺮﯨﻨﻰ ئاﯕﻠﯩﻤﺎﻱ: _ ﻳﺎﻕ، ﺋﯩﺸﻘﯩﻠﯩﭗ ﺳﯩﺰ ﻗﻪﺳﺘﻪﻥ ﺷﯘﻧﺪﺍﻕ ﻗﯩﻠﺪﯨﯖﯩﺰ. ﻧﯧﻤﯩﺸﻘﺎ؟- ﺩﻩﭘﻼ ﺗﯘﺭﯗﯞﺍﻻﺗﺘﯩﻢ. ﺑﯘﻧﺪﺍﻕ ﯞﺍﻗﯩﺘﻼﺭﺩﺍ ئۇ ﻣﺎﯕﺎ ﭘﻪﻗﻪﺕ ﻗﺎﺗﺘﯩﻖ ﺗﻪﮔﻤﻪﻳﺘﺘﻰ، ﻣﯩﺠﻪﺯﯨﻤﻨﻰ ﺑﻪﻙ ﭼﯜﺷﯩﻨﯩﭗ ﻛﻪﺗﺘﯩﻤﯘ ﻗﺎﻧﺪﺍﻕ ﻛﯜﻟﯜﭖ ﺗﯘﺭﯗﭖ: _ ﻣﺎﻗﯘﻝ، ﻛﯧﻴﯩﻦ ﺩﯦﻘﻘﻪﺕ ﻗﯩﻼﻱ، ﺑﯩﺮﺍﻕ ﺑﯘ ﻗﯧﺘﯩﻤﻤﯘ ﮬﻪﺭﮔﯩﺰ ﻗﻪﺳﺘﻪﻥ ﻗﯩﻠﻤﯩﺪﯨﻢ. ﮬﻪﺭ ﻗﯧﺘﯩﻢ ئۇﻧﯩﯔ ﺑﯘ ﻛﯜﻟﻜﯩﺴﯩﻨﻰ ﻛﯚﺭﺳﻪﻡ ﻛﯚﯕﻠﯜﻡ ﺗﻮﻟﯩﻤﯘ ئېچلىپ ﻗﺎﻻﺗﺘﻰ. ﺑﯩﺮﺍﻕ ﺋﺎﺩﻩﻣﻨﯩﯔ ﺋﯚﺯﻯ ئەﯓ ﻳﯧﻘﯩﻦ ﺑﯩﻠﯩﺪﯨﻐﺎﻥ، ﻳﺎﺧﺸﻰ ﻛﯚﺭﯨﺪﯨﻐﺎﻥ ئاﺩﯨﻤﯩﺪﯨﻦ ﻛﯚﯕﻠﻰ ئەﯓ ئاﺳﺎﻥ ﺭﻩﻧﺠﯩﻴﺪﯨﻜﻪﻥ، ﮔﻪﺭﭼﻪ ﺷﯘﻧﭽﯩﻠﯩﻚ ﻛﯩﭽﯩﻚ ئەﺭﺯﯨﻤﻪﺱ ﺋﯩﺸﻼﺭ ﺑﻮﻟﺴﯩﻤﯘ... ﺗﻮﻻ ﯞﺍﻗﯩﺘﻼﺭﺩﺍ ئۆﺯ - ئۆﺯﯛﻣﮕﻪ ﺗﻮﻟﯩﻤﯘ ئۆﭺ ﺑﯘﻟﯘﭖ ﻛﯧﺘﻪﺗﺘﯩﻢ. ﺷﯘ ئەﺳﻜﻰ، ئەﺭﻛﻪ ﻣﯩﺠﻪﺯﯨﻢ ﺳﻪﯞﻩﺑﯩﺪﯨﻦ ئۇﻧﯩﯖﺪﯨﻦ ﺩﺍئىم ئوﺭﯗﻧﺴﯩﺰ ئاﻏﺮﯨﻨﯩﭗ ﻳﯘﺭﻩﺗﺘﯩﻢ. ئۆﺯﯛﻣﻨﯩﯔ ﺧﺎﺗﺎ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﭗ ﺗﯘﺭﺳﺎﻣﻤﯘ، ﻟﯧﻜﯩﻦ ﮬﻪﺭﮔﯩﺰ ئاﻏﺰﯨﻤﺪﯨﻦ ﭼﯩﻘﺎﺭﻣﺎﻳﺘﺘﯩﻢ. ﺑﻪﻟﻜﯩﻢ ﺑﯩﺮ ﻗﯧﺘﯩﻤﻠﯩﻖ ﻛﻪﭼﯜﺭﯛﻡ ﺳﻮﺭﺍﺵ ﺑﯩﻠﻪﻥ ئۇﻧﯩﯔ ﻛﯚﯕﻠﯩﺪﯨﻜﻰ ئوﺑﺮﺍﺯﯨﻤﻨﯩﯔ ﻳﻮﻗﯩﻠﯩﭗ ﻛﯧﺘﯩﺸﯩﺪﯨﻦ ﻗﻮﺭﻗﺴﺎﻡ ﻛﯧﺮﻩﻙ. ﻗﯩﺴﻤﻪﻥ ﯞﺍﻗﯩﺘﻼﺭ ﻣﻪﻥ ئۇﻧﻰ ﺯﺍﺩﻯ ئەﻳﯩﺒﻠﯩﻤﯩﺴﻪﻡ ﺑﻮﻟﻤﺎﻳﺪﯨﻐﺎﻥ ، ﭼﯧﻜﯩﮕﻪ ﻳﻪﺗﻜﻪﻥ ﯞﺍﻗﯩﺘﻼﺭ ﺋﯩﺪﻯ. ﭼﯜﻧﻜﻰئۇ ﺗﯘﺭﯗﭖ - ﺗﯘﺭﯗﭘﻼ ﻛﯧﭽﯩﺴﻰ ﻳﺎﺗﯩﻘﯩﻐﺎ ﻗﺎﻳﺘﻤﺎﻱ ﺗﻮﺭﺧﺎﻧﯩﺪﺍ ﺗﺎﯓ ئاﺗﻘﯘﺯﺍﺗﺘﻰ ﻳﺎﻛﻰ ﻛﻮﭼﯩﺪﺍ ﺩﻭﺳﺘﻠﯩﺮﻯ ﺑﯩﻠﻪﻥ ئاﻳﻠﯩﻨﯩﭗ ﻳﯘﺭﻩﺗﺘﻰ. ﺗﻮﺭﻏﺎ ﭼﯩﻘﺴﯩﻐﯘ ئۇﻧﻰ ﻧﻪﻕ ﻣﻪﻳﺪﺍﻧﺪﺍ ﺗﯘﺗﯩﯟﺍﻻﻻﻳﻤﻪﻥ، ئەﮔﻪﺭ ﻛﻮﭼﯩﺪﺍ ﻳﯜﺭﺳﯩﭽﯘ؟... ئۇﻣﯘ ئاﺳﺎﻥ. ﺑﯘﻧﯩﯖﻐﺎ ﻣﯧﻨﯩﯔ ﻛﯜﭼﯩﺸﯩﻢ ﮬﺎﺟﻪﺗﺴﯩﺰ، ئۇ ئۆﺯﯨﻼ ﺩﺍﯞﺍﻣﻠﯩﻖ ﭼﺎﻧﺪﯗﺭﯗﭖ ﻗﯘﻳﯘﭖ ﮬﻪﻣﻤﯩﻨﻰ ﺩﻩﯞﯨﺘﻪﺗﺘﻰ، ﺷﯘﻧﯩﯔ ﺑﯩﻠﻪﻥ ﻳﻪﻧﻪ ﻣﻪﻧﺪﯨﻦ ﮔﻪﭖ ئاﯕﻼﻳﺘﺘﻰ.( ﺳﯩﺰ ﺳﺎﻗﭽﯩﻤﯘ؟ ﻧﯧﻤﯩﺸﻘﺎ ئوﻏﯘﻝ ﺑﺎﻟﯩﻨﯩﯔ ﮬﻪﻣﻤﻪ ﺋﯩﺸﯩﻐﺎ ئاﺭﻟﯩﺸﯩﯟﺍﻟﯩﺴﯩﺰ؟ ) ﺩﯨﻤﻪﯓ، ﻣﻪﻥ ﭼﯘﻗﯘﻡ ئاﺭﻟﯩﺸﯩﺸﯩﻢ ﻛﯧﺮﻩﻙ، ﭼﯜﻧﻜﻰ ئۇﻧﯩﯔ ﮬﻪﺭ ﻛﯜﻧﺪﯨﻜﻰ ﻣﻪﺷﯩﻘﯩﻨﯩﯔ ﻗﺎﻧﭽﯩﻠﯩﻚ ئېغىرﻟﯩﻘﯩﻨﻰ ﮔﻪﺭﭼﻪ ﻛﯚﺭﯛﭖ ﺑﺎﻗﻤﯩﻐﺎﻥ ﺑﻮﻟﺴﺎﻣﻤﯘ، ﺗﯧﻠﯩﻔﯘﻧﺪﯨﻜﻰ ﮬﺎﺭﻏﯩﻦ ئاﯞﺍﺯﯨﺪﯨﻦ ﺑﯩﻠﻪﻟﻪﻳﺘﺘﯩﻢ. ئۇﻧﯩﯔ ئۈﺳﺘﯩﮕﻪ ئۇ ﺗﯘﻧﺠﻰ ﻗﯧﺘﯩﻢ ﻣﯧﻨﯩﯔ ﻗﻪﻟﺒﯩﻤﮕﻪ ﺳﯩﯖﯩﭗ ﻛﯩﺮﻩﻟﯩﮕﻪﻥ ئاﺩﻩﻡ. ﻣﻪﻥ ﻗﺎﺭﻏﺎ ﺑﻪﻙ ئاﻣﺮﺍﻕ، ﺑﯩﺰ ﺷﯘ ﻗﺎﺭﺩﺍ ﺗﯘﻧﯘﺷﻘﺎﻥ. ﻗﺎﺭ ﻣﻪﻧﺰﯨﺮﯨﺴﻰ ﺑﻪﻙ ﭼﯩﺮﺍﻳﻠﯩﻖ، ﺑﯩﺰ ﺷﯘ ﻗﺎﺭﺩﺍ ﻗﺎﺭ ﺋﯧﺘﯩﺸﯩﭗ ، ﻗﺎﺭ ﺑﻮﯞﺍﻱ ﻳﺎﺳﺎﭖ ئوﻳﻨﯩﻐﺎﻥ. ئىككلىمىزنىڭ ﺗﯘﻏﯘﻟﻐﺎﻥ ﻛﯜﻧﻰ ئەﻧﻪ ﺷﯘ ﻗﺎﺭ ﭘﻪﺳﻠﯩﺪﻩ. ﻣﯧﻨﯩﯔ ﺗﯘﻏﯘﻟﻐﺎﻥ ﻛﯜﻧﯜﻡ ﺑﯘ ﻳﯩﻠﻐﺎ، ئۇﻧﯩﯔ ﺑﻮﻟﺴﺎ ﻛﯧﻴﯩﻨﻜﻰ ﻳﯩﻠﻐﺎ ﺗﻪﯞﻩ ﺋﯩﺪﻯ. ﺗﯘﻏﯘﻟﻐﺎﻥ ﻛﯜﻧﯜﻣﺪﻩ ﺑﯩﺰ ﻳﻪﻧﯩﻼ ﺷﯘ ﺩﺍﯞﺍﻣﻠﯩﻖ ﻛﯚﺭﯨﺸﯩﺪﯨﻐﺎﻥ ﺑﺎﻏﭽﯩﺪﺍ ﻛﯚﺭﯛﺷﺘﯘﻕ. ﻣﻪﻥ ئۇ ﻛﯜﻧﻰ ﺑﻪﻙ ﺧﻮﺷﺎﻝ ﺑﻮﻟﺪﯗﻡ، ئۇ ﻣﻪﻥ ئۈﭼﯜﻥ ﻗﺎﺭ ﺑﻮﯞﺍﻱ ﻳﺎﺳﺎﭘﺘﯘ، ئاﭘﭙﺎﻕ ﻗﺎﺭ ئۈﺳﺘﯩﮕﻪ ﻣﻪﻥ ئۈﭼﯜﻥ ﺧﻪﺕ ﻳﯧﺰﯨﭙﺘﯘ. ﻗﻮﻟﯩﺪﺍ ﺑﻮﻟﺴﺎ ﻣﻪﻥ ئاﻣﺮﺍﻕ ﻗﻮﻧﭽﺎﻕ ﺗﯘﺭﺍﺗﺘﻰ. ئۇﻧﯩﯔ ﺳﻮﻏﯘﻗﺘﺎ ﻗﯩﺰﯨﺮﯨﭗ ﻛﻪﺗﻜﻪﻥ ﻗﻮﻟﯩﻐﺎ ﻗﺎﺭﺍﭖ ئىچىم ئاﭼﭽﯩﻖ ﺑﻮﻟﺪﻯ. _ ﻗﻮﻟﯩﯖﯩﺰ ﺗﻮﯕﻠﯩﺪﯨﻤﯘ؟ _ ﻳﺎﻕ. _ ﺗﻮﯕﻼﭖ ﻗﯩﺰﯨﺮﯨﭗ ﻛﯧﺘﯩﭙﺘﯩﻐﯘ ئەﻧﻪ. ﻳﻪﻧﻪ ﻳﺎﻕ ﺩﻩﻳﺴﯩﺰﻏﯘ؟ _ ﺑﺎﻳﺎ ﺗﻮﯕﻠﯩﻐﺎﻥ ﻟﯧﻜﯩﻦ ﮬﺎﺯﯨﺮ ﮬﯧﭽﻘﺎﻧﺪﺍﻕ ﺳﯧﺰﯨﻢ ﻳﻮﻕ. ﺧﺎﺗﯩﺮﺟﻪﻡ ﺑﯘﻟﯘﯕﻪ، ﮬﯧﭽﻨﯩﻤﻪ ﺑﻮﻟﻤﺎﻳﺪﯗ. ئۇﻧﯩﯔ ﻗﻮﻟﯩﺪﯨﻜﻰ ﻗﻮﻧﭽﺎﻗﻨﻰ ﻣﺎﯕﺎ ﺗﯧﺰﺭﺍﻕ ﺑﯧﺮﯨﺸﯩﻨﻰ ئۈﻣﯩﺪ ﻗﯩﻼﺗﺘﯩﻢ، ﺷﯘﻧﺪﯨﻼ ئۇ ﻗﻮﻟﯩﻨﻰ ﺋﯩﺴﺴﯩﺘﺎﻻﻳﺘﺘﻰ. ﺑﯩﺮﺍﻕ ئۇ ﮬﯧﭽﺒﯩﺮ ﺑﯧﺮﯨﺪﯨﻐﺎﻥ ﭼﯩﺮﺍﻱ ئەﻣﻪﺱ، ﺳﻮﺭﺍﺷﻘﺎ ﻣﯧﻨﯩﯔ ﻳﯜﺯﯛﻡ ﭼﯩﺪﯨﻤﯩﺪﻯ. ﺷﯘﻧﺪﺍﻕ ﻗﯩﻠﯩﭗ ئاﺧﯩﺮﯨﻐﯩﭽﻪ ﭼﯩﺪﺍﺷﻘﺎ ﻣﻪﺟﺒﯘﺭ ﺑﻮﻟﺪﯗﻡ. ﻣﻪﻥ ﻛﯧﺘﯩﺸﻜﻪ ئاﺯ ﻗﺎﻟﻐﺎﻧﺪﯨﻼ ئاﻧﺪﯨﻦ ئۇ ﻗﻮﻟﯩﺪﯨﻜﯩﻨﻰ ﻣﺎﯕﺎ ﺳﯘﻧﯘﭖ: _ ﺑﺎﻳﺎ ﺑﯧﺮﻩﻱ ﺩﯨﺴﻪﻡ ﻗﻮﻟﻰ ﺗﻮﯕﻼﭖ ﻛﻪﺗﻤﯩﺴﯘﻥ ﺩﯦﺪﯨﻢ، ﻳﻮﻟﺪﺍ ﺩﯦﻘﻘﻪﺕ ﻗﯩﻠﯩﭗ ﻣﯧﯖﯩﯔ. _ ﺭﻩﮬﻤﻪﺕ... ﻳﻮﻟﺪﺍ ﻗﺎﻳﺘﯩﭗ ﻛﻪﻟﮕﯜﭼﻪ ﺑﺎﻳﯩﻘﻰ ﺳﻮﻏﯘﻗﻼﺭ ﻗﺎﻳﺎﻗﻼﺭﻏﯩﺪﯗﺭ ﻳﻮﻗﺎﻟﻐﺎﻧﯩﺪﻯ، ئۆﺯﯛﻣﻨﻰ ﺋﯩﻨﺘﺎﻳﯩﻦ ﺋﯩﺴﺴﯩﻖ، ﺑﻪﺧﯩﺘﻠﯩﻚ ﮬﯧﺲ ﻗﯩﻼﺗﺘﯩﻢ. ﻳﻪﻧﻪ ﺗﯚﺕ ﻛﯜﻧﺪﯨﻦ ﻛﯧﻴﯩﻦ ئۇﻧﯩﯔ ﺗﯘﻏﯘﻟﻐﺎﻥ ﻛﯜﻧﻰ ﺑﻮﻻﺗﺘﻰ. ﺑﯩﺮﺍﻕ ﻣﻪﻥ ئوﻏﯘﻝ ﺑﺎﻟﯩﻼﺭﻏﺎ ﺑﯩﺮ ﻧﻪﺭﺳﻪ ﺳﻮﯞﻏﺎ ﻗﯩﻠﯩﭗ ﺑﺎﻗﻤﯩﻐﺎﭼﻘﺎ ﻧﯩﻤﻪ ﺳﻮﯞﻏﺎ ﻗﯩﻠﯩﺶ ﺗﻮﻏﺮﯨﺴﯩﺪﺍ ﺋﻮﻳﻠﯩﻨﯩﭙﻼ ﺋﯩﻜﻜﻰ ﻛﯜﻥ ئۆﺗﯜﭖ ﻛﻪﺗﺘﻰ. ﻣﻪﻥ ئاﺧﯩﺮﻯ ئۆﺯ ﻗﯘﻟﯘﻣﻨﻰ ﺋﯩﺸﻘﺎ ﺳﯧﻠﯩﺶ ﻗﺎﺭﺍﺭﯨﻐﺎ ﻛﻪﻟﺪﯨﻢ، ئۇﻧﯩﯔ ئۈﭼﯜﻥ ﻧﯘﺭﻏﯘﻧﻠﯩﻐﺎﻥ ﻳﯘﻟﺘﯘﺯ ﻳﺎﺳﯩﺪﯨﻢ. 31 - ﭼﯧﺴﻼ ﭼﯜﺷﺘﯩﻦ ﻛﯧﻴﯩﻦ ﺋﯘ ﺗﻮﺭﻏﺎ ﭼﯩﻘﺘﻰ. _ ئەﺗﻪ ﺗﯘﻏﯘﻟﻐﺎﻥ ﻛﯜﻧﯩﯖﯩﺰ ﮬﻪ؟ _ ﮬﻪ. _ ﻗﺎﻧﺪﺍﻕ ئۆﺗﻜﯜﺯﻣﻪﻛﭽﻰ؟ _ ﺑﯩﻠﻤﻪﻳﻤﻪﻥ. _ ئەﻣﯩﺴﻪ ئەﺗﻪ ﭼﯜﺷﺘﯩﻦ ﺑﯘﺭﯗﻧﻘﻰ ﯞﺍﻗﺘﯩﯖﯩﺰﻧﻰ ﻣﻪﻥ ئاﻻﻳﻤﯘ؟ _ ﺷﯘﻧﺪﺍﻕ ﺑﻮﻟﻐﺎﻥ ﺑﻮﻟﺴﺎ ﺑﻪﻙ ﻳﺎﺧﺸﻰ ﺑﻮﻻﺗﺘﻰ. _ ﻟﯧﻜﯩﻦ ﻣﻪﻥ ﺳﯩﺰﮔﻪ ﮬﯧﭽﻨﻪﺭﺳﻪ ﺋﺎﻟﻤﯩﺪﯨﻢ. _ ﮬﻪ ﺑﻪﻙ ﻳﺎﺧﺸﻰ ﺑﻮﭘﺘﯘ... _ ﺭﺍﺳﺘﻤﺎ؟ ئۇﻧﺪﺍﻕ ئەﻣﻪﺳﺘﯘ؟ _ ﻟﯧﻜﯩﻦ ﻣﯧﻨﯩﯔ ﮬﻪﻗﯩﻘﻪﺗﻪﻥ ﺑﯩﺮ ﺳﻮﯞﻏﯩﻐﺎ ئېرﯨﺸﻜﯜﻡ ﺑﺎﺗﺘﻰ، ﺳﻮﺭﯨﺴﺎﻡ ﺑﻮﻻﻣﺪﯗ - ﺑﻮﻟﻤﺎﻣﺪﯗ ﺑﯩﻠﻤﻪﻳﻤﻪﻥ. ئۇ ﺳﻮﯞﻏﺎ ﺳﯩﺰﺩﻩ ﺑﺎﺭﺗﻰ... _ ﻣﻪﻧﺪﻩ ﺑﺎﺭ ﺑﻮﻟﺴﺎ ﺳﻮﺭﺍﯞﯦﺮﯨﯔ، ﻧﯩﻤﻪ ﺋﯘ؟ _ ﺷﯘ... ﺳﯩﺰﻧﯩﯔ ﺭﻩﺳﯩﻤﯩﯖﯩﺰ... _ ﮬﻪ ﻣﺎﻗﯘﻝ، ﻟﯧﻜﯩﻦ ﺋﻪﺗﻪ ﺑﯩﻠﻠﻪ ﭼﯜﺷﻪﻳﻠﻰ ﮬﻪ؟ _ ﮬﻪﺟﻪﭖ ﻳﺎﺧﺸﻰ. ئۇ ﻣﻪﻧﺪﯨﻦ ﺭﻩﺳﯩﻤﯩﻤﻨﻰ ﺳﻮﺭﯨﻐﺎﻧﺪﺍ، ئۇﻧﯩﯔ ﻛﯚﯕﻠﯩﺪﯨﻦ ﺋﻮﺭﯗﻥ ﺋﺎﻻﻟﯩﻐﯩﻨﯩﻤﺪﯨﻦ ﻗﺎﻧﭽﯩﻠﯩﻚ ﺧﻮﺵ ﺑﻮﻟﻐﺎﻥ ﺑﻮﻟﺴﺎﻡ، ﻳﻪﻧﻪ ﺷﯘﻧﭽﯩﻠﯩﻚ ﺋﯩﻜﻜﯩﻠﻪﻧﺪﯨﻢ. ( ﻗﺎﻧﺪﺍﻕ ﻗﯩﻠﯩﺶ ﻛﯧﺮﻩﻙ ؟ ﻣﻪﻥ ئۇﻧﻰ ﻳﺎﺧﺸﻰ ﻛﯚﺭﻩﻣﺪﯨﻢ؟ ئەﮔﻪﺭ ﻳﺎﺧﺸﻰ ﻛﯚﺭﺳﻪﻡ ﻧﯧﻤﯩﺸﻘﺎ ﻣﻪﻧﺪﻩ ﺋﯩﻜﻜﯩﻠﯩﻨﯩﺶ ﭘﻪﻳﺪﺍ ﺑﻮﻟﯩﺪﯗ؟ ) ﺑﯘ ﺳﻮﺋﺎﻟﻼﺭ ﻣﯧﻨﻰ ﺋﻮﻳﻼﻧﺪﯗﺭﺍﺗﺘﻰ. ﺋﯘﻧﻰ ﺧﯩﺠﯩﻞ ﻗﯩﻠﯩﭗ ﻗﻮﻳﻤﺎﺳﻠﯩﻖ ﺋﯜﭼﯜﻧﻼ ﻳﯘﻗﯘﺭﻗﯩﺪﻩﻙ ﺟﺎﯞﺍﺏ ﺑﻪﺭﮔﻪﻧﯩﺪﯨﻢ. ﺑﯩﺮﺍﻕ ﻣﯧﻨﻰ ﺧﺎﺗﯩﺮﺟﻪﻡ ﻗﯩﻠﯩﺪﯨﻐﯩﻨﻰ ﺋﯘﻧﯩﯔ ﻣﯩﺠﻪﺯﻯ ،ﺋﻪﮔﻪﺭ ﺋﻪﺗﻪ ﻣﻪﻥ ﺑﯘ ﺗﻮﻏﯘﺭﻟﯘﻕ ئېغىز ﺋﺎﭼﻤﯩﺴﺎﻣﻼ ﺋﯘﻧﯩﯔ ﮬﻪﺭﮔﯩﺰ ﻣﺎﯕﺎ ﻳﯜﺯ - ﺗﯘﺭﺍﻧﻪ ﺗﯘﺭﯗﭖ ( ﺭﻩﺳﯩﻢ ) ﺩﯨﻴﻪﻟﻤﻪﻳﺪﯨﻐﺎﻧﻠﯩﻘﻰ ﻣﺎﯕﺎ ﺋﺎﻳﺎﻥ ﺋﯩﺪﻯ . ئەﺗﯩﺴﻰ ﮬﺎﯞﺍ ﺗﻮﻟﯩﻤﯘ ﻳﺎﺧﺸﻰ، ﺑﯩﺰ ﺑﺎﻏﭽﯩﻨﻰ ﺋﺎﻳﻼﻧﺪﯗﻕ، ﻳﻮﻝ ﺑﻮﻳﻰ ﻧﯘﺭﻏﯘﻥ ﻗﯩﺰﯨﻖ ﮔﻪﭘﻠﻪﺭﻧﻰ ﻗﯩﻠﯩﭗ ﻛﯜﻟﯜﺷﯜﭖ ﻣﺎﯕﺪﯗﻕ، ﻣﻪﻥ ﺋﯘﻧﯩﯖﻐﺎ ﺋﺎﺩﺩﯨﻲ ﺑﻮﻟﺴﯩﻤﯘ ﺋﻪﺟﯩﺮ ﺳﯩﯖﺪﯛﺭﯛﭖ ﺗﻪﻳﻴﺎﺭﻟﯩﻐﺎﻥ ﺳﻮﯞﻏﺎﻣﻨﻰ ﺑﻪﺭﺩﯨﻢ. _ ﻧﯩﻤﻪ ﺋﺎﯞﺍﺭﻩ ﺑﯘﻟﯘﭖ... ﺭﻩﮬﻤﻪﺕ، ﺑﻪﻙ ﭼﯩﺮﺍﻳﻠﯩﻘﻜﻪﻥ. _ ﭼﯩﺮﺍﻳﻠﯩﻖ ﺑﻮﻟﯩﺪﯗ - ﺩﻩ ئەﻟﯟﻩﺗﺘﻪ، ﻧﯘﺭﻏﯘﻥ ﯞﺍﻗﺘﯩﻤﻨﻰ ﺳﻪﺭﭖ ﻗﯩﻠﯩﭗ، ﮬﯧﺮﯨﭗ ﻳﺎﺳﯩﻐﺎﻥ ﺗﯘﺭﺳﺎﻡ. ﻳﺎﺧﺸﻰ ﺳﺎﻗﻼﯓ ﺟﯘﻣﯘ. ﺩﯨﮕﻪﻧﺪﻩﻙ ئۇ ﺭﻩﺳﯩﻤﻨﻰ ﺗﯩﻠﻐﺎ ئاﻟﻤﯩﺪﻯ، ﺑﯩﺮﺍﻕ ﺋﯘﻧﯩﯔ ﻛﯚﺯﯨﺪﯨﻦ ﮬﻪﻣﻤﯩﻨﻰ ﺑﯩﻠﯩﭗ ﺗﯘﺭﯗﯞﺍﺗﺎﺗﺘﯩﻢ. ﺷﯘﻧﺪﺍﻗﺘﯩﻤﯘ ﺑﯩﻠﻤﻪﺳﻜﻪ ﺳﯧﻠﯩﭗ ﺧﻮﺷﻠﯩﺸﯩﭗ ﻗﺎﻳﺘﯩﭗ ﻛﻪﻟﺪﯨﻢ. ﺷﯘ ﻛﯜﻧﺪﯨﻦ ﺑﺎﺷﻼﭖ ﻣﯧﻨﯩﯔ ﺋﻪﻧﺴﯩﺰ ﻛﯜﻧﻠﯩﺮﯨﻢ ﻳﻪﻧﻪ ﺑﺎﺷﻼﻧﺪﻯ، ﭼﯜﻧﻜﻰ ﻣﻪﻥ ﺑﯩﺮ ﻣﯧﻨﯩﻼ ﻳﺎﺧﺸﻰ ﻛﯚﺭﺳﯩﻜﻪﻥ ﺩﻩﻳﺪﯨﻐﺎﻥ ( ﺷﻪﺧﺴﯩﻴﻪﺗﭽﻰ ) ﻗﯩﺰ. ﻳﯧﻘﯩﻨﺪﯨﻦ ﺑﯧﺮﻯ ﻣﻪﻟﯘﻡ ﺋﯩﺸﻼﺭ ﺳﻪﯞﻩﺑﯩﺪﯨﻦ ﺋﯘﻳﻐﯘﺭﻻﺭﻧﯩﯔ ﭼﻪﺗﻜﻪ ﭼﯩﻘﯩﺶ، ﭘﺎﺳﭙﻮﺭﺕ ﺑﯩﺠﯩﺮﯨﺶ ﺋﯩﺸﻠﯩﺮﻯ ﺗﻮﻟﯩﻤﯘ ﺗﻪﺳﻠﻪﺷﺘﯜﺭﯞﯦﺘﯩﻠﮕﻪﻧﯩﺪﻯ، ﻣﯩﻨﯩﯔ ﺗﻪﻟﯩﻴﯩﻢ ئوﯕﺪﯨﻦ ﻛﯧﻠﯩﭗ ﻗﺎﻟﺪﯨﻤﯘ ﻗﺎﻧﺪﺍﻕ ، ﺋﯩﺸﻠﯩﺮﯨﻢ ئوﯓ ﺑﯘﻟﯘﭖ ﭘﺎﺳﭙﻮﺭﺗﯩﻤﻨﻰ ﻗﯘﻟﯘﻣﻐﺎ ئېلىپ ﺑﻮﻟﺪﯗﻡ. ﺷﯘﯕﺎ ﻣﻪﻥ ﭼﻪﺗﻜﻪ ﭼﯩﻘﯩﺸﻘﺎ ﺑﯩﺮ ﻗﻪﺩﻩﻡ ﻳﯧﻘﯩﻨﻠﯩﻐﺎﻧﻠﯩﻘﯩﻤﺪﯨﻦ ﺧﻮﺵ ﺑﯘﻟﯘﺷﯘﻡ ﻛﯧﺮﻩﻙ ﺋﯩﺪﻯ ، ﺑﯩﺮﺍﻕ ﻣﯧﻨﯩﯔ ئاﻏﺰﯨﻤﺪﺍ ﻛﯜﻟﻜﻪ ﺑﻮﻟﺴﯩﻤﯘ ﻛﯚﯕﻠﯜﻡ ﻛﯜﻟﻪﻟﻤﻪﻳﯟﺍﺗﺎﺗﺘﻰ. ﭼﯜﻧﻜﻰ ﻣﻪﻥ ئۇﻧﯩﯖﺪﯨﻦ ئاﻳﺮﯨﻠﯩﺸﻘﯩﻤﯘ ﺑﯩﺮ ﻗﻪﺩﻩﻡ ﻳﯧﻘﯩﻨﻠﯩﻐﺎﻧﯩﺪﯨﻢ. ﻛﯜﻧﺪﯛﺯﻯ ئۇﻧﯩﯔ ﺑﯩﻠﻪﻥ ﺷﯘﻧﭽﯩﻠﯩﻚ ﺧﻮﺷﺎﻝ ﻳﯜﺭﺳﻪﻣﻤﯘ، ﻛﯧﭽﯩﺴﻰ ﻧﯘﺭﻏﯘﻥ ﺧﯩﻴﺎﻟﻼﺭ ﻣﯧﻨﻰ ﻗﯩﻴﻨﺎﻳﺘﺘﻰ. ﻣﻪﻥ ﺑﯘ ﻛﯧﭽﯩﻠﻪﺭﻧﻰ ئۆﺯ ﻛﯚﯕﻠﯜﻡ ﺑﯩﻠﻪﻥ ﺩﯨﺌﺎﻟﻮﮒ ﻗﯩﻠﯩﭗ ﯲﺗﻜﯜﺯﻩﺗﺘﯩﻢ. ﺑﯘﺭﯗﻥ ﺑﺎﺷﻘﯩﻼﺭ ( ﻛﯧﭽﻪ ﺑﻪﻙ ئۇﺯﯗﻥ ﮬﻪﻡ ﻗﺎﺭﺍﯕﻐﯘ ) ﺩﯦﺴﻪ، ﻣﻪﻥ ( ﻧﻪﺩﻩ ئۇﺯﯗﻥ؟ ﻣﻪﻥ ﺑﯩﺮ ئۇﺧﻼﭖ ﻗﻮﭘﺴﺎﻡ ﺗﯜﮔﻪﻳﺪﯗ، ئەﺗﯩﮕﯩﻨﻰ ﻳﻪﺗﻜﯜﺯﯛﭖ ﺑﻮﻻﻟﻤﺎﻳﻤﻪﻥ ﺗﯧﺨﻰ.) ﺩﻩﭘﺘﯩﻜﻪﻧﻤﻪﻥ، ئەﻣﺪﻯ ﺑﯘ ﻛﯧﭽﯩﻠﻪﺭ ﻣﺎﯕﺎ ئۆﺯ ﮬﻪﻳﯟﯨﺴﯩﻨﻰ ﻛﯚﺭﺳﯩﺘﯩﯟﺍﺗﺎﺗﺘﻰ. ﻣﻪﻥ (ﻣﻪﻥ ﭼﻪﺗﻜﻪ ﭼﯩﻘﯩﭗ ﻛﻪﺗﺴﻪﻡ ئۇﻧﻰ ﺗﻪﯓ ئېلىپ ﻛﯩﺘﻪﻟﻤﻪﻳﻤﻪﻥ، ئۇ ﻣﻪﻥ ئۈﭼﯜﻥ ﻗﯩﻠﻐﺎﻥ ﺷﯘ ﺋﯩﺸﻠﯩﺮﯨﻨﻰ ﻛﯜﻧﻠﻪﺭ ئۆﺗﻜﻪﻧﺴﯧﺮﻯ ﺑﺎﺷﻘﯩﻼﺭ ئۈﭼﯜﻧﻤﯘ ﻗﯩﻠﯩﺸﻰ ﻣﯘﻣﻜﯩﻦ. ئۇ ﯞﺍﻗﯩﺘﺘﺎ ﻣﻪﻥ ﺑﺎﺭﺍ - ﺑﺎﺭﺍ ئۇﻧﺘﯘﻟﯩﻤﻪﻥ. ﻣﯧﻨﯩﯔ ئەﯓ ﻗﻮﺭﻗﯩﺪﯨﻐﺎﻥ ﺋﯩﺸﯩﻢ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ئۇﻧﺘﯘﻟﯘﭖ ﻛﯧﺘﯩﺶ، ﺷﯘﯕﺎ ئۇ ﻣﯧﻨﻰ ئۇﻧﺘﯘﭖ ﻛﻪﺗﻜﯜﭼﻪ، ﻣﻪﻥ ئۇﻧﻰ ئۇﻧﺘﯘﭖ ﻛﻪﺗﺴﻪﻡ ﻳﺎﺧﺸﯩﺮﺍﻗﻤﯘ ﻗﺎﻧﺪﺍﻕ ) ﺩﻩﭖ ئوﻳﻠﯩﺪﯨﻢ. ئەﻣﻤﺎ ئۇﻧﯩﯔ ﺑﯩﻠﻪﻥ ﺑﻮﻟﻐﺎﻥ ئاﻻﻗﻪﻣﻨﻰ ئۈﺯﻣﯩﺴﻪﻣﻼ ،ﺑﯘ ﺧﯩﻴﺎﻟﯩﻤﻤﯘ ئاﻟﺪﯨﻨﻘﻰ ﻗﯧﺘﯩﻤﻐﺎ ئوﺧﺸﺎﺵ ﻣﻪﻏﻠﯘﺏ ﺑﻮﻻﺗﺘﻰ. ﺷﯘﯕﺎ ﺑﯘ ﻗﯧﺘﯩﻢ ئۇﻧﯩﯖﻐﺎ ﺩﯦﻴﯩﺸﻨﻰ ﻗﺎﺭﺍﺭ ﻗﯩﻠﺪﯨﻢ. ﺑﯘﻧﺪﺍﻕ ﮔﻪﭘﻨﻰ ﺩﯦﻴﯩﺶ ﮬﻪﺭ ﻗﺎﻧﺪﺍﻕ ﻛﯩﺸﯩﮕﻪ ئاﺳﺎﻧﻐﺎ ﭼﯜﺷﻤﻪﻳﺪﯨﻐﯘ ﺩﻩﻳﻤﻪﻥ. ئۇﻧﯩﯖﻐﺎ ( ﺑﯘﻧﺪﯨﻦ ﻛﯧﻴﯩﻦ ئاﻻﻗﯩﻼﺷﻤﺎﻳﻠﻰ ) ﺩﯨﮕﻪﻥ ﺳﯚﺯﻧﻰ ﺩﯨﮕﻪﻧﺪﯨﻦ ﻛﯧﻴﯩﻦ ئۇﻧﯩﯔ ﻗﺎﻧﺪﺍﻕ ﭘﻮﺯﯨﺘﺴﯩﻴﯩﺪﻩ ﺑﻮﻟﯩﺪﯨﻐﯩﻨﯩﻨﯩﻤﯘ ﺑﯩﻠﻤﯩﮕﻪﭼﻜﻪ، ﻳﻪﻧﯩﻼ ئۇﻧﯩﯔ ﭺ ﭺ ﺭﯨﻐﺎ ﺧﻪﺕ ﻗﺎﻟﺪﯗﺭﯗﺷﻨﻰ ﻣﯘﯞﺍﭘﯩﻖ ﻛﯚﺭﺩﯛﻡ. ئەﺗﯩﺴﻰ ئەﺗﯩﮕﻪﻧﺪﻩ ﺗﯘﺭﯗﭘﻼ ئۇﻧﯩﯖﻐﺎ ﺧﻪﺕ ﻗﺎﻟﺪﯗﺭﯗﯞﻩﺗﺘﯩﻢ. < ﻳﺎﺧﺸﯩﻤﯘﺳﯩﺰ، ﺋﯩﻜﻜﯩﻤﯩﺰ ﺗﯘﻧﯘﺷﻘﺎﻧﺪﯨﻦ ﻛﯧﻴﯩﻦ ﻛﯜﻧﻠﯩﺮﯨﻤﯩﺰ ﺋﯩﻨﺘﺎﻳﯩﻦ ﺧﻮﺷﺎﻝ ئۆﺗﺘﻰ ﺩﻩﭖ ئوﻳﻼﻳﻤﻪﻥ. ﺳﯩﺰ ﺑﯩﺮ ﻳﺎﺧﺸﻰ ﺑﺎﻻ، ﺷﯘﯕﺎ ﻣﻪﻥ ﺳﯩﺰﮔﻪ ﺑﻪﻙ ئاﻣﺮﺍﻕ، ﺑﯩﺮﺍﻕ ئوﻳﻼﭖ ﺑﺎﻗﺴﺎﻡ ﻣﻪﻥ ﺳﯩﺰﮔﻪ ﻳﺎﺧﺸﻰ ﺩﻭﺳﺖ ﺑﻮﻻﻟﻤﯩﻐﯘﺩﻩﻛﻤﻪﻥ، ﺳﯩﺰ ﺗﯧﺨﯩﻤﯘ ﻳﺎﺧﺸﻰ ﻗﯩﺰﻻﺭ ﺑﯩﻠﻪﻥ ﺩﻭﺳﺖ ﺑﯘﻟﯩﺸﯩﯖﯩﺰ ﻛﯧﺮﻩﻙ. ﺷﯘﯕﺎ ﻣﺎﯕﺎ ئەﻣﺪﻯ ﺗﯧﻠﯩﻔﻮﻥ ﻗﯩﻠﻤﺎﯓ ، ﺑﯘ ﺧﯧﺘﯩﻤﻨﻰ ﻛﯚﺭﯛﭖ ﺑﯘﻟﯘﭖ ﺧﻪﺕ ﻗﺎﻳﺘﯘﺭﯗﭖ ﻳﯜﺭﻣﻪﯓ .ﺑﻪﻟﻜﯩﻢ ﺑﯘ ئاﺳﺎﻧﻐﺎ ﭼﯜﺷﻤﻪﻳﺪﯗ، ﺑﯩﺮﺍﻕ ئۆﺯﯨﯖﯩﺰ ئۈﭼﯜﻥ... ﻣﻪﻧﻤﯘ ﮬﻪﻡ ﺳﯩﺰﻧﻰ ﺋﯩﺰﺩﯨﻤﻪﻳﻤﻪﻥ . ﺩﯨﻠﯩﯖﯩﺰﻏﺎ ئاﺯﺍﺭ ﺑﻪﺭﮔﻪﻥ ﻳﻪﺭﻟﯩﺮﯨﻢ ﺑﻮﻟﺴﺎ ﻛﻪﭼﯜﺭﯛﯓ، ﺑﯩﻠﻠﻪ ئۆﺗﻜﻪﻥ ﻛﯜﻧﻠﯩﺮﯨﻤﯩﺰ ئۈﭼﯜﻥ ﺭﻩﮬﻤﻪﺕ. > ئۇ ﻛﯜﻧﻰ ئۆﻳﺪﻩ ئوﻟﺘﯘﺭﻣﯩﺪﯨﻢ، ئۆﻳﺪﻩ ئوﻟﺘﯘﺭﺳﺎﻡ ﺑﻪﻟﻜﯩﻢ ئۇﻧﯩﯖﻐﺎ ﻳﺎﺯﻏﺎﻥ ﺧﯧﺘﯩﻢ ئۈﭼﯜﻥ ﭘﯘﺷﺎﻳﻤﺎﻥ ﻗﯩﻠﯩﭗ ﻗﯧﻠﯩﺸﯩﻢ ﻣﯘﻣﻜﯩﻦ ﺋﯩﺪﻯ. ﺳﯩﺮﺗﻨﯩﯔ ﺳﻮﻏﯘﻕ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ ئاﻳﻠﯩﻨﯩﭗ ﻳﯜﺭﺩﯛﻡ. ﭼﯜﺷﺘﯩﻦ ﻛﯧﻴﯩﻦ ﺑﻮﻟﻐﺎﻥ ﺑﻮﻟﺴﯩﻤﯘ ئەﻣﻤﺎ ﺋﯘﻧﯩﯖﺪﯨﻦ ﺗﯧﻠﯩﻔﻮﻥ ﻳﻮﻕ، ﻣﻪﻥ ﭼﻮﯓ ﺩﺍﺩﺍﻣﻨﻰ ﻳﻮﻗﻼﭖ ﭼﯩﻘﻘﯘﭼﻪ ﺳﺎئەﺕ ئاﻟﺘﻪ ﺑﻮﻻﻱ ﺩﯦﺪﻯ، ﻗﺎﺋﯩﺪﻩ ﺑﻮﻳﯩﭽﻪ ئۇ ﺑﯘ ﯞﺍﻗﻘﯩﭽﻪ ﻧﻪﭼﭽﻪ ﻗﯧﺘﯩﻢ ﺗﯧﻠﯩﻔﻮﻥ ﻗﯩﻠﯩﭗ ﺑﻮﻻﺗﺘﻰ،( ﻗﺎﺭﯨﻐﺎﻧﺪﺍ ﺧﯧﺘﯩﻤﻨﻰ ﻛﯚﺭﯛﭖ ﺑﻮﻟﻐﺎﻥ ئوﺧﺸﺎﻳﺪﯗ ) ﺩﻩﭖ ئوﻳﻠﯩﺪﯨﻢ ﺋﯩﭽﯩﻤﺪﻩ. ﺩﻩﻝ ﺷﯘ ﯞﺍﻗﯩﺘﺘﺎ ئۇﻧﯩﯖﺪﯨﻦ ﺗﯧﻠﯩﻔﻮﻥ ﻛﻪﻟﺪﻯ. ئۇ ﺑﯘ ﺗﯧﻠﯩﻔﻮﻧﻨﻰ ﺧﻪﺗﻨﻰ ﻛﯚﺭﯛﭖ ئۇﺭﻏﺎﻧﻤﯩﺪﯗ ﻳﺎﻛﻰ...؟ ﺗﯧﻠﯩﻔﻮﻧﻨﻰ ئاﻟﺪﯨﻢ. ئەﻣﻤﺎ ئۇ ﺗﯧﺨﻰ ﻛﯚﺭﻣﻪﭘﺘﯘ. ﺑﯩﺰ ئەﮬﯟﺍﻟﻠﯩﺸﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ ئۇﻧﯩﯖﺪﯨﻦ ﺳﻮﺭﯨﺪﯨﻢ. _ ﻗﺎﭼﺎﻥ ﺗﻮﺭﻏﺎ ﭼﯩﻘﯩﺴﯩﺰ؟ _ ئۇﻗﻤﺎﻳﻤﻪﻥ، ﺑﯩﻜﺎﺭ ﯞﺍﻗﺘﯩﻢ ﭼﯩﻘﯩﭗ ﻗﺎﻟﺴﺎ ﻛﯩﺮﻩﺭﻣﻪﻥ. ﻧﯩﻤﻪ ﺑﻮﻟﺪﻯ؟ _ ﻣﻪﻥ ﺳﯩﺰﮔﻪ ﺧﻪﺕ ﻗﺎﻟﺪﯗﺭﯗﭖ ﻗﻮﻳﻐﺎﻥ... _ ئەﻣﺴﻪ ﮬﯧﻠﯩﻼ ﻛﯩﺮﻩﻱ. _ ﺋﯩﺨﺘﯩﻴﺎﺭﯨﯖﯩﺰ. ﮬﯧﻠﻰ ﻛﯩﺮﺳﯩﯖﯩﺰ ئەﻣﺴﻪ ﮔﯩﭙﯩﻤﻨﻰ ﻳﺎﺧﺸﻰ ئاﯕﻼﯓ. ﺑﯘﻧﺪﯨﻦ ﻛﯧﻴﯩﻨﻤﯘ ﺗﺎﻣﺎﻗﻨﻰ ﯞﻗﺘﯩﺪﺍ ﻳﻪﯓ، ﺳﻮﻏﯘﻗﺘﺎ ﭘﻮﭼﯩﻠﯩﻖ ﻗﯩﻠﻤﺎﻱ ﻗﯧﻠﯩﻦ ﻛﯩﻴﯩﯔ، ﻣﻪﺷﯩﻘﺘﻪ ﺩﯨﻘﻘﻪﺕ ﻗﯩﻠﯩﯔ، ﻗﺎﻻﻳﻤﯩﻘﺎﻥ ﺋﯩﺸﻼﺭﻏﺎ ئاﺭﻻﺷﻤﺎﯓ، ﻛﻪﭼﺘﻪ ﻗﺎﻧﺪﺍﻗﻼ ﺋﯩﺶ ﺑﻮﻟﺴﺎ ﭼﯘﻗﯘﻡ ﻳﺎﺗﺎﻗﻘﺎ ﻗﺎﻳﺘﯩﯔ. ئاﻧﺪﯨﻦ... ﻛﻪﭼﯜﺭﯛﯓ. ئۇﻧﯩﯔ ﻛﯚﯕﻠﻰ ﺳﻪﺯﺩﻯ ﺑﻮﻟﻐﺎﻱ ﮬﯧﻢ ﺩﻩﭖ ﺟﯩﻢ ﺗﯘﺭﯗﯞﺍﻟﺪﻯ. _ ﺧﯘﺩﺍﻳﯩﻤﻐﺎ ئاﻣﺎﻧﻪﺕ. ﺗﯧﻠﯩﻔﻮﻧﻨﻰ ﻗﻮﻳﯘﯞﻩﺗﺘﯩﻢ، ﺷﯘﻧﯩﯔ ﺑﯩﻠﻪﻥ ﺗﻪﯓ ﻛﯚﺯﯛﻣﺪﯨﻦ ﺗﺎﺭﺍﻣﻼﭖ ﻳﺎﺵ ﺗﯚﻛﯜﻟﯜﺷﻜﻪ ﺑﺎﺷﻠﯩﺪﻯ. ﺑﯘ ﻳﺎﺷﻼﺭ ﻛﯚﺯﯛﻣﺪﯨﻨﻼ ئەﻣﻪﺱ ﻗﻪﻟﺒﯩﻤﺪﯨﻦ ئېقىپ ﭼﯩﻘﯩﯟﺍﺗﺎﺗﺘﻰ. ئۇ ﯞﺍﻗﯩﺘﺘﯩﻜﻰ ﻛﻪﻳﭙﯩﻴﺎﺗﯩﻤﻨﻰ ﺗﻪﺳﯟﯨﺮﻟﻪﭖ ﺑﯧﺮﻩﻟﻤﻪﻳﻤﻪﻥ. ﺑﯩﺮﻩﺭﺳﯩﻨﻰ ﮬﻪﻗﯩﻘﯩﻲ ﻳﺎﺧﺸﻰ ﻛﯚﺭﯛﭖ ﺑﺎﻗﻘﺎﻧﻼ ئاﺩﻩﻡ ﺑﻮﻟﺴﺎ، ﺷﯘ ﯞﺍﻗﯩﺘﺘﯩﻜﻰ ﮬﯧﺴﺴﯩﻴﺎﺗﯩﻤﻨﻰ ﮬﯧﺲ ﻗﯩﻠﯩﭗ ﻳﻪﺗﺘﯩﻐﯘ ﺩﻩﻳﻤﻪﻥ. ﻣﺎﻧﺎ ئەﻣﺪﻯ ﻣﻪﻥ ئۇﺯﯗﻧﺪﯨﻦ ﺑﯧﺮﻯ ﺑﯩﻠﻪﻟﻤﻪﻳﯟﺍﺗﻘﺎﻥ، ﭼﯜﺷﯩﻨﻪﻟﻤﻪﻳﯟﺍﺗﻘﺎﻥ ﻣﻪﺳﯩﻠﻪ ئاﻳﺪﯨﯔ ﺑﻮﻟﺪﻯ. ﺩﯦﻤﻪﻙ، ﻣﻪﻥ ئۇﻧﻰ ﻳﺎﺧﺸﻰ ﻛﯚﺭﯨﺪﯨﻜﻪﻧﻤﻪﻥ. ﺷﯘ ﻛﯜﻧﻰ ﺋﯚﻳﺪﯨﻜﯩﻠﻪﺭ ﺑﯩﻠﻪﻥ ﻛﻪﭼﻠﯩﻚ ﺗﺎﻣﺎﻗﻨﻰ ﺳﯩﺮﺗﺘﺎ ﻳﻪﭖ ﺋﯚﻳﮕﻪ ﻛﻪﭺ ﻗﺎﻳﺘﺘﯘﻕ. ﺗﺎﻻ ﺋﺎﭘﭙﺎﻕ، ﻳﻪﻧﻪ ﻗﺎﺭ ﻳﺎﻏﻘﺎﻧﯩﺪﻯ. ﺋﯩﺸﻠﯩﺮﯨﻤﻨﻰ ﺗﯜﮔﯩﺘﯩﭗ 11ﻟﻪﺭ ﺑﯩﻠﻪﻥ ﺗﻮﺭﻏﺎ ﭼﯩﻘﺘﯩﻢ. ﭺ ﭺ ﺭﯨﻤﻨﻰ ئېچىشىم ﺑﯩﻠﻪﻧﻼ ﺋﯘﻧﯩﯔ ﺧﻪﺗﻠﯩﺮﻯ ﻛﯧﻠﯩﺸﻜﻪ ﺑﺎﺷﻠﯩﺪﻯ. < ﺳﯩﺰ ﺑﯘ ﻗﺎﺭﺍﺭﻻﺭﻧﯩﯔ ﮬﻪﻣﻤﯩﺴﯩﻨﻰ ﻣﯧﻨﻰ ﺋﻮﻳﻼﭖ ﭼﯩﻘﺎﺭﺩﯨﯖﯩﺰﻣﯘ؟ ﻣﻪﻥ ﺑﯘﺭﯗﻧﻼ ﺑﯩﻠﻪﺗﺘﯩﻢ ﻣﯘﺷﯘﻧﺪﺍﻕ ﺑﻮﻟﯩﺪﯨﻐﯩﻨﯩﻨﻰ، ﺳﯩﺰﮔﻪ ئېرﯨﺸﯩﺸﻨﯩﯔ ﺋﯘﻧﺪﺍﻕ ﺋﺎﺳﺎﻥ ﺋﻪﻣﻪﺳﻠﯩﻜﯩﻨﻰ ﺑﯩﻠﻪﺗﺘﯩﻢ. ﺳﯩﺰ ﺩﯨﮕﻪﻥ ﺷﻪﮬﻪﺭﺩﻩ ﭼﻮﯓ ﺑﻮﻟﻐﺎﻥ، ﻣﻪﻧﺪﯨﻦ ﺟﯩﻖ ﺋﻮﻗﯘﻏﺎﻥ، ﺋﻪﻗﯩﻠﻠﯩﻖ ﻗﯩﺰ. ﺷﯘﯕﺎ ﻣﻪﻥ ﺳﯩﺰﮔﻪ ﻣﺎﺱ ﻛﻪﻟﻤﻪﻳﻤﻪﻥ. ﻣﻪﻥ ﺋﯚﺯﻩﻣﻨﯩﯔ ﺗﯘﻧﺠﻰ ﻗﯧﺘﯩﻤﻼ ﻣﻪﻏﻠﯘﺏ ﺑﯘﻟﯘﺷﯘﻣﻨﻰ ﺋﻮﻳﻼﭖ ﺑﺎﻗﻤﯩﻐﺎﻥ، ﻣﻪﻥ ﺳﯩﺰﮔﻪ ﺋﯚﺯ ﺋﺎﻏﺰﯨﻢ ﺑﯩﻠﻪﻥ ( ﺳﯩﺰﻧﻰ ﻳﺎﺧﺸﻰ ﻛﯚﺭﯨﻤﻪﻥ ) ﺩﯨﮕﻪﻥ ﮔﻪﭘﻨﯩﻤﯘ ﺩﯨﻴﯩﺸﻜﻪ ﺋﯜﻟﮕﯜﺭﻣﻪﻳﻼ... ﻟﯧﻜﯩﻦ ﻣﻪﻳﻠﻰ، ﺳﯩﺰ ﺧﻮﺵ ﺑﻮﻟﺴﯩﯖﯩﺰﻻ ﻣﻪﻥ ﺋﻪﻣﺪﻯ ﺳﯩﺰﻧﻰ ﺋﺎﯞﺍﺭﻩ ﻗﯩﻠﻤﺎﻱ. ﺑﯩﺮﺍﻕ ﺳﯩﺰ ﺩﯨﮕﻪﻥ ﻣﯧﻨﯩﯔ ﺗﯘﻧﺠﻰ ﺳﯚﻳﮕﯩﻨﯩﻢ، ﻣﻪﻥ ﺳﯩﺰﻧﻰ ﮬﻪﺭﮔﯩﺰ ﺋﯘﻧﺘﯩﻤﺎﻳﻤﻪﻥ. ﻣﻪﻥ ﺳﯩﺰﻧﻰ ﻳﺎﺧﺸﻰ ﻛﯚﺭﯨﻤﻪﻥ. > ﺑﯘﺧﻪﺗﻠﻪﺭ ﻳﻪﺗﺘﯩﺪﯨﻦ ﺋﺎﺷﻘﺎﻧﺪﺍ ﻗﺎﻟﺪﯗﺭﯗﻟﻐﺎﻧﯩﺪﻯ، ﺑﯩﺮﺍﻕ ﻣﻪﻥ ﻛﯩﺮﯨﺸﺘﯩﻦ ﺑﻪﺵ ﻣﯩﻨﯘﺕ ﺑﯘﺭﯗﻥ ﻳﻪﻧﻪ < ﺳﯩﺰ ﺑﻪﻙ ﭼﯩﺮﺍﻳﻠﯩﻖ، ﺳﯩﺰﻧﻰ ﺳﯧﻐﯩﻨﺪﯨﻢ. > ﺩﻩﭖ ﻗﺎﻟﺪﯗﺭﯗﻟﻐﺎﻧﯩﺪﻯ. ﺩﯨﻤﻪﻙ، ﺑﯘ ﻳﺎﻏﺎﭺ ﻗﯘﻻﻕ ﻳﻪﻧﻪ ﻣﻪﻛﺘﻪﭘﻜﻪ ﻗﺎﻳﺘﻤﺎﭘﺘﯘ. ﺋﯘﻧﯩﯔ ﺋﯜﺳﺘﯩﮕﻪ ﺑﯘ ﺋﯩﻜﻜﯩﻤﯩﺰ ﺷﯘﻧﭽﻪ ﺋﯘﺯﯗﻥ ﺑﯩﻠﻠﻪ ﻳﯜﺭﯛﭘﻤﯘ ﺑﯩﺮ - ﺑﯩﺮﯨﻤﯩﺰﻧﯩﯔ ﻛﯚﯕﻠﯩﺪﯨﻜﯩﻨﻰ ﺑﯩﻠﻤﻪﻳﺪﯨﻜﻪﻧﻤﯩﺰ. ﺋﯘﻧﯩﯔ ﻣﻪﻛﺘﻪﭘﻜﻪ ﻗﺎﻳﺘﻤﯩﻐﯩﻨﯩﻐﺎ ﺷﯘﻧﭽﯩﻠﯩﻚ ﺋﺎﭼﭽﯩﻘﯩﻢ ﻛﻪﻟﺪﻯ. ﺋﯚﺯﯛﻣﻨﻰ ﺷﯘﻧﭽﻪ ﺗﯘﺗﯘﯞﺍﻻﻱ ﺩﯨﺴﻪﻣﻤﯘ، ﺑﯩﺮﺍﻕ ﺋﯘﻧﯩﯔ ﺑﯘﻧﺪﯨﻦ ﻛﯧﻴﯩﻦ ﺩﺍﯞﺍﻣﻠﯩﻖ ﻣﯘﺷﯘﻧﺪﺍﻕ ﻗﯩﻠﯩﭗ ﻳﯜﺭﯛﭖ ﻳﺎﻣﺎﻥ ﻳﻮﻟﻐﺎ ﻛﯩﺮﯨﭗ ﻗﯧﻠﯩﺸﯩﺪﯨﻦ، ﻣﻪﻥ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻣﻨﯩﯔ ﺑﺎﺷﻘﺎ ﺑﯩﺮ ﺋﺎﺩﻩﻣﮕﻪ ﺋﺎﻳﻠﯩﻨﯩﭗ ﻗﯧﻠﯩﺸﯩﺪﯨﻦ ﻗﻮﺭﻗﺘﯘﻡ. ﺷﯘﯕﺎ ﻳﻪﻧﯩﻼ ﺋﯘﻧﯩﯖﻐﺎ ﮔﻪﭖ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﺪﯗﻡ. ﺑﯩﺮﺍﻕ ﮔﻪﭘﻨﻰ ﻧﻪﺩﯨﻦ ﺑﺎﺷﻼﺷﻨﻰ ﺑﯩﻠﻤﻪﻳﺘﺘﯩﻢ، ﺋﯘﻧﯩﯖﺪﯨﻦ ﻛﻪﭼﯜﺭﯛﻡ ﺳﻮﺭﺍﺷﺘﯩﻨﻤﯘ ﻳﺎﻛﻰ ﻣﻪﻧﻤﯘ ﮬﻪﻡ ﻛﯚﯕﻠﯜﻣﺪﻩ ﻳﯘﺷﯘﺭﯗﻥ ﺳﺎﻗﻼﭖ ﻛﯧﻠﯩﯟﺍﺗﻘﺎﻥ ﻣﯘﮬﻪﺑﺒﻪﺗﺘﯩﻨﻤﯘ ﯞﻩ ﻳﺎﻛﻰ... _ ﺳﯩﺰ ﺑﺎﺭﻣﯘ؟ _ ﮬﻪﺋﻪ، ﻛﻪﻟﺪﯨﯖﯩﺰﻣﺎ؟ _ ﺳﺎﺋﻪﺕ ﻧﻪﭼﭽﻪ ﺑﻮﻟﺪﻯ؟ ﻧﯧﻤﯩﺸﻘﺎ ﻣﻪﻛﺘﻪﭘﻜﻪ ﻗﺎﻳﺘﻤﺎﻳﺴﯩﺰ؟ _ ﺑﯜﮔﯜﻥ ﻗﺎﻳﺘﻘﯘﻡ ﻳﻮﻕ. _ ﺑﺎﻳﺎ ﺗﯧﺨﻰ ﺗﯧﻠﻔﯘﻧﺪﺍ ﺑﯩﺮﻣﯘﻧﭽﻪ ﮔﻪﭖ ﻗﯩﻠﺴﺎﻡ، < ﮬﻪ > ﺩﻩﯞﺍﺗﺎﺗﺘﯩﯖﯩﺰ، ﻧﻪﭼﭽﻪ ﺳﺎﺋﻪﺗﻤﯘ ﻗﯘﻻﻗﺘﺎ ﺗﯘﺭﻣﯩﺪﯨﻤﺎ؟ _... _ ﺋﻪﮔﻪﺭ ﺳﯩﺰﻧﻰ ﻣﯘﺷﯘﻧﺪﺍﻗﻼ ﻗﻮﻳﯘﯞﻩﺗﺴﻪﻡ ، ﺳﯩﺰ ﺋﯚﺯﮔﯩﺮﯨﭗ، ﻛﯜﻧﺪﻩ ﻣﯘﺷﯘﻧﺪﺍﻕ ﻗﯩﻠﯩﭗ ﻳﯜﺭﯛﭖ ﺋﻪﺳﻜﻰ ﺑﺎﻻ ﺑﯘﻟﯘﭖ ﻗﺎﻟﻐﯘﺩﻩﻛﺴﯩﺰ. ﺑﻮﻟﺪﻯ، ﺳﯩﺰﻧﻰ ﺧﻪﺕ ﻗﺎﻳﺘﯘﺭﻣﺎﯓ ﺩﯨﺴﻪﻡ، ﮔﻪﭖ ﺋﺎﯕﻠﯩﻤﺎﻱ ﻗﺎﻳﺘﯘﺭﻏﺎﻧﺪﯨﻜﯩﻦ، ﺋﯘ ﻧﯩﻴﯩﺘﯩﻤﺪﯨﻦ ﻳﯧﻨﯩﯟﺍﻟﺪﯨﻢ ﺋﻪﻣﺪﻯ. ﺋﯘﺧﻪﺗﻠﻪﺭﻧﻰ ﻛﯚﺭﻣﯩﮕﻪﻥ ﺑﯘﻟﯘﯓ. ﻣﻪﻥ ﻳﻪﻧﻪ ﺑﯘﺭﯗﻧﻘﯩﺪﻩﻙ ﺳﯩﺰﻧﻰ ﺑﺎﺷﻘﯘﺭﺍﻻﻳﻤﻪﻥ ﺟﯘﻣﯘ! ﮔﻪﭖ ﺋﺎﯕﻠﯩﻤﺎﻳﺪﯨﻐﺎﻥ ﺑﻮﻟﺴﯩﯖﯩﺰ... ﺋﻪﻣﺪﻯ ﻣﻪﻛﺘﻪﭘﻜﻪ ﻗﺎﻳﺘﺎﻣﺴﯩﺰ - ﻳﺎ؟ ﺑﯘ ﮔﻪﭘﻠﻪﺭﻧﻰ ﺷﯘﻧﭽﯩﻠﯩﻚ ﺋﺎﺳﺎﻥ، ﺗﯧﺰ ﻳﯧﺰﯨﭗ ﺋﯘﻧﯩﯖﻐﺎ ﻗﺎﻳﺘﯘﺭﻏﯩﻨﯩﻢ ﺑﯩﻠﻪﻥ، ﻛﯚﯕﻠﯜﻣﺪﯨﻜﻰ ﺑﯘﺭﯗﻟﯘﺵ ﺑﯩﺮ ﻛﯜﻥ ﺋﯩﭽﯩﺪﻩ ﺑﻪﻙ ﭼﻮﯓ ﮬﻪﻡ ﺗﯧﺰ ﺑﯘﻟﯘﭖ ﻛﻪﺗﻜﻪﻧﯩﺪﻯ. ﻣﻪﻥ ﺋﯘﻧﯩﯔ ﺑﯩﻠﻪﻥ ﺩﺍﺋﯩﻢ ﻛﯚﺭﯛﺷﯜﭖ ﺗﯘﺭﻏﺎﭼﻘﺎ، ﮬﻪﺭ ﺑﯩﺮ ﮔﻪﭘﻨﻰ ﻗﯩﻠﻐﺎﻥ ﯞﺍﻗﯩﺘﺘﯩﻜﻰ ﭼﯩﺮﺍﻱ ﺋﯩﭙﺎﺩﯨﺴﯩﻨﻰ ئېنىق ﺑﯩﻠﻪﺗﺘﯩﻢ. ﻣﺎﻧﺎ ﮬﺎﺯﯨﺮﻣﯘ ﺋﯘ ﺧﻮﺷﺎﻟﻠﯩﻘﯩﺪﺍ ﻣﺎﯕﺎ ﺧﻪﺕ ﻗﺎﻳﺘﯘﺭﯗﯞﺍﺗﺎﺗﺘﻰ. _ ﺭﺍﺳﺘﻤﺎ؟ _ﮬﯧﻠﻰ ﺑﯩﻜﺎﺭ ﺋﯘ ﮔﯧﭙﯩﻤﻨﯩﻤﯘ ﻗﺎﻳﺘﯘﺭﯞﺍﻟﯩﻤﻪﻥ - ﮬﻪ؟ _ ﺑﻪﻙ ﻳﺎﺧﺸﻰ ﺑﻮﻟﺪﻯ. ﮬﺎﺯﯨﺮ ﺧﻮﺷﺎﻟﻠﯩﻘﯩﻤﺪﺍ ﺋﺎﻏﺰﯨﻢ ﻗﯘﻟﯩﻘﯩﻤﻐﺎ ﻳﯧﺘﯩﭗ ﻗﺎﻟﺪﻯ. ﻛﯚﺭﮔﻪﻥ ﺑﻮﻟﺴﯩﯖﯩﺰ... ﺋﺎﻧﺪﯨﻦ... _ ﻧﯩﻤﻪ؟ _ ﻣﻪﻧﻤﯘ ﺳﯩﺰﮔﻪ ﻗﺎﻟﺪﯗﺭﻏﺎﻥ ﮔﻪﭘﻠﯩﺮﯨﻤﻨﻰ ﻗﺎﻳﺘﯘﺭﯗﯞﯨﻠﯩﭗ ﺗﯘﺭﺍﻱ. < ﭼﯩﺪﯨﻤﺎﺱ > ﺩﯦﺪﯨﻢ ﺋﯩﭽﯩﻤﺪﻩ. ﺷﯘﻧﺪﺍﻗﺘﯩﻤﯘ ﺧﻮﺷﺎﻝ ﺋﯩﺪﯨﻢ. _ ﺋﺎﻧﺪﯨﻨﭽﯘ ؟ ﺋﻪﻣﺪﻯ ﻧﯩﻤﻪ ﺋﯩﺶ ﻗﯩﻼﺗﺘﯩﯖﯩﺰ؟ _ ﺑﻮﻟﺪﻯ، ﻣﻪﻥ ﺋﻪﻣﺪﻯ ﮬﺎﺯﯨﺮﻻ ﻣﻪﻛﺘﻪﭘﻜﻪ ﻗﺎﻳﺘﯩﻤﻪﻥ. ﺳﯩﺰﻣﯘ ﺑﺎﻟﺪﯗﺭ ﺋﺎﺭﺍﻡ ﺋﯧﻠﯩﯔ ﺟﯘﻣﯘ، ﻣﻪﻥ ﺋﻪﺗﻪ ﺗﯧﻠﯩﻔﻮﻥ ﻗﯩﻠﯩﻤﻪﻥ. ﺋﯘﻧﯩﯔ ﺑﯩﻠﻪﻥ ﺧﻮﺷﻼﺷﺘﯩﻢ، ﻣﻪﻥ ﻳﺎﻟﻐﯘﺯ ﺋﻪﻣﻪﺱ، ﻣﯧﻨﯩﯔ ﻛﯚﯕﻠﯜﻡ ﺋﻪﻣﺪﻯ ﻳﺎﻟﻐﯘﺯ ﺋﻪﻣﻪﺱ. ﻣﻪﻧﭽﻪ ﺋﯘ ﺋﯚﺯ ﺟﯜﭘﺘﯩﻨﻰ ﺗﺎﭘﺎﻟﯩﺪﻯ. ﺑﯩﺮ - ﺑﯩﺮﯨﻤﯩﺰﻧﯩﯔ ﻛﯚﯕﻠﯩﺪﯨﻜﯩﻨﻰ ﺑﯩﻠﮕﻪﻧﺪﯨﻦ ﺑﺎﺷﻼﭖ ﺑﯩﺰﻧﯩﯔ ﻛﯜﻧﯩﻤﯩﺰ ﺗﯧﺨﯩﻤﯘ ﺧﻮﺷﺎﻝ ﯞﻩ ﺑﻪﺧﺘﻠﯩﻚ ﺋﯚﺗﺘﻰ. ﭼﯜﻧﻜﻰ ﮬﺎﺯﯨﺮﻗﻰ ﺟﻪﻣﺌﯩﻴﻪﺗﺘﻪ ﺑﯩﺮﯨﻨﻰ ﮬﻪﻗﯩﻘﯩﻲ ﻳﺎﺧﺸﻰ ﻛﯚﺭﯛﭖ ، ﻳﻪﻧﻪ ﺷﯘ ﻛﯩﺸﯩﻨﯩﯔ ﭼﯩﻦ ﻣﯘﮬﻪﺑﺒﯩﺘﯩﮕﻪ ﺋﯧﺮﯨﺸﻪﻟﯩﮕﻪﻧﻠﻪﺭﺩﯨﻦ ﻧﻪﭼﭽﯩﺴﻰ ﺑﺎﺭ ﺩﻩﻳﺴﯩﻠﻪﺭ؟ ﺑﯩﺮ - ﺑﯩﺮﯨﻤﯩﺰﻧﻰ ﻗﻪﺩﯨﺮﻟﻪﭖ ، ﻛﯚﯕﻠﯩﻨﻰ ﺋﺎﻳﺎﭖ ﺋﯚﺗﺘﯘﻕ. ﻗﺎﻟﻐﺎﻥ ﺋﻮﺗﺘﯘﺭﯨﺪﯨﻜﻰ ﺟﻪﺭﻳﺎﻧﻼﺭﻧﻰ ﺳﯚﺯﻟﻪﭖ ﺋﻮﻟﺘﯘﺭﻣﯩﺴﺎﻣﻤﯘ ﺋﻪﺳﯩﺮﯨﻤﻨﻰ ﺋﻮﻗﯘﻏﺎﻥ ﮬﻪﺭ ﺑﯩﺮ ﻣﯘﮬﻪﺑﺒﻪﺕ ﺋﯩﮕﯩﺴﻰ ﺑﯘﻧﻰ ﺑﯩﻠﻪﻟﻪﻳﺪﯗ ﺩﻩﭖ ﺋﻮﻳﻼﻳﻤﻪﻥ. 3 - ﺋﺎﻳﻨﯩﯔ ﺋﻮﺗﺘﯘﺭﻯ ﭼﻪﺗﻜﻪ ﭼﯩﻘﯩﺶ ﺋﯩﺸﻠﯩﺮﯨﻢ ﺋﻮﯕﯘﺷﻠﯘﻕ ﺑﯘﻟﯘﭖ ﺗﯩﻞ ﺋﯩﻤﺘﯩﮭﺎﻧﻐﺎ ﻗﺎﺗﻨﯩﺸﯩﺶ ﯞﻩ ﯞﯨﺰﺍ ﻗﻮﻳﺪﯗﺭﯗﺵ ﺋﯜﭼﯜﻥ ﺑﯧﻴﺠﯩﯖﻐﺎ ﺑﯧﺮﯨﭗ ﻛﻪﻟﺪﯨﻢ. ﺋﯩﻜﻜﻤﯩﺰﻧﯩﯔ ﯞﺍﻗﺘﻰ ﺋﺎﺯ ﻗﺎﻟﻐﺎﻧﺴﯧﺮﻯ ﻛﯚﺭﯛﺷﯩﺪﯨﻐﺎﻥ ﭘﯘﺭﺳﯩﺘﯩﻤﯩﺰ ﺋﺎﺯﻻﭖ ﻛﯧﺘﯩﯟﺍﺗﺎﺗﺘﻰ. ﺋﯘﻧﯩﯔ ﻣﻪﻛﺘﻪﭖ ﺋﺎﻟﻤﯩﺸﯩﺸﻰ، ﻣﯩﻨﯩﯔ ﭼﻮﯓ ﺩﺍﺩﺍﻣﻨﯩﯔ ﺋﺎﻏﺮﯨﭗ ﻗﯧﻠﯩﺸﻰ ﺩﯨﮕﻪﻧﺪﻩﻙ ﺳﻪﯞﻩﺑﻠﻪﺭ ﺑﯩﻠﻪﻥ ﺋﯘﻧﯩﯔ ﯞﺍﻗﺘﻰ ﺑﻮﻟﺴﺎ ﻣﯧﻨﯩﯔ ﻳﻮﻕ، ﻣﯧﻨﯩﯔ ﯞﺍﻗﺘﯩﻢ ﺑﺎﺭ ﯞﺍﻗﯩﺘﺘﺎ ﺋﯘ ﺑﻪﻙ ﺋﺎﻟﺪﯨﺮﺍﺵ ﺑﯘﻟﯘﭖ ﻗﯧﻠﯩﭗ ﺟﯩﻖ ﯞﺍﻗﯩﺘﻼﺭﺩﺍ ﺗﯧﻠﯩﻔﻮﻧﺪﺍ ﺋﺎﻻﻗﯩﻠﯩﺸﯩﭗ ﻳﯜﺭﺩﯗﻕ. ﭘﺎﺳﭙﻮﺭﺗﯘﻡ ﺑﯧﻴﺠﯩﯖﺪﯨﻦ ﻗﺎﻳﺘﯩﭗ ﻛﻪﻟﮕﯜﭼﻪ ﺋﯚﻳﺪﯨﻜﯩﻠﻪﺭ ﺑﯩﻠﻪﻥ ﺑﺎﺷﻘﺎ ﺷﻪﮬﻪﺭﻟﻪﺭﮔﻪ ﺑﯧﺮﯨﭗ ﺋﺎﻳﻠﯩﻨﯩﭗ ﻛﻪﻟﻤﻪﻛﭽﻰ ﺑﯘﻟﯘﭖ، 4 - ﺋﺎﻳﻨﯩﯔ 30 -ﻛﯜﻧﻰ ﺗﯘﺭﭘﺎﻧﻐﺎ ﻛﻪﻟﺪﯗﻕ. ﻣﻪﻟﯘﻡ ﺋﯩﺸﻼﺭ ﺑﯩﻠﻪﻥ ﮬﺎﻳﺎﻝ ﺑﯘﻟﯘﭖ ﻗﯧﻠﯩﭗ ﺷﯘ ﻳﻪﺭﺩﯨﻼ ﺑﯩﺮﮬﻪﭘﺘﻪ ﺋﯚﺗﯜﭖ ﻛﻪﺗﺘﻰ. ﺋﯘﻧﯩﯖﻐﺎ ﮬﻪﺭ ﻛﯜﻧﻰ ﺗﯧﻠﯩﻔﻮﻥ ﻗﯩﻠﯩﭗ ﺋﻪﮬﯟﺍﻝ ﺳﻮﺭﺍﭖ ﺗﯘﺭﺍﺗﺘﯩﻢ. ﻣﯩﺠﻪﺯﯨﻢ ﻳﻮﻕ ﻛﯜﻧﻠﯩﺮﻯ ﺋﺎﯞﺍﺯﯨﻤﻨﻰ ﺷﯘﻧﭽﻪ ﻳﺎﺳﺎﭖ ﭼﺎﻧﺪﯗﺭﻣﺎﻱ ﺩﯨﺴﻪﻣﻤﯘ،ﺋﯘ ﻳﻪﻧﯩﻼ ﺑﯩﻠﯩﭗ ﻗﺎﻻﺗﺘﻰ ﯞﻩ ﺑﯩﺮﻣﯘﻧﭽﻪ ﺑﯘﻳﺮﯗﻕ ﭼﯜﺷﯜﺭﻩﺗﺘﻰ. 5 - ﺋﺎﻳﻨﯩﯔ 4 - ﻛﯜﻧﻰ ﺧﻪﯞﻩﺭ ﻛﯧﻠﯩﭗ ، ﭘﺎﺳﭙﻮﺭﺗﯘﻣﻨﯩﯔ ﻛﯧﻠﯩﭗ ﺑﻮﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯧﻨﻰ ﺗﯧﺰﺭﺍﻕ ﻣﯧﯖﯩﺸﻘﺎ ﻗﯩﺴﺘﯩﺪﻯ. ﻣﻪﻥ < ﻣﺎﻗﯘﻝ، ﺋﻪﻣﯩﺴﻪ ﺋﺎﻱ ﺋﺎﺧﯩﺮﯨﺪﺍ ﻣﺎﯕﺎﻱ، ﻣﻪﻥ ﺋﯩﻜﻜﻰ ﻛﯜﻧﻠﯜﻙ ﺳﻪﭘﻪﺭﮔﻪ ﭼﯩﻘﻤﺎﻳﻤﻪﻥ، ﻣﺎﯕﯩﻤﯘ ﺋﺎﺯﺭﺍﻕ ﯞﺍﻗﯩﺖ ﺑﯧﺮﯨﯖﻼﺭ > ﺩﻩﭖ ﺗﯧﻠﯩﻔﻮﻧﻨﻰ ﻗﻮﻳﺪﯗﻡ. ﺷﯘ ﻛﯜﻧﻰ ﺋﯘﻧﯩﯖﻐﺎ ﺗﯧﻠﯩﻔﻮﻥ ﻗﯩﻠﺴﺎﻡ ﺋﯘ ﺷﯘﻧﺪﺍﻕ ﺧﻮﺷﺎﻝ ﺋﯩﻜﻪﻥ، ﺋﯘﻧﯩﯔ ﺧﻮﺷﺎﻟﻠﯩﻘﯩﻐﺎ ﺗﻪﺳﯩﺮ ﻳﻪﺗﻜﯜﺯﮔﯜﻡ ﻛﻪﻟﻤﻪﻱ، ﻳﺎﺷﻼﺭ ﺑﺎﻳﺮﯨﻤﯩﻨﻰ ﻣﯘﺑﺎﺭﻩﻛﻠﻪﭘﻼ ﺑﻮﻟﺪﻯ ﻗﯩﻠﺪﯨﻢ. ﻛﯚﯕﻠﯜﻡ ﺷﯘﻧﭽﯩﻠﯩﻚ ﻳﯧﺮﯨﻢ ﺋﯩﺪﻯ. ﺋﺎﺗﺎ - ﺋﺎﻧﺎﻣﻐﺎ ﻗﺎﺭﺍﭖ - ﻗﺎﺭﺍﭖ ﺗﻮﻳﻤﺎﻳﺘﺘﯩﻢ. ﻛﯜﻧﻠﻪﺭﻧﯩﯔ ﺋﺎﺳﺘﺎ ﺋﯚﺗﯜﺷﯩﻨﻰ ﺗﻮﻟﯩﻤﯘ ﺋﯜﻣﯩﺪ ﻗﯩﻼﺗﺘﯩﻢ. ﺑﯩﺮﺍﻕ ﺑﯘ ﺋﯜﻣﯩﺪﯨﻤﻤﯘ ﺋﻪﻣﻪﻟﮕﻪ ﺋﺎﺷﻤﺎﻱ، 5 - ﺋﺎﻳﻨﯩﯔ 7 - ﻛﯜﻧﻰ 15 - ﭼﯧﺴﻼﻧﯩﯔ ﺋﺎﻳﺮﻭﭘﯩﻼﻥ ﺑﯩﻠﯩﺘﯩﻨﻰ ﺯﺍﻛﺎﺯ ﻗﯩﻠﯩﭗ ﺑﻮﻟﻐﺎﻧﻠﯩﻖ ﺧﻪﯞﯨﺮﻯ ﻛﯧﻠﯩﭗ ﻣﯧﻨﻰ ﭼﯚﭼﯜﺗﺘﻰ. ﺋﺎﺗﺎ -ﺋﺎﻧﺎﻣﻐﺎ، ﺩﻭﺳﺘﻠﯩﺮﯨﻤﻐﺎ، ﺋﯘﻧﯩﯖﻐﺎ ﻗﯩﻴﻤﺎﻱ ﻛﯚﺯﯛﻣﺪﯨﻦ ﻳﺎﺵ ﺗﯜﻛﯜﻟﯜﭖ ﺗﯘﺭﺍﺗﺘﻰ. ﺷﯘ ﻛﯜﻧﻰ ﺋﯘﻧﻰ ﺑﻪﻙ ﺳﯧﻐﯩﻨﺪﯨﻢ، ﺋﯘﻧﯩﯖﻐﺎ ﺗﯧﻠﯩﻔﻮﻥ ﻗﯩﻠﯩﭗ ﺑﯘ ﺧﻪﯞﻩﺭﻧﻰ ﺩﯨﮕﻪﻥ ﯞﺍﻗﺘﯩﻤﺪﺍ ، ﺋﯘﻧﯩﯔ ﺗﯧﻠﯩﻔﻮﻧﺪﺍ ﺑﯩﺮ ﺋﯧﻐﯩﺰ ﺋﯜﻥ ﭼﯩﻘﺎﺭﻣﺎﻱ ﺗﯘﺭﯗﺷﯩﺪﯨﻨﻼ ﻛﯚﯕﻠﯩﻨﯩﯔ ﻗﺎﻧﭽﯩﻠﯩﻚ ﻳﯧﺮﯨﻢ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﯩﯟﺍﻻﻻﻳﺘﺘﯩﻢ. ﺑﯩﺰ ﺷﯘ ﻛﯜﻧﯩﻼ ﺋﯜﺭﯛﻣﭽﯩﮕﻪ ﻗﺎﻳﺘﺘﯘﻕ، ﮬﯧﭽﻘﺎﻧﺪﺍﻕ ﺗﻪﻳﻴﺎﺭﻟﯩﻖ ﻗﯩﻠﻤﯩﻐﺎﻥ ﻣﻪﻥ ﺋﯜﭼﯜﻥ ﺳﻪﻛﻜﯩﺰ ﻛﯜﻥ ﯞﺍﻗﯩﺖ ﺗﻮﻟﯩﻤﯘ ﻗﯩﺴﻘﺎ ﺋﯩﺪﻯ. ﺋﻪﺗﯩﺴﯩﺪﯨﻦ ﺑﺎﺷﻼﭖ ﺋﯚﺯﯛﻣﮕﻪ ﻻﺯﯨﻤﻠﯩﻖ ﻧﻪﺭﺳﯩﻠﻪﺭﻧﻰ ﺳﯧﺘﯩﯟﺍﻟﺪﯨﻢ، 3 - ﻛﯜﻧﻰ ﭼﯜﺷﺘﻪ ﺳﺎﯞﺍﻗﺪﺍﺷﻼﺭ ﻣﯧﻨﻰ ﺋﯘﺯﯨﺘﯩﺶ ﺋﯜﭼﯜﻥ ﭼﺎﻗﯩﺮﯨﭙﺘﯘ، ﺑﯩﺮ ﻳﯩﻞ ﺑﯩﺮ ﻣﻪﻛﺘﻪﭘﺘﻪ ﻳﯧﺘﯩﭗ ﻗﻮﭘﯘﭖ ﺋﻮﻗﯘﭖ، ﺋﺎﻛﺎ - ﺋﯘﻛﺎ، ﺋﺎﭼﺎ - ﺳﯩﯖﯩﻠﺪﻩﻙ ﺑﯘﻟﯘﭖ ﻛﻪﺗﻜﻪﻥ ﺑﯘ ﻗﯧﺮﯨﻨﺪﺍﺷﻠﯩﺮﯨﻤﻤﯘ ﻣﻪﻥ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﮬﯩﻢ ﺋﯩﺪﻯ. ﺋﯘ ﻳﻪﺭﺩﯨﻦ ﺑﺎﻟﺪﯗﺭ ﻳﯧﻨﯩﭗ ﺋﯘﻧﯩﯔ ﺑﯩﻠﻪﻥ ﻛﯚﺭﯛﺷﺘﯜﻡ. ﺋﯘ ﻳﻪﻧﯩﻼ ﺑﯘﺭﯗﻧﻘﯩﺪﻩﻙ ﻣﯧﻨﯩﯔ ﻣﯧﯖﯩﺸﯩﻢ ﺗﻮﻏﯘﺭﻟﯘﻕ ﺑﯩﺮ ﺋﯧﻐﯩﺰ ﺳﯚﺯ ﺋﺎﭼﻤﺎﻳﺘﺘﻰ. ﺋﯚﺯﯨﻨﯩﯔ ﻛﯚﯕﻠﯩﻨﻰ ﻳﯧﺮﯨﻢ ﻗﯩﻠﯩﺸﻨﻰ ﺧﺎﻟﯩﻤﯩﺪﯨﻤﯘ ﻳﺎﻛﻰ ﺑﯘ ﺋﯘﻧﯩﯔ ﺋﯜﭼﯜﻥ ﺋﻪﺳﻼ ﻣﯘﮬﯩﻢ ﺋﻪﻣﻪﺳﻤﯘ ﺑﯘﻧﯩﺴﻰ ﻣﺎﯕﺎ ﺗﺎ ﮬﺎﺯﯨﺮﻏﯩﭽﻪ ﻗﺎﺭﺍﯕﻐﯘ. ﺷﯘ ﻛﯜﻧﻰ ﻛﻪﭼﺘﻪ ﺋﯘ ﻣﺎﯕﺎ ﻗﯩﺴﻘﺎ ﺋﯘﭼﯘﺭ ﻳﻮﻟﻼﭖ: < ﺋﻪﮔﻪﺭ ﺳﯩﺰ ﺑﯩﻠﻪﻥ ﻳﻪﻧﻪ ﺑﯩﺮ ﻗﯧﺘﯩﻢ ﻛﯚﺭﯛﺷﻪﻟﯩﮕﻪﻥ ﺑﻮﻟﺴﺎﻡ، ﺳﯩﺰﮔﻪ ﻛﯚﯕﻠﯜﻣﺪﻩ ﺩﻩﻳﺪﯨﻐﺎﻥ ﻧﯘﺭﻏﯘﻥ ﮔﻪﭘﻠﯩﺮﯨﻢ ﺑﺎﺭ ﺋﯩﺪﻯ > ﺩﯦﺪﻯ. 5 - ﻛﯜﻧﻰ ﭼﯜﺷﺘﯩﻦ ﻛﯧﻴﯩﻦ ﺋﯘﻧﯩﯔ ﺑﯩﻠﻪﻥ ﺭﻩﺳﻤﯩﻲ ﺧﻮﺷﻠﯩﺸﯩﺶ ﺋﯜﭼﯜﻥ ﻛﯚﺭﯛﺷﺘﯜﻡ. ﺑﯩﺰ ﺋﺎﺩﻩﺗﺘﯩﻜﯩﺪﻩﻙ ﻣﻪﻥ ﺋﺎﻣﺮﺍﻕ ﺑﺎﻏﭽﯩﻨﻰ ﺋﺎﻳﻼﻧﺪﯗﻕ، ﻣﻪﻥ ﺋﯘﻧﯩﯖﻐﺎ: < ﻣﻪﻥ ﭼﯩﻘﯩﭗ ﻛﻪﺗﺴﻪﻡ ﺋﯚﻳﯜﻣﮕﻪ ﺋﯜﭼﻼ ﭘﺎﺭﭼﻪ ﺭﻩﺳﯩﻢ ﻗﻮﻳﯩﻤﻪﻥ ، ﺋﺎﺗﺎ - ﺋﺎﻧﺎﻡ ، ﻣﻪﻥ ﺋﯜﭼﯜﻥ ﺋﻪﯓ ﻣﯘﮬﯩﻢ ﺑﻮﻟﻐﺎﻥ ﺩﻭﺳﺘﯘﻡ، ﺋﺎﻧﺪﯨﻦ ﺳﯩﺰ... > ﺩﯨﮕﻪﻧﯩﺪﯨﻢ . ﺋﺎﻧﺪﯨﻦ ﺋﯘﻧﯩﯖﻐﺎ ﻗﯩﻠﻐﺎﻥ ﺷﯘ ﯞﻩﺩﻩﻡ ﺋﯜﭼﯜﻥ ﺑﯩﻠﻠﻪ ﺭﻩﺳﯩﻤﮕﻪ ﭼﯜﺷﺘﯘﻕ. ﺋﯘ ﻛﯜﻧﻰ ﻛﯜﻧﺪﻩ ﺑﺎﺯﺍﺭﻏﺎ ﭼﯩﻘﯩﭗ ﮬﯧﺮﯨﭗ ﻗﺎﻟﺪﯨﻤﻤﯘ ﺳﻪﻝ ﻣﯩﺠﻪﺯﯨﻢ ﻳﻮﻕ ﺋﯩﺪﻯ. ﻗﺎﺭﯨﺴﺎﻡ ﺭﻩﺳﯩﻤﮕﻪ ﻳﺎﺧﺸﻰ ﭼﯩﻘﻤﺎﭘﺘﯩﻤﻪﻥ، ﺷﯘﯕﺎ ﺋﯘﻧﯩﯖﻐﺎ ﺳﻪﺕ ﺭﻩﺳﯩﻤﻨﻰ ﻗﺎﻟﺪﯗﺭﻏﯘﻡ ﻛﻪﻟﻤﻪﻱ، ﺋﯩﻜﻜﯩﻼ ﭘﺎﺭﭼﯩﺴﯩﻨﻰ ﺋﯚﺯﯛﻡ ﺋﯧﻠﯩﯟﺍﻟﺪﯨﻢ. ﺑﯩﺰ ﺗﯘﻧﺠﻰ ﻗﯧﺘﯩﻢ ﻧﻪﺩﻩ ﻛﯚﺭﯛﺷﻜﻪﻥ ﺑﻮﻟﺴﺎﻕ، ﻳﻪﻧﻪ ﺷﯘ ﻳﻪﺭﺩﻩ ﺧﻮﺷﻼﺷﺘﯘﻕ. ﺋﯘﻧﯩﯖﻐﺎ ﻗﺎﺭﺍﭖ ﺋﯘﺯﯗﻧﺮﺍﻕ ﺗﯘﺭﻏﯘﻡ ﺑﻮﻟﺴﯩﻤﯘ، ﺑﯩﺮﺍﻕ ﮬﺎﻣﺎﻥ ﺧﻮﺷﻠﯩﺸﯩﺸﯩﻢ ﻛﯧﺮﻩﻙ. ﺋﯘﻧﯩﯖﻐﺎ ﻗﯘﻟﯘﻣﻨﻰ ﺋﯘﺯﺍﺗﺘﯩﻢ. _ ﺧﯘﺩﺍﻳﯩﻢ ﺑﯘﻳﺮﯨﺴﺎ ﻳﻪﻧﻪ ﻛﯚﺭﯛﺷﯩﻤﯩﺰ. _ ﺧﯘﺩﺍﻳﯩﻤﻐﺎ ﺋﺎﻣﺎﻧﻪﺕ. ﺋﺎﺭﻗﺎﻣﻐﺎ ﺑﯘﺭﯗﻟﯘﭖ ﻛﻪﻳﻨﯩﻤﮕﻪ ﻗﺎﺭﯨﻤﺎﻱ ﻣﺎﯕﺪﯨﻢ. ﻛﻪﻳﻨﯩﻤﮕﻪ ﻗﺎﻳﺘﻘﯘﻡ ﺑﺎﺭ، ﻟﯩﻜﯩﻦ ﻗﺎﻳﺘﺎﻟﻤﺎﻳﻤﻪﻥ. ﻣﺎﯕﺎ ﺧﯘﺩﺍﻳﯩﻢ ﻳﻪﻧﻪ ﺷﯘﻧﺪﺍﻕ ﺑﯩﺮ ﺩﻭﺳﺖ ﺑﻪﺭﮔﻪﻥ، ﺋﯘ ﻣﻪﻥ ﺧﺎﻟﯩﻐﺎﻥ ﯞﺍﻗﯩﺘﺘﺎ ﻛﯧﻠﯩﭗ ﻳﯚﻟﻪﻧﺴﻪﻡ ﺑﻮﻟﯩﺪﯨﻐﺎﻥ ﺗﯧﻐﯩﻤﻐﺎ ﺋﻮﺧﺸﺎﺵ ﻣﺎﯕﺎ ﮬﻪﺭﯞﺍﻗﯩﺖ ﻳﺎﺭ - ﻳﯚﻟﻪﻙ ﺑﯘﻟﯘﭖ ﺗﯘﺭﯨﺪﯗ. ﺧﺎﺗﺎ ﻳﻮﻟﺪﺍ ﻣﺎﯕﺴﺎﻡ ﺗﯜﺯﯨﺘﯩﭗ ﺗﯘﺭﯨﺪﯗ، ﻛﯚﯕﻠﯜﻡ ﻳﯧﺮﯨﻢ ﺑﻮﻟﻐﺎﻧﺪﺍ ﺷﯘﻧﭽﯩﻠﯩﻚ ﺋﻮﺭﯗﻧﻠﯘﻕ ﮔﻪﭘﻠﯩﺮﻯ ﺑﯩﻠﻪﻥ ﺗﻪﺳﻪﻟﻠﯩﻲ ﺑﯧﺮﯨﭗ ﺗﯘﺭﯨﺪﯗ. ﻳﻪﻧﻪ ﺑﻪﻙ ﺟﯩﻖ... ﺋﯩﺸﻘﯩﻠﯩﭗ ﺋﯘﻧﺪﺍﻕ ﺩﻭﺳﺘﻨﯩﯔ ﻳﻪﻧﻪ ﺑﯩﺮﯨﻨﯩﯔ ﭼﯩﻘﯩﺸﯩﻐﺎ ﺋﯩﺸﻪﻧﻤﻪﻳﻤﻪﻥ. ﺑﻪﺯﻯ ﻛﯜﻧﻠﯩﺮﻯ ﺋﯘﻧﯩﯔ ﻗﯧﺸﯩﻐﺎ ﻛﯧﻠﯩﭗ: _ ﺑﯜﮔﯜﻥ ﺋﯘﻧﯩﯖﻐﺎ ﺗﯧﻠﻔﯘﻥ ﻗﯩﻠﺴﺎﻡ ﺋﺎﻟﻤﯩﺪﻯ، ﻧﯧﻤﯩﺸﻘﺎ ﺋﺎﻟﻤﺎﻳﺪﯗ؟ ﺋﺎﻟﻐﯘﺳﻰ ﺑﻮﻟﻤﯩﺴﺎ ﺗﯧﻠﻔﯘﻧﻨﻰ ﺋﯧﻠﯩﭗ < ﺳﯩﺰﮔﻪ ﮔﻪﭖ ﻗﯩﻠﻐﯘﻡ ﻳﻮﻕ > ﺩﻩﭖ ﻗﻮﻳﯘﯞﻩﺗﺴﯩﻤﯘ ﺑﻮﻟﯩﺪﯨﻐﯘ، - ﺩﻩﭖ ﺋﻮﺭﯗﻧﺴﯩﺰ ﺋﺎﻏﺮﯨﻨﺴﺎﻡ ﺋﯘ ﻛﯜﻟﯜﭖ ﻛﯧﺘﻪﺗﺘﻰ ﯞﻩ : _ ﺋﻪﮔﻪﺭ ﺋﯘ ﺑﺎﻻ ﺷﯘﻧﺪﺍﻕ ﺩﻩﭖ ﻗﻮﻳﯩﺪﯨﻐﺎﻥ ﺑﻮﻟﺴﺎ، ﻣﯘﺷﯘ ﻣﯩﺠﻪﺯﯨﯔ ﺑﯩﻠﻪﻥ ﺋﯘﻧﻰ ﻳﻪﯞﯨﺘﻪﺭﺳﻪﻥ ﺳﻪﻥ... ﺑﻮﻟﺪﻯ ﮬﻪ، ﻳﻮﻕ ﺋﯩﺸﻼﺭﻏﺎ ﺟﯩﻠﻪ ﺑﻮﻟﻤﺎﻱ. ﺑﻪﻟﻜﯩﻢ ﺋﺎﯕﻠﯩﻤﺎﻱ ﻗﺎﻟﻐﺎﻧﺪﯗ، ﮬﯧﻠﯩﻼ ﻗﺎﻳﺘﯘﺭﯗﭖ ﺗﯧﻠﯩﻔﯘﻥ ﻗﯩﻠﺴﺎ، ﻳﻮﻗﺎﭖ ﻛﯧﺘﯩﺪﯗ ﺑﯘ ﺋﺎﭼﭽﯩﻘﯩﯔ،- ﺩﻩﻳﺘﺘﻰ. ﺭﺍﺳﺘﻼ ﮬﻪﻣﻤﻪ ﺋﯩﺸﻼﺭ ﺋﯘﻧﯩﯔ ﺩﯦﮕﯩﻨﯩﺪﻩﻙ ﺑﻮﻻﺗﺘﻰ. ﮬﯧﻠﯩﻤﯘ ﺋﯧﺴﯩﻤﺪﻩ، ﺑﯩﺮ ﻗﯧﺘﯩﻢ ﻳﻪﻧﻪ ﺷﯘ ﻣﻪﻥ ﻳﺎﺧﺸﻰ ﻛﯚﺭﯛﭖ ﻛﻪﻟﮕﻪﻥ ﺋﺎﺩﻩﻡ ﻣﯧﻨﻰ ﺋﯜﻣﯩﺪﺳﯩﺰﻟﻪﻧﺪﯛﺭﯛﭖ، ﺩﯨﻠﯩﻤﻨﻰ ﺋﺎﻏﺮﯨﺘﺘﻰ. ﺑﯘ ﻗﯧﺘﯩﻢ ﺧﺎﺗﺎﻟﯩﻖ ﺭﺍﺳﺘﻼ ﻣﻪﻧﺪﻩ ﺋﻪﻣﻪﺱ ﺋﯩﺪﻯ، ﺷﯘﯕﺎ ﺋﯘﻧﯩﯔ ﻗﯧﺸﯩﻐﺎ ﺑﯧﺮﯨﭗ ﺋﯩﺨﺘﯩﻴﺎﺭﺳﯩﺰ ﻳﯩﻐﻼﭖ ﺳﺎﻟﺪﯨﻢ. ﺋﯘ ﺷﯘﻧﺪﺍﻕ ﻣﯧﮭﺮﯨﺒﺎﻥ ﮬﻪﻡ ﺟﺎﻧﻠﯩﻖ ﺋﯩﺪﻯ. ﻳﯧﺸﯩﻤﻨﻰ ﻛﯚﺭﯛﭖ ﭼﯩﺪﺍﭖ ﺗﯘﺭﺍﻟﻤﯩﺪﻯ. _ ﺩﺍﯞﺍﻣﻠﯩﻖ ﺧﺎﺗﺎﻟﯩﻘﻨﻰ ﺳﻪﻧﺪﯨﻦ ﻛﯚﺭﻩﺗﺘﯩﻢ، ﺑﯩﺮﺍﻕ ﺑﯘ ﻗﯧﺘﯩﻢ ﺑﻮﻟﻤﺎﭘﺘﯘ، ﮬﻪﻣﻤﻪ ﺋﯩﺸﻨﯩﯔ ﭼﯧﻜﻰ ﺑﻮﻟﯩﺪﯗ-ﺩﻩ. ﺑﯘ ﻗﯧﺘﯩﻢ ﻳﻪﻧﻪ ﻛﻪﭼﯜﺭﯛﻡ ﺳﻮﺭﯨﺴﺎ ﻣﻪﻳﻠﻰ ﺩﻩ، ﭼﯜﻧﻜﻰ ﺋﯚﺯﯛﯕﻤﯘ ﺋﯘﻧﻰ ﻳﺎﺧﺸﻰ ﻛﯚﺭﯨﺴﻪﻥ. ﻟﯧﻜﯩﻦ ﺑﯘﻧﺪﺍﻕ ﺑﻮﻟﯘﯞﻩﺭﺳﻪ ﺑﻮﻟﻤﺎﻳﺪﯗ. ﻛﯧﻴﯩﻨﻜﻰ ﻗﯧﺘﯩﻢ ﻳﻪﻧﻪ ﺳﯧﻨﻰ ﻳﯩﻐﻼﺗﺴﺎ ﺗﺎﺭﺗﯩﺸﻤﺎﻱ ﺑﻮﻟﺪﻯ ﻗﯩﻞ. ﺋﯧﺴﯩﯖﺪﻩ ﭼﯩﯔ ﺗﯘﺕ، ﺳﻪﻥ ﺋﯚﻳﯜﯕﺪﯨﻜﯩﻠﻪﺭﻧﯩﯔ ﺋﺎﻟﺪﯨﺪﺍ ﺷﯘﻧﭽﯩﻠﯩﻚ ﺋﻪﺗﯩﯟﺍﺭﻟﯩﻖ ﻗﯩﺰ، ﻣﻪﻛﺘﻪﭘﺘﯩﻤﯘ ﮬﻪﻡ ﺷﯘﻧﺪﺍﻗﺘﯩﯔ. ﺑﯩﺰﻧﯩﯔ ﻗﯩﺰﻻﺭﻣﯘ ﺳﯧﻨﻰ ﺷﯘﻧﺪﺍﻕ < ﯞﺍﻱ > ﺩﻩﻳﺪﯗ، ﺳﺎﯕﺎ ﮬﻪﻣﻤﯩﺴﻰ ﺋﺎﻣﺮﺍﻕ. ﻳﯧﻨﯩﯖﺪﺍ ﺑﯩﺰ ﺑﺎﺭ، ﻗﻪﺩﺭﯨﯖﻨﻰ ﺑﯩﻠﯩﭗ ﻗﻪﺩﯨﺮﻟﯩﺴﻪ، ﺳﻪﻧﻤﯘ ﻗﻪﺩﯨﺮﻟﻪ. ﻗﻪﺩﺭﯨﯖﻨﻰ ﺑﯩﻠﻤﯩﺴﻪ ﺑﻮﻟﺪﻯ ﻗﯩﻞ. ﮬﻪﺭﮔﯩﺰ ﻳﯩﻐﻠﯩﻤﺎ. ﺋﯘﻻﺭ ﺳﯧﻨﯩﯔ ﻳﯩﻐﻠﯩﺸﯩﯖﻐﺎ ﺋﻪﺭﺯﯨﻤﻪﻳﺪﯗ. ﺳﺎﯕﺎ ﻛﯜﻟﻜﻪ ﺋﻪﯓ ﻳﺎﺭﯨﺸﯩﺪﯗ. - ﺩﯨﮕﻪﻧﯩﺪﻯ. ﺷﯘ ﻛﯜﻧﺪﯨﻦ ﻛﯧﻴﯩﻦ ﺋﯘﻧﯩﯔ ﺷﯘ ﮔﻪﭘﻠﯩﺮﯨﻨﻰ ﺋﯚﺯﯛﻣﮕﻪ ﮬﻪﻣﺮﺍﮬ ﻗﯩﻠﯩﭗ ﻛﻪﻟﺪﯨﻢ. 15- ﭼﯧﺴﻼ ﭼﯜﺷﺘﻪ ﺋﺎﻳﺮﻭﺩﯨﺮﻭﻣﺪﺍ ﺗﯘﻏﻘﺎﻧﻠﯩﺮﯨﻢ، ﺳﯜﻳﯜﻣﻠﯜﻙ ﺋﺎﺗﺎ - ﺋﺎﻧﺎﻡ، ﺷﯘ ﻗﻪﺩﯨﺮﻟﯩﻚ ﺩﻭﺳﺘﯘﻡ ﺑﯩﻠﻪﻥ ﺧﻮﺷﻠﯩﺸﯩﭗ، ﺗﻪﻛﺸﯜﺭﯛﺷﻠﻪﺭﺩﯨﻦ ﺋﯚﺗﯜﭖ ﺋﯩﭽﯩﮕﻪ ﻛﯩﺮﯨﭗ ﻛﻪﺗﺘﯩﻢ. ﺷﯘ ﯞﺍﻗﯩﺖ، ﺷﯘ ﻣﯩﻨﯘﺗﺘﯩﻦ ﺑﺎﺷﻼﭖ ﺋﺎﺗﺎ - ﺋﺎﻧﺎﻣﻨﯩﯔ ﺩﯗﺋﺎﺳﻰ، ﺩﻭﺳﺘﻠﯩﺮﯨﻤﻨﯩﯔ ﻣﻪﺩﯨﺘﻰ ﻣﻪﻥ ﺑﯩﻠﻪﻥ ﺑﯩﻠﻠﻪ ﺑﻮﻟﺴﯩﻤﯘ، ﻣﻪﻥ ﻳﻪﻧﯩﻼ... ﻳﺎﻟﻐﯘﺯ ﻗﺎﻟﺪﯨﻢ.ﻗﺎﻧﺪﺍﻕ ﻗﯩﻠﯩﺸﯩﻤﻨﻰ ﺑﯩﻠﻪﻟﻤﻪﻱ ﺗﻪﻣﺘﯩﺮﻩﭖ ﻗﺎﻟﻐﺎﻥ ﯞﺍﻗﯩﺘﻠﯩﺮﯨﻢ ﻧﯘﺭﻏﯘﻥ ﺋﯩﺪﻯ. ﺑﯩﺮﺍﻕ ﻳﯧﻨﯩﻤﺪﺍ ﮬﯧﭽﻜﯩﻢ ﻳﻮﻕ... ﻣﺎﻧﺎ ﺑﯜﮔﯜﻥ ﮔﯧﺮﻣﺎﻧﯩﻴﯩﺪﻩ ﺗﯘﺭﯨﯟﺍﺗﻘﯩﻨﯩﻤﻐﺎ ﺩﻩﻝ 15 ﻛﯜﻥ ﺑﻮﻟﺪﻯ. ﻣﻪﻥ ﺗﯧﺨﻰ ﻣﯘﻛﻪﻣﻤﻪﻝ ﺑﯩﻠﻤﻪﻳﺪﯨﻐﺎﻥ ﺗﯩﻠﻨﻰ ﻗﻮﻟﻠﯩﻨﯩﭗ، ﻳﺎﺧﺸﻰ ﺑﯩﻠﻤﻪﻳﺪﯨﻐﺎﻥ ﻳﻮﻟﻼﺭﺩﺍ ﻣﯧﯖﯩﭗ ﺋﯚﺯ ﻛﻪﻟﮕﯜﺳﯜﻡ ﺋﯜﭼﯜﻥ ﺗﯩﺮﯨﺸﯩﭗ ﻳﯜﺭﯛﭘﺘﯩﻤﻪﻥ. ﺋﯚﺯﯛﻡ ﺑﯘ ﻳﻪﺭﺩﻩ ﺑﻮﻟﺴﺎﻣﻤﯘ، ﻛﯚﯕﻠﯜﻡ ﻳﻪﻧﯩﻼ ﻳﯩﺮﺍﻗﺘﺎ ﺋﯩﺪﻯ. ﺑﯘ ﻳﻪﺭﮔﻪ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺋﯘ ﺗﻮﺭﻏﺎ ﭼﯩﻘﺴﯩﻼ ﻣﻪﻧﺪﯨﻦ ﺩﺍﯞﺍﻣﻠﯩﻖ < ﺗﺎﻣﺎﻗﻨﻰ ﯞﺍﻗﺘﯩﺪﺍ ﻳﯧﺪﯨﯖﯩﺰﻣﯘ، ﯞﺍﻗﺘﯩﺪﺍ ﺋﺎﺭﺍﻡ ﺋﯧﻠﯩﯟﺍﺗﺎﻣﺴﯩﺰ، ﻛﯚﻧﻪﻟﯩﺪﯨﯖﯩﺰﻣﯘ > ﺩﯨﮕﻪﻧﺪﻩﻙ ﺳﻮﺋﺎﻟﻼﺭﻧﻰ ﺳﻮﺭﺍﭖ ﺑﯘﻟﯘﭘﻼ ﭼﯩﻘﯩﭗ ﻛﯧﺘﯩﺪﯗ. ﻣﻪﻥ ﺑﯘ ﻳﻪﺭﺩﻩ ﻣﻪﻳﻠﻰ ﻳﺎﺧﺸﻰ ﺑﻮﻻﻱ ﻳﺎﻛﻰ ﻧﺎﭼﺎﺭ ﺑﻮﻻﻱ ﺋﯘﻧﯩﯖﻐﺎ ﭘﻪﻗﻪﺕ < ﮬﻪﺋﻪ، ﻣﻪﻥ ﻳﺎﺧﺸﻰ ، ﺧﺎﺗﯩﺮﺟﻪﻡ ﺑﯘﻟﯘﯓ > ﺩﻩﭘﻼ ﺟﺎﯞﺍﺏ ﺑﯧﺮﯨﻤﻪﻥ. ﮔﻪﭘﻠﯩﺮﯨﻤﯩﺰ ﭘﻪﻗﻪﺕ ﻣﯘﺷﯘ ﺑﯩﺮﻧﻪﭼﭽﻪ ﺗﯩﻤﺎ ﺋﯜﺳﺘﯩﺪﯨﻼ ﭼﻪﻛﻠﯩﻨﯩﭗ ﻗﯧﻠﯩﯟﺍﺗﺎﺗﺘﻰ. ﺗﻮﻏﺮﺍ، ﺑﯩﺰ ﮬﺎﺯﯨﺮ ﺑﯘﺭﯗﻧﻘﯩﺪﻩﻙ ﻛﯚﺭﯛﺷﯜﭖ، ﺑﯩﻠﻠﻪ ﺋﺎﻳﻠﯩﻨﯩﭗ، ﻣﯘﯕﺪﯨﺸﯩﭗ ﺗﯘﺭﻣﯩﻐﺎﭼﻘﺎ، ﺗﻪﺑﯩﺌﯩﻲ ﭘﺎﺭﺍﯕﻠﯩﺸﯩﺪﯨﻐﺎﻥ ﺗﯧﻤﯩﻤﯩﺰﻣﯘ ﺗﺎﺭﯨﻴﯩﭗ ﻛﯧﺘﯩﯟﺍﺗﺎﺗﺘﻰ. ﺑﯘ ﺑﯩﺰﻧﯩﯔ ﻣﯘﮬﻪﺑﺒﯩﺘﯩﻤﯩﺰﻧﯩﯔ ﺳﯘﺳﻠﯩﺸﯩﺸﻘﺎ ﺑﺎﺷﻠﯩﻐﺎﻧﻠﯩﻘﻨﯩﯔ ﺑﯩﺸﺎﺭﯨﺘﯩﻤﯩﺪﯗ؟ ﮬﯧﻠﯩﮭﻪﻡ ﻛﺎﺭﯨﯟﯨﺘﯩﻢ ﺑﯧﺸﯩﺪﺍ ﺋﺎﺗﺎ -ﺋﺎﻧﺎﻣﻨﯩﯔ، ﺩﻭﺳﺘﯘﻣﻨﯩﯔ ﮬﻪﻡ ﺋﯘﻧﯩﯔ ﺳﯜﺭﯨﺘﻰ ﺗﯘﺭﯗﭘﺘﯘ. ﺋﺎﺗﺎ - ﺋﺎﻧﯩﻨﯩﯔ ﺑﺎﻟﯩﻐﺎ ﺑﻮﻟﻐﺎﻥ ﻣﯘﮬﻪﺑﺒﯩﺘﻰ ﻣﻪﯕﮕﯜ ﺋﯜﺯﯛﻟﻤﻪﻳﺪﯗ. ﺩﻭﺳﺘﻠﯘﻕ، ﻣﻪﻥ ﺩﻭﺳﺘﯘﻣﻐﺎ ﺋﯩﺸﯩﻨﯩﻤﻪﻥ، ﺋﯩﻜﻜﯩﻤﯩﺰ ﺋﯜﭼﯜﻥ ﺋﺎﺭﯨﻠﯩﻖ ﻳﯩﺮﺍﻕ ﺑﯘﻟﯘﺵ ﭼﻮﯓ ﻣﻪﺳﯩﻠﻪ ﺋﻪﻣﻪﺱ، ﺑﯩﺰﻧﯩﯔ ﺩﻭﺳﺘﻠﯩﻘﯩﻤﯩﺰ ﮬﺎﺯﯨﺮﻣﯘ ﺩﺍﯞﺍﻣﻠﯩﺸﯩﯟﺍﺗﯩﺪﯗ. ﺑﯩﺮﺍﻕ ﺋﯘﭼﯘ؟ ﺋﯘﻧﯩﯔ ﺑﯩﻠﻪﻥ ﺑﻮﻟﻐﺎﻥ ﻣﯘﮬﻪﺑﺒﯩﺘﯩﻢ ﻗﺎﻧﭽﯩﻠﯩﻚ ﺋﯘﺯﯗﻥ ﺩﺍﯞﺍﻣﻠﯩﺸﯩﺪﯗ ﺑﯘ ﮬﻪﻡ ﻣﻪﻥ ﺋﯜﭼﯜﻥ ﺑﯩﺮ ﺳﻮﺋﺎﻝ ﺑﻪﻟﮕﯩﺴﻰ. ﭼﯜﻧﻜﻰ ﺋﯘﻧﯩﯔ ﺋﻪﮬﯟﺍﻟﻰ ﻣﯧﻨﯩﯔ ﺑﯩﻠﻪﻥ ﺗﯜﭘﺘﯩﻦ ﺋﻮﺧﺸﯩﻤﺎﻳﺪﯗ، ﺋﯘﻧﯩﯔ ﺗﺎﻟﻼﺵ ﺩﺍﺋﯩﺮﯨﺴﻰ ﺑﻪﻙ ﻛﻪﯓ. ﺋﯘﻧﯩﯔ ﺋﯜﺳﺘﯩﮕﻪ ﻛﻮﻧﯩﻼﺭﻧﯩﯔ: < ﻛﯚﺯﺩﯨﻦ ﻳﯩﺮﺍﻕ، ﻛﯚﯕﯜﻟﺪﯨﻦ ﻳﯩﺮﺍﻕ > ﺩﯨﮕﻪﻥ ﺳﯚﺯﻟﯩﺮﻯ ﻣﯧﻨﻰ ﺋﻮﻳﻼﻧﺪﯗﺭﯗﭖ ﻗﻮﻳﯩﺪﯗ. ﺑﻪﻟﻜﯩﻢ ﺑﯘ ﻳﺎﺯﻏﺎﻧﻠﯩﺮﯨﻤﻨﻰ ﺋﯘ ﻛﯚﺭﯨﯟﺍﺗﻘﺎﻧﺪﯗ ﻳﺎﻛﻰ ﺑﯩﺮ ﻛﯜﻧﻰ ﻛﯚﺭﯨﺪﯨﻐﺎﻧﺪﯗ، ﻣﻪﻥ ﺋﯘﻧﻰ ﻳﺎﺧﺸﻰ ﻛﯚﺭﯨﻤﻪﻥ، ﺑﯩﺮﺍﻕ ﺑﯘ ﻣﯘﮬﻪﺑﺒﻪﺗﻨﯩﯔ ﺩﺍﯞﺍﻣﯩﻨﯩﯔ ﺑﺎﺭ ﻳﺎﻛﻰ ﻳﻮﻗﻠﯩﻘﯩﻨﻰ ﺑﯩﻠﻤﻪﻳﻤﻪﻥ. ﺳﯩﻠﻪﺭﭼﻪ ﺑﯘ ﻣﯘﮬﻪﺑﺒﻪﺕ ﺑﺎﺭﺍ - ﺑﺎﺭﺍ ﺗﺎﺭﯨﻴﯩﭗ، ﻳﻮﻗﯩﻠﯩﭗ ﻛﯧﺘﻪﺭﻣﯘ؟ مەنبە : شامال ئۇيغۇر سالونىدىن زۇلى نامدىكى تورداشنىڭ ئەسرى بولۇپ ،كەڭ تورداشلارنىڭ ھۇزۇرىغا سۇندۇم.

nurjahan0997

	كۆزدىن يىراق كۆڭۈلدىن يىراق دېگەن بۇ گەپ ھازىرىقى پۇل ئۈستىگە قۇرۇلغان مۇھاببەتكە بەك ماس كېلىدۇ جۇمۇ.... ئاللاھ خالىسا داۋامى چىقار

vincent

	مېنىڭچە ‹‹ ﻛﯚﺯﺩﯨﻦ ﻳﯩﺮﺍﻕ، ﻛﯚﯕﯜﻟﺪﯨﻦ يىراق ››دىگەنگە ئىشىنىڭ .....مۇھەببەت ھەرقانچە چوڭقۇر بولسىمۇ،ۋاقىت ھەممىنى ئىسپاتلاپ چىقىدۇ....سىزنى مۇھىت،ئۇ بالىنى ۋىسالسىز سۆيگۈ ئۆزگەرتىدۇ....‹‹باشقا كەلگەندە باتۇر››دەيدىغان گەپ بار كونىلاردا.

1263318936

	مۇھاببەتنىڭ داۋامى رىيال تۇرمۇشتا

qiqakkiz

	ھەقىقىي مۇھەببەت كۆزدىن يىراق بولسىمۇ داۋاملىشىدۇ .

zapar

	ما ۋۇ ھىكايىنى باشقا يەردىن ئەكەپتۇ، شۇڭا قاپاقباش بولمىساڭلار، تېمايوللىغۇچىغا مەسلسھەت بەرمەڭلەر جۇمۇ

pikAso

pikAso

natonux-kiz

	ۋاي بۇ سۆيگۈنىڭ ئاخىرى قوللىشىمەنكى بىر يىلغا بارا بەك ئۇزۇن بولسا

ixaniq14

	بۇ تېمنى  مەن يازمىغان ، مەن ياقتۇرغاچقا بۇ مۇنبەرگىمۇ يوللاپ قويغان ئىدىم ، بۇنىڭدىكى قىزغىن دىئالوگلار ئادەمگە  مۇھەببەتكە تولغان شۇ ھاياتىمىزنى ئەسلىتىپ قويدىكەن ، مەن باشقا تورداشلارنىڭمۇ  بۇنىڭدىن بەھىر ئېلىشى ئۈچۈن يوللغان خالاس ،  قارىسام بۇ مۇھاببەت توغىرلۇق سىلەر ھەرخىل ئىنكاسلارنى يېزىپ كېتپسلەر .