رۇستەم قاراسۇ : بىتەلەي بوۋاي

rustorahbar

	خىزمەت مۇناسىۋىتى بىلەن شەھەرلەردە ئۇلتۇراقلاشقان، قېرىنداشلار سەھرادىكى يېتىم قالغان ئاتىلارنى ئۇنتۇپ قالمايلى. رۇستەم قاراسۇ ئىجادىيتى بىتەلەي بوۋاي ھەر بىر ئۆينىڭ ئىشكىنى چىكىپ، سوغوق كەلدى زېمىستان كىرىپ. سەھرادىكى بىتەلەي بوۋاي، ئاۋارىدۇر ئوتۇنلار يېرىپ. پار قوينىدا شەھەر ياتىدۇ، شۇنچە راھەت تاڭلار ئاتىدۇ. قېشلاقتىكى غىرىب كەپىدە، يالغۇز بوۋاي جاپا تارتىدۇ. كۆمۈرى يوق قالاي دىگەندە، ئاچچىق سوغوق جاندىن ئۆتكەندە. باللىرىنىڭ كارى يوق ئەسلا، غەمسىز ياشار ھەيۋەت شەھەردە. توڭلاپ ئاخىر كۆز يۇمدى بوۋاي، تىپىرلىدى بەلكىم مىڭ،تالاي. ھازىدارى بولدى بوۋاينىڭ، جىمجىت كېچە كۆكتىكى شۇ ئاي. رۇستەم قاراسۇ.....2013.12.23

hina

	ئەسسالامۇ ئەلەيكوم ، بۇ شىئېرىڭىزنى ئوقۇپ يىغلاپ تاشلىدىم ، دادام كۆز ئالدىمغا كېلىپ كەتتى ، دەيمەنكى پەرزەنت يىتىم قالسا ئۆز يولىدا چوڭ بولىدىكەن، ئەمما جاھاندا ئاتا ئانىنىڭ يىتىملىكىدىن ئارتۇق يىتىملىك يوق ئىكەن ، ئاللاھ ئاتا ئانىلارنىڭ ئۆمرىنى ،بارلىق پەرزەنتلەرنىڭ ئىنسابىنى بەرسۇن !

326ayixa

	بەك تەسىرلىك يېزىپسىز . ئۇلۇغ اللە پەرىشتىلىرىمىزنىڭ تېنىنى سالامەت قىلغاي . ھەر قېتىم ئولار ماڭا دۇئا قىلغاندا بېشىم ئاسمانغا يېتىدۇ . شۈكۈر اللە .

rustorahbar

	رۇستەم قاراسۇ ئىجادىيتى ناخشا تېكىستى ئۇنتۇپ كەتسۇن قەدىرلىمەي تۇنجى سۆيگۈنى، تاشلاپ كەتتىڭ تېپىپ ئۆزگىنى، مۇھاببەتنىڭ شۇدۇر ئۆلگىنى، ئۇنتۇپ كەتسۇن بىزنى مۇھاببەت. ئەلەم قىلدىڭ ئاشىق يۈەككە، كۆڭۈل بىرىپ مەندىن بۈلەككە، يەتكەن بولساڭ بوپتۇ نىيەتكە، ئۇنتۇپ كەتسۇن بىزنى مۇھاببەت. بارچە دەرتنى يەلكەمگە ئارتىپ، ئۆتۈپ كىتەي ئۆزۈملا تارتىپ، كەچۈرمەيمەن كەلسەڭمۇ قايتىپ، ئۇنتۇپ كەتسۇن بىزنى مۇھاببەت. ناخشا تېكىستى مېنىڭ خاتا ساڭا ئازار بىرىپ كەپتىمەن، ئۆزۈمنىڭكى توغرا دەپتىمەن، ئۆزۈمنىلا ئويلاپ كەپتىمەن، مېنىڭ خاتا كەچۈرگىن مېنى. مەندىن سۆيگۈ مۇھاببەت كۈتسەڭ، دەرتلىرىمنى غېمىمنى يۈتسەڭ، بىلمەپتىمەن بېغىمغا ئۈنسەڭ، مېنىڭ خاتا كەچۈرگىن مېنى. پاك سۆيگۈڭنى قەلبىڭگە پۆكۈپ، كەتكىنىڭدە يىغلاپ ياش تۆكۈپ، ئەپسۇسلاندىم قالدىم ئۆكۈنۈپ، مېنىڭ خاتا كەچۈرگىن مېنى. رۇستەم قاراسۇ...ئالاتاۋدا يېزىلدى

natonux-kiz

	شىئېرلىرىڭىز بىر بىرىدىن ئىسل ئىكەن بولۇپمۇ بىرىنچى شىئېر شۇنداق ئادەمنىڭ يۈرىكىگە تەككۈدەك ياخشى يىزلىپتۇ .... چىنەڭگە ئاھ ئانا زەمزەم قۇيۇپ بىرەي دېسەم سەن يوق دەپ كانىيىمىز يىرتىلىپ كەتكۈچە كاكىراپ ناخشا توۋلىغاندىن بىر كۈن بولسىمۇ ھايات ۋاقتىدا خىزمىتىنى قىلىپ ھەمراھ بولۇپ ئۆتكەن ياخشى

kizix

	بەك ياخشى يېزىپسېز،ئاللاھ ئىگەم ئاتا-ئانىلىرمىزنىڭ ئۆمۈرىنى ئۇزۇن قىلغاي.