يىغلاپ بەردىم خىلۋەتتە گۈلگە

kok-sultan

	يىغلاپ بەردىم خىلۋەتتە گۈلگە، يىغىپ قويغان دەردىمنى تۆكۈپ. تولدى يۇمران بەرگىسى ياشقا، مەسۇم قىزدەك خىيالغا چۆكۈپ. يىغلاپ بەردىم خىلۋەتتە گۈلگە، ئۆتۈپ رەڭدار قىسمەتلەر باشتىن. ئۇلۇغ ھېكمەت سىرىنى تاپتىم، يۇمران گىياھ ئۆستۈرگەن تاشتىن. يىغلاپ بەردىم خىلۋەتتە گۈلگە، كۆيۈپ تۇرغان باغرىمنى ئېچىپ. لىڭشىپ كەتتى يۇپۇرماق لەرزان، يۇمران غۇنچە خۇشپۇراق چېچىپ. يىغلاپ بەردىم خىلۋەتتە گۈلگە، نازۇك دىلنىڭ ھەسرىتى ئارتىپ. سۆيگۈ تىلەپ بىۋاپا ياردىن، قارا ھىجران قولىنى تارتىپ. يىغلاپ بەردىم خىلۋەتتە گۈلگە، نالە-زاردا بۇقۇلداپ كۆڭلۈم. ۋىسال پەسلى سارغايغان كېچە، مېنى يوقلاپ كېلەرمۇ ئۆلۈم؟! مەنبە: ئىجادىيىتىم

nurjahan0997

	خۇدى بالىلار تىلىدەك تولىمۇ يېقىملىق ئاڭلاندى ماڭا قېرىندىشىم

326ayixa

	بىر ھېساپتا شۇمۇ ياخشى ئىشكەن . ھازىرقى ئادەملەرگە ئىشىنەي دىسىڭىز تېخى ئىشەنمەي دىسىڭىز تېخى . مەنمۇ گۈلگە بەك ئامراق . كۈندە گۈل بىلەن سۆزلىشىپ كېتىمەن . گەرچە ئۆزۈمنىڭ دىئالۇگى بىلەن مونولوگى بولسىمۇ يىنىكلەپ قالىمەن .

natonux-kiz

	ھى ھى  گۈل بىلەن مۇڭدىشش دېگەن گەپنى ئاڭلاپ بىرئىش يادىمغا كېچىپ قالدى ، ئۆتكەندە بىر كۈنى بىر ئىشتىن شۇنداق بەك خۇشال بولۇپ چۆرگىلەپ يۈرۈپ ئۆينىڭ كەينىگە چىقسام يىڭىدىن موزايلىغان موزايلىق كالىمىزنى باغلاپ قويۇپتىكەن ، چىقىشىمغا يىڭى تۇغۇلغان موزايچاق ئالدىمغا يۈگىرەپ كەلدى ئۇنىڭغا بىر تال ئوتنى ئۇزىتىپ كاللىسىنى ، بويانلىرىنى سىلاپ تۇرۇپ شۇنداق ئامراقلىقىم كىلىپ ئۇنىڭغا بىر مۇنچە سۆزلەپ كىتپتىمەن ، كىچىك بالىنى ئەركىلەتكەندەك سۆزلەر بىلەن ... بىر چاغدا بشمنى كۆتتۈرۈپ قارىسام يولدىن ئۆتكەن قوشنىمىز ماڭا قارىغانچە ئىغىزىنى كاماردەك ئېچىپ ، چىكىتتەك قاراپ تۇرۇپتۇ ، خىجىللقتا ئۆلەيلا دېگەنتىم .... ھى ھى مەنمۇ ئادەتتە شۇ يىچكىشىگە دىيەلمىگەن گەپلىرىمنى كۈندىلىك خاتىرەمگە يىزپ 6~7 توملۇق روماننى پۈتتۈرۈپ بولدۇم ھازىر...