ۋاقىتقا خائىنلىق قىلغان بالا

madina520

	ۋاقىتقا خائىنلىق قىلغان بالا يازغۇچى: پى چاۋخۇي      بىر بالا مەكتەپكە بارماقچى بولۇپ، تاقەتسىزلىك بىلەن ماشىنا ساقلاپتۇ، ئۇنىڭغا ۋاقىت ئۆتكۈزۈش ناھايىتى تەس كەپتۇ. بالا ئەسكى-تۈسكى يېغىدىغان ئاپئاق ساقاللىق بىر بوۋاينىڭ:«ئارتۇقچە ۋاقىتلارنى يىغىۋالغىلى بولسا، سېتىۋېتىپ يەنە قايتۇرۇپ كەلگىلى بولاتتى»دېگەن ئاۋازىنى ئاڭلاپتۇ. بوۋاينىڭ سېۋىتىدە بىرقانچە ئاق خالتا بار ئىكەن.    بالا ھاياجانلىنىپ:    -بوۋا، مەن ماشىنا ساقلايدىغان ۋاقتىمنى سىزگە سېتىپ بەرسەم بولامدۇ؟-دەپتۇ.      بوۋاي ئەپكەشنى قويۇپ:       -سىزنىڭ نېمە تەلىپىڭىز بار؟-دەپ سوراپتۇ.       -ماشىنىغا چىقىش،-دەپتۇ بالا.    -پۇتۈشتۇق، -دەپتۇ بوۋاي.    ئاقساقال بوۋاي بىر تال ئاق خالتىنى ئېلىپ، بالىنىڭ بېشىغا كەيدۇرۇپتۇ. دەرۋەقە ماشىنا كەپتۇ. كىشلەر قىستىلىشىپ ماشىنغا چىقىپتۇ، ئەمما بالا يەنىلا ماشىنغا چىقالماپتۇ.  بالا بىر ئاز ئويلانغاندىن كېيىن: -ماشىنىغا ئولتۇردىغان ۋاقىتىمنى ساتىمەن، مەن مەكتەپكە بېرىشىم كېرەك،-دەپتۇ. -بولىدۇ. ئاقساقال بوۋاي كۈلۈمسىرەپ تۇرۇپ: -بالام، ئەگەر يەنە ئوشۇق ۋاقتىڭ بولسا، دەرىزە يېنىغا كېلىپ، «ۋاقتىمنى ساتىمەن»دەپ توۋلىساڭ، مەن دەرھال پەيدا بولىمەن،-دەپتۇ. كۆزنى يۇمۇپ ئاچقۇچە بالا مەكتەپكە كېلىپ قاپتۇ.    ئۇ پايدىنىڭ  تەمىنى ئوبدانلا تېتىپ قاپتۇ. ئەمما بالا دەرس ۋاقتىدا دەرسنى ئاڭلاۋىرىپ زىرىكىشلىك ھېس قىلىپتۇ. ئۇ كۆڭلىدە:«مەن نېمىشقا ئوشۇق ۋاقىتىلىرىمنى سېتىۋەتمەيمەن؟ مۇۋاپپەقىيەت قازانغان ئالىمغا ئايلانمايمەن؟»دەپ ئويلاپتۇ. شۇنىڭ بىلەن بالا دەرىزە يېنىغا بېرىپ، بوش ئاۋازدا:    -ۋاقتىمنى ساتىمەن،-دەپ توۋلاپتۇ. شۇ ھامان ئاقساقال بوۋاي دەرىزە يېنىغا پەيدا بوپتۇ.    بالا ئۆزىنىڭ ئوشۇق ۋاقتىنى مول بىلىم، نۇرغۇن داڭلىق ئەسەر ۋە يۈكسەك دەرىجىدىكى نام ئاتاققا ئالماشتۇرۇپتۇ. ئەمما بۇ ئالىمغا ئاللاقاچان قېرىلىق يېتىپ، كۇنبويى كېسەل كارىۋىتىدىن قوپمايدىغان دەرىجىگە بېرىپ قاپتۇ. ئاخىردا ئەزرائىل ئۇنىڭ يېنىغا كېلىپ:    -سېنىڭ ھاياتىڭ ئاخىرىقى باسقۇچقا بېرىپ قالدى، مەن بىلەن ماڭ،-دەپتۇ. ,      ئۇ قاتتىق چۆچۈپ :    -ياق،-دەپ ۋاقىراپتۇ. ئۇ ھاياتىنى ئەسلەپ باقسا، باشلانغۇچ مەكتەپتىكى ئاشۇ بىر نەچچە يىلدىن باشقا ھەممە ۋاقىتنى بىكارغا ئۆتكۈزۋەتكەن ئىكەن. ئۇ ئۈمتىسزلىك ئىچىدە ئاقساقال بوۋاينى ئەسلەپ:  -ۋاقتىمنى ساتىمەن،-دەپ توۋلاپتۇ. ئاقساقال بوۋاي پەيدا بوپتۇ.    -ۋاقىت بوۋاي؟!- ئەزرائىل كۈچلۈك دۇشمەنگە دۇچ كەلگەندەك بوپتۇ. ئەسلىدە ئاقساقال بوۋاي ۋاقىت بوۋاي ئىكەن. ئالىم پۈتۈن كۈچى بىلەن توۋلاپتۇ: -ۋاقىت بوۋا، مېنى قوتۇلدۇرۋېلىڭ...    ئەزرائىل ۋاقىت بوۋايغا:- ۋاقىت بوۋا، بۇ ئادەم ۋاقتىنى سېتىپ بولدى،-دەپتۇ.    ۋاقىت بوۋاي ئىچى لىق تۇشقۇزۇلغان بىر تال چوڭ خالتىنى ئېلىپ: -مۇشۇ ۋاقىتنىڭ ھەممسى ئۇنىڭكى،-دەپتۇ. بۇنى كۆرۈپ ئەزرائىلنىڭ كەيپى ئۇچۇپ قايتىپ كېتىپتۇ. ۋاقىت بوۋاي ھېلقى يوغان خالتىنى ئالىمغا بېرىپتۇ. ئالىم تاقەتسىزلىنىپ، شۇ ھامانلا ئۇنى بېشىغا كېيۋاپتۇ. شۇنىڭ بىلەن ئۇ بىر كىچىك بالىغا ئايلىنىپ قاپتۇ. ۋاقىت بوۋاي ساقىلىنى سىلاپ تۇرۇپ:   -بالام، ئىنسانلارنىڭ ھاياتى چەكلىك بولىدۇ. ئەمما كۆپ ساندىكى ۋاقتىمىز كۆرەش قىلىش ۋە ئىزدىنىش ئىچىدە ئۆتىدۇ. بايىقى ئوشۇق ۋاقىت ئەمەس، بەلكى  ھەقىقىي ئەھمىيەتلىك ھايات. -مەن ئېسىمدە تۇتۋالدىم، بوۋا،-دەپتۇ بالا بېشىنى لىڭشىتىتۇ.بورۇنقىدەكلا كوچىنىڭ بىر چېتىدە ئابتۇبۇس ساقلاپتۇ، ئەمما بۇ ۋاقتىنىڭ ئوشۇق ۋاقىت ئەمەسلىكىنى ھېس قىپتۇ. بو ۋاقىتتا بالا بىر ئابزاس تېكىست يادلاپتۇ، بىر پارچە ھېكايە ئوقۇپتۇ.  بۇ تېخىمۇ مەنىلىك ئەمەسمىكەن؟ «مەنىزار» ژورنىلى ياش-ئۆسمۈرلەر نەشىرىنىڭ 2013-يىللىق 1-سانىدىن تەرجىمە قىلىندى. تەرجىمىدە رەيھانگۈل ھېمىت

سەنجەر

	ما مۇنبەردىكى ئەزالار ساپلا يىڭى ئەزالارغۇ ؟ تولىسى ماڭا ئوخشاش يىپيىڭى . كونا ئەسەر ئەتىقىلەر نەگە كەتكەندۇ ؟!

altun-xamxar

	ھەقىقەتەن مەنىلىك ئىكەن.....

sutbulak

	ئەھمىيتى چوڭقۇر تىما ئىكەن ھازىرقى دەۋىردىكى ۋاقىتنى قىلچە كۆزگە ئىلماي ۋاقىت ئىسراپچىلىقى بىلەن بىخارامان ياشاۋاتقان بىر قىسىم كىشىلەرگە تەربىيە بولغۇدەك. سىزگە ئۇتۇق تىلەيمەن

بىلال1

	خېلى ئوبدان چىقىپتۇ. داۋاملىق يوللاپ تۇرۇشىڭىزنى ئۈمىد قىلىمەن

1263318936

musilina

	‹‹ۋاقىت ئالتۇندىن قىممەت›،‹‹ۋاقتىڭ كەتتى،بەختىڭ كەتتى››دېگەم ماقال -تەمسىللەر ئېغىزىمىزدىكى قۇرۇق گەپكە ئايلىنىپ قالمىسۇن... ەھمىيەتلىك تېمىدىن بىرنى تەرجىمە قىپسىز،ئەجرىڭىزگە تەشەككۈر..

326ayixa

	سەنجەر يوللىغان ۋاقتى  2013-12-22 06:18 PM ما مۇنبەردىكى ئەزالار ساپلا يىڭى ئەزالارغۇ ؟ تولىسى ما ... بىز بارغۇ

326ayixa

	ۋاقىت قەدىرلەشنى بىلگەنلەر ئۈچۈن قىممەتلىكتۇر .

ana

	ياقتۇردۇم ، ياخشىكەن بۇ مەزمۇن .