ئىشەنچىمگە ئىشەنىچ بەر (نەسىر)

yigana521

	ئىشەنچىمگە ئىشەنىچ بەر                                                                              (نەسىر)         ئېگىز تاغ چوققىلىرىغا يامىشۋاتقىنىمىزدا ، سۇرلۇك داۋانلاردىن ئاتلىغنىمىزدا ،ھەيۋەتلىك دەريالارنى كەچكىنىمىزدە ،مەن سېنىڭ ماڭا قولۇڭنى بېردىغانلىقىڭغا ئىشنەتتىم ،سەن ئۇلۇغ مۇۋاپىقيەتلەر مەنزىلگە يىتەي دەپ قالغان قەدەملىرىڭنى ئارقغا قايتۇرۇپ كېلىپ ،ماڭا قولۇڭنى سۇندۇڭ .مەن سېنىڭ ئىللىق قولۇڭنى تۇتۇپ جەسۇرانە قىياپەتتە ئالغا ئىلگىرلىدىم .ئاخىرى سەن بلەن تەڭ قەدەمدە مەنزىلگە يىتىپ نۇسرەت سەنەملىرنىڭ سۇيۇشىگە نائىل بولدۇم .        غالبىيەت گۈللىرنى كۆكرەكلىرىمگە تاقاپ ئالەمچە شان شەرەپتىن مەس بولغان ئاشۇ مىنۇتتا مەن يەنە ساڭا قولۇمنى ئۇزاتتىم .        بەر قوللرىڭنى ،ئىنساننىڭ بىرىگە قول ئۇزاتمىقى ئىشەنىچتىن بولىدۇ .،بىرىگە قول بەرمىكى دوسلۇقتىن ، مۇھەببەتتىن ، ھىممەتتىن بولىدۇ . دوسلۇق بىلەن سۇنۇلغان قوللار كۆڭۇللەر ئېتىزدىكى ئۆچ-ئاداۋەت شۇمبۇيلىرنى يىلتىزدىن قۇرتۇپ ،غەزەپ-نەپرەت يالقۇنلىرنى ئىس-تۇتەكسىز ئۆچۇرۇپ ، تەپىرىقچىلىك باياۋانلىرىدا قۇمدەك چېچىلىپ ، ئازغۇنلۇق قۇيۇنلىرىدا سەرسان بۇلۇپ يۇرگەن ئادەملەرنى ئۇيۇل تاشتەك ئۇيۇشتۇرالايدۇ .         بەر قوللىرىڭنى ، چوڭقۇر مۇھەببەت بىلەن سۇنۇلغان قوللار  ئۇمۇتسىزلىك جۇتلىردا ئۈششۇگەن يۇرەكلەرنى ئۈمۇد  يالقۇنلرى بىلەن ياشنىتىدۇ ، مۇشەققەت ئزغىرىندا سولغان ئىرادىلەرنى قەتتىيەت ئاپتاپلىرىدا قايتىدىن رۇسلايدۇ ، كۇلپەت تاغلىرى بېسىپ پۇكۇلگەن قامەتلەرنى جاسارەت سەلكىنلىرىدە تىك قىلىدۇ . چاناقلارغا تولغان ھەسرەت ياشلىرنى ۋىسال گۇللىرنىڭ بەرگىدە يالتىراپ تۇرغان زىلال شەبنەمگە ئايلاندۇرالايدۇ . بىلگىنكى ، مۇھەببەت قەيەردە بولسا ، شۇ يەرنىڭ سىياھتەك قاراڭغۇ كىچىلىرى قۇياشلىق كۇندەك روشەنلىك بىلەن زىننەتلىندۇ ،مۇھەببەتكە تولغان قەلىبلەردىن پەزىلەت ۋە ھەقىقەت توغۇلىدۇ ، زەخمەتلەر كۆتۇرلۇپ ،رەخمەتلەر ياغىدۇ . غۇربەتلەر سۇرلۇپ ،مەئشەتلەر كۈلىدۇ .       بەر قوللرىڭنى ، ھىممەت بىلەن سۇنۇلغان قوللار قايغۇ-ئازاپ گۇگۇملىرى بىلەن قاراڭغۇلاشقان قەلىبلەر ئاسمىنىنى ئىشەنىچ ئايلىرى بىلەن نۇرانە قىلىدۇ ، دەرىت-ھەسرەت ساھىللىردا ساھىللىردا تىنىگەن كۆڭۇللەرگە ئۈمۇد چولپانلىرى بىلەن يول باشلايدۇ . قىيىنچىلىق ، جاپا-مۇشەقەت ئىچىدە ئالغا ئىلگىرلىيەلمەي تەمتىرگەن قەدەملەرگە شىجائەت كەۋسىرى بىلەن كۈچ-مادار بەخىش ئىتىدۇ .      بەر قوللىرىڭنى ، مەن ساڭا ئىشەنىچ بىلەن قول ئۇزاتتىم ، سەنمۇ ماڭا ئىشەنىچ بىلەن قولۇڭنى بەرگىن ، بىز قوللۇرىمىزنى مەھكەم سىقىشايلى ، ئۇمۇتلەردىن ئۇمۇد ، جاسارەتتىن غەيرەت-شىجائەت ، .ئىشەنچلەردىن ئىشەنىچ تۇغۇلسۇن .   بىلشىڭ كېرەككى، ئۇمۇد بىلەن ئىشەنىچ ئىنسان ئەۋلادىنىڭ بىر جۇپ قانىتىدۇر ، ئەي ئىنسان بالىسى ، قاناتتىن ئايرىلما ، ئاشۇ بىر جۇپ قانات سېنى ئەرىشەلاغا كۆتۇرىدۇ .      بەر قوللۇرۇڭنى ، غەيرىتىمگە غەيرەت بەر ، ئۈمۈتلىرىمگە ئۈمۈت بەر ، ئىشەنچلىرىمگە ئىشەنىچ بەر . بىزنىڭ قەلبىمىزدە ئىشەنچلەر كۆكلەپ ، ئىرادىلەر چىچەكلەپ ، بەخىت قۇشلىرى دىل ئاسمىنىمىزدا ئەركىن جەۋلان قىلسۇن .

iptihar2014

	ئىشەنچىمگە ئىشەنچ بەر ماڭا، كۆز ياشلىرىم ئاقمىسۇن سامادا.

326ayixa

	بەك ياخشى يېزىپسىز. بۇ يازمىنى يازغان قوللىرىڭىز ھارمىغاي .ئىشەنچ سىزگە ، ماڭا ، ھەممىگە ھەمراھ بولغاي .  مەن نەسىر يېزىپ باقمىغان . ئەسلىدە مۇشۇنداق يازىدىكەندە .

1263318936

	ئىشەنچكە ئىرىشمەك ............