داڭلىق يازغۇچى -ئەخەت تۇردىنىڭ تەرجىمىھال

qux...

	يازغۇچى ئەخەت تۇردى 1940-يىلى 11-ئاينىڭ 20-كۈنى قەشقەر شەھرىدە تۇغۇلغان.1949-يىلدىن 1959-يىلغىچە باشلانغۇچ،ئوتتۇرا مەكتەپلەردە ئوقۇغان.1959-يىلى شىنجاڭ ئونۋىرسىتېتىنىڭ تىل-ئەدەبىيات فاكۇلتىتىغا ئوقۇشقا كىرگەن.1964-يىلى 8-ئايدا ئۇقۇش پۈتتۈرگەندىن كىيىن ئاپتۇنۇم رايۇنلۇق ئەدەنىيات -سەنئەتچىلەر بىرلەشمىسىگە تەقسىم قىلىنىپ،<<تارىم>>ژۇرنىلى تەھرىر بۈلۈمىدە مۇھەرىر بولۇپ ئىشلىگەن،كېيىن ژۇرنالنىڭ مۇئاۋىن باش مۇھەرىرى بولغان.1989-يىلى 1-ئايدىن باشلاپ كەسپى يازغۇچىلىققا تەقسىم قىلىنىپ،2000-يىلى 12-ئايدا دەم ئېلىشقا چىققۇچە شىنجاڭ يازغۇچىلار جەمئىيىتىنىڭ كەسپى يازغۇچىسى بولغان.ئۇ ھازىر جۇڭگو يازغۇچىلار جەمىيىتىنىڭ ئەزاسى،جۇڭگو ئاز سانلىق مىللەت يازغۇچىلار ئىلمىي جەمىيىتىنىڭ ھەيئەت ئەزاسى،مەمىلكەتلىك ئۇيغۇر كىلاسسىك ئەدەبىياتى ۋە مۇقام ئىلمىي جەمىيىتىنىڭ دائىمىي ھەيئەت ئەزاسى،دۆلەتلىك بىرىنچى دەرىجىلىك يازغۇچى،شىنجاڭ پىداگوگىكا ئونۋېرسىتېتى فىلولوگىيە ئىنىستىتۇتىنىڭ پەخىرى پىروفېسسورى.      ئەخەت تۇردىنىڭ ئەدەبىي ئىجادىيەت ھاياتى 1958-يىلى <<تارىم>> ژۇرنىلىدا ئېلان قىلىنغان <<گۈرۈچ>> ناملىق ھىكايىسى بىلەن باشلانغان.شۇنىڭدىن تارتىپ 1960-يىللارنىڭ ئوتتىرلىرىغىچە بولغان ئارىلىقتا ئۇ <<ھاياتنىڭ باشلىنىشى>>، <<دەشىتكە باھار كەلدى>> ، <<كۈرەش داۋام قىلىدۇ>> ،<<ئازاد زامانەمدىن ئايلىناي>>، <<بىزنىڭ ئەۋلاد>> قاتارلىق بىر قىسىم ھىكايىلەرنى يېزىپ،شۇ دەۋىر رىئالىقىنى خېلى جانلىق ئەكىس ئەتتۈرگەن ھەم كۆزگە كۆرىنىشكە باشلىغان.1970-يىللارنىڭ ئاخىرلىرىدىن باشلاپ ئەخەت تۇردىنىڭ پروزا ئىجادىيىتى يېڭى بىر باسقۇچقا قەدەم قويدى.بۇ مەزگىللەردە ئۇ <<يالقۇنلۇق ياشلىق>>،<<مەرھابا ،باغۋەن>>، <<مەھبۇس قىزى>>، قاتارلىق ھىكايىلەرنى يېزىش ئاساسىدا پوۋىسىت ئىجادىيىتى بىلەن شوغۇللىنىپ، <<قىيانلىق دەريا>> ،<<ئەلۋىدا،كۆز يېشىم>> قاتارلىق پوۋىسىتلارنى  ئېلان قىلغان.ئۇ 1980-يىللارنىڭ ئاخىرىدىن باشلاپ رومان ئىجادىيىتىگە كىرىشىپ،1989-يىلى تۇنجى رومانى-<<ئۇنتۇلغان كىشىلەر>>نى ئوقۇرمەنلەر بىلەن يۈز كۆرۈشتۈردى ھەم كەينى -كەينىدىن <<ھايات شۇنداق>>،<<سەرسان روھ>>،بەختىسىز سەئىدىيە>>،<<قاباھەت>> قاتارلىق رومانلانى يېزىپ جامائاتچىلىك بىلەن يۈز كۆرۈشتۈردى.ئەگەر بىز <<خەيىر خوش ،توققۇز كۈنلۈك ماكان>>،<<ئەلۋىدا ،كۆز يېشىم>> ناملىق ئەسەرلەرنى ئۇنىڭ ھىكايە ۋە پوۋېسىت ئىجادىيىتىدىكى بىر پەللە دىسەك ،ئۇنداقتا <<سەرسان روھ>>،<<بەخىتىسىز سەئىدىيە>>،<<قاباھەت>> رومانلىرى ئۇنىڭ رومان ئجادىيىتىدىكى نەتىنجسىگە ۋەكىللىك قىلالايدىغان نادىر ئەسەردۇر.       بىز ئاخىرىدا ،ھۆرمەتلىك ئەدىبنىڭ تىنىگە سالامەتلىك، قەلمىگە تېخىمۇ زور بەرىكەت تىلەيمىز! مەنبە: << ئۇنتۇلغان كىشىلەر>> رومانىدىن يازدىم...

ZERO903

	يىراقتا قالغان مۇھەببەتنىمۇ مۇشۇ ئادەم يازغانغۇ دەيمە، ئاھ بەخىتسىز سەئىدىيە

nadira

	ئەخەت تۇردىنىڭ تەرجىمىھالىنى مۇنبەر يۈزدە يەنە بىر قېتىم ئوقۇشقا مۇيەسسەر قىلغىنىڭىزغا رەھمەت. ئەسەرلىرىنى بەك ياقتۇرۇپ ئوقۇيمەن،تىلى ئۆتكۈر ، چۈشىنىشلىك، ئەمەليەتكە يېقىن. ئەخەت تۇردى ئاكاشنىڭ تىنىگە سالامەتلىك بارلىق ئىشلىرىغا تىلەكداشلىق بىلدۈرۈش بىلەن بىرگە... بارلىق ئىزدىنىش، ئىجادىيەت ئىشلىرىغا چىن كۆڭلۈمدىن مۇۋاپپەقىيەت تىلەيمەن.

izbasar

	بۇ يازغۇچىنىڭ ماڭا ئەڭ تەسىر قىلغان كىتاپى ،بەختىسىز سەئىدىيە،سەرسان روھ مۇشۇ كىتاپلىرىنى ئوقۇپ باشقىچە بولۇۇپ قالغانتىم!

togtax

	ياخشى يوللاپسىز    [s:108]  [s:108]  [s:108]

زامانى

	ئەخەتكام رومانلىرنىڭ بىر ئالاھىدلىكى شۇكى  رومانلىرنىڭ ئاخىرنى بەك ئېسل  ئادەمنىڭ كۆزلىرنى چىڭ يۇمدۇرۇپ خېلى ئۇزاققىچە  ئويلاندۇرغىدەك قىلىپ ئاياقلاشتۇرىدۇ جۇمۇ...

xaxalim

	ئەخەت تۇردى  .جالالدن  بەھرام   .بىر  قىلىپتا   ئەسەر   يازامدىكىن .ئەسەرلىردە  ھىسيات  يوق

zulum

	ئەخەت تۇردى ئاكىمىزنىڭ سەرسان روھ رومانىغا بەك ئامراق! ئاخرىدا ئەخەت توردى ئاكىمىزنىڭ تىنگە سالامەتلىك، ئۆمۈرنىڭ ئۇزۇن، ئائىلسىنىڭ تخىمۇ بەختلىك بولۇشىنى تىلەيمەن.

asrari

	ئەخەت تۇردى ھەقىقەتەنمۇ تالانتلىق بىر يازغۇچى، مەنمۇ ئۇنىڭ ئەسەرلىرىگە قىزىقىمەن، مەن ئۇنىڭ "يىراقتا قالغان مۇھەببەت:« ناملىق رومانىنى ئۇقىغان  سەرسان روھ ناملىق  رومانىنى چۇقۇم ئۇقۇيمەن ئاللاھ خالىسا.

asrari

	ئاپتور جاۋابىنى بويلاپ 6قەۋەت xaxalim كە 2010-08-30 04:33 PMئەۋەتىلدى : ئەخەت تۇردى  .جالالدن  بەھرام   .بىر  قىلىپتا   ئەسەر   يازامدىكىن .ئەسەرلىردە  ھىسيات  يوق  سىز چە قانداق ھىسسىيات بولسا بۇلاتتى؟