شىنجاڭ تىلۋىزىيە ئىستانسى كىنو-فىلىم تەرجىمە گۇرپىسىغا تەكلىپ

ۋېجدان

	ئەسسالامۇ ئەلەيكۇم! شىنجاڭ تىلۋىزىيە ئىستانسىدىكى خادىملار،ياخشىمۇسىلەر! ئىلگىرى بىرقىسىم تورداشلارنىڭ شىنجاڭ تىلۋىزىيە ئىستانسىغا تەكلىپ يازغانلىرىنى  كۆرۈپ نايىتى خۇرسەن بولدۇم،ئەمما شىنجاڭ تىلۋىزىيە ئىستانسىدىن سادا چىقمىغانلىقىغا قاراپ ھەم ئەپسۇسلاندىم. گەرچە بۇ تەكلىپكىمۇ يەنىلا جاۋاپ چىقمايدىغانلىقىنى،«ئات ئايلىخانغا،يول سارىخانغا»كىتىۋىرىدىغانلىقىنى كۆڭلۈم تۇيۇپ تۇرسىمۇ، مىنىڭ ۋېجدانىم مىنى ئارامىدا قويمىدى.مىنىڭ  شىنجاڭ تىلۋىزىيە ئىستانسىغا بىرىدىغان تەكلىپىم پەقەتلا بىرتۈرلۈك: «كىنو-فىلىملەرنىڭ سەل-پەل ياخشىراقلىرىنى قويۇپ بەرسەڭلار» ھەققانىي گەپ قىلغاندا ھازىر ئۇيغۇر تىلۋىزىيەسىدە بىرىلىۋاتقان تەرجىمە فىلىملەرنىڭ ئۇيغۇر خەلقىگە چىقانداق پايدىسى ياكى قىممىتى يوق بولۇپلا قالماي،مۇتلەق كۆپ قىسىم فىلىملەر ئۇيغۇر ئىدولوگىيىسىگە،مىللى مەدەنىيەتكە، خەلقىمىزنىڭ ئۆرپ-ئادىتىگە، ئومۇمى خەلق ئەخلاقىغا زىيانلىق. ئۇيغۇرچىدا بىرىلىۋاتقان ئازساندىكى تەرجىمە فىلىملىرىنى ھىساپقا ئالمىغاندا مۇتلەق كۆپ ساندىكىلىرى ھاياسىزلىقنى، ئىتقادسىزلىقنى،ئەنئەنىگە قارشى چىقىشنى  تەشەببۇس قىلىۋاتىدۇ. بىز بۇ فىلىملەرنى كۆرمەيلى دېسەك، ئىشتىن چۈشكەندىن كىيىنكى ئاشۇ بوش ۋاقىتتا بىز ھاردۇقىمىزنى چىقىرىشىمىز كىرەك ئىدىغۇ! بۇنى كۆرەيلى دېسەك،نەچچە مىڭ سوملۇم تىلۋىزور ئەمدە دىلبۇزۇرغا ئايلانماقتىغۇ! ئەمەلىيەتتە، خەنزۇچە قاناللاردا خىلى-خىلى ياخشى فىلىملەرنى كۆرسىتىۋاتىدۇ، چەتئەلنىڭ (مەسلەن تۈركىيەنىڭ) نۇرغۇن ياخشى فىلىملىرى پىلاستىنكىلارغا ئايلاندۇرلۇپ خەلقىمىزنىڭ ياقتۇرۇپ كۆرىشىگە ئىرىشىۋاتىدۇ. ياخشى فىلىملەر يوقمىكى دېسە،ئەمەلىيەتتە  بار، لىكىن نېمە ئۈچۈن تىلۋىزىيە ئىستانسىلىرى بۇلارنى تەرجىمە قىلىپ بەرمەي، نەدىكى نامى چىقمىغان،ئەھمىيىتى يوق فىلىملەرنى تەرجىمە قىلىپ، ھەم خەلقنى ھەم ئۆزىنى ئاۋارە قىلىپ يۈرىيدۇ. بەزىدە بىچارە ئاۋاز ئارتىسلىرىمىزغا شۇنچە ئىچىم ئاغرىپ قالىدۇ: شۇنچە لاۋزا،مەنىسىز فىلىملەرگە ئاۋاز بىرىۋاتقىنىدا، مۇشۇنىڭ ئورنىغا ئاۋۇنى تەرجىمە قىلساق بولمامدۇ،دەيدېغان ئۇيغۇردىن بىرەرسىمۇ چىقمىغانمىدۇ؟ تەرجىمە فىلىم بۆلۈمىدىكى قىرىنداشلىرىم، سىز تەرجىمە قىلغان ئاشۇ فىلىمنى ئون مىليۇنغا يىقىن ئۇيغۇر،نەچچە يۇزمىڭ قازاق ۋە باشقا ئۇيغۇر تىلىنى چۈشىنىدىغان قىرغىز، تاجىك قاتارلىق قىرىنداشلىرىمىز كۆرىشى مۇمكىن، سىز پەقەت پائاش ئۈچۈنلا ئىشىلىمەيسىز،ئېسىڭىزدە بولسۇن تىلىمىزغا تەرجىمە قىلىنغان فىلىملەر ئومۇمى خەلقنىڭ ساپاسىغا، جامەئەت پىكىرى يۆنىلىشىگە تەسىر كۆرسىتىدۇ. سىلەردىن شۇنى ئۆتۈنىمىزكى،جۇڭگۇ ئىچى ۋە سىرتىدا مۇكاپاتقا ئىرىشكەن،سەرخىل فىلىملەرنى تەرجىمە قىلغان بولساڭلار،ھېچ بولمىغاندا خەلقىمىزنىڭ ئىددىسىگە زىيانكەشلىك قىلىدىغان فىلىملەرنى تەرجىمە قىلىپ ئۆزۈڭلارنى ئۇپراتمىساڭلار!

g-0

	ئۇنداق ياخشى كىنولار ھەممىسى ئۆتمۈشكە ئايلاندى ، پاكسىتاننىڭ،ياپونىيەنىڭ ،،،،،،ھازىر يوق ،،، ھەممىسى دۆلىتىمىزنىڭ ئەخلەت كىنولىرى ،، ماڭا دۆلىتىمىزدە ئىشلەنگەن تېلۋىزىيە تىياتىرلىرى خۇددى بىراۋنىڭ ئۆيىگە كۆزىتىش ئاپىراتى ئورنۇتۇپ قۇيۇپ شۇنىڭدىكى ئېلىنغان كۆرىنىشلەرنى قايتۇرۇپ قۇيۇپ بەرگەندەكلا بىلىنىدۇ ،،،،قانال دىگەن تېتىقسىز بۇلا مۇشۇنچىلىك بۇلا ،،، 90-يىللاردا بىر سەنئەت كېىچلىكى ئۆتكۈزۈلسە مودا ناخشىلاردىن نەچچىسى ،چولپانلاردىن نەچچىسى چىقاتتى ،،ھازىر ئۇيغۇر ئېكرانلىرىدا ناۋادىن تارتىپ مەشرەپكىچە سەنئەت پىروگىراممىلىرى تولا ،،،لېكىن ئادەمنىڭ ئاڭلىغۇسى كەلگۈدەك ،ئېسىدە قالغۇدەك ناخشىدىن بىرسىمۇ يوق ،،،ھەممىسى 90-يىللاردا مەيدانغا كەلگەن چولپانلار ياكى ناخشىلار ،،،،،

abdul915

	دەرسنى ياخشى ئۆتۈپ قويۇپسىز تېلىۋىزىيە ئىستانسىسىدىكىلەرگە ....

natonux-kiz

	راست راست  شۇڭىمۇ  ماڭا بەك ئۇزۇن بوپ كەتتى  تىلىۋىزورنى ئىچىپ ئۇيغۇرچە تىلىۋىزىيە تىياتىرى كۆرپ باقىمىغىلى   بىكار قالسام ئىلان بەرگەندە ئولتۇرۇپ ئىلان كۆرىدىغان بوپ قالدىم توۋا .........~!!

hujayin1

	ھازىر قۇيۇلىۋاتقىنى دۆلىتىمىزدە ئىشلەنگەن ساپلا خەنلەرنىڭ ئەخلەت كىنولىرى،ئامرىكا،ياپۇنيە،روسىيە قاتارلىق دۆلەتلەرنىڭ ئىنقىلاپ تەسۋىرلەنگەن فىلىملىرىنى كۆرۈش تەسلىشىپ كەتتى،..ئۇيغۇرلار ئىشلىگەن كىنولارنىغۇ يىلدا بىرەر قېتىم كۆرۈشمۇ چوڭ گەپ..

kudiratjan

	تېلۋىزۇردا  قايسى خىلدىكى كىنونى قايسى دۆلەت ئېشلىگەن فىلىمنى قۇيۇشقا ش ج ت ۋنىڭ چېشى پاتماس بۇلۇپ كەتكىلى نىكەم قېرىندېشىم     ش ج ت ۋىدا قايسى تۈردىكى پىروگىرامما  كىنو فىلىم قۇيۇش ئالدىن كارانتىندىن ئۈتۈپ ئالدىن زاكاس قىلنىپ بولغان بولىدۇ ... ئاددىيسى خەنزۇچە قانالدا بىرلا قېتىم قۇيۇلغان ئانارخان فىلمى ئۇيغۇرچە قانالدا ئالتە يەتتە قېتىم تەكىرار قۇيلۇپ بولدىغۇ  تېخى 2-يۈرۈش قانال بىلەن 9-يۈرۈش قانالدا تەڭلا قۇيۇلدى  كۆرمەي قالمىسۇن دەپ ... ش ج ت ۋ نىڭ خەنزۇچە قاناللىرىدا كۆپ ھاللاردا  ۋولىۋودنىڭ داڭلىق فىلىمىلرى قۇيۇلسا ماۋۇ ئۇيغۇرچە پىسپاس قاناللاردا كىنونىڭ قىپقىزىلى بىلەن   ۋەقەلىگى يادا بۇلۇپ كەتكەن تېتىقىسز تەكرار فىلىملەر ...

kudiratjan

	ش ج ت ۋىغا پىچىقى ئۈتىدىغان ...ئېستانسا باشلىقى چىقمۇغىچە بۇ ئېشلار ئېزىغا چۈشمەيدۇ ...

ئالماس

	kudiratjan يوللىغان ۋاقتى  2013-12-17 09:56 PM ش ج ت ۋىغا پىچىقى ئۈتىدىغان ...ئېستانسا باشلىقى چىقمۇغى ... بەرھەق

konafilim

	kudiratjan يوللىغان ۋاقتى  2013-12-17 09:56 PM ش ج ت ۋىغا پىچىقى ئۈتىدىغان ...ئېستانسا باشلىقى چىقمۇغى ... ئىستانسا باشلىقىىنىڭ قولىقىغا دېسىڭىزمۇ بىكار، مۇختەر مەخسۇت ئەپەندىم مۇنىرە غوپۇر خانملارمۇ بۇ ئىشقا ئامال قىلالمايدۇ، شىنجاڭ تېلېۋىزىيە ئىستانسىنى ئاپتونۇم رايونلۇق پارتىكوم تەشۋىقات بۆلۈمى،دۆلەت رادىئو كىنو  تېلېۋىزىيە ئىدارىسى باشقۇرىدۇ شۇ ئىككى ئورۇننى ئىزدىسىڭىز ئىش ھەل بولىدۇ

iltebir

	ئۇلاردا فىلىم تاللاپ تەرجىمە قىلىش ئەركىنلىگى بارمۇ -يوق؟مۇشۇنى ئاۋال چۈشىنىش كىرەك.