مەسئۇليەتسىزلىك ۋە ئاقىۋەت

nurmangul118

	[ئەتراپىمىزغا قارايدىغان بولساق مەسئۇليەتسىزلىكنىڭ قانچىلىك ‹‹ئۇمۇملىشىپ ››كېتۋاتقانلىقىنى كۆرۈپ تۇرىمىز. ئەڭ ئاددىسى تۇرمۇشتىكى كىچىك ، كۆزگە كۈرۈنمەيدىغان ئىشلاردىمۇ مەسئۇليەتسىزلىكنىڭ سەۋەبىدىن نۇرغۇنلىغان زىددىيەت-تۇقۇنۇشلارنىڭ كىلىپ چىقۋاتقانلىقىنى ،ئاغرىنىش، سۈركىلىش ، قورساق كۈپۈكىنىڭ يۈز بېرۋاتقانلىقىنى بىلۋاتىمىز ھەم بىلىپ بىلمەي شۇ مەتئۇليەتسىزلىككە قاتنىشۋاتىمىز .مەن ئويلايمەن ئادەم تۇغۇلۇپ مەكتەپ يۈزى كۆرگەندىن باشلاپ مەلۇم خىل مەسئۇليەت يۈكلەنگەن بۇلىدۇ، ئەتراپىدىكى نۇرغۇن كىشلەر ۋە نەرسىلەر شۇ ئادەمنىڭ مەسئۇليەتچانلىقىنى تەلەپ قىلىدۇ. بىر قانچە يىلنىڭ ئالدىدا بىر پېشقەدەم ئوقۇتقۇچىنىڭ مۇنداق بىر گېپى مىنى قاتتىق ئويغا سالغان : 60-يىللاردا ياشىغان بىز مەيلى قايسى ساھەدە ئىشلەيلى خىزمىتىمىزگە مەسئۇليەتچانلىق بىلەن مۇئامىلە قىلاتتۇق, ھازىرقى ياشلاردا مەسئۇليەت تۇيغۇسى ئاجىز ،مۇنۇ  ئۈستەل دەرۋازا ئالدىدا تۇرغىلى ئۈچ كۈن بولدى, قېنى كىم ئۇنى ئاسراپ ئەپكىرىپ قويدىكىن دەپ كۈندە قاراپ باقتىم بىرمۇ ئادەمنىڭ كارى بولمىدى ئاخىرى چىداپ بولالماي ئۆزۈم ئەپكىرىپ قويدۇم ، مەن ياش ۋاقىتلىرىمدا قاتناش قولايسىز نەچچە ئون كىلومىتىر يولنى پىيادە بېسىپ ئىش ئورنۇمغا باراتتىم، ئىشقا كىچىكىپ قالماسلىق ئۈچۈن يېرىم كېچىدە يولغا چىققان ۋاقىتلىرىم ناھايىتى جىق، كونىراپ ئىشلەتكىدەك ھالى قالمىغان پارتا-ئورۇندۇقلارنىمۇ بۇنداق خالىغانچە تاشلاپ قويمايتۇق، ئومۇمنىڭ نەرسىسىنى ئۆزىمىزنىڭكىدەك ئاسراپ ئۇنىڭغا تۇلۇق مەسئۇل بولاتتۇق دىگېنى ھېلىمۇ يادىمدا، ھازىرچۇ ؟ تۇرمۇش باياشات ھېچنەرسىنىڭ تەڭلىكىنى تارتمايمىز چوڭلار بىزنى ھەسەل كورىسىغا تۇغۇلغانلار دەپ قويدۇ،تۇرمۇشىمىز قانچە باياشات بولغانچە مەسئۇليەتسىزلىك شۇنچە ئېغرلاپ كېتۋاتىدۇ، جەمىيەتنىڭ ھەر قانداق يېرىدە مەسئۇليەتسىزلىكنى ئۇچراتقىلى بولدۇ ، بەزى ئاتا-ئانىلار بالىلارغا مەسئۇليەتسىزلىك قىلىدۇ؛ قىسمەن  مۇئەللىملەر  ئۇقۇغۇچىلارغا مەسئۇليەتسىزلىك قىلىدۇ؛ بەزى ئەر -ئاياللار بىر بىرىگە مەسئۇليەتسىزلىك قىلىدۇ دىگەندەك ...  ئەمدى بۇنىڭ ئاقىۋىتىچۇ؟ نەتىجىدە بالىلار تاپتىن چىقىدۇ ، بىر تۈركۈم تېخىمۇ مەسئۇليەتسىزلەر پەيدا بۇلىدۇ؛نەتىجىدە  بىر دەۋىر چالا ساۋات ، بىلىمسىزلەر مەيدانغا كىلىدۇ؛ نەتىجىدەبىر تۈركۈم تىرىك يېتىم ۋە كەلگۈسىدىكى ئەسكى ئىشلارنىڭ مەنبەسى ‹‹تەربىيلىنىپ ››چىقىلدۇ.....  ئەتراپىمىدىكىلەرگە شۇنداق دىگۈم كېلىدۇ: قۇرداشلىرىم ھەممىمىز مەسئۇليەتچان بولايلى ، كىچىك ئىشلاردىن ، ئۆزىمىزدىن باشلاپ مەسئۇليەتچانلىقنى تەكىتلەيلى، ھېچ بولمىسا بالىلىرمىزغا ئۈلگە بولايلى! [

بانكىر

	نىمە كارىم دەيدىغان ئىددىيە خۇددى چىملىقتەكلا ئايناپ كىتىگلىك

kokboraa

	ھازىر ئىماملار ئىسلامنىڭ ئۆزىگە يۈكلىگەن مەسئۇلىيىتىنى ئىنىق تونۇپ يىتىشى كىرەك ئىدى.....

سەنجەر

	بارچە رەزىللىك ۋە دۈشمەنلىكلەرنىڭ دەسلەپكى باشلانمىسى يالغۇزلۇق ۋە بىكارچىلىقتىن باشلىنىدۇ .

ئەلقۇت511

	ھەممىنى ئاۋۋال ئۆزىمىزدىن باشلايلى قېرىنداشلىرىم !

326ayixa

	مەسئۇلىيەت دىگەن بۇ ئۇقۇمنىڭ مەنىسىنى چۈشىنەلمەي ئۆتۈپ كىتىۋاتىدۇ بەزى قېرىنداشلىرىمىز . كۆڭلىگە ئىنساپ بېرەر.

musilina

	‹‹تاغار باينىڭ ،ئېشەك باينىڭ،يىقىلسا يۆلىمەيمەن،ئۆلسە تۆلىمەيمەن››‹‹سەن سالۇ،مەن سائۇ،ئاتقا ئوتنى كىم سالۇ››دەيدىغان ئىشلار كۆپىيىپ كەتتى،بىر قىسىم ئوقۇتقۇچىلارغا قاراپ،بالىلارنىڭ ئۆتۈپ كېتىۋاتقان ئۆمرىگە ئېچىنىمەن بەزىدە..... مەسئۇلىيەت-ھەر بىر كىشىدە بولۇشقا تېگىشلىك كۆزقاراشقا ئايلىنىشى كېرەك ئەسلى....

nazila998

	ھازىر ئادەملەر بەك شەخسىيەتچى بوپ كەتتى  ، مۇشۇ سەۋەپلىك كىشىلەرنىڭ مەسۇلىيەت ئىڭى بەك تۆۋەن ، كاللىسىدا ئۆزىدىن باشقا ھىچنىمە يوق

albax

	ئومومنىڭ نەرسىسى دەپ بىچارە پۇقرالار پارتىيىگە ئاۋاز قۇشۇپ 40 يىل ئاسرىدى ، قوغدىدى ............. 80-يىللارنىڭ ئاخىرىدىن باشلاپ قارىسا مىڭ ،ئونمىڭ ، يۈزمىڭ پۇقرا ئاسرىغان ، قوغدىغان ، تىجىگەن ئومومنىڭ بايلىقى ، مۈلكى بىر كىچىدىلا  بىر ياكى بىر نەچچە رەھبەرنىڭ  ئولجىسى بۇلۇپ كەتتى . ئۇنىڭدىن سىرت ، بەزى جايلاردا رەھبەرنىڭ بۇيرىقىسىز قىلنى يۆتكەپ قويسىڭىز كۈرىدىغىنىڭىز بار ........................

salkin302

	مەنمۇ ئەمدى بۇ مائارىپ سېپىگە قۇشۇلغان يېڭى بىر ئوقۇتقۇچى . دائىم ئۈزەمگە مەسئۇلىيەتچان بولاي ، مۇشۇلار كوپراق بىلىم ئاسۇن دەپ شۇنچە كۈچەيمەن .لېكىن يۇقىردىكى رەھبەرلەر كۆڭۈل بۆلمەيدۇ ،كىتاپ ئوقۇش باشلىنىپ بىر ئايغىچە تارقىتىلمىغان . كۈندە  يېنىغا چىقىپ دېسىمۇ ،يەنىلا شۇ بىر ئېغىز گەپ «بىر ئامال قىلىپ ئۆتۇپ تۇرۇڭلار، ئاز قالدى ،كېلىپ قالار»    بەزىدە بىزمۇ ئامالسىز . رەھبەرنىڭ بۇيرىقىسىز قىلنى يۆتكەپ قويسىڭىز كۈرىدىغىنىڭىز بار.