ئىككى تاماقخانا(مىكرو ھېكايە)

konafilim

	ئىككى تاماقخانا (مىكرو ھېكايە) ئا: ئاداش جۈرۈڭلا تاماق يەپ كېلىمىز ب:بولىدۇ  ماڭىلى ئەمىسە ئىككەيلەن  تائاملار  كوچىسىغا يېتىپ كەلدى  ،كوچىنىڭ بېشىدا ئىككى مىللى ئاشخانا تۇراتتى ئا: قايسىغا كىرىمىز ئاداش؟ ب:مەنمۇ تازا بىلمىدىم شۈبھىدىن خالى ئاشخانا بولسا بولىۋېرەتتى، ماۋۇ «تەبەسسۇم تاماقخانىسى» كىرەيلىمۇ؟ ئا: «تەبەسسۇم» دېگەنگە قارىغاندا  ئىگىسى ئىشەنچىسىزمۇ نېمە؟ ب:قانداق قىلىمىز؟ ئا: ئاۋۇ «مۇتتەقىيلەر تاماقخانىسى»غا كىرەيلى،ئىسمىدىنلا ئىسلامى پۇراق چىقىپ تۇرىدۇ، قارا ئەنە ئىگىسىمۇ ساقال قويۇۋاپتۇ ئىككى دوست خوشال ھالدا «مۇتتەقىيلەر تاماقخانىسى»غا كىرىپ كەتتى ئارىدىن بىر ئاي ۋاقت ئۆتتى ب ئىش بىجىرىش ئۈچۈن شۇ يەردىن ئۆتۈپ قالدى سائىتىگە قارىسا چۈش بولۇپ قالغان، ب تاماق يەپ كېتەي دەپ تائاملار كوچىسىغا كىردى،ئۇ قارىسا ئۇيغۇرلار ئاچقان ئىككى ئاشخانىنىڭ ھەر ئىككىلىسى تاقالغان، ب ھەيران قېلىپ يول بويدا گازىر سېتىپ ئولتۇرغان بوۋايدىن سورىدى ب: ئاكا ماۋۇ ئىككى ئاشخانا تەڭلا تاقىلىپ قاپتۇ  نېمە بولغاندۇ؟ بوۋاي : ھەي بالام نېمىسىنى دەيسىز، «مۇتتەقىيلەر»نىڭ خوجايىنى كۆڭلى قارا ئادەمكەن، ئاشخانىسىغا «يۇندا ياغ» ئىشلىتىپتىكەن سەھىيە ئورگىنى پىچەتلەپ تاقىدى،كېيىن جەرىمانە تۆلەپ ئاچقان بولسىمۇ ،كىشىلەر ئەپتى بەشىرىسىنى بىلىپ قالغاچقا خېرىدار كىرمەي زىيان تارتىپ تاقىلىپ قالدى ب نىڭ كۆڭلى ئېلىشقاندەك بولدى،شۇنداقتىمۇ ئۆزىنى تۇتىۋېلىپ سورىدى: –«تەبەسسۇم تاماقخانىسى» شۇ سەۋەبتىن تاقالدىمۇ ؟ بوۋاي: ياق «تەبەسسۇم»نىڭ خوجايىنى بەكمۇ ئوبدان ئادەم ئىدى، ئاشخانامغا شۈبھىلىك نەرسىلەرنى ئىشلەتمەيمەن دەپ كېتەرلىك خۇرۇچلانىڭ ئىشەنچىلىكىنى تاللاپ ئىشلىتەتتى، ئىشەنچىلىك خۇرۇچلار قىممەت بولغاچقا ،تاماق باھاسى باشقا ئاشخانىلاردىكىدىن باھاسى يۇقىرى بولدى ، ئەرزانغا ئۆگىنىپ قالغان خەلق بۇ باھانى قۇبۇل قىلمىدى نەتىجىدە كىرىم چىقىمنى قامدىيالماي ئاشخانا تاقىلىشقا سەۋەبچى بولدى ب ئېغىر ئۇھسىندى،بوۋاي بىلەن خوشلىشىپ ئېغىر قەدەملەر بىلەن يۈرۈپ كەتتى تۈگىدى

zubayda0997

	مانا ،مۇشۇ ئەسەرنىڭلا ئۆزىدىن خېلى نۇرغۇن ئىشلار پاش بولۇپ تۇرۇپتۇ

nurjahan0997

	بۇ ئەسەرنى ئوقۇپ كۆڭلۈم بىر قىسىمىلا بولۇپ قالدى،بۇنداق ئىشلارغا نېمە دېگۈلۈك؟ھازىرقى جەمىيەت مۇشۇنداق بوپ كەتتى.......

milodia

	چوڭقۇر مەنىلەر باركەن. قانداق چۈشىنىش ئوقىغان كىشىنىڭ ئۆزىگە باغلىقكەن.

.tuz.

	ئەجداتلىرمىز ئاشخانىلاردىن تاماق يەيدىغان كىشىلەرنى «بازار تامىقى » يەيدىغان دەپ سەلبى نام بىرىپتىكەن . شۇڭلاشقا بۇرۇنقىلار ئاشخانىدىن ئىمكان بار تاماق يىمەيدىكەنتۇق . ھازىرچۇ ؟! ھەممە ئادەم ئاشخانا ، تىز تاماقخانا ، رىستۇران خوگۇخانلاردا .... ئۆي تامىقى پاكىز ، ئۆي تامىقىدا قۇۋۋەت بار ، ئۆي تامىقىدا بەركەت بار ، ئۆي تامىقىدا نۇسرەت بار ...... كۈچ قۇۋۋىتىمىز ھەم سالامەتلىكىمىز ياخشى بولسۇن دىسىڭىز ئۆي تامىقى يەڭ !

nasif

	بۇ ھىكايىنىڭ نىمىنى قامچىلاش توغرىسىدا يېزىلغانلىقىنى بىلگەندەك بولدۇم.

amanturk

	مۇشۇ باھانىدا مۇنداق بىر رىۋايەتنى كۆپچىلىككە سۆزلەپ بەرگۈم كەلدى.             قايسىدۇر بىر پەيغەمبىرىمىز(ئاللائۇ كىشىگە ھىدايەت قىلسۇن )،ناھايىتى كىچىك چاغلىرىدىن باشلاپلا نامازغا كىرگەن جامائەتنىڭ كالىچىغا قاراپلا قانداق ئادەملىكىنى بىلەلەيدىكەن ھەم ماۋۇ جەننىتى،ماۋۇ دوزىقى دەپ كالاچلارنى ئىككى تەرەپكە ئايرىيدىكەن. نۇرغۇن كۆڭۈلسىزلىككە ئۇچرىغان ئاتا ئانىسى  ئاللاھقا نالە قىپتۇ....ھەمدە، ---بالاڭغا پۇل بېرىپ بازاردىن نەرسە سېتىۋېلىپ يىيىشنى بۇيرۇ --دىگەن ۋەھىگە ئېرىشىپتۇ. ..............................                                شۇ كۈندىن باشلاپ بالا ئاياق تاللاشتىن ئىبارەت كارامىتىنى يوقىتىپتۇ.            ئەزىزىلىرىم :ئۆي تامىقىغا يېتىدىغىنى يوق......................................

mercury

	amanturk يوللىغان ۋاقتى  2013-12-17 07:27 PM مۇشۇ باھانىدا مۇنداق بىر رىۋايەتنى كۆپچىلىككە سۆزلەپ  ... كىلىش مەنبەسى ئىنىق بولمىغان ، ھەتتا  قايسى پەيغەمبەر ھەققىدە ئىيتىلغانلىقىنى بىلمىگەنكىن تارقاتماڭ ، ياكى   بولمىسا بىر  ئادەم ياكى بىر  بالا  دەپلا ئىلىڭ ،.

ablimitt

	ئاددىسى جەنوپنىڭ ئۇنىنى ئاقارىتقۇچ قۇشماي ئەكىلىپ ساتسىمۇ قىممەترەك ئالىدۇ... مۇشۇ تۇغرىدا مەن بۇرۇن ئازراق ئويلانغان ئىدىم. بىر تىما يىزىش ئىسىمگە كېپ قالدى...

xajarim

	amanturk يوللىغان ۋاقتى  2013-12-17 04:27 PM مۇشۇ باھانىدا مۇنداق بىر رىۋايەتنى كۆپچىلىككە سۆزلەپ  ...       مەن چوڭلاردىن  تايىخان  غوجام دەپ ئاڭلىغان.  ئىدىم......