ياق
(ھېكايە)
ئاپتورى:پەرھات جەمشىت
ئۇ تاكى بۈگۈنگىچە«ياق »ېگەن سۆزنى ئاغزىغا بىر قېتىممۇ ئېلىپ باقمىغاندى.
ئىدارىسىدە بولسۇن ياكى ئائىلىسىدە بولسۇن ئۇ پەقەتلا «ياق»دېگەن سۆزنى ئاغزىغا ئېلىشنى خالىمايتتى.شۇ ۋەجىدىن ئائىلىسىدە ئەر-خوتۇنلارنىڭ ئورنى ئالمىشىپ قالغاندەك تۇيغۇ پەيدا قىلاتتى.
يەكشەنبە كۈنى ئۇ خوتۇنىغا ياردەملىشىپ كىر-قاتىلارنى يۇيۇشۇپ بەرگەندىن كېيىن،چاچ-ساقاللىرىنى ياسىتىش ئۈچۈن ساتىراچخانىغا كەلدى،ئادەم كۆپ بولغاچقا ساقلىماقتىن باشقا چارە بولمىدى.نۆۋەت ئۇنىڭغا كەلدى ساتىراچ ئۇنىڭ چېچىنى ياساپ بولغاندىن كېيىن.
ــ بۇرۇت قويۇپ قويايمۇ ؟دېدى.ئۇ ئىككىلەنمەيلا:
ــ «ماقۇل» دېدى.شۇنداق قىلىپ ئۇ چاچ –ساقاللىرى ياسىلىپ بولغاندىن كېيىن ئەينەككە شۇنداق بىر قارىۋىدە كۆز ئالدىدا ئۆزى ئەمەس باشقا بىرى تۇرغاندەك ھېس قىلدى ۋە ساتىراچقا قارىدى.
ــ قالتىس ياراشتى بۇ بۇرۇت سىزگە دائىم موشۇنداق بۇرۇت قويۇپ يۈرسىڭىز بولغۇدەك دېدى ساتىراچ كۈلۈمسېرىگەن قىياپەتتە شۇنداق قىلىپ ئۇ ساتىراچخانىدىن رازىمەنلىك بىلەن چىقىپ كەتتى.
كۈندىلىك ئادىتى بويىچە بالدۇرلا ئىشخانىغا كەلگەن ئۇ ئىشخانىنى تازىلاپ بولۇپ تاماكا چەككەچ خىيالغا چۆمدى:«توۋا بۇرۇت دېگەن ئادەمنىڭ زىننىتى ئىكەن قارىمامدىغان يارىشىپ كەتكىنىنى»ئۇ ئۆزىنىڭ نېمىشقا بۇرۇنراق بۇرۇت قويۇشنى ئويلۇشۇپ باقمىغىنىغا پۇشايمان قىلغان ھالدا ئۆزىنى ئەيبلەپمۇ ئۈلگۈردى.
مەمۇرىيەت يىغىنىدا باشلىق ئۇنى تونۇمايۋاتقاندەك يېنىشلاپ بىر نەچچە قېتىم قاراپ چىقتى.«سېكىرتارغا نېمە بولغاندۇ،ئەجەپ ماڭا كۆزىنى ئۈزمەي قاراپ كەتتىغۇ،مېنى ئۆستۈرۈشنى ئويلۇشۇۋاتقانمىدۇ؟»دېگەنلەرنى ئويلاپ ئۆلگۈردى.
يېغىندىن يېنىپ ئۇ ئىشخانىسى تەرەپكە مېڭىشىغا:
ــ ئىشخانامغا كىر !دېدى باشلىق كۆزىنىڭ ئاق پاقتىسىنى چىقارغان ھالدا.
شۇنۇڭ بىلەن ئۇ باشلىقنىڭ كەينىدىن ئىخشخانىسىغا كىردى.
ــ بۇ نېمە قىلىق؟سورىدى باشلىق قاپاقلىرى تۈرۈلگەن قىياپەتتە.ئۇ ھېچنەرسىنى چۈشەنمىگەندەك قېتىپلا قالدى.
ــ مەن ساڭا گەپ قىلىۋاتىمەن!
ــ نېمە بولدى سېكىرتار؟دېدى ھىجايغان قىياپەتتە.
ــ نېمە بولغىنىنى ئۆزەڭ بىلمەمسەن!قارىغىنا قۇيۇۋالغان بۇرۇتۇڭنى؟مېنىڭ بىر نەچچە قېتىم بۇرۇت قويۇشقا بولمايدۇ،دېگەنلىرىمنى ئۇنتۇپ قالدىڭمۇ؟ئۇ سەت بىرنى ئالىيىپ قويدى.
ــ بۇرۇت قويۇش قانۇنغا خىلاپ ئەمەسقۇ؟
ــ تولا قانۇن-پانۇن دېمەي دەرھال بېرىپ بۇرۇتۇڭنى ئالدۇرىۋېتىپ كەل!
ــ «ياق»ئۇ ئۆزىنىڭ نېمە دېگەنلىكنى سەزمەيلا قالدى.سېكىرتارنىڭ ئەرۋايى ئۇچتى بولغاي.
ــ نېمە دېدىڭ؟ سورىدى ئاچچىقتىن يېرىلىپ كەتكۈدەك بولۇپ.ئارىدا بىر پەس جىمجىتلىق ھۆكۈم سۈردى تۇيقسىز ئۇنىڭ ئاغزىدىن.
ــ«ياق»دېگەن سۆز قايتا چىقتى.سېكىرتار ئۇنىڭ ئاغزىدىن چىققان بۇ سۆزنى تۇنجى قېتىم ئاڭلىشى ئىدى.ئەرۋايى ئۇچقان ئۇ.
ــ ئۇنداق بولسا خىزمەتتىن توختا!دېدى.
ــ «بولىدۇ»ئۇ شۇنداق دېگىنىچە ماتېرىياللىرىنى يىغۇشتۇرۇپ سومكىسىنى قولتۇقلىغىنىچە ئىشخانىدىن چىقىپ كەتتى.ئۇ تۈرلۈك خىياللار بىلەن ئۆيىگە قايتىپ كەلگەندە،«قاتار چاي»غا تەييارلىق قىلىۋاتقان خوتۇنى ئەركىلىگەن قىياپەتتە:
ــ مەن چايغا بېرىپ كېلەي سىز بالىلارغا تاماق ئېتىپ بېرىڭ دىدى.
ــ «ياق» خوتۇن قۇلىقىغا ئىشەنمەيۋاتاتتى ئۇ ئەتىراپقا بىر قۇر كۆز يۈگۈرۈتكەندىن كېيىن ھېلىقى سۆزنى قايتا تەكرارلىدى.
ــ «ياق»ئۇنىڭ ئاغزىدىن بۇنداق سۆز چىقىشىنى تەسەۋۋۇر قىلىپ باقمىغان خوتۇن ئاستا ئۇنىڭ يېنىغا كەلدى ۋە ئېرىنىڭ پىشانىسىنى سىللىدى .ئۇ قىززىپ قالمىغاندى.
ــ نىمانداق قىلىسىز مېنىڭ سىزگە باشقا بىر نېمە دېگىنىم يوق«چايغا »بېرىپ كېلەي سىز بالىلارغا تاماق ئېتىپ بېرىڭ دەۋاتىمەن دىدى پەرىشان ھالدا.
ــ«ياق»دېدىمغۇ«ياق»دېدى ئۇ زەردە بىلەن.
ــ قانداق گەپ بۇ؟ خوتۇنى كۆزلىرىگە لىققىدە ياش ئالغان ھالدا ئۇنداق بولسا ئاجرىشىپ كېتەيلى دېىدى.
ــ «ماقۇل»شۇنداق قىلايلى ئۇ شۇنداق دېگىنىچە چاپىنىنى ئۆشنىسىگە ئارتقىنىچە سىرتقا چىقىپ كەتتى...
بۇ يازمىنى ئاخىرىدا پادىشاھ تەھرىرلىگەن. ۋاقتى 2013-12-17 03:06 PM
يوللىغان ۋاقتى 2013-12-17 01:26:46 PM
.gif)
يوللىغان ۋاقتى 2013-12-17 06:37:22 PM
