80،90-يىللار،ئەخمەتچان ئوسمان ۋە ھازىرھەققىدە

Yatmix

	ئەخمەتجان ئوسمان 1964-يىلى ئۈرۈمچى ۋېيخۇلياڭ كان رايونىدا بىر ئىشچى ئائىلىسىدە دۇنياغا كەلگەن. ئۇ ئۈرۈمچى شەھەرلىك تەجرىبە ئوتتۇرا مەكتەپنى پۈتتۈرگەندىن كېيىن، 1981-يىلى 9-ئايدا شىنجاڭ ئۇنىۋېرسىتېتىنىڭ ئەدەبىيات فاكۇلتېتىغا قۇبۇل قىلىنغان ۋە 1982-يىلى 10-ايدا دۆلەت مائارىپ كومىتېتى تەرىپىدىن سۈرىيە دەمەشق داشۆسى تىل-ئەدەبىيات شۆيۈەنىگە ئوقۇشقا ئەۋەتىلگەن. شائىرنىڭ ئىجادىيىتى دەسلەپتە بالىلار شېئىرلىرى بىلەن باشلاندى. بۇ ھال ئۇنىڭ ھازىرقى شېئىرلىرىدىكى بالىلارچە قىزغىنلىق ۋە جۇلا بىلەن بېزەلگەن رەڭدار شېئىرىي نەپىسلىكتىمۇ كۆرۈلىدۇ. ئۇ چەتئەلدە ئوقۇۋاتقان كېيىنكى مەزگىلدە سۈرىيىدە ئەرەپ تىلىدا يازغان «ئىككىنچى يىقىلىش»، «تويلار تىلسىمى» قاتارلىق توپلاملىرى نەشر قىلىنغان. ئەرەپ ئوبزورچىلىرى ئۇنىڭ شېئىرلىرىغا: «ئۇلىمپىس مەدەنىيىتى ۋە بۇددا مەدەنىيىتى بىلەن تۇيۇنغان، يىراق شەرق چوڭقۇرلۇقىدىن كەلگەن بۇ روھ، بىزنىڭ نەچچە مىڭ يىللار مابەينىدە يىتتۈرۈپ قويغان سېھرىمىزنى قايتۇرۇپ بەردى» دەپ باھا بېرىشكەن. نۇرغۇن شېئىرلىرى خەنزۇ ۋە چەتئەل تىللىرىغا تەرجىمە قىلىنغان. ئەخمەتجان ئوسماننىڭ «ئۇيغۇر قىزى لىرىكىسى»، «روھ پەسلى» ناملىق شېئىرلار توپلاملىرى نەشر قىلىنغان. _____________________________________________________________________________ ئەسسالامۇئەلەيكۇم تورداشلار ! ئۇيغۇر ئەدەبىياتىمىزدا ئەخمەتچان ئوسمان ئاكىمىزنىڭ گىپى تولا بۇلىنىدىكەن،"گۇڭگا شېئىرىيىتى"نىڭ باشلامچىسى دەپ. ئەخمەتچان ئوسماننىڭ زادى ئۇيغۇر ئەدەبىياتىدا تۇتقان ئورنى زادى قانچىلىك؟نېمە ئۈچۈن ئەخمەتچان ئوسمان چەتئەلگە بىر چىكەتكەنچە يۇرتىغا قايتماي چەتئەللەردە ياشاپ ئىجادىيەت بىلەن شۇغۇللىنىىدۇ؟ نېمە ئۈچۈن 80،90-يىللىرى ئەخمەتچان ئوسمان شېئىرلىرى شۇنداق داغدۇغا قوزغايدۇ؟ئۇنىڭ شېئىرلىرىدىكى ئالاھىدىلىك زادى قەيەردە؟ بەلكىم مۇنبەردە ئەخمەتچان ئوسمان بىلەن ساۋاقداش ياكى ئەل-ئەغىنە ،ئۇرۇغ-تۇغقانلىرى باردۇ. بولسا ئەخمەتچان ئوسمان ھەققىدە ئەركىن پاراڭلاشساق؟ تېخى ئالىي مەكتەپتە ئوقۇپ تۇرۇپلا شېئىر يېزىپ ،توپلام چىقارغان شائىرلا ئۇيغۇرلاردا يەنە كىملەر بار؟ 80،90-يىللاردا "شىنجاڭ ئۇنۋېرسىتىت" دا شۇنداق ياراملىق يازغۇچى،شائىرلار تەربىيلىنىپ چىقىپتىكەن. 80.90-يىللىرى "شىنجاڭ ئۇنۋېرسىتىت"دا ئۇقۇغان ياكى شۇ دەۋردە ياشىغانلار بولسا ئاشۇ ۋاقىتلارنى بىر ئەسلەپ باقساڭلار؟شۇ ۋاقىتلاردا بالىلاردىكى ئوقۇش قىزغىنلىقى،تىرىشچانلىق،ئەدەب-ئەخلاق....... نېمە ئۈچۈن ھازىرقى ئالىي مەكتەپ ئوقۇچىلىرى ئىچىدەئەخمەتچان ئوسمان،ئادىل تۇنىياز......كەبى شائىر،يازغۇچىلار چىقمايدۇ؟

Nimjan

	رەھمەتلىك باتۇر روزى مېنى ئەخمەتجان ئوسمان  «بەيتۇل مەئىمۇر» جامەسىنىڭ (نوغاي مەسجىدى) ئۇدۇلىدىكى بىر بىنانىڭ 1-قەۋىتىدە ئاچقان ئاشخانىسىغا باشلاپ بارغان ۋە مېھمان بولغان ئىدۈك، شۇ چاغدا بىرلا قېتىم كۆرگەن ئىدىم! 1994-يىلى ئىدى!

كۈركۈم

	بىر ئەرەب قىز بىلەن توي قىلىپتىكەن، بالىسى ئۈرۈمچىدە تۇغۇلۇپتۇ. دەپ ئاڭلىغانتىم. ھازىر شۇ ئەرەب دۇنياسىدا ياشاۋاتقان بولۇشى مۇمكىن.

barghut

	ئالى مەكتەپتە ئوقۇۋىتىپ ئادىل تۇنياز، چىمەنگۈل ئاۋۇت قاتارلىقلار شېئىر توپلامى چىقارغان. قالغىنىنى بىلمەيدىكەنمەن

musilina

	راستىنى ئېيتسام ،مەن شائىرىمىز ئەخمەتجان ئوسمان توغرۇلۇق پەقەتلا ئاڭلاپ باقماپتىكەنمەن،ھازىر بىلدىم بۇ شائىر توغرۇلۇق تەپسىلاتلارنى، كۆپ ئەپسۇس...

minglak0999

	بۇ تېمىنى باغداشتا كۆرگەن ئىدىم ، بۇيەردىمۇ كۆچۈرۈلگىنىگە قاراپ ئويلاپ قالدىم : ھازىرقى كۈندە بۇ تېمىدا مۇنازىرە قىلىپ بەرىبىر ئوتتۇرىغا چىقمايدىغان ھەقىقەت توغۇرلۇق مۇنازىرە قىلىشنىڭ كىمگە قانداق پايدىسى بار ؟! ياكى ئۇيغۇرلارنىڭ ۋاقتى ۋە زېھنىنى ئەھمىيەتلىك تېمىلاردىن ئايىغى چىيقمايدىغان تېمىلارغا بۇراپ مەلۇم مەقسەتلەرگە يەتمەكچىمۇ ؟

akilsiz

	بۇ  مۇنازىرە بۇ مۇنبەرگ ئارتۇقچە   سىزگە قانائەتلىنەرلىك جاۋاپ  چىقمايدۇ

abdul915

	1-ئۇنچىۋالا كىتاپ ئوقۇيدىغانلار يوق، 2-ھەقىقى ئېسىل ئەسەرلەرنى تونۇيدىغان نەشىرىيات يوق، شۇڭا ئۇنداق كىشىلىرىمىز ھازىر يوق، بار بولسىمۇ شېئىرلىرى كاللا بىلەن ساندۇقتا دەپ ئويلايمەن، قايسى كۈنى ئىدارىدا كارىۋاتنىڭ ئۈستىگە قويۇپ قويغان بىر گېزىتكە كۆزۈم چۈشۈپ قالدى، قىز-ئاياللارنى يۈزىنى ئېچىشقا دەۋەت قىلىدىغان «شېئىر» ئىكەن، گېزىتقۇ مەيلى قىزىل نەرسە، لېكىن «شېئىر» دەپ بەرگەندىكىن سەل شېئىرغا ئوخشىتىپراق بىر نېمىنى باسسا، بولمىسا نەسىرىي شەكىلدىلا بېرىۋەتسە بوپتىكەن دەپ ئويلاپمۇ قالغانتىم.....

uyol

	قايسى كۈنى مۇئەللىم ئۇيغۇرلارنىڭ 90-يىللاردىكى داڭلىق شائىرىنىڭ بىرى ئەخمەتجان ئوسمان دېگەنىدى...