ۋاشىنگىتوندا بېشىمدىن ئۆتكەنلەر (3)

AbduraxmanOghli

	ۋاشىنگىتوندا بېشىمدىن ئۆتكەنلەر  (3) بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @( v* E  A% u" `) N: T% Y9 y" N: W بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @9 D* C7 E7 y3 i  s/ S  قارا تەنلىكلەرنىڭ ئۆيىدىن قوغلىنىش   ۋاشىنگىتونغا كېلىپ 3 ئايدىن كېيىن قانۇنىي رەسمىيەتلىرىم پۈتتى. مەنمۇ مۇستەقىللىق جاكارلاپ، ئىجارىسى نىسبەتەن ئەرزانراق بولغان قارا تەنلىكلەر مەھەللىسىدىن  ئۆز ئالدىمغا ئۆي ئىجارىگە ئالدىم. " ئۆز-ئۆزۈمگە "  بۇنىڭدىن كېيىن قوشنىلارنىڭ   قاش-قاپاقلىرىغا قاراش يوق" دەپ ھاياتىمدىكى بۇ تەرەققىياتنى تەن-تەنە قىلدىم. چۈنكى ئۇنىڭ ئالدىداEfficiency دىيىلىدىغان  بىر كىشىلىك ئۆيدە كۆپ كىشى تۇرىۋاتقىنىمىز ئۈچۈن، قولۇم قوشنىلارنىڭ  سېزىپ قېلىشى ۋە ئۆي شىركىتىگە چېقىپ قويۇشىدىن ئەندىشە قىلاتتۇق. شۇڭا   بىنا ۋە ئۆيگە كىرىپ-چىقىشتا بەك كۆزگە چېلىقىپ كەتمەسلىككە تىرىشاتتۇق.    بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @/ Y0 F+ c4 I9 z' O& Q2 a7 _1 P1 ]ئەمەلىيەتتە بۇ قېتىمقى مۇستەقىللىقىممۇ ئۇنچىۋالا  تولۇق ۋە ھەقىقىي بىر مۇستەقىللىقمۇ ئەمەس ئىدى. چۈنكى ئىجارىگە ئالغىنىم  Single House دىيىلىدىغان بىر ئائىلىلىك ئۆينىڭ بىر ياتاق ئۆيى ، ئۆيدە مەندىن باشقا يەنە 4 كىشى تۇرىدۇ. نېمە بولسا بولسۇن ئىجارە توختامىدا مېنىڭمۇ نامىم بار، 350 دوللار ئايلىق ئىجارىنى ۋاقتى-ۋاقتىدا تۆلىسەملا، بۇ ئۆيدە مەنمۇ  خوجىدار . ئۇنىڭ ئۈستىگە ئۈچى ئەر، بىرى ئايال بولغان بۇ 4 قارا تەنلىك قوشنامنىڭ بىر-بىرىدىن سىپايە ۋە بىر-بىرىدىن قىزغىن مۇئامىلىسى مۇستەقىللىقىمدىكى بۇ كەمتۈكلۈكنى  تولدۇرغۇدەك تەسەللىي كۈچىگە ئىگە. شۇڭا بۇ ئۆيگە كۆچۈپ كېلىپ 15 كۈندىن كېيىن ياتىقىمدا دوستلاردىن تۆتىمىز  جەم بولۇپ مۇستەقىللىقىمنى تەبرىكلىدۇق. تەبرىك كېچىسى يالغۇز كۈلكە -چاقچاقلا ئەمەس، كەسكىن مۇنازىرەلەرمۇ بولۇندى. مۇنازىرە جەريانىدا دۇنيا خەرىتىسىدىكى قايسى بىر دۆلەتنى "ئوشۇق" دۆلەت دەپ قاراپ خەرىتىدىن ئۆچۈردۇق، قايسى بىر دۆلەتنى بەشكە پارچىلىدۇق، قايسى بىر دۆلەتنىڭ چېگرىسىنى قايتىدىن بېكىتىپ چىقتۇق.  ھە يەنە تارىختىكى قايسى بىر شەخسلىرىمىزنى گۆرىدىن تارتىپ ئاچىقىپ شەخسىي ۋە كوللېكتىپ بەختسىزلىكلىرىمىزنىڭ ھەممىنى شۇنىڭغا يۈكلىدۇق ۋە ئۇنى تەنقىد قىلدۇق. ئەلۋەتتە بۇ كىچىك ئىشلار بولمىغاچقا ئاۋازىمىزنى كونترول قىلالمىغان، ئۈستەل مۇشتلاشلاردىن خالىي بولالمىغان ئانلرىمىزمۇ بار. سورۇننىڭ ئەڭ قىززىق يېرىدە ياتاق تېمىنىڭ  نارازىلىق رېتىمىدا مۇشتلىنىشى بىلەن ئۆزىمىزنى سوراپ، سورۇننى ئاخىرلاشتۇردۇق؛ شۇنداقتىمۇ ئۆيدىن چىقىپ قورودا يېرىم سائەت، قورودىن چىقىپ ئىشىك ئالدىدا يېرىم سائەت خوشلىشىش ئادىتىمىزدىنمۇ ۋاز كچمىدۇق. بۇ كۈنكى خوشاللىقىمنىڭ خاپىلىقى ئانچە كېچىكمىدى.  ئۆگۈنى  ئىشتىن كەلسەم ياتىقىمنىڭ ئىشىكىدە بىر "ئۇلتىماتۇم "تۇرىدۇ.  ئۇلتىماتۇمدا ئىجارە توختامىنى بۇزغانلىقىم، شۇڭا ئۆيدىن كۆچۈپ كېتىشىم بۇيرىلىپتۇ ۋە كۆچۈشۈم  ئۈچۈن بىر ئاي مۆھلەت بېرىلىپتۇ. مەن ئۆي ئىگىسىگە توختامدىكى " ئۆيدە ئولتۇرۇش قىلىشقا بولمايدۇ" دېگەن ماددىغا دىققەت قىلماي قالغانلىقىمنى ، بۇندىن كېيىن تۈزۈمگە بويسۇنىدىغانلىقىمنى ئېيتتىم، ئامېرىكىغا يېڭىلىقىمنىمۇ ئەسكەرتتىم؛ ئەمما ئاقمىدى ، ئەمىلىيەتتىمۇ ئاقمىغىنى توغرا، بىر ئائىلىلىك ئۆيدە  5 كىشى تۇرىۋاتقان بولغاندىكىن بۇنداق قىستاڭ ئۆيدە ئولتۇرۇش قىلىشقا بولمايدىغانلىقىنى بىلىش ئۈچۈن توختامنى ئىنچىكە ئوقۇغان بولۇش ياكى ئامېرىكىغا كونا بولۇش كەتمەيتتى. مەسىلە مېھماندوستلۇقتىن ئىبارەت مىللىي ئادىتىمىز ۋە ۋارقىراپ گەپ قىلىشتىن ئىبارەت يۇقتۇرما ئادىتىمىزنىڭ ئامېرىكىدا سوغۇق كېلىدىغانلىقىدىن ئامېرىكىغا كەلمەي تۇرۇپلا خەۋىرىمىز بوپ بولغان بولسىمۇ، بۇ بىلىشنىڭ  تېخى ھەرىكەتكە ئايلىنىپ بولمىغانلىقىدىن ئىدى. ئۆي ئىگىسى گېپىنىڭ ئاخىرىدا : --- مەنمۇ ساڭا ئوخشاش كۆچمەن، مەن سېنى چۈشىنىمەن، بىراق بۇلار ) قوشنىلىرىمنى دېمەكچى( سېنى چۈشەنمەيدۇ. بۇلار  سەندىن قورقۇپ قاپتۇ، ئۆزلىرىنى سەن بىلەن بىللە تۇرۇشتىن  بىخەتەر ھېس قىلالمايدىغانلىقىنى ئېيتتى، مېنىڭ ئامالىم يوق." دېدى. ما ئىشنى كۆرۈڭ! ئامېرىكىدا قارا تەنلىكلەر بار مەھەللە Bad Neighborhood يەنى ناچار مەھەللە دېيىلىدۇ. بەزىلەر بۇ مەھەللىدە ئولتۇرۇش ئەمەس، بۇ مەھەللىدىن ئۆتۈشتىنمۇ  قورقۇدۇ. مەن ئىقتىسادنى تېجەش ئۈچۈن،  بۇ مەھەللىدە قارا تەنلىكلەر بىلەن بىر ئۆيدە تۇرۇۋاتىمەن، كىشىلەر  قورقۇدىغان بۇ كىشىلەرگە مەن قورقۇنۇچلۇق كۆرنۈپتىمەن! بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @4 d9 K/ Z3 t& q  q    قانۇنىي رەسمىيىتىم بولغىنى بىلەن ئۆي ئىزدەشنىڭ ئۆزىمۇ ۋاقىت ئالىدىغان ئىش . يېرىم كۈن ئىشتىن توختىسام  ئاز دېگەندە 50 ، بىر كۈن ئىشتىن قالسام ئاز دېگەندە 100 دوللار كىرىم ئازىيىدۇ. ئۇنىڭ ئۈستىگە بۇ دۆلەتتە ماشىنىسىز ئىش پۈتمەيدۇ، ماشىنىسى بار  بىرسىنى  ئۆي كۆرۈشۈپ بەر دەپ ئاۋارە قىلىشقا توغرا كېلىدۇ. شۇڭا زىيان-زەخمەتسىز بىر ئادەملىىكمنى ئولتۇرۇپ- قوپۇشلىرىدىمدىن بىلىپ قالار ۋە ئۆي ئىگىسىگە تېلىپون قىلىپ " بولدى، تۇرىۋەرسۇن" دەپ قالار دېگەن تاما بىلەن بىرەر ھەپتىنى ئۆتكۈزدۈم؛ بۇمۇ ئاقمىدى. شۇ كۈندىن باشلاپ  ئۆينىڭ كەيپىياتى پۈتۈنلەي ئۆزگۈرۈپ كەتتى. بۇرۇنقى " دۆلىتىڭ قايسى؟ مىللىتىڭ كىم" دېگەن ئۇ قىززىقىشلاردىن؛ " راستمۇ، شۇنداقمۇ بولدىمۇ؟ سىلەرگە ئاللاھ ياردەم قىلسۇن!" دەيدىغان ئۇ ھېسداشلىقلاردىن ئەمدى ئەسەر يوق. ئۇلار  ئۆينىڭ مېھمانخانىسىدا توپلۇشۇپ كۈلۈشۈپ- پاراڭلىشىپ ئولتۇرغان بولسا مېنىڭ دەرۋازىنى ئېچىپ قوروغا كىرىشىم بىلەن ياتاقلىرىغا كىرىشىپ كېتىدۇ. ئۆينىڭ ئاشخانىسىغا تاكى مەن بىكار قىلمىغىچە دەسسىمەيدۇ؛ مەن بىلەن ئۇدۇلمۇ-ئۇدۇل كېلىشتىن ئۆزىنى قاچۇرىدۇ، قاچۇرالماي قالسا غىل-پاللا بىر تەبەسسۇمنى كۆرسىتىپ قويۇپ كۆزىنى قاچۇرىدۇ. تېخى دېرىزىدىن مارىلاپ قوروغا كىرىپ-چىقىشىمنى كۆزىتىشلىرى بار. ئاخىرى  " بۇ، ئۆيدىن ھەيدىلىشتىنمۇ ئېغىر جازا بوپكەتتى!" دېدىم ئىچىمدە ۋە مۆھلەتتىن بۇرۇن كۆچۈشكە ھەرىكەت قىلدىم.  ئونغا يېقىن ئۆيگە ئىلتىماس سۇنۇپ بىرسىدىن تەستىق ئالدىم. ئۆيدىن كۆچىدىغان چاغدا ، خاتالىق ئۆزۈمدىن ئۆتكەن بولغاندىكىن، 500 دوللار زاكالەت پۇلىنى قايتۇرۇپ ئالالمىغانلىق خاپىلىقىمنى  ئىچىمگە يۇتۇپ، قوشنىلار بىلەن  بىر خوشلىشىپ قويۇشنى توغرا كۆردۈم؛ ئارىلىرىدىن بىرسى قورونىڭ سىرتىغىچە  ئۇزۇتۇپ چىقىپ ئۆزرىخاھلىق ئېيتتى: بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @! E# O+ Z$ j& C7 x: I7 s( w--- ئەسلىدە بىرەر قېتىم ئولتۇرۇش قىلغانغىمۇ بىر نېمە دەپ كەتمەيتۇق، جېدەللەشكىنىڭلار بولماي قالدى، بولۇپمۇ ئۇ بىر دوستۇڭلارنى بەك قاتتىق ئۇرىۋېتىپسىلەر..... شۇ كۈنى يۇقىرى ئاۋازدا تالاش-تارتىش قىلىشقىنىمىزنى جېدەللىشىش دەپ چۈشۈنۈپ قالغىنىدىن خەۋىرىم بار ئىدى، ئەمما  " ئۇرۇشتى" دەپ بىلگىنىنى ئەمدى ئاڭلىشىم، شۇڭا سورۇدۇم: بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @& L3 s' z% z4 j* l7 Y2 A/ s--- كىمنى ئۇرۇپتۇق؟ --- ئەتىسى چاپىنىنى ئالغىنى  كەلگەن دوستۇڭنىڭ يۈز -كۆزى ئىششىق تۇرمامدۇ؟! بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @* M# `& e5 v: pئاندىن چۈشەندىم،  شۇ كۈنى دوستلاردىن بىرى چاپىنىنى ئۇنتۇپ قېلىپ ئەتىسى ئالغىنى كەلگەن  ئىدى. مەن ئۇنى كۈتىۋالغىنى  دەرۋازىغا قاراپ كېتىۋېتىپ،  قوشنىلارنىڭ ئۇنىڭغا  دېرىزىلىرىدىن ئەنسىزلىك بىلەن قاراۋاتقانلىقىنى  بايقاپ قالغان ئىدىم ھەم قوشنىلار " يەنە ئولتۇرۇش قىلارمۇ" دەپ ئەنسىرەپ كەتمىسۇن دەپ، ئۇنتۇپ قالغان چاپىنىنى ئالغىنى كەلگەنلىكىنى بىلدۈرۈپ  قويغان ئىدىم. بۇ دوستۇم  ئەسلى توقسۇنلۇق بولۇپ بىراز تۇنگان قاپاق ھەم يۈزلىرى بىراز گۆشلۈك ئىدى. بۇ تەبىئىي ۋە يەرلىك يۈز ،  ئۇ ئەنسىز كۆزلەرگە شۇ كۈن  شۇ مىنۇتلاردا ئىششىق كۆرۈنگەن گەپ! تۇنگان قاپاق دېگەن گەپنىڭ ئىنگىلىزچىسىنى بىلمىگەننىڭ ئۈستىگە چۈشەندۈرۈشنىڭمۇ ئەھمىيىتى قالمىغانلىقى ئۈچۈن كىنايە قىلدىم: ---- رەخمەت، شۇ كۈنى ھېلىمۇ ساقچى چاقىرماپسىلەر؟ --- كەچۈرىسىلەر، شۇغىنىسى تاياق يېگۈچىنى كېچىكىپ كۆرۈپ قاپتۇق. شۇنداق قىلىپ " ئادەم ئۇرغانلىق" گۇنايىمىزنى بوينۇمغا ئېلىپ كونا ئۆيدىن ئۇزۇدۇم. ئەھۋالنى دوستلارغا ئېيتسام، تېتىمىدى بولغاي: بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @% i7 I& Q" e: g, u/ S---- سەنمۇ مۇشۇ كۈنلەردە چاخچاقچى بولۇپ كېتىۋاتىسەن--- دېدى. بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @5 ~+ F  K$ w* A! A( d " مەن چاقچاقچى ئەمەس، ھاياتنىڭ ئۆزى بەزىدە مانا مۇشۇنداق بىر مەيدان چاخچاق" دېمەكچىمۇ بولدىم-يۇ، بىزنىڭ بۇ ئاغىينىلەرنىڭ پەلسەپىۋىي گەپلەر بىلەن بەك خوشى يوق بولغاچقا ئېغىزىمدىن چىقارمىدىم. نۆۋىتى كەلگەن ئىكەن بىزنىڭ بۇ ئۇچۇپ كەلگەن ئاغىينىلەرنىڭ خۇيى ھەققىدىمۇ 4 ئېغىز گەپ قىستۇراي:   ئۆيدىن قوغلىنىش ۋەقەسىنى  ئاڭلىغان تورداشلار " بۇ خەق شۇ كۈنى غىق مەست ئىكەن-دە؟ بولۇشىغا ئىچىشىپتۇ-دە" دەپ ئويلاپ قالغان بولۇشى مۈنكىن؛ ئۇ كۈنى مەستلىكىمىز راست، ئەمما ئىچكىنىمىز يالغان. بىزنىڭ بۇ ئۇچۇپ كەلگەن دوستلارنىڭ بەزىدە  ئىچمەي تۇرۇپمۇ  مەست بولىدىغان بىر خۇيى  بار. مەسىلەن مىڭ كىشىلىك  بىر يىغىن ئېچىلىۋاتقان بولسا، يىغىندا سۆز قىلغۇچى "دۇنيادا كۆپ نوپۇسلۇق مىللەتتىن يۇزى بار "دەپ ساناپ كېلىپ  ئۇيغۇرنى تىلغا ئالماي  ئاتلاپ  كېتىپ قالسا، بىزنىڭ بۇ تائىپىدىكىلەر  شۇ زامات كونتروللۇقىنى يوقىتىدۇ، ئورنىدىن چاچراپ قوپىدۇ: " كۆپ نوپۇسلۇقلاردىن يەر شارىدا ئۇيغۇرمۇ بار" دەپ لوقما سالىدۇ؛ قائىدە-ئىنتىزام، كۈنتەرتىپ دېگەنلەرگە پوش دېمەيدۇ. يەنە مەسىلەن، مەسچىتتە ئىمام  پەلەستىن ۋە چېچىنىستانغا دۇئا قىلىپ نامازنى ئاخىرلاشتۇرغان بولسا، دەرھال مېھراپقا سەكرەپ چىقىپ، " دۇئا كۈتۈپ تۇرىۋاتقانلار ئارىسىدا ئۇيغۇرمۇ بار" دېيىش پۇرسىتىنى قاچۇرمايدۇ. ئەگەر بۇلارنىڭ شەخسىيىتىگە تېگىپ ئاقچى-كوكچى دەپ قويسىڭىز سەۋر قىلىشى مۇمكىن، ئەمما " ئەلىشىر ناۋايى ئۇيغۇر ئەمەس" دەپ قويسىڭىز چاپان سالىدۇ. ئەگەر كۆلتېكىن ۋە تونيوقۇق ئابىدىلىرىدىكى مىللىي نەسىھەتلەردىن بىرەرسىگە  شەك چۈشۈرۈپ گەپ قىستۇرۇپ قالسىڭىز، سىز  بىلەن باردى-كەلدى  چېگرىسىنى ئادا-جۇدا ئايرىيدۇ. ھېلىقى كۈنكى ئولتۇرۇشىمىزنىڭ قوشنىلارغا  "جېدەل" بولۇپ تۇيۇلۇشىغىمۇ  بىزدىكى بايا دېگەن  يۇقتۇرما ئادەتتىن باشقا،دوستلارنىڭ بەزىدە ئىچمەيمۇ مەست بولۇپ قالىدىغان خۇيى سەۋەپ بولغان  ئىدى. شۇ كۈنى ئاتۇشلۇق بىر دوستىمىز، ھەممىمىز ۋەتەن ساتقۇچ دەپ ئەيىپلەۋاتقان بىر شەخسنى يۇرتدارچىلىق قىلىپ  " ئۇمۇ ئامالسىزتى " دېيىشى  ۋە بىزنىڭ " ئامالسىز بولغان بولسا، ئۆلىدىغان چېغىدا بولسىمۇ ئىككى ئېغىز راست گەپ قىلىۋېتىپ ياكى يېزىۋېتىپ كەتسە بولمامتى ئۇ دۇنياغا ؟!"  دېيىشىمىز بىلەن مەستلىكىمىز پەللىگە چىققان ئىدى. دېمەكچىمەنكى، ۋاشىنگىتوندا ياشاش دېمەك يالغۇز ئاق تەنلىكلەرنى ئۈركۈتمەي، قارا تەنلىكلەرگە يەم بولماي، باشقا تەنلىكلەر بىلەن ئەبجەش بولۇپ كەتمەي ياشاش دېگەنلىكلا ئەمەس؛ يەنە ئۇچۇپ كەلگەنلەر بىلەن ماسلىشىپ ياشاش دېگەن بىر زۆرۈرىيەتمۇ بار. چۈنكى بۇلار، بولۇپمۇ بۇلارنىڭ ھايات چاقىرىقىغا ئاۋاز قوشۇدىغانلار ۋاشىنگىتوندىكى ئۇيغۇرلار ئىچىدە مۇتلەق كۆپ سانلىقتا. چاتمىنىڭ  4 ‏- قىسمىنىڭ ماۋزۇسى: " تۇنجى خېرىدارىم سېرىق چاچلىق ئايال" ؛ ۋەقەلىگى بىر قەرز كوپىراتىپ خادىمىنىڭ ياقىسىنى سىقىشىم بىلەن باشلىنىدۇ.

326ayixa

	توقسۇنلۇق شۇنچە قورقۇنۇشلۇقمۇ ؟ ماڭا ئەجەپ ئۇنداق بىلىنمەيدىغۇ . بىزنىڭ يۇرتتىكىلەر بەك ئىللىق كۆرىنىدۇ ماڭا . تەپسىلى ئوقىۋاتىمەن داۋامىغىمۇ قىزىقىۋاتىمەن.

mahatjan

	ئۆيدىن قوغلىنىش ۋەقەسىنى  ئاڭلىغان تورداشلار " بۇ خەق شۇ كۈنى غىق مەست ئىكەن-دە؟ بولۇشىغا ئىچىشىپتۇ-دە" دەپ ئويلاپ قالغان بولۇشى مۈنكىن؛ ئۇ كۈنى مەستلىكىمىز راست، ئەمما ئىچكىنىمىز يالغان. بىزنىڭ بۇ ئۇچۇپ كەلگەن دوستلارنىڭ بەزىدە  ئىچمەي تۇرۇپمۇ  مەست بولىدىغان بىر خۇيى  بار

mahatjan

	ئۆيدىن قوغلىنىش ۋەقەسىنى  ئاڭلىغان تورداشلار " بۇ خەق شۇ كۈنى غىق مەست ئىكەن-دە؟ بولۇشىغا ئىچىشىپتۇ-دە" دەپ ئويلاپ قالغان بولۇشى مۈنكىن؛ ئۇ كۈنى مەستلىكىمىز راست، ئەمما ئىچكىنىمىز يالغان. بىزنىڭ بۇ ئۇچۇپ كەلگەن دوستلارنىڭ بەزىدە  ئىچمەي تۇرۇپمۇ  مەست بولىدىغان بىر خۇيى  بار روھى جەھەتتە مەس بولۇۋالغانلار ئىكەن-دە.

natonux-kiz

	داۋامىنى داۋاملىق ساقلاۋاتىمەن

miskin380

	مەن بەكلا قىزىقىپ كەتتىم جۇمۇ!

othor

	شۇنداق  قىلىپ   ۋاشىنگىتوندىكى   ئەڭ   قورقۇنۈچلۇق  رايۇندىكىلەرنى  قورقاتتىم  دەڭ   ،  دېمىسىمۇ  بىزنىڭ  گەپ  سۆز  ۋە  يۈرۈش-تۈرۈشتىكى  بەزى  ئادەتلىرىمىز  قوپالراق   ..

taxna5005

	داۋاملاشتۇرۇڭ، ئىز قوغلاپ كۆرىۋاتىمەن.

rahmansaykin

	مەنمۇ ئىز قوغلاپ يۈرۈپ ئۇقۇۋاتىمەن .  منىڭمۇ دەھشەت بىر چىقىپ كىرگۈم بار شۇ ئامىرىكا دىگەن يەگە .

karakhan07

	داۋامىغا تەشنا مەن