تىلەمچى

bahwanbiz

	تىلەمچى كۈن نۇرىدا قاقلىنىپ ئالقان يايار تىلەمچى، ئۈمۈدلىنىپ ھەممىگە تەكشى قارار تىلەمچى، سەدىقىنى ئاۋايلاپ تۇرۇپ ئالار تىلەمچى ، كۆزىنى يومۇپ ئىچىدە ساناق سانار تىلەمچى، مۇھتاجلىقنىڭ چېچىنى جىمجىت تارار تىلەمچى ، ئۇلار گويا ئېچىلغان تۆت دوقمۇشنىڭ يانچۇقى ، ئۇلار گويا  ئىئانە پارچە پۇلنىڭ ساندۇقى، ئۇلار گويا ئۈمۈدسىز نۇرسىز كۆزنىڭ قارچۇقى ، قۇۋۋىتى بار نۇر كۆرمەس  تۇرمۇشىنىڭ تارچۇقى ، ئاخىرىقى شام نۇرىدەك ئاجىز يانار تىلەمچى . كەسىپلەرنىڭ ئىچىدە ئارتۇق تەرى تۆكۈلمەس ، مۇششەققەتكە ئارتۇقچە قوۋۇرغىسى ئىگىلمەس ، تىرىكچىلىك غېمىدە قولتۇق -ئېغى سۆكۈلمەس ، بىكار ئۆتسە پەسىللەر ھەسرەتلىنىپ ئۆكۈنمەس . سالنامىگە ئىشىنىپ چوكا تاللار تىلەمچى . چېچىشىدۇ كوچىغا ئامىتىنى  بىر كۈنلۈك ، نان ئىزدىگەن نىيەتتە خىيال قىلار ھەر تۈرلۈك ، سۈرۈشتۈرمەس رەستىلەر كىم ئەپۇچان كىم سۈرلۈك، تىلەپ تېپىپ يىگەنلەر بولالامدۇ چوڭ يۈزلۈك ، مۇزىكىدەك يىقىملىق زارلاپ تۇرار تىلەمچى. ئەمەللەرنىڭ يېنى بوش، قېلىن بولدى ئەتلىرى ، قەھرىتاننى يومشىتار ،دىل يىغلىتار < گەپ> لىرى . شىرىقلايدۇ ھەر كىمدە سەدىقىنىڭ <بەت >لىرى ، دۇئاسىغا ئېرىشىش نادان ئاۋام <شەرت >لىرى ، پىيادىنى ئېرىنمەي سىناپ تورار تىلەمچى . ئىللەتلەرگە دەۋا يوق ، ھۆجەيرىلەر سارغايدى ، پايپىقىنى يامالماي تۆت كوچىلار تارايدى ، چالا بولغاچ تاھارەت ،سەھەر سالقىن ئالايدى، ساۋادىنى چىقارغان سۈزۈك رەڭلەر  قارايدى، ئەنئەنىنى، ئەخلاقنى قىيناپ تۇرار تىلەمچى . ئېسىلغانغا يىرتىلماس مائارىپنىڭ ياقىسى ، زىيان قىلار تۇلپارغا نىجىس شەيتان تاقىسى ، كۈتۈشلەردە ئۈزدى جان  شەجەرىنىڭ ئاكىسى ، زوكام تەگسە ساڭگىلار بۇ مىللەتنىڭ ماڭقىسى، گىرەلەشمە ھاياتتا تەرتىپ بۇزار تىلەمچى . دائىم پاكىز بولالماس كىملىكتىكى نامىمىز ، بەرىكەتنى تۇغالماس يىغقىنىمىز –بارىمىز ، قاغا قوندى باغلارغا نىچۇن شورلۇق جايىمىز؟ ئۆزلىشىشتە  ئادىشىپ يەرمەنكىدە چانىمىز ، لوقما ئۈچۈن بەزىدە پېتەك پۇرار تىلەمچى . كەسىپلىشىپ ئۆز –ئارا راست –يالغىنى چانمىدى ، ماركىلىشىپ ئەل ئارا قىلمىغىنى قالمىدى ، ئىگە بولماي رىزقىغا ، مىللەت ئاشقا قانمىدى ، ئىت قوغلىغان مەزلۇم  يەردىن داڭگال ئالمىدى ، قىيامەتتە  ئېھتىمال بۇلۇت  سورار تىلەمچى ! ئاپتۇرى : ئابلەت مۇھەممەت باغۋەن

zulpukar

	تىلەمچىلەرنى راسا قامچىلاپسىزغۇ..........   بەزى تىلەمچىلەر باركى، بۇدۇشقاقنىڭ ئۆزىلا،، ئۇلارغا قارىساق كۈش قۇۋىتىدىن قالمىغان كىشىلەر...  شۇنداق تۇرۇقلۇق يەنە تىلەپ يىيىشنى كەسىپ قىلۋالغان، نېمىمۇ دىگۈلۈك...... ھەقىقەتەن ياخشى يېزىپسىز.........

ئاي530

	ھەقىقەتەن ئىسىل  چىقىپتۇ،ئاپىرىن

mahatjan

	شۇنداق،جان بېقىش ئۈچۈن تىلەمچىلىك قىلىۋاتقان مېيپ،ئاجىز،يوقسۇللارمۇ بار،ئەمما تىلەمچىلىكنى تىجارەت كەسپى قىلىۋالغانلارمۇ بار.

بىلال1

	ئىسىل چىقىپتۇ رەھمەت سىزگە

uyol

	راسلا ياخشى چىقىپتۇ...........ھازىر ھەقىقي تېلەمچىلەر بەكلا ئاز، كۆپلىرى جان بېقىش يولىغا كىرىۋالغان بىكارتەلەپلەر!!!!!!! قىززىق يېرى ئادەم نامازغا مېڭۋاتسا، ئادەمنىڭ يولىنى توسۇپ!!

گۆزەل

	تىلەمچىلىك قىلغانلارنى نىمە دىسە بۇلار، رازى بۇپ بەرگەنگە رازى بۇلمايدۇ.ئۇلتۇرۇپ تىلەيدىغانلىرى ياخشى،مىڭىپ يۈرگەنلىرى كەينىڭىزگە كىرىپلاۋالىدۇ.

tokqi123

	مېنىڭچە ھازىر تىلەمچىلەر ئچىدە تىلەمچىلىكنى ئۆزىگە كەسىپ قىلىۋالغان ياشلارمۇ كۆپرەك.ئۇلار ئەگەر ئۆزىنىڭ جىسمانى قارا كۇچىگە تايىنىپ مەدىكار ئشلىسىمى كۇنىگە بىرەر يۇز يۇئەن پۇل تاپالايدۇ.بۇنداقلارغا مېنىڭچە ھىچقانداق نەرسە بەرمەسلىك كېرەك،شۇنداق قىلىش ئارقىلىق ئۇلارنى ئۆز كۇچىگە تاينىپ كۇن ئېلىشقا مەجبۇرلاش كېرەك.ئۇلار ياپ-ياش تۇرۇپمۇ بىكاردىن تىلەپ مىللىتىمىزنىڭ يۇزىنى تۆكمىسۇن! قېرى،ئاجىز-مېيىپلەرگە سادىغات ۋە ئنسانپەرۋەرلىك يۇزسىدىن بولمسىمۇ يۆلەپ،ياردەم قىلىش مۇۋاپىق دەپ قارايمەن.

nigar199005014

	مۇنبەرگە داۋاملىق ياخشى تېمىلارنى يوللاپ  تۇرغايسىز ؟ھېرىپ قالماڭ  قېرىندىشىم

natonux-kiz

	راست زادى بولۇپمۇ ئۈرۈمچىنىڭ كوچلىردا راسىت يالغان تىلەمچىلەرنى ئايرىش بەك قىيىن ، ئادەم بىرەي دېسە تىخى بەرمەي دېسە تىخى