شۇنچە ئاخماق يارالغانمۇ قىز دېگەن؟-ئايلالە

aylale

	شۇنچە ئاخماق يارالغانمۇ قىز دېگەن؟ ئايلالە ‹‹سۆيدۈم››دېسەڭ ئىشىنىدۇ يۈرەكتىن، ‹‹كۆيدۈم››دېسەڭ ئۈمىت كۈتمەس بۆلەكتىن، سۆيىنىدۇ بىر دەستە گۈل-چېچەكتىن، شۇنچە ئاخماق يارالغانمۇ قىز دېگەن؟ بېرىپ قويساڭ شىرىن-يالغان ۋەدىنى، ساقلاپ ئۆتەر ساڭا بەرگەن ئەھدىنى، سۆيسەڭ بۈگۈن ئويلىمايدۇ ئەتىنى، شۇنچە ئاخماق يارالغانمۇ قىز دېگەن؟ ئىندىكىڭگە چۈشۈرگۈچە ھالىڭ يوق، ‹‹ياق››دېسىمۇ يىغلاپ يۈردۈڭ كارىڭ يوق، مانا ئەمدى قارىغۇدەك رايىڭ يوق، شۇنچە ئاخماق يارالغانمۇ قىز دېگەن؟ كۆزىچىلا ئۆزگە بىلەن يۈرسەڭمۇ، ئۇنى كۆرسەڭ قاپىقىڭنى تۈرسەڭمۇ، سەۋىر قىلار گاھى ئۇرۇپ-سۈرسەڭمۇ، شۇنچە ئاخماق يارالغانمۇ قىز دېگەن؟ مەھەللىنىڭ بىر گۈلىنى ئۈزگەنتىڭ، دەسلىۋىدە ئىجىل-ئىناق يۈرگەنتىڭ، ئۇنىڭ بىلەن بەخت پەيزى سۈرگەنتىڭ، شۇنچە ئاخماق يارالغانمۇ قىز دېگەن؟ مانا ئەمدى گۈللىرىڭ كۆپ كوچىدا، داغلار قالدى سەن ئۇلىغان نوتىدا، خوتۇن كۆيەر ئائىلەڭنىڭ ئوتىدا، شۇنچە ئاخماق يارالغانمۇ قىز دېگەن؟ ھەر زىكرىدە ئىنسابىڭنى تىلەيدۇ، ھەر كېچىسى يولغا قاراپ تۈنەيدۇ. سەن نەلەردە كۈلۈپ يۈردۇڭ بىلمەيدۇ، شۇنچە ئاخماق يارالغانمۇ قىز دېگەن؟ جاۋاپ بېرەر ھەركىم قىلغان ئىشىغا، تىگىۋەرمە ئاجىزلارنىڭ چىشىغا، ئۇينىڭ كۈنى كېلەر موزاي بېشىغا، شۇنچە ئاخماق يارالغانمۇ قىز دېگەن؟ 2013-12-14 ‹‹مىسرانىم››مۇنبىرىدىن يۆتكەشكە بولمايدۇ!

huxalparixta

	ئەجەپ پەيزى يىزىلغان ئىكەن بۇ شئىر.

gulJa999

	قىزلار ئاخماق  يارالغان ئەمەس بەلكى ئۇلارنىڭ قارا كۆزىگە تەلمۈرۈپ سوكۇلداپ تۇتام -تۇتاملاپ پۇل خەجلەۋاتقان ئەرلەر ئەخمەق .

intikam2

	ياخشى يېزىپسىز، بۈگۈن مۇنبەردە ( 303-نومۇرلۇق ياتاق) دېگەن تېمىنى كۆرۈپ شۇنداق ئاچچېغىم كەلگەن ئىدى، بۇ شېئىر ئەنە شۇنداقلارغا بەكمۇ ماس كېلىدىكەن،  مۇشۇنداق شېئىرلىرىڭىز بولسا داۋاملىق يوللاپ تۇرۇڭ!

326ayixa

	قىزلار بەزىلىرى ئەشۇنداق ئەخمەق . قىزلارنى ئۇنداق-مۇنداق دەيمىز. شۇ قىزلارنى تەربىيىلىگەن ئاتا-ئانا ، جەمىئەت ، سىرتقى مۇھىتمۇ بۇلارنىڭ سەۋەپچىسى .

tafakkur

	قىزلار ئەخمەق يارالغىنى يوق دوستۇم  ، ئۇلار كۇيۇنۇشكە ،ئاسراشقا ئەڭ لايىق ئىنسان، ئۇلارنىڭ باسقان ھەر قەدىمىدىن گۇللەر ئۇنگىسى ،  ئۇلارنى خار قىلغان ،ئۇلارنىڭ قىممەتلىك ياشلىرىنىڭ ئىقىشىغا سەۋەپ بولغان ھەربىر ئەركەك  بۇنىڭ زىيىنىنى كۇرۇدۇ.

mahatjan

	326ayixa يوللىغان ۋاقتى  2013-12-14 10:56 PM قىزلار بەزىلىرى ئەشۇنداق ئەخمەق . قىزلارنى ئۇنداق-مۇند ... قىزلارنى ئائىلە ۋە مەكتەپ ياخشى تەربىيلەۋاتىدۇ ھەم قوغۇداۋاتىدۇ،ئەمما،جەمىيەت ۋە ئىجتىمائى ئەخلاق،قانۇن ۋە ھۆكۈمەت قوغۇدىماۋاتىدۇ.مەسىلەن؛ ۋاڭبا،دىبا-----

326ayixa

	mahatjan يوللىغان ۋاقتى  2013-12-14 11:25 PM قىزلارنى ئائىلە ۋە مەكتەپ ياخشى تەربىيلەۋاتىدۇ ھەم ق ... شۇنداق....

uyghuris0999

	تەفەككۈرنىڭ ئىنكاسىنى قوللايمەن !

Pinhangul

	‹‹قىزلار شىرىن-شىكەر سۆزگە ئامراق، شۇڭا ئوغۇللار يالغان گەپ قىلىدۇ. ئوغۇللار چىرايلىق قىزلارغا ئامراق،شۇڭا قىزلار گىرىم قىلىدۇ ››دەپ كۆرگەنتىم توردا