يۈسۈفىي: چۈشۈمگە كىردىڭىز ئۇستاز...

يۈسۈفىي

	چۈشۈمگە كىردىڭىز ئۇستاز... (مەرھۇم شائىر ئوسمانجان ساۋۇتقا تەزىيە) يۈسۈپجان ئابدۇشۈكۈر چۈشۈمگە كىردىڭىز، ئۇستاز كېتىپ ئاز كۈندە دۇنيادىن، نېسىپ بولماي تىرىكلىكتە مۇلاقەت پەيتى ئەسلادىن. ئىجادقا بەردىڭىز سۆيگۈ، قەلەمنى دىلرەبا ئەيلەپ، شېئىرغا رىشتىڭىز مەھكەم چېتىلغان، تاڭغا شەيدادىن. ‹‹يۈرەكنى ئالما دەپ سىغدى ۋەتەندەك بىپايان دۇنيا››، ئەبەدكە قالدى شۇھېكمەت نەزم كۆركىدە ئەنقادىن. ۋەتەننى يار بىلىپ ئۆتكەن، ئىجادتا ۋايىغا يەتكەن، قەدىردان ئەردىڭىز سەركە، شېئىر بابىدا بەرنادىن. ۋەتەننىڭ شائىرى، پەخرى يۈرەكنى ئۆرتىبان كەتتى. يۈسۈفىي ئاھ ئۇرۇپ جەننەت تىلەر ئۇستازغا ئاللاھتىن! 2013-يىل 25-ئۆكتەبر، ئۈرۈمچى. ئاپتور: شىنجاڭ مالىيە-ئىقتىساد ئۇنىۋېرسىتىتى ئوقۇغۇچىسى

musilina

	مەرھۇم شائىرىمىز ئوسمانجان ساۋۇتنىڭ شېئىرلىرى باشلانغۇچ مەكتەپ تىل -ئەدەبىيات دەرسلىكىگىمۇ كىرگۈزۈلگەن ئىدى.... اللاھ شائىرىمىزنىڭ ياتقان يېرىنى جەننەت قىلسۇن.... كۆڭۈل سۆزلىرىڭىز يارقىن ئىپادىلىنىپتۇ....

326ayixa

	اللە ياتقان يېرىنى جەننەتتە قىلسۇن . ئۇستازغا دۇئالىرىمىز ئۈزۈلمىسۇن .

گۆزەل

	ياتقان يىرى جەننەتتە بۇلسۇن.

يۈسۈفىي

	musilina يوللىغان ۋاقتى  2013-12-14 10:04 PM مەرھۇم شائىرىمىز ئوسمانجان ساۋۇتنىڭ شېئىرلىرى باشلان ... رەھمەت سىزگە، مەرھۇمغا مۇشۇنچىلىك بولسىمۇ قىلىش قولۇمدىن كېلىدىكەن.