ئىشەن(ئەپچىلەم)

ap~qilam

	ئىشەن دىلىمدىن  سۆيىمەن سېنى  تائەبەت  ، تىلىمدا ئەمەستۇر ئەمەستۇر شەھۋەت.   جېنىمدىن بىباھا كۆرىمەن سېنى ،   قېنىمدا ئۇرغۇيدۇ سۆيگۈ مۇھەببەت.   چىراق دەپ ئېتىلدى دېيىشىڭ مۇمكىن،   پىراق مەن ئىشقىڭدا ئىشەنگىن لېكىن.   پەرۋانە ئەمەسمەن مەندە بار ھىسيات،   غەمخانە بولىمەن مەڭگۈگە بىلگىن .   مەن دېدىم سېنى بىر ئېچىلغان غۇنچە،   سەنمۇ ھەم دىلىڭدىن سۆيىسەن شۇنچە.   جان …دېدىم ۋەسلىڭگە يېتىشنى كۆزلەپ،   تەنمۇ ھەم قوشۇلۇپ كەتتى بارغانچە .   تۇيغۇمدا ئەتىنى كۆردۈم كۆزۈڭدە ،   ئۇيقۇدىن بىدارمەن…تۇرغىن سۆزۈڭدە.   (مەڭگۈگە سۆيىمەن)دېگەن سەن جېنىم،   سۆيگۈدىن يېڭى بەت ئاچتۇق ئۈزۈندە.       ئەتىمىز شۇنچىلىك گۈزەلدۇر ئىشەن،   بەخىتنىڭ پەيزىگە سېلىنماس كىشەن.   تەختىمىز شۇنچىلىك نۇرانە بىلسەڭ،   ئەركەكنىڭ ھەر سۆزى قەسەمدۇر دېگەن. مەنبەسى :ئەپچىلەم

326ayixa

	ۋاھ .ئاخىرى قەدىمىڭىز يەتتى ھە . ئىلھاملىرىڭىز ئۈزۈلمىسۇن .

akkani

	ئەسەرلىرىڭىز كۈندىن-كۈنگە سۈپەتلىك چىقىۋاتىدۇ.ئوقۇپ تازا ھۇزۇرلاندىم. تېخىمۇ مۇۋاپىقىيەت تىلەيمەن.

YALPUZ

	ئەركەكنىڭ ھەر سۆزى قەسەمدۇر دېگەن، يار ئۈچۈن يانمايدۇ كەينىگە ئىشەن . ھەر سۆزى ئاتقان ئوق ئىشەنگىن ئىشەن ، ھەي لىۋەن ئەپچىلەم سۆزىگە ئىشەن ....

kakkuk11

	قارايمەن ھەر كۈنى كۆككە يۇلتۇزغا ، ئىزلىدىم كۆزلىدىم بىر سېنى ئىشەن . كۆڭۈلدىن سۇ بەرگىن چاڭقىدى قەلبىم . بىر سېنى سۆيگەن شۇ يۈرەكنى چۈشەن.

kakkuk11

	ئەپچىلەم قارى يوقاپ كەتمەي كىرىپ تۇرىلى ما مۇنبەرگە.... سىلى بولمىساڭلار قىزلار ماڭا بەك چاقچاق قىلىپ كېتىپ بارىدۇ... مەندەك ئۆزىنى توختاتقان بىرگە سادىق كاككۇكقا... ياراشمايدىكەن سۇيۇق بولۇش...

گۆزەل

	ئىلھامڭىز يامان ئەمەس كەپتۇ بۇ شىئىرنى يازغۇچە، تىرىشىڭ.

Gvlbargi0999

	پاھ! بەلەن چىقىپتۇ بۇ شېئىرىڭىز ئۇكام!  ئىگەكىم بىر بىلەن ئاخىرغىچە بەخىتلىك ئۆتەرسىز-ھە! شاق سانىغۇچتەك ھېلى ئۇشاققا ھېلى بۇشاققا قونماي!

Gvlbargi0999

	kakkuk11 يوللىغان ۋاقتى  2013-12-12 02:20 PM ئەپچىلەم قارى يوقاپ كەتمەي كىرىپ تۇرىلى ما مۇنبەرگە.... ... پاھ-پاھ!بىر پۇرسەت بولسىلا ماختانسىڭىز ھە ئۇكام، مەنغۇ كاككۇكنى ماختانچاق، ئابرۇيپەرەس دەپ ئاڭلىمىغان. ياكى بۇ زامانىمىزدىكى يېڭىچە كاككۇكمۇ-يە!