شەيتاننى يەڭگەن يىگىت

سەنجەر

	ئۇنىڭ تىنىقلىرى ئىتتىكلىشىپ ، پۈتۈن بەدەنلىرى ئوتتەك قىززىپ يۈرىكى تىز-تىز سوققىلى تۇردى . بۇنداق ۋاقىتتا كۆزگە ئۇيقا كىلىش مۇمكىنمۇ ؟ ئۇ ياتقان يىرىدىن دەس تۇرۇپ كارۋات ئەتىراپىنى ئىككى ئۈچ ئايلاندى-دە ، سۇخانىغا چىقىپ مۇزدەك سۇ بىلەن يۈز- كۆزلىرىنى يۇيۇپ كىردى . تامدىكى سائەت بۈگۈن ئۇنىڭ بىلەن قېرشىقاندەك ناھايىتى ئاستا مېڭىۋاتاتتى . ئۇ دەرىزىدىن ئايغا قاراپ ئۆز-ئۆزىگە : نەچچە كېچە پىراقىدا قىيناپ ئۇيقۇسىز قويۇپ يۈرەك باغرىمنى پارە-پارە قىلغان جانان بىلەن ئاخىرى ۋېسال شارابىنى ئىچىدىغان بولدۇم دېدى ۋە ئۇ چوكاننىڭ چۈشتە دېگەن سۆزلىرىنى قايتا ئەسلىدى : - ئەمىسە ئىشىكنى تاقىماي ياتىمەن ، سائەت ئون ئىككى بولغاندا كىلىڭ ، دىققەت قىلارسىز . ئۇنىڭ يۈرىكى بۇرۇنقىدىنمۇ قاتتىقراق سوقۇپ كەتتى ، پۈتۈن بەدىنىگە تارقاپ نېرۋىلىرىنى غېدىقلاۋاتقان شەھۋانىي ھېسسايات تەسىرىدىن تىتىرەپ تۇرغان پۇتلىرىنى سۆرىگەن پېتى كارۋىتىغا كىلىپ ئولتۇرۇپ ئۈستەل چىرىقىغا قاراپ خىيالغا پاتتى : ئەجەپ قىينالدىميا ... بۇ سەۋدالىق دەردىدە تاماقلىرىم ئازلاپ ئۇيقۇممۇ كەملەپ كەتتى . مانا ، ئەقل-ھۇشى جايىدا ئەمەس ئادەمگە ئوخشاپ قېلىۋاتىمەن . نىمە قىلىۋاتقىنىمنىمۇ بىلمەي قالىمەن تېخى ! ھەي ئايال !! ھەي ئايال !!! « ئايال دېگەن بىر شەيتان ، ھەر دائىم ئۇنىڭ شەررىدىن پاناھ تىلەپ تۇرۇش كىرەك » دېگەن گەپ راس ئىكەن جۇمۇ . بىر ئىككى ھەپتە بولدى قايسى چىشى جىن چاپلاشتىكى بىلمىدىم تۇرۇپ-تۇرۇپ شەھۋانى خىياللارغا چۈمۈپ قالىدىغان ، كۇچىدىكى ھەرخىل ياشتىكى قىز-چوكانلارغا قاراپ قالىدىغان بولۇپ قالدىم دېسە . نىمە تىلىسەڭ شۇنى تاپىسەن دېگەندەك ئۆيۈمگە يېقىن جايدىكى بىر تېجارەتچىنىڭ ئايالى بىلەن بىر-ئىككى قېتىم سالاملىشىپ قويىۋىدىم ئۇمۇ ئاران تۇرغاندەك ماڭا يېقىنچىلىق قىلىشقا باشلىدى ، نەتىجىدە بۈگۈن كىچە ئۇنىڭ ئۆيىدە ئۇچۇرشىشىدىغانغا كىلىشتىم ... ئۇچۇرشىدىغان ۋاقىت يېقىنلاپ كەلگەنسىرى ئىددىيەمدە توقۇنۇش بولۇشقا باشلاۋاتقىننى كۆرمەمدىغان ... قانداق قىلسام بۇ نىيتىمدىن يانارمەن . ئايالىمغا يۈز كىلەلەمەنمۇ ؟ ئۇ مىڭ بىر جاپادا قۇرساق كۈتۈرۈپ يۈرەك پارەمنى ساق-سالامەت يەڭگىپ ئاپىسىنىڭكىدە دەم ئېلىۋاتىدۇ . يەنە ئىككى ھەپتە بەرداشلىق بىرەلىسەم بۇنداق پەسكەشلىكتىن ساقلىنىپ قالالايتتىم . ياق ، ياق ... ئۇغۇل بالا بولغاندىكىن بىرەر قېتىم ئۇنداق ئىش قىلىپ قويسام ھېچ ئىش بولماس ... مۇشۇنداق خىياللار بىلەن پۈتۈشكەن ۋاقىتمۇ كىلىپ قالاي دېدى . ئاخىرى ئۇنىڭ شەيتىنى غالىب كىلىپ ئۇنى ئايالنىڭ ئۆيى تەرەپكە سۆرەپ ماڭدى . ئۇ ئالدى كەينىگە قارىغاچ ھۇدۇقۇش ئارىلاش ئەنسىزلىك بىلەن تىز-تىز مېڭىۋاتاتتى دەل شۇچاغدا يىراقتىن يىغلىغاندەك بىر خىل ئاۋاز كىلىشكە باشلىدى . ئۇ ، ئايالنىڭ ئۆيى تەرەپكە ماڭغانسېرى ھېلىقى ئاۋازمۇ تەڭ كۈچىيىشكە باشلىدى ، ئۇ ئەمدى پەرق قىلدىكى بۇ بىرسىنىڭ قۇرئان ئوقۇۋاتقان ئاۋازى ئىدى . ئۇ ھەر قانچە قىلىپمۇ بۇ ئاۋازنى ئاڭلىماسلىققا سېلىپ ئۆتۈپ كىتەلمدى ، بۇ ئاۋاز ئاڭلانغان ئۆيدىن ئۆتۈپ كەتسىلا ھېلىقى چوكاننىڭ ئۆيىگە كىرەتتى . ئۇ مېڭىشىنى ئاستىلاتقاچ قۇرئانغا قۇلاق سالدى . - غەيرىل مەغزۇبى ئەلەيھىم ۋەلەززاللىن . ( غەزىپىڭگە يۇلۇققانلارنىڭ ۋە ئازغانلانىڭ يولىغا ئەمەس .... ) . ئامىن .... بۇ سۈرە فاتىھەغۇ دېدى ئۇ ئىچىدە . - يەۋمە تەرەل مۇئمىنىينە ............... ( ئۇ كۈندە ، مۇئمىن ئەرلەرنى ، مۇئمىن ئاياللارنى كۆرىسەنكى ، ئۇلارنىڭ نۇرى ئۇلارنىڭ ئالدىدا ۋە ئۇلارنىڭ ئوڭ تەرىپىدە ماڭىدۇ ، ( ئۇلارغا ) بۈگۈن سىلەرگە ئاستىدىن ئۆستەڭلار ئېقىپ تۇرىدىغان جەننەتلەر بىلەن خۇش خەۋەر بىرىلىدۇ ، ئۇ يەرلەردە مەڭگۈ قالىسىلەر ، بۇ ئۇلۇغ مۇۋەپپىقىيەتتۇر دېيلىدۇ ) . نېمە دېگەن يېقىملىق ئاۋاز بۇ !!! بۇ مۇڭلۇق قىرائەت ئاۋازى ئۇنىڭغا تەسىر قىلماقتا ئىدى ، ئۇ پۈتۈن ئىشتىياقى بىلەن زەن سېلىپ تېڭشاشقا باشلىدى ... ئايەت : ئەلەم يەئنى لىللەزىينە ..... ( مۇئمىنلەرگە ئۇلارنىڭ دىللىرى ئاللاھنىڭ زىكرىگە ۋە نازىل بولغان ھەقىيقەتكە يەنى ( قۇرئان ئايەتلىرىگە ) ئېرىيدىغان ۋاقىت يەتمىدىمۇ؟ .... ) . ئۇ خۇددى بۇ خىتابلار دەل ئۆزىگە قارىتىلىۋاتقاندەك تۇيغۇغا كەلدى-دە ، ئىختىيارسىز قاتتىق سىلكىنىپ كەتتى. دەل شۇ چاغدا شەيتان ئۇنىڭ كۆڭلىگە ۋەسۋەسە سېلىشقا باشلىدى : - ئۇنچىۋالا بۇپ كەتمە . قۇرئان دېگەننى تېخى نۇرغۇن قېتىم ئاڭلىۋالىسەن . ئۇ جانانىڭ تازا ياسىنىپ سېنى كۈتۈپ تۇرۋاتىدۇ ، سەن پەقەت ئۇنىڭ يېنىغا كىرسەڭلا ئىش پۈتىدۇ ... ئۇنداق ئەھمەقلىق قىلما . تىز بول ! خۇدا بەندىلىرنىڭ تۆبىلىرنى قۇبۇل قىلىپ گۇناھلىرىنى مەغپىرەت قىلىدىغان تۇرسا يەنە نېمىدىن قورقاتتىڭ ... ئۇ يەنە بىر ئاز ئىككىلەنگەندەك بولدى-دە ، سەۋر قاچىسى تولۇپ : ئاھ خۇدا ... مەن قانداق بەندە !! خۇدا ئۆزەڭ بار ... دەپ ۋارقىراپ كەتتى . ئاخىرى ئۇنىڭ ئەقلى ، شەھۋىتى ئۈستىدىن غالىب كەلگەنىدى . ئۆزىنى تۇتۇۋېلىش ئۇنىڭغا خېلى قىيىنغا توختىدى . ئۇ : خۇدا ئۆزەڭ بار . خۇدا ئۆزەڭ بار ... ئۆزەڭ ساقلا دېگىنىچە كەينىگە يېنىپ ئۆيى تەرەپ كە يول ئالدى . ئۇ پاكىز يۇيۇنۇپ چىقىپ ئىككى رەكئەت ناماز ئۇقۇدى ... سەجدىگە بارغاندا كۆزلىرىدىكى ياشنى تۇتىۋالالماي ئاللاھقا : ئەئۇزۇبىللاھى مىنكە ، ( ئاللاھقا سېغىنىپ سەندىن پاناھ تىلەيمەن ، ياپاناھ .. ) دېۋىدى ئۇ زېمىنغا كىرىپ كەتكەندەك يۇقاپلا كەتتى . ئەي ئاللاھ ، ساڭا سان-ساناقسىز شۈكۈرلەر ئېيتىمەن .... مېنىڭ يېڭىۋاشتىن ياخشى ئادەم بولۇشۇم ئۈچۈن يەنە بىر پۈرسەت بەرگىن دەپ بىر سەجدە بىلەنلا ئىماننىڭ تەمىنى ھەقىيقى تېتىغاندەك بولۇپ كۆڭلىدىكى بىئاراملىقلاردىن ئەسەرمۇ قالمىغان ئىدى . ﺋﻪﺭﻩﭘﭽﯩﺪﯨﻦ ﻗﯩﺴﻘﺎﺭﺗﯩﭗ ﺗﻪﺭﺟﯩﻤﻪ ﻗﯩﻠﻐﯘﭼﻰ : سەنجەر

xamxar114

	اللە شۇنچە زالالاتتە يۇرگەن بەندىسىنى خالىسا بىردەمدىلا ئنسان ئۇنىڭغاتۇلىمۇ ھەيران قالغۇدەك دەرجىدە ھىدايەت قىلىۋىتىدىكەن .اللە نىڭ رەھمىتىدىن يىراقلاشقان بەندەلەربولسا ئۆز ئەقىدىسىدىن ئۆزىمۇ بىلەلمەيلا ئايرىلىپ قالىدىكەن . ئەڭ گۇزەل تەرىپلەشلەر  راببىلئالەمىين ئۈچۈندۇر.

xamxar114

	لە شۇنچە زالالاتتە يۇرگەن بەندىسىنى خالىسا بىردەمدىلا ئنسان ئۇنىڭغاتۇلىمۇ ھەيران قالغۇدەك دەرجىدە ھىدايەت قىلىۋىتىدىكەن .اللە نىڭ رەھمىتىدىن يىراقلاشقان بەندەلەربولسا ئۆز ئەقىدىسىدىن ئۆزىمۇ بىلەلمەيلا ئايرىلىپ قالىدىكەن . ئەڭ گۇزەل تەرىپلەشلەر  راببىلئالەمىين ئۈچۈندۇر.

IRSHAT06

	ئېسىل ! ئېسىل !  ئاللاھ ئەجرىڭىزنى بەرگەي

marhaba422

	دىنىمىزنىڭ ئۇلۇغلىقىنى ئاددى سۆزلەر بىلەن، ئەمما چوڭقۇر مەنىلىك قىلىپ تەسۋىرلەپ بەرگەن ئەسەركەن بۇ ... اللە نىڭ مېنى قۇرئان ئاۋازى ئۈزۈلمەيدىغان ئۆيدە ياراتقىنىغا مىڭ مەرتىۋە شۈكرى،،،،

xajarim

	ئاللاھ  ئىككىلا ئالەم سائادەتمەن قىلسۇن تېما ئىگىسى قېرىندىشىم....  تولىمۇ ئىسىل تېما يوللاپسىز...       ئاللاھ ھەممىزنى ئازغۇن ئىشلاردىن يراق قىلسۇن.

سىم@سىم

	رەھمەت سىزگىمۇ

ھىدايەت1

	تىمىڭىزغا كۆپ تەشەككۇر

ilthja

	ناھايىتى ياخشى تىمىكەن، اللەرەھمەت قىلسۇن! ئاللاھ بارلىق ئىنسانلارنى تەۋبىكە مۇۋەپپەق قىلسۇن، امن!

sirdax998

	Rahmat