تۇغۇتنىڭ ئاسان بولۇشى ئۈچۈن قىلىنىدىغان دۇئالار

yulhun45

	ئانا بالىنى تۇغىدىغان ئاشۇ دەقىقىلەردە روھىي ۋە جىسمانىي جەھەتلەردە ناھايىتى چارچايدۇ. تولغاق-ئاچچىق ئاغرىق تۈپەيلىدىن بەدەننى ئىنتايىن قىينايدىغان بىر ھادىسە. بالىنىڭ تۇغۇلۇش ۋاقتى ئەرـ ئايال ئىككەيلەنگە نىسبەتەن ئەڭ مۈشكۈل بىلىنىدىغان ھالقىلىق پەيتلەردۇر. ئاللاھ تائالا سۈرە مەريەمدە ئاشۇ قىيىن دەقىقىلەرنى تەسۋىرلەپ مۇنداق دەيدۇ: {تولغاقنىڭ قاتتىقلىقى ئۇنى (يۆلىنىۋېلىش ئۈچۈن) بىر خورما دەرىخىنىڭ يېنىغا كېلىۋېلىشىغا مەجبۇر قىلدى. مەريەم ئېيىتتى:‹‹كاشكى مەن بۇنىڭدىن ئىلگىرى ئۆلۈپ كەتكەن بولسامچۇ! كىشىلەر تەرىپىدىن ئۇنتۇلۇپ كەتكەن (ئەرزىمەس) نەرسىگە ئايلىنىپ كەتسەمچۇ!››} تۇغۇت ئالدىدىكى تولغاق تۇتقاندا، پەيغەمبەر ئەلەيھىسسالامنىڭ قىزى فاتىمەنىڭ تولغىقى تۇتقاندا ئوقۇشقا بۇيرىغان دۇئانى ئوقۇش مۇستەھەبتۇر. ئىبنى سىنىينىڭ قىلغان رىۋايىتىدە پەيغەمبەر ئەلەيھىسسالامنىڭ قىزى فاتىمە تۇغۇت ئالدىدىكى تولغاق ئازابىنى تارتىۋاتقاندا، پەيغەمبەر ئەلەيھىسسالام ئاياللىرى ئۇممۇ سەلەمە ۋە زەينەپ بىنتى جەھشنى فاتىمەنىڭ قېشىغا بېرىپ ئۇنىڭغا ئايەتۇلكۇرسى بىلەن: {شۈبھىسىزكى، پەرۋەردىگارىڭلار ئاللاھ ئاسمانلارنى ۋە زېمىننى ئالتە كۈندە(يەنى كېچىنىڭ قاراڭغۇلۇقى بىلەن) كۈندۈزنى پاپىدۇ، كېچە بىلەن كۈندۈز بىر بىرىنى قوغلىشىدۇ (يەنى داۋاملىق ئورۇن ئالمىشىپ تۇرىدۇ): ئاللاھ قۇياش، ئاي ۋە يۇلتۇزلارنى ئاللاھنىڭ ئەمرىگە بويسۇندۇرۇلغۇچى قىلىپ ياراتتى، يارىتىش ۋە ئەمىر قىلىش( يەنى كائىناتنى تەسەررۇپ قىلىش) راستىنلا ئاللاھنىڭ ئىلكىدىكىدۇر. ئالەملەرنىڭ پەرۋەردىگارى ئاللاھنىڭ دەرىجىسى كاتتىدۇر.} دېگەن ئايەت بىلەن:{شۈبھىسىزكى، سىلەرنىڭ پەرۋەردىگارىڭلار ئاللاھدۇر، ئۇ ئاسمانلارنى، زېمىننى ئالتە كۈندە ياراتتى. ئاندىن ئەرش ئۈستىدە ئۆزىگە لايىق رەۋىشتە قارار ئالدى. ئاللاھ خالايىقنىڭ ئىشلىرىنى(ئۆز ھېكمىتىگە مۇۋاپىق) ئىدارە قىلىپ تۇرىدۇ، (قىيامەت كۈنى) ھەرقانداق شاپائەت قىلغۇچى ئالدى بىلەن ئاللاھنىڭ ئىجازەتنى ئالىدۇ، ئەنە شۇ ئاللاھ سىلەرنىڭ پەرۋەردىگارىڭلاردۇر، ئۇنىڭغا ئىبادەت قىلىڭلار، ۋەز-نەسىھەت ئالمامسىلەر؟} دېگەن ئايەتنى ئوقۇشقا ھەم ئۇنىڭغا قېتىپ سۈرە فەلەق بىلەن سۈرە ناسىنى ئوقۇپ، شەيتاندىن پاناھ تىلەشكە بۇيرۇدى. ئىبنى سۈننى ئىبنى ئابباس رەزىيەللاھۇ ئەنھۇدىن پەيغەمبەر ئەلەيھىسسالامنىڭ مۇنداق دېگەنلىكىنى رىۋايەت قىلىدۇ:«ئايال كىشىنىڭ تۇغۇتى تەسلەشكەندە: {ئۇلار (ئاخىرەتتە) ۋەدە قىلىنغان ئازابنى كۆرگەندە، (ئۇلار دۇنيادا) گويا كۈندۈزدە بىردەملا تۇرغاندەك ھېس قىلىدۇ،(بۇ قۇرئان سىلەرگە)تەبلىغدۇر، پەقەت پاسىق قەۋملا ھالاك قىلىنىدۇ} {ئۇلار قىيامەتنى كۆرگەن كۈندە، گويا ئۆزلىرىنى (دۇنيادا) پەقەت بىر كەچقۇرۇن ياكى بىر ئەتىگەن تۇرغاندەك (گۇمان قىلىدۇ)} [ ئۇلارنىڭ قىسسىسىدىن ئەقىل ئىلگىرى ئەلۋەتتە ئىبرەت ئالىدۇ] دېگەن ئايەتلەرنى بىر قاچىغا يېزىپ، ئۇنىڭغا سۇ  قويۇپ ئۇنىڭدىن ئايالغا ئىچكۈزسۇن. ئۇ سۇنى ئۇ ئايالنىڭ قورسىقى ۋە ئالدىغا سەپسۇن.» ئايال كىشى بۇ قىيىن سائەتلەردە چىن يۈرىكىدىن دۇئا قىلىش ئارقىلىق ئاللاھ تەرەپكە يۈزلەنسۇن. قانچىلىك دەرىجىدە ئىخلاس بىلەن دۇئا قىلسا، ئاللا ئۇنىڭ تولغاق ئازابى ۋە تۇغۇتىدىكى مۈشكۈلچىلككە سەۋر قىلىش كۈچى ئاتا قىلىدۇ ۋە شۇ كۈندىكى تولغاقنىڭ، قىيىنچىلىقلارنىڭ ئېغىرچىلىقىنى كۆتۈرۈۋېتىدىغان سەۋەبلەر تەييارلاپ بېرىدۇ. شەيخ ئىبنى زەفەرىل مەككى مۇنداق دەيدۇ: «ماڭا يەتكۈزۈلگەن بىر خەۋەردە ئابا سىررى مەنسۇر ئىبنى ئاممار رەزىيەللاھۇ ئەنھۇنىڭ ئانىسىنى قاتتىق تولغاق تۇتقان بىر پەيىتتە ئۇ ئانىسىنىڭ يېنىغا كىرىدۇ. ئۇ چاغدا ئۇ تېخى كىچىك بالا ئىدى. ئانىسى ئۇنىڭغا: "ئى مەنسۇر! تېز بېرىپ داداڭنى چاقىرىپ كەل!" دەيدۇ. ئۇ ئانىسىغا: " مۇشۇنداق قىيىن ئەھۋالدا قولىدىن ھېچ بىر پايدا-زىيان كەلمەيدىغان مەخلۇقتىن ياردەم تىلىمەكچى بولۇۋاتامسىز؟ مېنى ئۇنى چاقىرىپ كېلىشكە ئەۋەتەمسىز؟" دەيدۇ. ئانىسى : "مەن بەلكىم ھازىر ئۆلۈپ كېتىشىم مۇمكىن، تېز بولغىن!" دەيدۇ. ئۇ ئانىسىغا: " سىز: ئى ئاللاھ! ماڭا ياردەم قىل! ـ دەپ تىلەڭ" دەيدۇ، ئانىسى ئاللاھتىن شۇنداق دۇئا تىلەيدۇ. شۇنىڭ بىلەنلا بالا تۇغۇلۇشىغا باشلايدۇ.» ئاللاھ تائالا بەندىسىنىڭ ھەممە ئىشنى يېقىندىن كۆزىتىپ، ئۇنىڭدىن رەھمىتىنى ئايرىمايدۇ. ئۇنىڭ بەندىلىرىگە بولغان كۆيۈمچانلىقى باشلىنىپلا بولىدۇ. بۇنىڭغا قۇرئان كەرىمىدىكى بۇ ئايەتتە ئىشارەت بار:{ ئاندىن ئۇنىڭغا (ماڭار) يولىنى ئاسانلاشتۇرۇپ بەردى.} شۇنىڭ بىلەن بالا تۇغۇلۇپ بوۋاقلىق ھاياتىنى باشلاش ئۈچۈن تۆرەلمىلىك ھاياتىنى ئاياغلاشتۇرىدۇ. مانا مۇشۇنىڭدىن ئېتىبارەن بالىنىڭ تۆۋەندىكى ھوقۇقلىرى باشلىنىدۇ. مەنبە:http://anabala.com/index.php?m=view&id=1202&pageno=3

326ayixa

	رەھمەت . اللە ئەجىرىڭىزنى بەرسۇن .گەرچە ئۇ كۈن ماڭا يىراق بولسىمۇ بىلىۋالاي.

SAL

	ئاياللار ،ئانىلار ئۈچۈن ئەھمىيەتلىك تىمىدىن بىر نى يوللاپسىز ! قۇلىڭىزغا دەت كەلمىسۇن !

ayxolisi

	ئولۇغ ئاللا جاھاندىكى بارلىق ئانىلارنىڭ توغۇتىنى ئاسان قىلغاي . ( ئامىن )

Gvlbargi0999

	رەھمەت قېرىندىشىم،ئۇلۇق ئاللاھ ئەجرىڭىزنى بەرسۇن!

awatbag

	اللەرەھمەت قىلسۇن قېرىندىشىم،مەن مۇشۇتاپتامۇشۇنداق بىرتەلىمگەبەكمۇموھتاج ئېدىم.پات يىقىندادادابولغىلىۋاتىمەن،قۇدرەتلىك مېھرىبان اللەتىن ئايالىمنىڭ تۇغۇتىغائاسانلىق بېرىشىنى،پات ئارىدادۇنياغاكەلمەكچى بولغان پەرزەنتىمنىڭ تېنىنى سالامەت،قەلىبنى ئىسلامغامايىل قىلىپ بېرىشنى ئۇنىڭ قەلبىدىن شەيتاننىڭ ۋەسۋەسلىرىنى كۆتۈرۈرۋىتىشىنى تىلەيمەن.

fatima

	ئاللاھ ،ئىگەم ئاياللارنىڭ تۇغۇتىنى ئاسان قىلغاي.پەرزەنىتنىڭ تاتلىقىلىقىدا تولغاق ئازابىنىڭ يامانلىقىنى ئۇنتۇپ قالىدۇ ئادەم.

nikita01

	بۇنى بىلىۋالغىنىم بەك ياخشى بولدى، تېما ئىگىسىگە كۆپ رەخمەت. ئاللاھ ئاسانلىق بەرگەي.

amarjan911

	كۆپتىن كۆپ رەھمەت ، مەنمۇ پات ئارىدا دادا بولماقچىدىم، تىمىڭىز مۇھتاجلىقتا ئىرىشكەن بىر قاچا سۇدەك ياقتى، ئاللا ھەممىنى ئاسان قىلغاي

xajarim

	awatbag يوللىغان ۋاقتى  2013-12-11 07:48 PM اللەرەھمەت قىلسۇن قېرىندىشىم،مەن مۇشۇتاپتامۇشۇنداق ب ...   ئاللاھ دىگەنلىرڭىزگە يەتكۈزسۈن......     مۇبارەك بولسۇن....  ئەھلى ئېسلامدىن بىرسى  ئاۋۇغۇدەكتە.....