مودىچى قىزلارغا

kara-yijiran

	قىزىم سەن، قاينىغان بازار ئارىلاپ، يۈرىسەن رەستىدە نايناقلاپ-تاقلاپ، ‹‹ھى-ھى-ھى››،‹‹ھا-ھا-ھا››-كۈلۈپ قاقاقلاپ. يۈرىسەن ئالچاڭلاپ جىلۋىلەر بىلەن، نازلىنىپ ئۆزۇڭنى كۆز-كۈز قىلىسەن، مۈرەڭدىن سىرىلىپ چۈشمەكنى تىلەپ بىشىڭدا ياغلىقنى لەپىلدىتىسەن. ئى قىزىم! كۆرگەندە ئۇشبۇ ھالىڭنى ئىزادىن ئاقىدۇ تەرمۇنچاقلىرىم. ئاھ! مىنىڭ ئىززىتىم- كىرسىز ئەينىكىم، كۇمپەيكۇم بولغاندەك ئاغرىيدۇ دىلىم. قىزىم بىل، سەن مىنىڭشۆھرىتىم-شەنىم، قەرزىڭ ئىدى مەن ئۈچۈن كەلتۈرۈش شەۋكەت، بولمىغىن سەن ئۇنداق مەستۇ-مەستانە، نەدىكى ئىشلارنى بىلىپ مەدەنىيەت! سەن ئۈچۈن لەۋ گىرىم ئۇپا ۋە ئەڭلىك، بولدىكى جىنىڭدەك ئەزىز-قىممەتلىك. بىر گۈزەل كۆزۈڭگە كۆكلەرنى سۈرۈپ، بويايسەن بوغىنىڭ كۆزىدەك رەڭلىك. تارايسەن قۇندۇزدەك قاراچىچىڭنى، ئاجايىپ-غارايىپ فۇكۇس چىقىرىپ. بويۇڭغا سۇۋارى چاچقان ئەتىردىن، كىتىدۇ ئادەمنىڭ دىمى سىقىلىپ. يۈرىيسەن گوياكى گۈلدەك ياسىنىپ، رەڭمۇ-رەڭ رېدىكول قولۇڭدىن چۈشمەس. دىيىشىدۇ شۇ ھالدا كۆرگەنلەرسىنى: ‹‹سەيلىچى مەستانە سەيلىدىن كەچمەس›› ئى قىزىم، دىيىشىدۇ بەزىلەر سىنى: ‹‹يېڭىچە مەدەنىي ،گۈزەللىك خىلى...›› ۋەلىكىن مەندەيمەن: پوشايمان-ھەسرەت- قىلىسەن ئۈكۈنۈپ ئاخىر بىر كۈنى، يۈردۈڭسەن بىردەممۇ تىنىم تاپماستىن، شاللاقلىق بابىدا چىكىدىن ئاشتىڭ. قاقاقلاپ كۈلىسەن تارتىنىپ قويماي، شارابقا بەك خۇمار دىل ئىشتىياقىڭ. تانسىدا بىر ئۆزەڭ مەلىكە شاھى، زىياپەت بابىدا ناخشا چولپانى؛ سورۇندا بىرگۈلسەن -دىلنىڭ مەپتۇنى، سىنىڭسىز ئېچىلماس بىگىملەر كۆڭلى. رېستۇران ۋەياكى كۇلۇبلار ئارا، كىنۇخانا  يىشىل چىملىقتا، ياسانچۇق نۇچىلار يىغىلغان بولسا، قالىدۇ تالىشىپ سىنى ئۆز ئارا. نەگىلا بارمىغىن ماختىشارسىنى: ‹‹بىلىكى يالىڭاچ مەشۇق خېنىم››دەپ؛ ۋەمەيلى بارغىنسەن قايسى بىر جايغا ئالىدۇ ئەر جىنىس سىنى چۆرىدەپ. ئى قىزىم، بۇ ھەرگىز مەدەنىيەت ئەمەس. بۇ پەقەت خەتەرلىك ئورىدۇر خالاس؛ ئۇ رەسمى مۇسۇلمان پاكلىقى بىلەن، ئوت بىلەن سۇدەكلا زادى سىغىشماس. تېز كىچىپ ئاتالمىش بۇ ئەركىنلىكتىن، ھەقىقى ھاياتنىڭ تەكتىگە يەتكىن، سەن ئۆزەڭ تەقۋادار ئادەمنىڭ قىزى، شۆھرەتلىك بۇ نامنى بىغۇبار ئەتكىن. قايتىپ كەل ئۈيۈڭگە قايتىپ كەل قىزىم! شۇ ئۆيدە يۈز تېپپ كۈلەر ئىقبالىڭ. قايتىپ كەل ئۆيۈڭگە قايتىپ كەل قىزىم! شۇ ئۆيدە ئىگەمدىن يانار چىراغىڭ. ئادەمنىڭ نامىدۇر بىباھا گۆھەر، ھەتتاكى ھاياتتىن ئۈستۈنرەك ئەۋزەل. تارت قىزىم،ئېتىڭنى يارنىڭ لىۋىدىن، ھەق يولغا قايتقاننى سەتلىمەيدۇ ئەل. پۇر كەتسۇن ئەلئارا چىرايلىق نامىڭ، ماختىلىپ تىللاردا، گۈزەل ئەخلاقىڭ؛ بۇرۇنقى ئىپپەتلىك نامىڭنى تاپقىن، كۆتۈرەي بېشىمدا چىقسۇن ئاتاقىڭ. ئى قىزىم! ئاڭلىساڭ شۇ خىتابىمنى، ماقوللوق بىلدۈرۈپ كىرسەڭ گىپىمگە. سەن ئازغۇن بەندىنىڭ ئالدىدا چاقناپ، كۆرۈنەر توغرا يول پارلاپ كۆزۈڭگە، چاققانراق قۇتۇلساڭ مۇسۇلمان قىزى، ئېزىتقۇ تۇمانلار باغرىنى تىلىپ؛ شەنىڭگە ھۆر-غىلمان بەزمە تۈزگۈسى، سۆيگۈسى يەر-ئاسمان پۇتۇڭنى كىلىپ. ئەسكەرتىش :بۇ شېئىر پاكىستان يازغۇچىسى ئۈمتۇل قەدرىنىڭ،‹جىنايەت ۋە نەپرەت› ناملىق دۇنياۋى مەشھۇر رومانىنىڭ شېئىرى بۇلۇپ ،بۇ كىتاپ شىنخۇا 1985 يىلى-4-ئاي 1-نەشىرى. چۇڭچىڭ 1-باسمىسىغا ئاساسەن تەرجىمە ۋە نەشىر قىلىنغان ،ئۇيغۇرچىغا نەشىر قىلغۇچىلار: ئەخمەت پاسار،ئىسمايىل ئىبراھىم،2010-يىلى6-ئايدا 2-نەشىرى چىقىپ، شۇ يىلى 8-ئاينىڭ 2-كۈنى شىنجاڭ ئۇيغۇر ئاپتۇنۇم رايۇنلۇق شىنخۇا كىتاپخانلىرىدا قايتا تارقىتىلغان، ئەسەرنىڭ ۋەقەلىگى قاتمۇ- قات زىدىيەت ۋە جىنايەتلەرگە تولغاچقا، كۆپلىگەن ئوقۇرمەنلەرنىڭ ئالقىشىغا ئىرىشكەن، مەنمۇ بۇ كىتاپنى سۈيۈپ ئوقۇغۇنۇم ئۈچۈن، شۇ كىتاپتىكى ئۆزەم ياقتۇرغان شېئرنى يوللاپ قۇيدۇم ،

گۆزەل

	دۇنياۋىي مەشھۇر  رۇمانلارنىڭ  تىلى ھەقىقەتەن  گۈزەل بۇلىدىكەن.بۇلسا يەنىمۇ يۇللاپ تۇرارسىز.

atiwa520999

	ياخشى تىمىكەن

atiwa520999

	ياخشى تىمىكەن

amarjan911

	مەنىسى چوڭقۇر، كىشىنى ئۇيغا سالىدىكەن

manzira225

	ياخشىكەن

ئىز0997

	شئېرنىڭ بەدىيئىلىگى ھەم مەزمۇنى ناھايتتى پاساھەتلىككەن،،،، ھازىرىقى ئەھۋالنىمۇ ناھايتتى ياخشى ئەكس ئەتتۈرۈپتۇ ...

ئىز0997

	شئېرنىڭ بەدىيئىلىگى ھەم مەزمۇنى ناھايتتى پاساھەتلىككەن،،،، ھازىرىقى ئەھۋالنىمۇ ناھايتتى ياخشى ئەكس ئەتتۈرۈپتۇ ...

pahal+uqkun

	ئاياللار بىر قولىدا بۆشۈكنى يەنە بىر قولىدا دۇنيانى تەۋىرىتىدۇ . دېگەن گەپنى قايسى زاماندىكى پەيلاسوپ دىگەن بولغىيتى .... شۇ پەيلاسوپ ھازىرقى دىبا ، جىۇبا... لاردا ھاراق بوتۇلكىسىنى تەۋرىتىپ ئولتۇرغان، كوچىلاردا يېرىم يالىڭاچ نايناقشىپ يۈرگەن ، پاھىشە ياكى ئەمەسلىكىنى ئايرىغىلى بولمايدىغان قىز-ئاياللىرىمىزنى كۆرگەن بولسا ، ئاشۇ گەپنى دېگىنىگە چۇقۇم پۇشايمان قىلاتتى......

دىلىم

	شېئىر مەزمۇنى چوڭقۇر،تىلى گۈزەل ئىكەن..