دۆڭمازار

tulpirim

	دۆڭمازار    مۇھەممەتجان راشىدىن سېنى ھەر كىم بوستان سانار بوپتۇ دۆڭمازار، باغرىڭ گويا بىرئاۋات بازار بوپتۇ دۆڭمازار. باققال كەلسە بېغىڭدىن كۆزلىرىنى ئۈزەلمەي، شائىر كەلسە كۈي -قوشاق يازار بوپتۇ دۆڭمازار. سەپەردىكى مېھمانمۇ ئۆتمەس ئىكەن توختىماي، ھەر توختىسا بىر ھوزۇر ئالار بوپتۇ دۆڭمازار. ئاز ئەمەس ئىكەن بىر كۆرۈپ ئاغزى ئوچوق قالغانلار، قاينىمىڭدا مەندەكلەر ئازار بوپتۇ دۆڭمازار. بازارىڭنى ئارلاپ قىزىققىنىم ئەڭ ئاۋال ، بىكار تۇرماس بىر مۈلۈك-كانار بوپتۇ دۆڭمازار. ئوقۇۋالدىم جىمىنى چەيدۇ بىلەن دۆشەڭدىن ، پاقلان گۆشى ھەركۈنى چانار بوپتۇ دۆڭمازار. بىر يىگەنلەر ماختاڭدىن ،قايدا بارسا ماختىشىپ، لەۋلىرىنى ھەپتىلەپ يالار بوپتۇ دۆڭمازار . دىھقانغا زەڭ سالسام قايىتقىنىمدا بازاردىن ، مۇھىم بىلىپ ئالغىنى تاغار بوپتۇ دۆڭمازار. ئىشىك،تۈڭلۈك ئوچۇق ئىكەن خامار سۇنغان سوغىغا، ئامەت ساڭا يامغۇردەك ياغار بوپتۇ دۆڭمازار . ئايلىنىپسەن نۇرلىنىپ بۇ ۋاداڭنىڭ كۆزىگە، داڭقىڭ نەدىن -نەلەرگە تارار بوپتۇ دۆڭمازار. باغ ۋارانلىق مەلەڭگە يارىشىپتۇ ئاق ئۆيلەر، ئەمدى ئەلنىڭ ئارمىنى قانار بوپتۇ دۆڭمازار. بىر كۆرۈشنى ئۇزاقتىن ئارزۇ قىلىپ يۈرگەنلەر، روخسارىڭغا ھاڭۋىقىپ قالار بوپتۇ دۆڭمازار . ماتا كەسكەن قايچىلار ئەمدى دۇردۇن كىسەركەن، سىمچىراقلار ئۆيمۇ -ئۆي يانار بوپتۇ دۆڭمازار . كۆك تېرەكمۇ رەتمۇ-رەت ،ھەركۈنى ئالقىش چاۋاكنى ئادەملەرگە جور بولۇپ چالار بوپتۇ دۆڭمازار. ئاپتاپ چىراي ئانىلار ئۆيگە كەلگەن مېھماننىڭ ، تاۋار تۇشەك ئاستىغا، سالار بوپتۇ دۆڭمازار. بۇلماق يىگەن بۇۋاقلار تەلپۈنۈشۈپ قولىدا جۇۋانلارنىڭ چىرايى ئانار بوپتۇ دۆڭمازار. ئالماق ئۈچۈن قەلەمگە ھەر قەلىبنى كۈزەتسەم، بېيىش بىلەن گۈللىنىش قارار بوپتۇ دۆڭمازار. سېنى كۆرۈپ قايىتقانلار تېكەس بىلەن كۈنەسكە ، دائىم ماختاپ تەرىپلەپ بارار بوپتۇ دۆڭمازار. بېھىش يەڭلىخ نىلقىدىن كەلگەنلەرمۇ،ھۆسنىڭنى- دىدى: گويا بىباھا تاۋار بوپتۇ دۆڭمازار . ھەممە ئېيتۇر:دۆڭمازار جانانىغا يەتتى دەپ، چۈنكى زامان سەن ئۈچۈن باھار بوپتۇ دوڭمازار. تولۇقلىما مەزمۇن (2013-12-10 08:29 PM): ئىلى ئوبلاستى غۇلجا ناھىيىسىگە قاراشلىق دۆڭمازار بازىرىنى كۆرسىتىدۇ

Gvlbargi0999

	شۇنداق ياخشى يېزىلغان شېئىركەن، بۇ دېھقان شائىرىمىزنىڭ شېئىرلىرى زادى يۈرەككە تېگىدۇ. ئۇلۇق ئاللا ئۇنىڭ تېنىنى سالامەت، ئۆمرىنى ئۇزۇن قىلسۇن! تېما ئىگىسى سىزگىمۇ رەھمەت، بىزنى بۇ شائىرىمىزنىڭ يەنە بىر ئىسىل شېئىرى بىلەن ئۇچراشتۇرۇپسىز.

TaRKiN

	شائېرنىڭ يەنە بىر شېئىرى بىلەن يۈز كۆرۈشكۈنۈمدىن خۇرسەنمەن، نۇرغۇن شېئىرلىرى ناخشا قىلىپ ئوقۇلدى، مەندە ئىككى شېئىرلار توپلىمى بار، شۇنداق ياختۇرىمەن.   شائېرنىڭ تىنىغا سالامەتلىك،ئىجادىيىتىگە مۇۋاپىقىيەت تىلەيمەن.

tograk198510

	تېنىڭىزگە سالامەتلىك تىلەيمەن!!!

akbar0997

	بۇ شائىرىمىزنىڭ بىر كۈنى دىگەن شىئىرى ماڭا بەكلا يارايدۇ .

bagu-bostan

	بىلىدىغانلار دوڭمازار  توغۇرلۇق مەلۇمات بىرىپ كەتكەن بولسا ياخشى بۇلاتتى.

zubayda0997

	شۇنداق ياخشى يېزىلغان شېئىركەن.

2012yadikar

	ئاقسۇ ۋىلايىتى ئۇنسۇ ناھىسنىڭ جام يېزىىسى 1-كەنىتتە  دۆڭمازار دەپ مازار بار،ئاقسۇ ئۇنسۇلۇق باللار جەزمەن بىلدۇ

tulpirim

	ئىلى ئوبلاستى غۇلجا ناھىيىسى دۆڭمازار بازىرى

326ayixa

	akbar0997 يوللىغان ۋاقتى  2013-12-10 03:44 PM بۇ شائىرىمىزنىڭ بىر كۈنى دىگەن شىئىرى ماڭا بەكلا ياراي ... مەنمۇ بەك ياقتۇرىمەن ئۇ شېئىرىنى .كىتاپلىرىمۇ بار مەندە.