يۈرەككە ئانچە تەگمەيدىغان سۆزلەر

an9385

	يۈرەككە ئانچە تەگمەيدىغان سۆزلەر      يىللارنىڭ ئۆتىشىگە ئەگىشىپ دوستلار بىر - بىرلەپ چۈشۈپ قالىدۇ . بەزىلەر كۆڭۈلدىن ، بەزىلەر نەزەردىن . يەنە بەزىلەر بولسا ئىسىمىزدىن چۈشۈپ قالىدۇ .      يېشىمىزنىڭ چوڭىيىشىغا ئەگىشىپ ، دوستلىرىمىز ئازىيىپ كەتمەيدۇ . پەقەت ئۆزىمىز كىم كىملەرنىڭ ھەقىقى دوست ئىكەنلىكىنى بىلىپ يىتىمىز خالاس ... ***        ئون قۇر كىيىم ئالغان پۇلغا بىر قۇر كىيىم ئالساڭ كىيىم ئىشكابىڭ ھەقىقەتەن سەرخىللىققا تولىدۇ ؛ ئون ئىشنى قىلغان دىققىتىڭنى بىر ئىشقا مەركەزلەشتۈرسەڭ ، كەسپىڭ راۋاج تاپىدۇ ؛ پارچە پۇرات ئادەملەرگە سەرپ قىلغان ھېسياتىڭنى بىر ئادەمگە بېغىشلىساڭ بەخىتكە ئىرىشىسەن  . *** قولۇڭدا بىر نان بولسا ، يېرىمىنى بىرەلىسەڭ ، مانا بۇ دوستلۇق . ھەممىنى بىرەلىسەڭ ، ئۇ مۇھەببەت . ئەگەر ھەممىنى تىقىۋېلىپ مىنىڭمۇ قورسۇقۇم ئاچتى دىسەڭ ، مانا بۇ دەل ھازىرقى جەمىيەت . *** قانچىلىك سۆيگەن بولساڭ شۇنچىلىك سۆيۈلىسەن ؛ قانچىلىك يىغلاتقان بولساڭ شۇنچىلىك يىغلايسەن ! دۇنيانىڭ بۇ ئادىل قىسمەتلىرىدىن ھېچكىممۇ قېچىپ قۇتۇلالىغان ئەمەس . سەنمۇ شۇ ! مەنمۇ شۇ ! ئۇمۇ شۇ ! ... *** بۇ دۇنيا كۆپ ياشىغانغا ئەمەس ، ھەق ياشىغانغا ؛ كۈلۈپ ياشىغانغا ئەمەس ، كۈلدۈرۈپ ياشىغانغا ؛ تەلەپ قىلغانغا ئەمەس ، تەقدىم قىلغانغا ھەقىقى كۈلۈپ باقىدۇ . مەنىلىك ياشاي دىسەڭ ، تەلىپىڭ ئاز ، تەغدىمىڭ كۆپ بولسۇن ...!!! *** تۇرمۇش دەپ ئەجەپ توغرا دەپتىكەن . تۇر دەپ تۇرغۇزۇپ قويۇپ مۇش بىرىدىغان ...... *** ئادەمنىڭ تۇغۇلىشى بىر مۆجىزە ، ياشىشى نىمئەت ، ئۆلىمى مۇسىبەت، تىرىكلەر ئۈچۈن ئىبرەت . . . ھازىرغىچە ھېچكىم ئىنكار قىلالمايدىغان ھەقىقەت . *** تەييارلىغۇچى : سەرسانى ئاقماس پاراڭلار        قەدىرلەشكە تېگىشلىك بولغان ئادەملەرنى چوقۇم قەدىرلىگىن ، ئايلىنىپ يەنە كېلىپ قالارمىكىن دەپ يۈرىۋەرمە . يەرشارى ئايلىنىپ كەلگەن بىلەن ئادەم ئايلىنىپ كېلىشى ناتايىن . ***       بارىغا شۈكۈرى قىل ، “ مۇشۇما ؟ “ دىمە . يوققا سەۋىر قىل ، “ نىمىشقا ؟ “ دىمە . ھەر ۋاقىت سەبىرنى ئۆزۈڭگە ھەمراھ قىل .      چۈنكى اللاھنىڭ ھەر بىر ئورۇنلاشتۇرشىدا بىر ھېكمەت بار ! ئىنسان بولغۇچى ئىرادە قىلىدۇ ، اللا ياردەم بېرىدۇ . ئىنسان سەبىر قىلىدۇ ، اللا ئەجىرىنى بېرىدۇ . ئىنسان قاخشايدۇ ، اللا يەنە مۇشكۇلاتلار ئارقىلىق سىنايدۇ . شۇكىرى قىل ، سەبىر قىل . بەزىدە ئارزۇ قىلغان نەرسەڭگە ئېرىشەلمەسلىكىڭ بەلكىم اللا ساڭا تېخىمۇ ياخشىسىنى بەرمەكچى بۇلىشى مۇمكىن . ***      بۇ دۇنيا ئېگىسى بار دۇنيا ، بىرىنى قاخشىتىپ ، ئازابلاپ ، بوزەك قىلىپ دۇنيا مىنىڭكى دەپ ئويلاپ قالما . بىر كۈنلەردە سېنىڭ ھەم شۇلاردىن بەتتەر كۈنلۈرۈڭ بولىدۇ . ***      باشقىلارنىڭ سېنى تاشلاپ كېتىشىدىن قورقما ، ئەمما ئۆزۈڭنى ئۆزۈڭ  تاشلىۋىتىشىڭىدىن قورق . باشقىلارنىڭ سانا ئىشەنمەسلىكىدىن قورقما ، ئۆزۈڭنىڭ ئۆزۈڭگە بولغان ئىشەنچىسىنى يوقۇتۇپ قويۇشتىن قورق . ***      ھەر بىر ئىنسان ئۆزىنىڭ بۇ دۇنيادا ياشاۋاتقانلىقىنى ئەمەس ، ئۆتۈپ كېتىۋاتقانلىقىنى بىلسە ئىدى ، تۆۋبە بىلەن ئىبادەتنى ئۆزىگە دوست تۇتقان ، ئەيىش - ئىشرەت سورۇنلىرىغا ئوت ياققان بۇلار ئىدى . ***       ئىسىڭدە بولسۇنكى ، بەزى ۋاقىتتا ساڭا بىر نەچچە ئېغىز سۆزنى ئاز قىلغىنىم ، گەپ قىلماي ئۆتۈپ كەتكىنىم ، ئاڭلىماسقا سالغىنىم . كۈلۈپلا ئۆتكۈزۋەتكىنىم قانداقتۇر سېنى ھۆرمەتلەپ يول قويغۇنۇم ئەمەس ، ۋە ياكى سەندىن قورققۇنۇم ئەمەس . پەقەت ، سېنى بىر ئېغىز تىللىشىمغىمۇ ئەرزىمەيدۇ دەپ قارىغانلىقىم ئۈچۈندۇر . ***      ئويلان ، ئىككى پۇتلاپ ئۆرە مېڭىپ يۈرگەنلەرنىڭ ھەممىسى ئادەم ئەمەس ، مايمۇنمۇ ماڭالايدىغۇ ؟! ئادەم نام بىلەن ياشىغان ئىكەنسەن شۇ نامغا لايىق بۇلۇپ ياشا ! ***       ئالدىراش خىزمىتىڭنى ، ئۈگىنىشىڭنى ، سودا - سېتىقىڭنى ، تۇرمۇشۇڭنى قويۇپ تۇر ، تىنىچ بىر جاينى تاپ ، سوغوق قانلىق بىلەن ياخشى ئويلان ، سەن زادى كىم ؟ قانداق ياشاۋاتىسەن ؟ قانداق ياشىشىڭ كېرەك ئىدى ؟ نىمىلەرنى يوقاتتىڭ ؟ شۇنىڭ بەدىلىگە نىمىلەرگە ئىرىشتىڭ ؟ كىملەرنى رازى قىلدىڭ ؟ كىملەر سەن ئۈچۈن ھەقىقى كۆيۈۋاتىدۇ ؟ يەنە كىملەر سەندىن پايدىلنىۋاتىدۇ ؟ ياشاشنىڭ مەنىسى نىمە ؟...... ئويلان ...... ***       كۈلكە خۇشاللىققا ۋەكىللىك قىلالمايدۇ ، ئوخشاشلا يىغا ھەم ئازاب ۋە قايغۇغا ۋەكىللىك قىلالمايدۇ . بىرىنىڭ كۈلكىسىنى كۆرۈپ ئۇ بەك خۇشال ، كۆيۈنۈشكە مۇھتاج ئەمەس دىمە . يەنە بىرىنىڭ يىغىسىنى كۆرۈپ ھەممە سۆزىگە ئىشىنىپ كەتمە . تەييارلىغۇچى : سەرسانى

ana

	ئېسىل مەزمۇن!! ساقلىۋالدىم رەھمەت

vincent

	ئېسىل مەزمۇن!!

zinak11

	ھەجەپ يارىدى ما سوزلەر.ئېسىل

karizlik

	بەك پەيزى گەپلەكەن بۇ

kaqvr

	يۈرەككە ئانچە تەگمەيدىغان گەپلەر ئەمەس ، تازا چوڭقۇر بېغىشىغا تىگىدىغان پايدىلىق ھېكمەتلەر ئىكەن بۇ . ئەجرىڭىزگە تەشەككۈر . سالامەت بۇلۇڭ .

amarjan911

	ماۋزۇنى بەك پەچەت قۇيۇپسىز،ئىچىدىكى مەزمۇنلار ئۇنىڭدىن پەچەت

guljanat

	بەك مەزمۇنى مول يازمىلاركەن بۇ ،رەھمەت سىزگە

magrurjan

	ھەقىقەتەن ئىسىل مەزمۇن قۇلىڭىزغا دەرت بەرمىسۇن تەشەككۈر ھارمىغايسىز

nigar199005014

	شۇنداق ياخشى گەپلەركەنغۇ  رەھمەت سىزگە