بىر ۋاقىتلاردا

ARIX

	بىر كۈنلەردە.... بىر كۈنلەردە سىز ئۆيىڭىزنىڭ ئالدىدىكى توپىلىق يولنىڭ ئاسفالىت يول بولۇشىنى ئۈمىد قىلاتىڭىز، بۇ ئارزۇيىڭىز ئەمەلگە ئاشقاندا بولسا، ئاشۇ توپۇلۇق يوللاردا يالاڭئاياغ يۈرگەن كۈنلىرىڭىزنى دائىم سىغىنىدىغان بولۇپ قالدىڭىز. بىر كۈنلەردە سىز ئۆيىڭىزنىڭ ئالدىدىكى ئۆستەڭ ياكى كۆللەردىن سۇ ئەكىرىشنى ئىغىر كۆرۈپ، مۇشۇ سۇ تاماق ئىتىدىغان يىرىمدىلا بولسا نېمە بولار ئىدى ھە دەپ ئارزۇ قىلغان، مانا ئەمدى بۇ رىئاللىقىڭىز ئەمەلگە ئاشقاندا، ئاشۇ كۆل بويىدىكى قىزىقارلىق پاراڭلار، ھەمدېمەلىكلىرىڭىز بىلەن قىلىشقان قىزىقارلىق پاراڭلىرىڭىزنى ئەسكە ئىلىپ ئۇ كۈنلىرىڭىزنىڭ مەڭگۈ كەلمەسكە كەتكەنلىكىدىن ئەپسۇسلىنىسىز. بىر كۈنلەردە سىز ئۆيىڭىزدە تېلېۋىزور بولۇشنى ئارزۇ قىلاتىڭىز. بۇ ئارزۇيىڭىز ئەمەلگە ئاشقاندا بولسا، تېلۋېزور كۆرۈپ ئۆيىڭىزدىكىلەر بىلەن ئەركىن پىكىر ئالماشتۇرىدىغان، ئۆزىڭىز بىلەن ئائىلە ئەزالىرى ئوتتۇرسىدىكى ئەڭ يىقىن تۇرالايدىغان ۋاقىتلارنىڭ كەلمەسكە كەتكەنلىكىدىن تولىمۇ ئەپسۇسلىنىسىز. بىر كۈنلەردە سىز تېلېفۇن بولسا، تېلېفۇندا ھەرخىل ئىشلارنى قىلغىلى بولسا دەپ ئويلاتتىڭىز، ئەمما ھازىر بۇ ئارزۇيىڭىز ئەمەلگە ئاشقاندا بولسا سىزنىڭ ئەڭ يېقىن ئادەملىرىڭىزنىڭ سىز بىلەن كارى بولماي قىلۋاتقانلىقىدىن تولىمۇ ئۆكىنىسىز، ھەتتا بەزىدە ئاشۇ تېلېفۇننى يوق قىلالماي ئاۋارە بولۇپ كېتىسىز. بىر كۈنلەردە سىز نامرات ئېدىڭىز، ئەمما كۈنلىرىڭىز تولىمۇ ئەھمىيەتلىك ئۆتكىزەتتىڭىز چۈنكى سىزنىڭ پىشانىڭىزدىن ئاققان ھەربىر تامچە تەر ئائىلىڭىزگە بولغان يۈكسەك مۇھەببىتىڭىزنىڭ ھاسۇلاتى ئىدى، ئەمما سىز ھازىر قالتىس باي بولۇپ ناھايىتى ئالدىراش بولۇپ كەتتىڭىز، ھەرخىل كىسەللەردىن قۇتۇلالماي قىلۋاتىسىز،  تۇرۇپ يەنە ئاشۇ نامرات چاغلاردىكى تەرگە چۆمۈپ ئىشلىگەن كۈنلىرىڭىزنى سىغىنىپ قالىسىز. باي بولغاندىن كېيىن سىزنىڭ ئويلايدىغان، بالىلىرىڭىزنى يىراقتا ئوقۇتۇپ ئۆزىڭىزدىن يىراق قىلىپ ئۆزىڭىزنىڭ يالغۇز قالغانلىقىڭىزدىن ئەپسۇسلىنىپ، نامرات چاغلاردىكى بىر ئائىلە كىشىلىرى بىرگە ئولتۇرۇپ تاماق يىگەن ئاشۇ كۈنلەرنى ئەسلەپ قالىسىز. تەرەققىيا بىزگە نۇرغۇن قۇلايلىقلارنى ئىلىپ كەلگەن بولسىمۇ ئەمما بىزنىڭ روھىيىتىمىزدىكى نۇرغۇن نەرسىلىرىمىزنى بىزدىن مەھرۇم قىلدى. مەنبە: ئۆز قەلىمىم.                                                       ئاپتورى: ئارىش ئەپەندى

كۈركۈم

	‹بىر چاغلار› ئۇ ياقتا تۇرسۇن، تېخى ئۆتكەندىلا ئۇزاقراق دەم ئالساق نېمە بولار دەپ ئويلاپ كېتەتتىم، بىرەر ئاي قويۇپ بەرسە، ئوبدان دەم ئېلىۋالسام دەپ. مانا ئۈچ ئايدىن بېرى پۇتۇم سۇنۇپ ئۆيدە دەم ئېلىشتىن باشقا ئىشىم يوق. پۇتۇم سۇنمىغان بولسا دەم ئالمىساممۇ مەيلى ئىدى. شۇنچىلىكلا جاھان ئىكەن.

nurjahan0997

	ۋاھ ھەجەپمۇ بىر ياخشى يېزىپسىز قېرىندىشىم ھەممە نەرسىلەر تەرەققىياتنىڭ قۇربانى بولۇپ كەتتى بىراق داۋامى باردەكلا ھېس قىلىپ قالدىم بۇ ئەسەرنىڭ

delawur

	ئەتراپىڭىزدا جان -جىگەر دوسلىرڭىز بار ،تاغدەك دادىڭىز ، باغدەك ئانىڭىز بار ،كۈنلىرڭىز جاپا-مۇشەققەت ئىچدە ئۆتىۋاتقاندا قاچانمۇ  كۇنلىرىم ياخشىلىنىپ قوققۇزۇم تەل بولار دەپ ئويلاپ قالدىڭىز ۋە شۇ نىشاندا تىرىش تىڭىز ئەممە  ھەممە ئارزۇلىرىڭىزغا يەتكەندە تۆت ئەتراپىڭىزغا قاراپ قالدىڭىز  ؟ پەقەت  ئۆزڭىز يىگانە  (مەنپەئەتنى  كۆزلىگەن  كەسىپداش ، دوسلىرڭىزدىن باشقا  )

zulpukar

	بىر ۋاقىتلاردا سىز ھەممىگە خوجايىن ئىدىڭىز..... بىر ۋاقىتلاردىن كېيىن سىز قۇل بولدىڭىز. يەنى پۇل ۋە ھوقۇقنىڭ قۇلى.... سىز ئاشۇ پۇل ۋە ھوقۇقنىڭ بۇيرىقى بىلەن ئىش قىلدىغان ھالەتكە چۈشۈپ قالدىڭىز...

faeza.akef

	ئنسان دىگەن ئاشۇنداق قانائەت قىلماي ئۆتۈپ كېتىدۇ دۇنيادىن؟؟؟؟؟

rizwangul0995

	ياخشى تېمىدىن بىرنى يوللاپسىز رەھمەت.

zubayda0997

	ياخشى تېمىدىن بىرنى يوللاپسىز رەھمەت

kirani

	ياندا بارنىڭ ھېچقاچان يوق ئېتىبارى، ئىنسان شۇنداق يوق نەرسىنىڭ ئىنتىزارى.

azrat705

	ئادەم دېگەن شۇنداق ، يېنىدا بار نەرسىنىڭ قەدرىگە يەتمەي  يوق نەرسىگە زارلىنىدۇ ، ئۇنەرسە ئۆزىدە بار بولغاندا يەنە باشقا نەرسىلەرگە تەلپۈنىدۇ