مەشرەپ ھەققىدە مىسرانىم مەخسۇس فىلىمى

Misranim

	شىنجاڭ تېلېۋىزىيە ئىستانسىسى ئاخبارات ئۇنۋېرسال قانىلىنىڭ كوزۇر پىروگراممىلىرىدىن بىرى بولغان مەشرەپ پىروگراممىسى يولغا قويۇلغىنىغا 10 يىلدىن ئاشقان بولۇپ، مەشرەپ پىروگراممىسى يولغا قويۇلغاندىن ھازىرغىچە ئىزچىل خەلقىمىزنىڭ ياقتۇرۇپ كېلىۋاتقان، باللىرىمىزدىن تارتىپ ياشانغان مويسىپىتلىرىمىزغىچە ھەممە ئالقىشلايدىغان، دىققەت قىلىدىغان ھەم كۆڭۈل بۆلىدىغان پىروگراممىلارنىڭ بىرى بولۇپ كېلىۋاتىدۇ.      مەشرەپ خەلقىمىزنىڭ ئەنئەنىۋىي مەدەنىيەت مەكتىپى، سەنئەت مەكتىپى، ئەدەپ - ئەخلاق، ئۆرپ - ئادەت، مەدەنىيەت تارقىتىدىغان، ئىتتىپاقلىق، تەرەققىيات، ئىلىم - مەرىپەتنى تەشەببۇس قىلىدىغان قىممەتلىك قامۇس.      يۇقىرىقىدەك نۇقتىلارنى كۆزدە تۇتۇپ ئەۋلادلارغا ئەدەپ - ئەخلاق تەربىيىسى، گۈزەللىك تەربىيىسى، ئىلىم بېرىش، ياشلىرىمىزنى توغرا تەرەققىيات يولىغا يېتەكلەپ، ئۆز - ئۆزىنى تونۇش تەربىيىسى ئىلىپ بېرىش مەقسىتى بىلەن 10 يىلدىن بۇيان مەشرەپ تېلېۋىزىيە سەنئەت شەكلى سۈپىتىدە ئىشلىنىپ خەلقىمىز بىلەن يۈز كۆرۈشۈپ كېلىۋاتىدۇ. بۇ قېتىملىق مەشرەپتە مىراس مەشرىپىنىڭ ئاساسلىق ناخشىسى ئۇستازىمىز مۇختەر بۇغرا ئەپەندى شېئىرىنى يازغان، ئەل سۆيگەن ناخشىچى سەنۇبەر تۇرسۇن مۇزىكىسىنى ئىشلەپ ئۆزى ئورۇندىغان مىراس ناملىق ناخشا نەق مەيدان تاماششىبىنلارنىڭ يۈرەك تارىنى تىترەتىتى!  دىققىتىڭىز مۇشۇ شەنبە كەچ 7 دە شىنجاڭ تېلۋىزىيسى 2-قانىلىدا قويۇلىدۇ     بىز شۇ مۇناسىۋەت بىلەن مەشرەپنىڭ ئىشلىنىش جەريانى شۇنداقلا مىراس مەشرىپىنىڭ مېھمانلىرىنى زىيارەتكە ئورۇنلاشتۇردۇق،بۇ ھەقتىكى سۆھبىتىمىزگە قىزىقسىڭىز ،دىققىتىڭىز ئىكرانىمىزدا بولسۇن! مىراس مەشرىپى ھەققىدە مەخسۇس فىلىم ھوزۇرۇڭلاردا.... چىقمىسا بۇ يەردىن كۆرۈڭ: http://v.youku.com/v_show/id_XNjQzOTAwNTcy.html زىيارەتكە مۇناسىۋەتلىك بىر قىسىم سۈرەتلەر: مىسرانىم ئۇيغۇرچە ئۇنۋېرسال تور بېكىتى 2013- يىلى 12 - ئاينىڭ 05 -كۈنى

326ayixa

	بۇ مەشرەپ بەك ياخشى چىقىپتۇ . ھەقىقەتەن ئىسىل .

nuzugum01

	مەنمۇ بىر كۆرۈپ باقاي ھە ئەمىسە

Nimjan

	تېخى بابارەھىم مەشرەپ خۇسۇسىدىكى فىلىممىكىن، دەپ  قاپتىمەن-دېسە؟

othor

	تەھرىرلەندى  .

zulpukar

	ئاۋال ئورۇن زاكاس قىلىپ قويۇپ ئاندىن  كۆرەيچۇ

بۇغداي

	‹‹ مىراس ›، دېگەن ناخشىغا قىزىقىپ قالدىم.