ئالتۇن كۈمۈشنىڭ ئۇزۇن مۇددەت ھالىتىگە تەھلىل

kulak

	ئالتۇن كۈمۈشنىڭ ئۇزۇن مۇددەتلىك ھالىتىگە تەھلىل    2013-يىلنىڭ ئەڭ ئاخىرقى  بىر ئاي مەزگىلىگە قەدەم قويغان ئۇشبۇ پەيتلەردە خەلىقئارا ئالتۇن كۈمۈش بازىرى ئۇزلۇكسىز تۇردە يىڭى تۆۋەن نۇقتا يارىتىپ ،بەزى كىشىلەرنى خۇشاللاندۇرسا بەزى كىشىلەرنى ئىغىر ئازاپلارغا مۇپتىلا قىلماقتا .ھەپتىنىڭ بىرىنجى كۇنىدىن باشلاپ تاكى بۇگۇنگىچە ئالتۇن 3%چۇشۇش ھالىتىنى شەكىللەندۇردى . يەنى 1250دوللار ھەرئۇنسىيە (246يۇەن خەلق پۇلى ھەرگىرام خام ئالتۇن )دىن 1211.46دوللار ھەرئۇنسىيە (236.95يۇەن خەلق پۇلى ھەرگىرام خام ئالتۇن) غا چۇشۇپ كەتتى . بۇ ئالتۇن كۈمۈشنىڭ 2013-يىلى 7-ئايدىن بۇيانقى ئەڭ تۆۋەن نۇقتىغا چۇشىشى ھىساپلىنىدۇ . خەلىقئارا كۈمۈش 19.96دوللاردىن (3.94يۇەن خەلق پۇلى ھەرگىرام خام كۈمۈش ) 18.87دوللار ھەرئۇنسىيە (3.70يۇەن خەلق پۇلى ھەرگىرام خام كۈمۈش )كە چۇشۇپ كەتتى .چۇشۇش نىسبىتى 6% يىقىنلاشتى .     مەملىكىتىمىزدىكى ھەرقايسى چوڭ ئىقتىسادى سانلىق مەلۇمات تور بىكەت ۋە ئانالىز ۋاستىلىرى بەس-بەستە يىقىن مەزگىلدىكى ئالتۇن كۈمۈشنىڭ يۆلىنىشى ھەققىدە مۇلاھىزىلەرنى ئوتتۇرغا قويماقتا .دىيارىمىزدىكى ئىقتىسادى توربىكەت ۋە ئاناتىل يىزىقىمىزدىكى سانلىق مەلۇمات ئامبارلىرىنىڭ كەمچىل بولىشى سەۋەبىدىن كۆپلىگەن نەخ ئالتۇن ھەۋەسكارلىرى ئەڭ يىڭى ئالتۇن كۈمۈش ئانالىزىدىن بەھرىمەن بولالمايۋاتىدۇ .شۇ سەۋەپتىن بۇ بوشلۇقنى ئازدۇر كۆپتۇر بولسىمۇ تولدۇرۇش مەقسىتىدە ئالتۇن كۈمۈش بازىرىنىڭ ئوتتۇرا ۋە ئۇزۇن مۇددەتلىك ھالىتىگە تىخنىكىلىق ۋە خەلىقئارا ئانالىز ئىلىپ بىرىشنى توغرا تاپتىم .   خەلىقئارا ئالتۇن  بازىرى بۇيىل 4-ئاينىڭ 16-كۈنى 1564دوللار ھەرئۇنسىيە (327يۇەن خەلق پۇلى ھەرگىرام خام ئالتۇن )دىن باشلاپ چۇشۇشكە باشلىغان ۋە قىسقىغىنە 2ئايدىن كىيىن يەنى 6-ئاينىڭ 28-كۈنى تارىخى تۆۋەن نۇقتا 1180دوللار ھەرئۇنسىيە (230يۇەن خەلق پۇلى ھەرگىرام خام ئالتۇن ) غا چۇشۇپ كەتكەن .چۇشۇش نىسبىتى 27% يەتكەن . مەزكۇر چۇشۇشتىن كىيىن پۇتكۇل دۇنيا مىقياسى خارەكتىرلىك ئالتۇن سىتىۋىلىش دولقۇنى كۆتۇرۇلۇپ جۇڭگۇ روسىيە تۇركىيە قاتارلىق دۆلەتلەر ئالتۇن ئىمپورت مىقدارىنى ھەسسىلەپ ئاشۇرغان .   خەلىقئارا كۈمۈش 27.60دوللار ھەرئۇنسىيە (5.45يۇەن خەلق پۇلى ھەرگىرام خام كۈمۈش)دىن باشلاپ چۇشۇپ ،18.20دوللار ھەرئۇنسىيە (3.59يۇەن خەلق پۇلى ھەرگىرام خام كۈمۈش )كە چۇشۇپ كەتكەن .    خەلىقئارا ئالتۇن كۈمۈشنىڭ بۇنداق غايەت زور چۇشۇش ھالىتى نۇرغۇنلىغان ئالتۇن كۈمۈش ھەۋەسكارلىرىنى گاڭگىرىتىپ قويغان .ھەم بۇ چۇشۇشنىڭ زادى قاچان ئاخىرلىشىدىغانلىقى توغرىسىدا بەس مۇنازىرە قىلىشقان .ئالتۇن كۈمۈش بازىرىنىڭ چۇشىشىگە ئاساسلىقى ئامىرىكا فىدىراتسىيە زاپاس پۇل كومىتىتىنىڭ قويۋىتىش سىياسىتىنى قىسقارتىش ۋە ئەمەلدىن قالدۇرۇش مۆلچەرى سەۋەبلىك خەلىقئارا ئالتۇن كۈمۈش سودا ماگناتلىرى قىممەت مىتال بازىرىدىن چىكىنىپ پاي بازىرى ۋە قەغەز پۇل ساھەسىگە ئىقىپ كىرىشى سەۋەپچى بولغان.ھالبۇكى بۇنداق ئەھۋالدا ئالتۇن كۈمۈش يۆلەكسىز ھالەتتە داۋاملىق چۇشۇش ھالىتىنى داۋاملاشتۇرماقتا .ۋەھالەنكى يۇقارقى ئىيتىپ ئۆتكىنىمىز گەرچە ئاساسلىق ئامىل بولسىمۇ ، ئەمما ئاساسلىق ئامىلنى كۇچلەندۇرگۇچى تىخنىكىلىق ئامىلمۇ ئالتۇن كۈمۈشنىڭ زور دەرىجىدە چۇشۇشىنى قۇۋەتلىگەن . تۆۋەندىكى ئىككى پارچە رەسىمدىن بۇنى بايقىماق تەس ئەمەس .                     خەلىقئارا ئالتۇن يىللىق يۆلىنىش گىرافىكى                                                                                                                                                ئازدۇر كۆپتۇر تىخنىكىلىق ئانالىز بىلىملىرىنى ئۆگەنگەن كىشىلەر رەسىمدە كۆرسىتىلگىنىدىن مىنىڭ نىمە دىمەكچى بولغىنىمنى ئاساسەن چۇشىنىپ بولىدۇ .ئالتۇن 2011-يىلى 9-ئاينىڭ 30-كۈنى تارىخى يۇقىرى نۇقتا 1920.78دوللار ھەرئۇنسىيە (382يۇەن خەلق پۇلى ھەرگىرام خام ئالتۇن )گە چىققاندىن كىيىن شىددەت بىلەن چۇشۇپ كەتتى .ئەلۋەتتە 1920.78دوللارلىق يۇقىرى باھا ئورنى ئەتراپىدا ھىچقانداق تىرەش نۇقتا ھازىرلانمىغان بولغاچقا ، ئەينى ۋاقىتتا قىلدەك ئالتۇنغا پايدىسز خەۋەر كەلگەنلىك سەۋەبىدىن ،پىلدەك تەسىر قىلىپ ئالتۇننى 100دوللاردىن ئارتۇق چۇشۇرۋەتتى.ئۇنىڭ ئالدىنقى مەزگىللىك يەنى 2008-يىلىدىن تاكى 2011-يىلىغىچە بولغان ئارلىقتا ئالتۇن بازىرىدا ئانچە چوڭ چۇشۇش كۆرۇلمىگەن ۋە ئۇزلۇكسىز تۇردە ئۆسۇش يۆلىنىشىدە ماڭغان . ئۆسكەندىمۇ بەزى كۇنلىرى 80دوللاردەك چوڭ ئۆسۇشلەرنى پەيدا قىلىپ قىسقىغىنە 11ئاي ئىچىدە ئالتۇننى 150% ئۆستۇرگەن .دىمەك شۇ ئارلىقتا ئالتۇننىڭ ھىچقانداق تىخنىكىلق جەھەتتىن تەڭشىلش ھالىتىگە پۇرسەت بولمىغان .ئالتۇن 2012-يىلى 1800دوللارلىق يۇقىرى باھا بىسىم نۇقتا رايونىغا ئەڭ ئاخىرقى قىتىم ھۇجۇم قىلىشى بىلەن بۇيىل 6-ئايدا 1180دوللارغا چۇشۇپ كىتىشىنىڭ ئىنتايىن چوڭ مۇناسىۋىتى بارلىقىنى بايقايمىز .ئالتۇن 1800دوللارلىق يۇقىرى باھا بىسىم نۇقتا رايونىغا 3قىتىم ھۇجۇم قىلغان .   بىرىنجى قىتىم 2011-يىلى 11-ئاينىڭ 12-كۈنى 1804دوللارغا چىقىم يەنە چوڭ چۇشۇپ كەتكەن . بۇ شۇ يىلى 1920دوللاردا يىڭى چوققا نۇقتا ياراتقاندىن كىيىنكى تۇنجى قىتىملىقى .ئەينى ۋاقىتتا مەزكۇر رايوندىكى (1800دوللارلىق يۇقىرى بىسىم نۇقتا ) بىسىم كۇچى نىسبەتەن ئاجىز ،ئەگەر خەلىقئارا ئامىللار سەللىمازا كۇچىگەن بولسا بۆسۇپ ئۆتۇپ كىتەتتى ،ئەمما بۆسۇش مۇۋەپىقىيەتسىز بولۇپ ،شۇ چۇشكەنچە 1529دوللاردا يىڭى تەگ نۇقتا ھەم تىرەش نۇقتا ھاسىل قىلدى . بۇ تىرەش نۇقتا ئەتراپىنى يىرىم يىل چىڭدىغاندىن كىيىن ،1800دوللارلىق يۇقىرى بىسىم نۇقتىغا ئىككىنجى قىتىم ھۇجۇم قىلدى .(رەسىمدە كۆرسىتىلگىنىدەك )    ئىككىنجى قىتىم 2012-يىلى 2-ئاينىڭ 29-كۈنى 1795دوللاردا چوققا نۇقتا يارىتىپ ،1800دوللارلىق يۇقىرى بىسىم نۇقتىغا ھۇجۇم قىلدى .ئەمما بۆسۇپ ئۆتۇش يەنە مۇۋەپىىيەتسىز بولۇپ ، يەنە قايتىدىن 1530دوللارلىق تىرەش نۇقتىغا رايونىغا چۇشۇپ كەتتى . شۇنداق قىلىپ 1800دوللارلىق بىسىم نۇقتىنى 2قىتىم سىنالغاندىن كىيىن ئالتۇنغا نىسبەتەن 1800دوللارلىق يۇقىرى بىسىم نۇقتا ئىنتايىن كۇچىيىپ كەتتى .يەنى بۆسۇپ ئۆتۇش تىخىمۇ تەسلىشىپ كەتتى .   ئۇچىنجى قىتىم 2012-يىلى 10-ئايدا 1797دوللاردا چوققا نۇقتىنى يارىتىپ ، 1800دوللارلىق يۇقىرى بىسىم نۇقتىغا ئەڭ ئاخىرقى قىتىم ھۇجۇم قىلدى ، ئەمما يەنە بۆسۇپ ئۆتەلمەي 1530دوللارلىق تىرەش نۇقتا رايونىغا چۇشۇپ كەتتى .ئالتۇننىڭ 1800دوللارلىق يۇقىرى بىسىم نۇقتىدىن ئۆتەلمىگەنسىرى 1800دوللاردىكى بىسىم نۇقتىنىڭ كۇچى شۇنچىكى زورىيىپ كەتتى . شۇنىڭغا ئەگىشىپ 1530دوللاردىكى تىرەش نۇقتىنىڭ مۇستەھكەملىكىمۇ 3قىتىملىق ئىمتىھاندىن كىيىن تىخىدىنمۇ مۇقىملاشتى .دۇنيادىكى نۇرغۇن ئالتۇن ھەۋەسكارلىرى1530دوللاردىكى تىرەش نۇقتىنى " بۇزۇلماس ، يىڭىلمەس " دەپ قاراپ شۇ نۇقتىدىن ئۆسۇشكە مال ئالدى .بۇ يەردە تەكىتلەپ ئۆتۇشكە ئەرزىيدىغان نۇقتا شۇكى ، ئالتۇننىڭ تەكرار ھالەتتە 1800دوللار بىلەن 1530دوللار ئارىسىدا ھەركەت قىلىشى ئالتۇننىڭ تىخنىكىلىق جەھەتتىن تەڭشىلىش تەلىپىگە ناھايىتى ئۇيغۇن ئىدى .دىمەك ئىككى رايوننىڭ (1800دوللار بىلەن 1530دوللار )دىكى قايسى بىرسى ئۇنۇملۇك بۆسۇلسە ،شۇ رايوندىن يۇقىرىغا ياكى تۆۋەنگە ئۇزلۇكسىز مىڭىشى تۇرغانلا گەپ .يەنە ئىچكىرلەپ تەھلىل قىلىدىغان بولساق ،ئالتۇن بازىرىنىڭ ئۇزۇن مۇددەتلىك (1يىلدىن يۇقىرى 5يىلدىن تۆۋەن ) ھالىتىگە نىسبەتەن بۇ يىللىق چۇشۇش يۆلنىشى پەقەتلا  مەلۇم مەزگىللىك تەڭشىلىش ھالىتى ئىكەنلىكىنى بىلىۋالالايمىز . رەسىمدە كۆرسىتىلگىنىدەك ئالتۇننىڭ 2012-يىلى 10-ئايدا ئەڭ ئاخىرقى قىتىملىق 1800دوللارلىق يۇقىرى بىسىم نۇقتىغا ھۇجۇم قىلىشىدىن كىيىن ئالتۇن رەسمىي يوسۇندا ئۇچبۇلۇڭلۇق تەڭشىلىش ھالىتىگە قەدەم قويغان .مۆلچەرىمىزچە ئۇچبۇلۇڭلۇق تەڭشىلىش ھالىتىنىڭ ئەڭ ئاخىرقى چىكى 1050دوللار ئەتراپى بولۇپ ،مەزكۇر رايوندىن ئالتۇن چوڭ ئۆسۇش يۆلىنىشىنى باشلىشى مۇمكىن  .ۋاقىت پەرقىنىڭ مۇناسىۋىتى بىلەن ئۇچبۇلۇڭلۇق تەڭشىلىش ھالىتى يەنە 6ئايدىن 3ئاي ئەتراپىدا بولىشى ئىھتىمالغا يىقىن .بىراق ئۇچبۇلۇڭلۇق تەڭشىلىش ھالىتى ئاخىرلىشىش مەزگىلىدە ئالتۇن چوقۇم 1180دوللاردىنمۇ تۆۋەن نۇقتىىنى يەنى 1050دوللارلىق ۋە ياكى ئۇنىڭدىنمۇ تۆۋەن نۇقتىنى يارىتىش ئىھتىماللىقى بار .بىراق خۇسۇسىي مۆلچەرىمدە ئالتۇن 1050دوللار ئەتراپىدىن ئۇنۇملۇك قاڭقىشى مۇمكىن .                     خەلىقئارا كۈمۈش يىللىق يۆلىنىش گىرافىكى                         خەلىقئارا كۈمۈشمۇ ئالتۇنغا ماس ھالدا تەۋرىنىش ھاسىل قىلدى ، ئەمما پەرقلىق يىرى شۇكى ،كۈمۈش تارىخى چۇققا نۇقتا 49.83دوللار ھەرئۇنسىىيە (9.85يۇەن خەلق پۇلى ھەرگىرام خام كۈمۈش ) چىققاندىن كىيىن شىددەت بىلەن تۆۋەنلىگەن . بۇ يەردە ۋاقىت پەرقى مەۋجۇد بولۇپ ، ئالتۇننىڭ چوققا نۇقتا ياراتقان ۋاقتى 2011-يىلى 9-ئايدا بولغان بولسا ، كۈمۈشنىڭ چوققا نۇقتا ياراتقان ۋاقتى 2011-يىلى 5-ئاينىڭ 1-كۈنى يەنى بازا تەشكىلاتىنىڭ سابىق رەھبىرى ئوساما بىنلادىننى ئىتىپ ئۆلتۇرۇلگەن كۈنى .دىمەك ئالتۇنغا قارىغاندا كۈمۈشنىڭ چوققا نۇقتا يارىتىشى بالدۇر باشلانغانلىقتىن ، تىخنىكىلىق تەڭشىلىشى بالدۇر باشلانغان دىيىشكە بولىدۇ .ھىساپلاپ باقىدىغان بولساق ، كۈمۈش ئالتۇندىن 5ئاي بۇرۇن چوققا نۇقتا ياراتقان ۋە 5 بۇرۇن تەڭشىلىش باسقۇچىنى باشلىۋەتكەن  .شۇنىڭغا ئاساسلانغاندا ،كۈمۈش ئالتۇنغا قارىغاندا مەلۇم مەزگىل بۇرۇن ئۇچبۇلۇڭلۇق تەڭشىلىش ھالىتىنى ئاخىرلاشتۇرىشى ۋە ئۆسۇش يۆلىنىشىنى باشلىشى مۇمكىن .كۈمۈشمۇ ئالتۇنغا ئوخشاشلا تىخنىكىلىق جەھەتتىن ئۇچبۇلۇڭلۇق تەڭشىلىش رايونىدا بولۇپ ، ئۇچبۇلۇڭلۇق تىخنىكىلىق تەڭشىلىشنىڭ ئەڭ ئاخىرقى چىكى 15دوللار ھەرئۇنسىيە (2.97يۇەن خەلق پۇلى ھەرگىرام خام كۈمۈش )  بولىشى مۇمكىن .     ئاساسىي ئانالىز نۇقتىسىدىن قارىغاندا : ئاساسىي ئانالىز نۇقتىسىدىن قارىغىنىمىزدا ، ئىراننىڭ يىڭى زۇڭتۇڭى ھەسەن روھانىي ئىلگىركى سابىق زۇڭتۇڭ ئەھمەدى نىجادقا قارىغاندا دىپلوماتىيە سىياسىتىنى بىرقەدەر ئىللىتقان بولۇپ، جەنۋە ئەھدىنامىسىدىن كىيىن يىقىنقى 6ئاي ئىچىدىكى ئىران ۋە ئامىرىكا ھەربىي تەھىدىت نەزىريىسى خىلىلا بىسىققان . ھالبۇكى بۇ ئالتۇن كۈمۈشكە پاسسىپ تەسىرلەرنى پەيدا قىلماقتا .ئۇنىڭغا قوشۇلۇپ ئامىرىكا فىدىراتىسيە زاپاس پۇل كومىتىتىنىڭ قويۋىتىش سىياسىتىنى قىسقارتىش ۋە ئەمەلدىن قالدۇرۇش مۆلچەرى ئالتۇن كۈمۈشكە بىسىم شەكىللەندۇرمەكتە .،بىز داۋاملىق تۇردە ئامىرىكا فىدىراتسىيە زاپاس پۇل كومىتىتىنىڭ قارارىغا دىققەت قىلىش بىلەن بىرگە تىخنىكىلىق جەھەتتىن ئالتۇن كۈمۈشنىڭ ئۇچبۇلۇڭلۇق تەڭشىلىش ھالىتىنىڭ ئاخىرلىشىشىنى ساقلىشىمىز زۆرۇر .   نۇغۇن قىرىنداشلىرىمىز ئالتۇن كۈمۈشنىڭ بۇقەدەر چوڭ چۇشىشىدىن كىيىن ئاز بولمىغان زىيانلارنى تارتتى . بۇنىڭدىن ھەممىمىز ئەپسۇسلىنىمىز ،ئەمما بۇ زىيانلارنىڭ ئورنىنىڭ ئەسلىگە كىلىشىگىمۇ ئۇزۇن ۋاقىت قالمىدى دەپ ئويلايمەن . ئەمما شۇنى ئەسكەرتىپ ئۆتۇش لازىمكى بەلكىم ئالدىمىزدا زور بىرقىتىملىق چوڭ چۇشۇش مۇنداقچە قىلىپ ئىيتقاندا ئەڭ ئاخىرقى بىرقىتىملىق چوڭ چۇشۇش بولىشى مۇمكىن .،شۇڭلاشقا دوستلىرىمىزنى سەۋىرچان بولۇشقا ئۇندەيمەن ،.          مەنبەسى : ئۆزۇم             ئەسكەرتىش: پايدىلىنىشقىلا بولىدۇ ، سودا ئاساسىي قىلىۋالماڭ !

guzali9.6

	نۇرغۇن بىلملەرنى چۇشىنۋالدىم .يولغۇچىغا كۆپ رەھمەت ،،،،،،،،

nurluk219

	تازا چۇشۇپ كەتسە بۇلاتتى

banka

	قولاق ئەپەندى ، بۇ تەھلىلىڭىز بەك ئەتراپلق بوپتۇ . توغرا دەيسز ئارىمىزدا سىزدەك تەھلىلچىلەر يوق دىيەرلىك .مۇمكىن بولسا  داۋاملق يوللاپ تۇرسىڭىز   ھە راس قۇلاق ئەپەندى ،مەن 1 كىلو نەخ مال ئالاي دىگەنتم . ئەمسە ساخلاپ تۇرسام بوغىدەكتە .رەھمەت سىزگە ، تەھلىلىڭىزگە قايىل بولدۇم

326ayixa

	بۇ قىتىمقى چۈشۈشتىن كىيىن يەنە بەك ئۆسۈپ كېتەرمۇ .

بانكىر

	خەلىقئارا بازار ئالتۇننىڭ ئۆسۆش- چۈشۈش ئەھۋالىنى، بىرەر شەخىس ياكى كوللىكىتپ كونتىرول قىلامدۇ؟ ياكى ئالدىن تۈزۈپ قويولغان سىستىما ئارقىلىق، سىستىما بازار ئەھۋالىنى سىستاستىكىلاپ، ئاپتۇماتىك كونترول قىلىنامدۇ؟ چۈشەنچە بىرىدىغانلار بارمۇ؟

kulak

	بانكىر يوللىغان ۋاقتى  2013-12-5 01:23 PM خەلىقئارا بازار ئالتۇننىڭ ئۆسۆش- چۈشۈش ئەھۋالىنى، بىر ... مەن بۇرۇن «تاشقى پىرۋۇت بىلىملىرى » دىگەن كىتاپتىن ، خەلىقئارا ئالتۇن كۈمۈش بازىرىنىڭ يۆلىنىشىنى ھەرگىزمۇ تەبىئى ھالەتتە شەكىللەنمەيدىغانلىقى مۇنداقچە قىلىپ ئىيتقاندا ، ناھايىتى كۇچلۇك بولغان بىر ھامىيگە بويسۇنىدىغانلىقىنى ئوقۇغانىتىم   گەرچە سىز دىگەندەك ئالدىن تۇزۇپ قويغان يۇمشاق دىتال پىرگۇراممىسى بويىچە ھەركەتلەنمىسىمۇ ،ئەمما ئامىرىكا ۋە ياۋرۇپا چوڭ ئالتۇن كۈمۈش ماگناتلىرى بار ،ئۇلارنىڭ كۇنلۇك ئالتۇن سودا مىقدارى نەچچە مىڭ ئۇنسىيە (1ئۇنسىيە 31گىرامغا تەڭ ) ھەتتا نەچچە يۇزمىڭ ئۇنسىيە ئالتۇن ئىلىم سىتىم قىلىدۇ .ئۇلارنىڭ بازارغا كىرىشى ۋە بازاردىن چىكىنىشى ، پىلانلىق ھالەتتە بازارنى مونۇپۇل قىلىۋىلىشى ئالتۇن كۈمۈشنىڭ ئۆسۇش ۋە چۇشۇش يۆلىنىشىگە ھەقىقەتەنمۇ چوڭ تەسىرى بار .   ئۇنىڭدىن باشقا مەن تىمامدا دەپ ئۆتكەندەك ئالتۇن كۈمۈش بازىرى ئۇزۇن مۇددەتتە تىخنىكىلىق ئانالىزغا بويسۇنىدۇ .

بانكىر

	يەنىلا قىمار ماشىنىسىنى كونترول قىلغاندەك بىر ئىش بار.

بانكىر

	گۈلنەزەرنىڭ پەچەت سۈرەتلىرى چىقىپتۇ. http://fashion.163.com/13/1117/2 ... #p=9DTR1IAF3SLK0026

doppiqe

	بانكىر يوللىغان ۋاقتى  2013-12-5 03:26 PM گۈلنەزەرنىڭ پەچەت سۈرەتلىرى چىقىپتۇ. http://fashion.163.com/13/111 ... بۇ كىم ئەمدى؟ ؟ كۆزۈمگە مايمۇن كۆرنۈپ كەتتى.....توۋا