مۇھەممەت باغراشقا مەرسىيە

kok-sultan

	كۆڭلۈم يېرىم، پەرىشان ھالىم، ئۆتۈپ ئېغىر مۇسىبەت باشتىن. ھەسرەت چېكىپ «يۈرەكتاغ» غەمدە، تەپچىپ ئاقار يېرىلغان تاشتىن. «سۆگەت گۈلى» ئېچىلغان سەھەر، ئەسكە چۈشەر ئۇنتۇلغان كۈلپەت. پۇراق چېچىپ «تۆتقۇلاق» باغدا، چىللاپ كېلەر «سەبداش»قا ئۈلپەت. «ئېگىز بىنا يېنىدا بوتكا» بېرىپ تۇرار ھاياتقا ساۋاق. «ياۋا رەيھان» ئېچىلغان كېچە، چىقار ئەلنىڭ قولىغا تاۋاق. «ئاقساق بۇغا» يىغلىغان دالا، «رىزقى» بېرەر «ئالمىچى» ئەرگە. كۈلۈپ كېتەر «ئادەملەر» بىغەم، «تەنھا ماشنا» توخىتىغان يەرگە. «كەلكۈن» باسقان قەدىمىي قىشلاق، ياتار مۇڭلۇق «جەزىرە» چۈشەپ. «ساۋاپ» ئىزلەپ «شوپۇرنىڭ چۈشى»، «كۈلرەڭ رەسىم» دىللاردا لەيلەپ. كۆڭلۈم يېرىم، پەرىشان ھالىم، دەردكە تولۇپ چىرايلىق ھايات. ئەسلەر باغراش ئىپتىخار بىلەن، پاختا يۇرتى-جەلبكار ئاۋات. مەنبە :ئىجادىيىتىم

uyghurboys

	مۇھەممەت  باغراش  ئاكىمىزنىڭ  ۋاپاتى   ئۇيغۇر  ئەدەبىياتى  بۇلۇپمۇ  پروزا  ئىجادىيەتچىلىكى ئۈچۈن  زور بىر  قېتىملىق  يۇقىتىش بولدى  ،  مۇھەممەت باغراش ئاكىمىز يىقىنقى زامان ئۇيغۇر  ئەدەبىياتىنىڭ نەمۇنلىك ۋەكىللىرىدىن مەرھۇم  زۇنۇن قادىر ،  زوردۇن سابىر  شۇنداقلا  مەمتىمىن ھۇشۇر ( ھوسۇللۇق يازغۇچىمىزنىڭ  ئۆمرى ئۇزۇن بولغاي ) قاتارلىقلار بىلەن تامامەن  بىر ئورۇنغا قۇيۇشقا ئەرزىيدىغان  تالانتلىق ، كۆپ قىرلىق ،بارماق بىلەن سانىۋالغۇدەك  ئۇلۇغ زات ئىدى ،  دۇنياغا كۆز ئاچقان ھەرقانداق بىر جانلىق مەيلى ئۇ ھايۋان ياكى ئىنسان ، ئىنسانلار ئىچىدىكى  شاھ  ، زۇڭتۇڭ ، ئالىم ، ئۆلىما ، يازغۇچى  ۋەياكى دېھقان ، ھەتتا  ھەكىم بولىشىدىن قەتئىينەزەر ھامان ئۆلۈمنىڭ تەمىنى  تېتىغۇچىلاردۇر . ياراتقان ئاللا بۇ  زاتنىڭ  ئاخىرەتلىكىنى ئاسان قىلغاي ،  ئائىلە تاۋاباتلىرى  شۇنداقلا ئۇيغۇر  ئۇقۇرمەنلىرىگە  چەكسىز سەبر ئاتا قىلغاي ،  ئۇيغۇر مىللتىنى ئاللادىن باشقا ھىچقانداق بىر قەۋمگە مۇھتاج قىلمىغاي  ،  ھەرخىل سۇيقەست ، بالا-قازالاردىن يىراق قىلىپ ، ئىناق-ئىجىل ، خاتىرجەم ، پاراۋان  تۇرمۇشقا ئىگە قىلغاي  ،  ئېتقاد ،بىرلىك ۋە ئىرادىمىزنى  مۇستەھكەم قىلغاي ، زامانىۋى پەن-تېخنىكا ، سانائەت قاتارلىق جىددى ئېھتىياجلىق كەسپلرىمىزنىڭ شىددەت بىلەن تەرەققى قىلىشغا مەدەتتە بولغاي !!!!

tatlik0997

	ئەسەرلىرىنى بەكمۇ ياقتۇراتتىم.، ياتقان يېرى جەننەتتە بولسۇن!

بانكىر

	ئەسەرلىرىنى بەكمۇ ياقتۇراتتىم.، ياتقان يېرى جەننەتتە بولسۇن!

erpan521

	داڭلىق ئەدبلىرىمىز بىربىرلەپ كىتىپ بارىدۇ يۇرەكلەرنى قان قىلىپ ............................

milodia

	ئەسەر لىرىنى بەكمۇ ياقتۇراتتىم.تىلى بەكمۇ ياخشى ئىدى.ياتقان يېرى جەننەتتتە بولغاي.

dil-kamil

	ھاياتقا قېرى-ياش ھەركىملەر يىتەر، ئارقىدىن ھەممىسى بىر-بىرلەپ ئۆتەر. بۇ دۇنيا ھېچكىمگە قالماس ئەبەدى، كىتىشتى،كىتىمىز،كىلىشەر،كىتەر!______ئۆمەر ھەييام