ئانا

mugdax5678

	ئەسسالامۇ ئەلەيكۇم دوستلار مەن بۇ مۇنبەرگە ئەزا بولۇپ تۇنجى ئەسەرنى يوللاش ئالدىدا تۇرىۋاتىمەن . ئەڭ ئاۋۋال بىزنى تۇغۇپ جەۋر-جاپا تارتقان ئانىلارنىڭ ھۆرمىتىگە ئانا دېگەن تىمىمنى يوللاشنى لايىق تاپتىم. قېنى ئەمسەا پىكىر تەكلىپنى ئايىمىغايسىزلەر.پىكىر بەرگەندىمۇ كەمچىلىكىمنى كۆرسىتىپ بېرىشىڭلارنى سەمىمى ئۈمىد قىلىمەن . ئانا (1) ئۇ ئۇلۇغ ،ئۇبۈيۈك.ئۇ بىر قەدىردان. ئۇ خۇشخۇي،مۇلايىم،ئۇ بىر مېھرىبان. ئۇ دىلكەش،جاپاكەش،مېھرى بىر گۈلخان، ئۇ يۆلەك ،سايىۋەن،ئۇبىر پاسىبان. ئۇبولغاچ خۇشالسەن گۈزەلدۇر جاھان، ئۇبولغاچ ھەر ئىشىڭ قولايدۇر ئاسان. ئۇ بىلسەڭ باغرى ئوت ئىللىق بىر ماكان، ئۇبولغاچ غېمىڭ يوق چاپىسەن ھەريان. ئۇ يىمەي يىگۈزدى  بىل ساڭا ئاق نان، ئۇ كىيمەي كىيگۈزدى كۆڭلەك،كەش،چاپان. ئۇ ئويلار بىر سېنى بولسا دەپ ئامان، ئۇ بولغاچ سەن شۇڭا تىمەن،نەۋقىران. 2. توققۇز ئاي، توققۇز كۈن قورساق كۆتۈرۈپ، شۇ گۈزەل ياشلىقنى سەنچۈن يۈتتۈرۈپ، ئۆمرىنى بالام دەپ قويدى تۈگۈتۈپ. ھاردۇقنى چىقاردى سېنى كۈلدۈرۈپ. ئۇ تاتلىق ئۇيقۇدىن كەچتى سېنى دەپ، تۈن كېچە يىغلىساڭ قاتتىق ئېسەدەپ، مەڭزىڭگە سۆيەتتى سېنى پەپىلەپ، خۇش بولغان سەن كۈلسەڭ ئاڭا ئەركىلەپ. 3. چوڭ بولدۇڭ كۆزلىرى سېنىڭ يولۇڭدا، مۇڭلىنىپ ئولتۇرار سەنسىز بۇلۇڭدا. كۈنبۇيى يۈرەر ئۇ سېنىڭ كويۇڭدا، ئۇ بولماي قالسىمۇ بىر رەت ئويۇڭدا. كۈن ئۆتۈپ ،ئاي ئۆتۈپ قالساڭ كېلەلمەي، سېغىنىپ تۆكتى ياش سېنى كۆرەلمەي. سەن بىغەم ،شاد يۈردۈڭ بۇنى بىلەلمەي، ئۇ ئەسلا بۇ كۈندىن كەلدى ئۆكۈنمەي. مۇجەسسەم ئۇنىڭدا دىشۋارغا چىداش، ئاسمىنىڭ كۆكىدە پارلىغان قۇياش. ئۇ چىداپ ھەممىگە بەرگەچكە بەرداش، سەن تاغدەك تۇرىسەن مۇشۇنداق شاش-ياش. 4. ئۇ كۆزلەپ باقمىدى پۇلۇڭنى پەقەت، كۈتكىنى شۇ سەندىن مېھرى-مۇھەببەت. ئويلانغىن يېنىدا بولدۇڭ نەچچە رەت، تۇرمۇشنىڭ غېمىدە ھەم قوغلاپ خىزمەت.   (ھە دېسە ئالدىراش قوغلاپلا خىزمەت) ئانىلار شادلانسا كۆكلەيدۇ پەرزەنت، ياغىدۇ شۇندا ھەم ئۆيگە بەرىكەت. يوقالدى  سېنى دەپ ئۇندىكى قامەت، غېمىڭدە ھەركۈنى ئىزدىمەي راھەت. ئۇ ھايات بارىدا يەتكىن ھالىغا، مۇڭداش بول، قۇلاق سال ئۇنىڭ زارىغا. نەدە بار ئۇ كەبى كۆيگەن بالىغا، شادلانسۇن ئۇ سېنى بېسىپ باغرىغا. مەيلى شاھ-گاداي بول سەن ئاڭا قەرز، ئۇ ساڭا يار يۆلەك بىل ئۇنى ئەزىز، سۆي ئۇنى بېشىڭدا كۆتۈرگىن ئېگىز، سۆز تامام ،باق ئاڭا بۇ ساڭا پەرز. ئانام بولسىدى ئەزىز كۆرگەن جېنىدىن ئانام بولسىدى ، ئايرىلمىسام يېنىدىن ئانام بولسىدى، دەرمان بولسام دەردىگە بارىمنى ئاتاپ ، رەھمەت ئالسام دىلىدىن ئانام بولسىدى . مىڭ تىرىلىپ- مىڭ ئۆلۈپ ئوتۇمدا كۆيۈپ، ماڭغىنىمدا سەپەرگە خۇشچىراي كۈلۈپ، «ئامان بولغىن! بالام» دەپ مەڭزىمگە سۆيۈپ، نۇر ياغدۇرغان چېھرىدىن ئانام بولسىدى. كەلگىنىمدە ئېتىزدىن«ھاردىڭ ،بالام» دەپ، «جان-جىگىرىم كۆپ جاپا تارتتىڭ، بالام» دەپ، «مۈشكۈلۈمنى قولۇڭغا ئالدىڭ، بالام» دەپ، پەخىرلەنگەن مېھرىدىن ئانام بولسىدى. ئۇخلاپ قالسام بېشىمدا خىيالغا چۆكۈپ، مەندىن ئۇلۇغ ئارزۇ ھەم ئۈمىدلەر كۈتۈپ، ئۆمۈر بويى ئوتۇمدا ئۆچمىگەن كۆيۈپ، سۆيۈپ ئالسام ئىلكىدىن ئانام بولسىدى. بىلمەپتىمەن بارىدا ئانام قەدرىنى، چۈشەنمەستىن خوشلۇقى ،مۇڭى ،دەردىنى ، ئادا قىلسام بۇرچىمنى، پەرزى ـ قەرزىنى، مەيلى كەچسەم جېنىمدىن ئانام بولسىدى. مېھمان قىلىپ باشلىسام ئۆيۈم تۆرىگە، دەستە-دەستە گۈل تىزسام ئەتراپ-چۆرىگە، دەرت يەتمىسە زەررىچە ئۇنىڭ كۆڭلىگە، رازى بولغان مېنىڭدىن ئانام بولسىدى. مەنبە ئۆزۈم 2012.يىلى 05.ئاينىڭ 18-19 . چىرا دامىكۇ (سەمىىمى ئەسكەرىش:بۇ  شىئېرىمنى  مەن چولپانلار مۇنبىرىگە يوللىغان  كۆچۈرۈپ ئەكەلدىم .)

nurjahan0997

	قالتىس يېزىپسىزغۇ ساقام ،تولىمۇ كەمتەركەنسىز جۇمۇ،تولىمۇ ياقتۇردۇم ئىجاد تۇلپارىڭىز ھارمىغاي

nurjahan0997

	قالتىس يېزىپسىزغۇ ساقام ،تولىمۇ كەمتەركەنسىز جۇمۇ،تولىمۇ ياقتۇردۇم ئىجاد تۇلپارىڭىز ھارمىغاي

zubayda0997

	مېھرى ئاتەش ئانىلىرىمىز ھەر جايدا ئامان بولسۇن،تېما ئىگىسىگە تەشەككۈر

326ayixa

	ناھايىتى ياخشى يېزىپسىز . ھارمىغايسىز . ئىشلىرىڭىزغا ئۇتۇق تىلەيمەن .،مۇنبىرىمىز سىزنى قارشى ئالىدۇ . ياخشى تىمىلىرىڭىز مۇنبىرىمىزدىن ئۈزۈلمىگەي.

دىلكان

	ئۇلۇغ اللە شۇمىھرىبانلارغا خاتىرجەملىك ۋە تىنىگە سالامەتلىك بەرسۇن... مىھرىرىبان اللە قەلەم قۇۋۋىتىڭىزگە بەرىكەت بەرسۇن ، دىللىرىڭىزغا چىراق ،يوللىرىڭىزغا مۇستەھكەملىك ئانىلاردەك پاسىبانلارنى كۈيلىگەن مەدھىيەلىرىڭىزگە كۆپلەپ ئەجىرلەرنى بەرسۇن

othor

	ئانىلارنى  قانچە  كۈيلىسەك  ئارتۇقچە  كەتمەيدۇ  ...

SuYuMLuK!

	ئۇلۇغ ئاللا بارلىق ئانىلارنىڭ دۇنيا ۋە ئاخىرەتلىكىنى ياخشى قىلغاي................ئامىن