يامغۇردىن كىيىنكى ھېسلار

turklan

	يامغۇردىن كېيىنكى ھېسلار تۈركلان شىرىن چۈش ئىلكىدە تۇرغان چېغىمدا، سۈبھىنىڭ سەلكىنى ئويغاتتى مېنى قارىسام كەڭ زىمىن ئۈستىبېشىغا، ئېھ يامغۇر ،باغاشلاپ تۇرۇپتۇ سىېنى باشقىچە زوقلۇنۇپ كەتتى بۇ دىلىم، ئىزدەيتتى ئۇ شۇنداق مەستخۇش پۇراقنى، ئىزگۈلۈك باغرىغا چېچىلغان يامغۇر، ئۆتەرمۇ ھېس قىلىپ مەندىن پىراقنى. چاپتىم مەن سىرىتقا ھېسلىرىم بىلەن، مەيدەمنى تولدۇرۇپ ئالدىم شوخ نەپەس. بىلمەيمەن بۇ قەلبىم تەبىئەت ئارا، بىر پەقەت يامغۇرغا قىلىدۇ ھەۋەس. دەقىقە نىگاھمۇ شۇنداق ھاياجان، ئىچىرە باقىدۇ كۆكنىڭ چېھرىگە. سوق شامال باغاشلاپ ئۈتىدۇ مىنى، مەن شۇنداق قانمايمەن ئۇنىڭ مىھرىگە. قەدىمىم ئاستىلار يامغۇر ۋەسلىچۈن، سۈيۈملۈك ئۇ ماڭا توختىسىمۇ گەر. سۆزلىرىم بار ئاڭا شۇنچىلىك تىمتاس، يامغۇرنىڭ قەلبىنى چۈشىنەر ئەكبەر. مىسالى چىرماشقان توغراق شېخىدەك، ھېسلىرىم يامغۇرغا چىرماشقان شۇنداق. ئۇنىڭدا بار ئىللىق سۆيگۈ،كۈتۈشلەر، ۋۇجۇدلار قەسرىدىن تارقىلار يىراق. يەنە بىر نەپەستە سۈمۈردۈم ھاۋا، بىلىندى بۇ ماڭا جاناننىڭ ھىدى. -ئيېت نىچۈن مەيدەڭنى ياقىسەن يەرگە？ سورىسام تامچىدىن ئۇ شۇنداق دېدى： مەنمۇ بىر سەرسانە ئاشىقمەن ئاشىق، زىمىننىڭ شۇ تىمتاس سۈكۈتلىرىگە. ئويلايمەن بىر ئۆمۈر سەۋدا بولساممۇ، چۈشمەيدۇ بۇ كۆڭلۈم ئۇندىن ئۆزگىگە. جۇدالىق ئازابى قىينايدۇ مىنى، كۈتىمەن شۇنداق بىر پەيىتنى دائىم. قانچىلىك بەدەللەر كەتسىمۇ مەيلى، تۆلەشكە رازىمەن ئۈچۈن ۋىسالىم. تامچىدىن چىققان بۇ  نىدانى ئاڭلاپ، تىترىدى ۋۇجۇدۇم  مىسكىنلىك ئىچرە. يامغۇرنىڭ تامچىسى ھېكمەتلىك ئىكەن، ئاشىقلىق ۋۇجۇدى بولماسكەن پارە. يامغۇردىن كىيىنكى بۇنداق بىر سەھەر، ھاياتىم يۇلىدا كۈرۈنمەس قايتا. ۋە لىكىن شۇ ئىزگۈ يامغۇر  ھېسلىرى، زىمىندىن ئەبەدكە ئۇنتۇلماس قايتا. تۈركلان شىخەنزە

nurjahan0997

	مەنمۇ يامغۇرلۇق كۈنلەرگە بەك ئامراق قېرىندىشىم، سۈپەتلىشىڭىز ئۆزگىچە ئىكەن.

turklan

	nurjahan0997 يوللىغان ۋاقتى  2013-12-3 03:07 PM مەنمۇ يامغۇرلۇق كۈنلەرگە بەك ئامراق قېرىندىشىم، سۈپەت ... مەمتىمىن چۇشۇرغا ئۇچۇق خەتنى  يازغان سىز   شۇغۇ   ؟ئەسەرىمنى ياخشى كۆرگىنىڭزگە رەھمەت .ئۇ تېمىدا دىيىلگەن ھېلىقى  ئەسەرنى  ئۆزۈملا   يېزىۋىتىمەنمۇ تېخى   .

ap~qilam

	ئېسىل لىرىكا،دەت كەلمىسۇن قولىڭىزغا

otyurak0999

	شېئىر شۇنداق نەرسەدۇركى، ئۇنىڭ پىراقى سىزنىڭ يامغۇرىڭىزدىن كۈچلۈك كىلەر. كىيىنكى ئىجادىيەتلىرىڭىزدە قايتا ئۇچىرىشىشىمىزغا مەدەتتىمەن.

othor

	ئېسىل  مىسرالار   ،   ھە  راست ،  تۈنۈگۈن  ئۈرۈمچىدە  يامغۇر  ياغدى  ،

zubayda0997

	مەنمۇ يامغۇرلۇق كۈنلەرگە بەك ئامراق .