ئەمەللىرىڭىز مەقبۇلىيەتكە ئېرىشكەندە......

yancin

	ئەمەللىرىڭىز مەقبۇلىيەتكە ئېرىشكەندە..       ئەتراپىمىزدا ئۈلۈم –يىتىم يىغىلىشلىرىدا نۇرغۇن (قارىماققا ياغلىق ئارتقان ،لېكىن كۆپتۈرۈلگەن چاچلىرىنىڭ ئېگىزلىكىدىن ھەقىقى بېشىنىڭ قانچىلىك ئىكەنلىكىنى بىلگىلى بولمايدىغان) خېنىملارنىڭ ئەمەل-ئىبادەتلىرى ھەقتە بەس-بەستە ماختىنىۋاتقانلىقىنى ئاڭلايمىز،ۋە يەنە توي-تۈكۈنلەردە يالاڭباش تۇرقى،قىسقا كىيىملەر ئىچىدە مانا مەن دەپ بىلىنىپ تۇرىدىغان ئەۋرەتلىرى ،ئويمىسىنىڭ چوڭلۇقىدىن سەللا ئېڭىشسە ئۇياتلىق يەرلىرى  كۈرۈنۈپ قالىدىغان ،پاك ئاللاھنىڭ رەسۇلى سۈيۈملۈك پەيغەمبىرىمىز(ئۇنىڭغا پاك ئاللاھنىڭ رەھمىتى ۋە سالامى بولسۇن)كۆرسەتكەندەك كىيىملىك يالىڭاچ تۇرقى  بىلەن ھىساپلاشماي يېرىم كېچىلەردە نامازلارنى قانداق ئۇقۇيدىغانلىقى ،قۇرئاننى قانداق ئۇقۇيدىغانلىقى ھەقتە سۈيۈنۈپ سوزلىشىۋاتقان خېنىملارنىمۇ ھەم ئۇچرىتىمىز. ، ئۆز ئەتراپىمىزدا  ،ھەتتا دائىرىمىزدە يەنە بەزى ناماز ئۇقۇيدىغان رۇزا تۇتىدىغان  قېرىنداشلارنىڭ ھارامدىن قول ئۈزمەي ،ناماز ۋاقتىدا نامازنى ئۇقۇپ ،باشقا چاغدا تاماكا چېكىپ،بىكار ۋاقتىنى تورنىڭ تۈگىمەس فىلىملىرىنى كۈرۈپ زايە قىلىپ ،ئەقىدە ئېتىقادتا توختام سۇدەك تۇرغۇن ھالەتتە تۇرىۋاتقانلىقىنى كۈرۈپ، ئۇچرىتىپ تۇرىمىز.       بىزنىڭ بارلىقىمىز بولغان پاك ئىسلام يەكلىنىۋاتقان، ，غېرىپلاشقان،تەرەپ تەرەپلەردىن دىن دۈشمەنلىرىنىڭ بۇزغۇنچىلىقى ،كەمسىتىشى ھەم يەنە كۆتىرەلمىسەڭ ساڭگىلىتىۋال دېگەندەك ئاللاھنىڭ رەھمىتىدىن مەھرۇم بولغان  بىر تىلدىكى كىشىلەرنىڭ ماسلىشىشى بىلەن مۇقەددەس دىنىمىز بىر خىل غېرىبانە ھالغا چۈشۈپ قالغان بۇ زامانلاردا ،پاك ئاللاھقا يەنە سان-ساناقسىز ھەمدىلەر بولسۇنكى نۇرغۇن سەجدە كۆرمىگەن پىشانىلەر ،ھەققە قۇللۇق قىلمىغان جانلار ،ئۆمرىدە ئاللاھنىڭ كەلىمىسىدىن بىرەر سۆزمۇ  ئېيتىپ باقمىغان تىللار.......يالغۇز ئاللاھنىڭ ھىدايىتى بىلەن ھەقنى تۇنۇۋاتىدۇ.ۋەيەنە نۇرغۇنلار ئۈزىنىڭ غاپىل دۇنياسىدا بەخىرامان ھالدا ئۈلۈمنى ئاللاھنى قەبرىنى ،قەبرىدىكى سۇئال-سۇراقلارنى قىلچە ئويلىماستىن ئۈزىنىڭ زالالىتىدە  شەيتان بىلەن ئۈلپەتلىشىپ بىخۇتلارچە ياشاۋاتىدۇ.      دۇرۇست بىز بىكار يارىتىلغان ئەمەس.پاك ئاللاھ ئىنسانلارنى ۋە جىنلارنى ئۈزىگە ئىبادەت قىلدۇرۇش ئۈچۈن ياراتقان.بىراق بىز ئىبادەتلەرنى قانداق قىلىۋاتىمىز؟؟؟پاك ئاللاھنى قانچىلىك تۇنۇۋاتىمىز؟؟؟نۇرغۇنلىرىمىز ماختىنىش ئىچىدە تىلغا ئېلىۋاتقان ئىبادەتلىرىمىز دەرگاھى ھەقتە مەقبۇل بولدىمۇ بولمىدىمۇ ؟؟؟؟؟مانا بۇلار ئاللاھقا  ۋە ئاخىرەت كۈنىگە ئىشەنگەن ھەر بىر قېرىندىشىمىزنىڭ ئويلىنىپ بېقىشى زۈرۈر بولغان مەسلىلەردۇر.       ئەتراپىمىزغا باقساق نۇرغۇنلىغان  ھەمشىرىلىرىمىزنىڭ ۋە قېرىنداشلىرىمىزنىڭ ئىبادەتلىرىنىڭ خۇددى چويلىغا سۇ ئالغاندەك نەتىجىلىنىۋاتقانلىقىنى كۈرۈپ تۇرىۋاتىمىز.بىر ياقتىن ئىبادەت  قىلىدۇ،سىرتلاردا يەنە ياتلاردەك يالاڭباش،ئەۋرەتلەر ئېچىلغان ھالدا  ياسىنىدۇ.جەينامازدا ئاللاھقا ئېسىلىدۇ ،بىراق ئاشۇ ئېسىلغان بىلەكلەر ناماز سىرتىدا ئۇچۇق تۇرۇپ شەيتانلارنىڭ  قوندىقى بۇلىدۇ.ئاللاھتىن نۇسرەت تىلەيدۇ،بىراق ئۈزىنى ئۆزگەرتمەيدۇ.يىللاپ-يىللاپ ئۇقۇغان نامازلىرى قەلبىدە سىلكىنىش پەيدا قىلالماي، سامان چۇغىدەك پىلىلداپ  تۇرغان تەقۋالىقىى بىلەن يەنە ئۈزىنى قالتىس سانايدۇ. نۇرغۇن نامازخان ھەمشىرىلەرنى ئون يىلدىن كىيىن ئۇچراتساڭمۇ يەنە شۇ تۇرقى ،گەپ سۈزى،شۇ ئىدىيەسى قىلچىلىك ئۆزگىرىش بولمىغان ھالەتتە بايقايمىز.بۇ خېنىملار قۇرئان قاچىلانغان مىڭىسىنى ئۇراپ تۇرغان باشلاردىكى چاڭگا چاچلىرىنى ياپمىغان ياكى يەنە تەڭدىن تۇلىسى ئۇچۇق تۇرغان.....ھەتتا خېلى تەقۋا سانىلىدىغان بىر قىسىم قېرىنداشلارنىڭ يەنىلا تاماكا چېكىشى ،قىز-ئاياللىرىنىڭ ياتلاردەك ياسىنىشىنى چەكلىمەسلىكى كىشىنى ئېچىندۇرۇدۇ.... بەزىلەر بولسا «قىياپەتتىن نىمە چىقىدۇ ،نىيەت ئەلا» دەپ كاكىراپ ئاۋازى پۈتۈپ كەتتىيۇ بىراق ،بۇنداق ئازغۇن گۇمراھ سەپسەتىسىنىڭ پۇت تىرەپ تۇرالمايدىغانلىقىنى بىلىپ تۇرۇپمۇ يەنە تەن بەرمەي بار ئاماللار بىلەن يالىڭاچلىقنى ھىمايە قىلىپ ئاللاھ ۋە ئاللاھنىڭ پەيغەمبىرى ئالدىدا گۇناھكار بولىۋاتىدۇ. نىيەت ئەلا ئىكەنلىكىنى چەتكە قاقمايمىز.لېكىن بەزىلەردەك «نىيەت ئەلا ،مەن  ئاللاھنى ياغلىق ئىچىدە ئەمەس يۈرۈكۈمدە ياد ئېتىمەنەي،ناماز ئۇقۇمىغىنىم بىلەن نىيىتىم ئۇنداق ياخشى -يەي ،پالانى ناماز ئۇقۇغىنى بىلەن ئۇندىغەي...مۇندىغەي... »-دەپ قۇيۇپلا ئەۋرەتلىرىنى ياپماي،ئاللاھ بۇيرۇغان ياخشى ئەمەللەرنى قىلماي،ئۈزىنى ھارامدىن چەكلىمەي يەنە ئاللاھنىڭ رەھمىتىنى ئۈمۈد قىلىش –قۇمغا سېپىل سالغانلىق خالاس!!!! شۈبھىسىزكى  ماي قاچىسى سىرتىدىن مەلۇم بولغاندەك قەلبىدە نىمە بولسا سىرتىغا شۇ چىقىدۇ.تۇلۇق ئۇرانغان ،ئەۋرەتلىرىنى ياپقانلار ئىچىدە بەلكىم  مۇسۇلمانى كامىل ئەمەسلەر (ھىجاپ ۋە ياغلىقلارنى ئۈزىنىڭ كىملىكىنى ،رەزىل قىلمىشىنى يۇشۇرىدىغان قالقان قىلىۋالغانلارمۇ بار ،لېكىن بۇنىڭلىق بىلەن پۈتۈن مۇسلىمەلەرگە قارا چاپلاش تۇلىمۇ نادانلىق) بار.لېكىن زالىمنىڭ بېسىمى بولمىغان ئەھۋاللاردىمۇ  يەنە ياتلار كەبىي ياسىنىپ،چاچلىرىنى يېرىم يېپىپ ياكى پۈتۈن ئۇچۇق قۇيۇپ ،پىنھان گۈزەللىكلەرنى نامايان قىلىپ  ،غىلجىڭلاپ يۈرگەن شەيتان خانلاردىن ،ۋە غۇرۇرلۇق ئەركەك تۇرۇپ خۇتۇنىنىڭ ئەۋرەتلىرىنى ياپقۇزالمىغان،دەييۈزلەردىن  بىرمۇ كامىل مۇئمىن يوق!!!!!! .چۈنكى  كىيىنىش ،كىيىندۈرۈش شۇ ئىنساننىڭ  ئەقىدىسىگە باغلىق!!!!!!    نىمىشقىكىن نىيەت ئەلا دېگەن بۇ سۆزگە نىسبەتەن ئىكككى خىل چۈشەنچىدىمەن .بىرى  بۇ سۆز بىر قىسىم ئادىمى شەيتانلارنىڭ ئۈزىنىڭ گۇمراھلىقىنى پەردازلاشتىكى  ئازغۇنلۇق شۇئارى بۇلۇپ كەلدى. مانا مۇشۇنداق شەيتانغا ئەگەشكۈچىلەرگە نىسبەتەن بۇ قىپقىزىل يالغانچىلىق خالاس.يەنە بىرى بۇنى ياخشىلىق تەرەپتە چەتكە قاقمايمىز.مەسىلەن بىر پەقىر ئادەم ئاللاھ يۇلىدا ياخشى ئىش قىلماقچى بولدى بىراق تۈرلۈك شارائىت بىقۇۋۇللىقى  ۋە خىلمۇ-خىل چەكلىمىلەر تۈپەيلىدىن ئويلىغىنىنى  قىلالمىدى .بۇكىشى گەرچە ياخشى ئىش قىلالمىغان بولسىمۇ بىراق ئاشۇ ياخشى نىيىتى بىلەن ساۋاپقا ئېرىشىدۇ..       ئىشقىلىپ ئەتراپىمىزغا باقساق بەزىلەرنىڭ ئەقىدە ئۆلچىمىنىڭ نەقەدەر چاكىنا ۋە شەرمەندە ئىكەنلىكىنى ۋىجدانلىق قەلىپلەرلا ھىس قىلىدۇ. تىما مەزمۇنىغا كەلسەم يەنە شۇ ئاياللارنىڭ گېپى.يېرىم كېچەلەردە قۇپۇپ ئاللاھقا ئىبادەت قىلغان ،جىسمى تەسىرلىنىپ قەلبى تەسىرلەنمىگەن ئاشۇ خېنىملارنىڭ  ،  توي-تۈكۈنلەردىكى يالاڭباش تۇرقى ،ياتلاردەك ياسىنىپ  كىيىنىشى ،ئەمەلىيىتىگە ھېچقانداق تەسىر كۆرسىتەلمىگەن نامازلىرىنى قانداق چۈشەنسەك بۇلار؟؟؟؟؟ ناماز ئەگەر ئاللاھنىڭ ئالدىدا مەقبۇلىيەتكە ئېرىشسە  ھەقىقەتەن گۇناھلاردىن توسقۇچى ئىدى.بىراق نۇرغۇنلىرىمىز ھەممىنى بىلىمىز ئەمەل قىلمايمىز.گۇناھنى بىلىمىز لېكىن يانمايمىز.نامازنىڭ ئەركانلىرىنى شۇنداق چىرايلىق قىلىمىز لېكىن تۇرقىمىز يەنە ياتلاردەك!!!!!!يەنە تېخى ئىبادەتلىمىز توغرىسىدىكى پاراڭلارنى باشقىلار ئاڭلىماي قالمىسۇن دېگەندەك كۈچەپ ماختىنىمىز.ھەقىقى تەقۋالار« نامازنىڭ ھۆرمىتىنى قىلىڭ» دەپ سۆزلىسە بىردىنلا پېتىمىزنى بۇزۇپ «نىيەت ئەلا،مەن بۇنداق يۈرگىنىم بىلەن كېچىلەر ئۇخلىمايمەن.قۇرئان ئۇقۇيمەن.نىيىتىمنى ئاللاھ بىلىدۇ ئاشۇ ئىسلامچە كىيىنىپ يۈرگەنلەردىن سۇراڭە مەن بىلگەننى بىلەمدۇ،مەن ئۇقۇغاننى ئۇقۇغانمۇ» دەپ تۇۋاقلايدۇ.بەلكىم شۇنداقتۇ،ئاشۇ ئەۋرەتلىرىنى يۆگەپ يۈرگەن ھەمشىرىلىرىمىز بەلكىم ماۋۇ مودا خېنىملار بىلگەننى بىلمەس،بىراق جەننەتكە ھەقنى بىلگەنلا  ئەمەس، بەلكى ھەقنى بىلگەن ھەم ئەمەل قىلغانلار كىرىدۇ.بىلگەننى مەدھىيلەشكە توغرا كەلسە مەخلۇقات ئىچىدە شەيتانغا يىتىشەلەيدىغىنى يوق .بىراق  پەرىشتىلەرگە دەرس بەرگەن شەيتان ئەمەل قىلمىغانلىقتىن لەئىنلىككە گىرىپتار بولغانغۇ!!!!!!!!!!!!!!!!!! ئەۋلاتلارنىڭ پەرۋىشكارى بولغان قىز-ئاياللارنىڭ دىن ۋە شەرىئەتتىن بىخەۋەر قىلىشى بىزنىڭ نۇرغۇن تىراگىدىيىلىرىمىزنىڭ خېمىر تۇرۇچى بولماقتا .......ئىنسانىيەتنىڭ ئۇستازى، قەۋىمنىڭ ئانىسى بولغان خېنىملارنىڭ ئەقىدىسىزلىكىدىن خائىن ئەۋلاتلار يىتىشمەكتە.دەييۈزلۈك ئىجتىمائىلىققا ئايلانغان بۇ كەملەردە كۇفرى ئۈستۈنلۈكنى ئىگىلىمەكتە.ئانىلىرى گۇمراھ بۇ ئەلنىڭ ۋارىسلىرى ئازماقتا ..... نەزىرە خېنىمنىڭ «شەرق يۇلتۇزلىرىنى ئىزلەپ« دېگەن كىتاۋىنى ھەر ئۇقۇسام قەلبىم ئۆرتىنىدۇ.ئاھ !قانداق پاك ئانىلار ئىدى شۇلار؟؟؟ھەر بىر ئىش-ھەركىتىدىن بالىلارغا باھادىرلىق ،مەردانىلىق چەشمىلىرى تاراملاپ تۇرىغان ئۇل ئانىلار ئىچىدە بىزنىڭ مىلىتىمىزدىنمۇ بار ئەمەسمىدى؟؟؟؟ ئىسلام تارىخىدا يۇلتۇزدەل چاقناپ تۇرغان ئۇل مۇبارەك ئانىلارنىڭ ئەقىدە –ئېتىقاد جەھەتتىكى يەكتالىقىنى قايسى تىل بىلەن تەسۋىرلىسەك بۇلىدىكىن؟؟؟؟؟؟؟ ئەي كېچىلىرى ئىبادەت قىلىپ ، ئاز ئۇخلايدىغان  ھەمشىرەم(شۇنداق قىلىدىغانلىقىڭىزنى ئۈزىڭىز ئېيتقان) ئەمەللىرىڭىز مەقبۇلىيەتكە ئېرىشسىدى ،سىز ئۈزىڭىزنىڭ قىياپىتىنى  جىددى تەرتىپكە سالغان بۇلاتتىڭىز. ئەي ياتلاردەك كىيىنىپ ئەۋرەتلىرىنى نامايان قىلىپ يۈرىدىغان ھەمشىرەم ئەگەر ئەمەللىرىڭىز مەقبۇلىيەتكە ئېرىشسىدى， سىز ئۇچۇق قالسا قەبرە ئازابىغا سەۋەپ بۇلىدىغان ئاشۇ چاچلىرىڭىزنى قازاندەك چۇڭايتىش تۈگۈل بىر تالنىمۇ ئۇچۇق قويمايتتىڭىز. ئەي ئاپئاق بۇيۇنلىرىدا نازۇك زەنجىرلەرنى چاقنىتىپ ئۆز گۈزەللىكىڭىزدىن سۈيۈنۈپ يۈرگەن قېرىندىشىم ئەگەر ئەمەللىرىڭىز مەقبۇلىيەتكە ئېرىشسىدى قەبرىدىكى يىلان-چايانلارنى ئويلاپ نامەھرەملەر ئالدىدا ھەرگىزمۇ زىننەت بۇيۇملىرىڭىزنى ئاشكارلاپ يۈرمەيتتىڭىز. ئەي! قەلەم قاشلىقلار ئەگەر ئەمەللىرىڭىز مەقبۇلىيەتكە ئېرىشسىدى ،قېشىڭىزنى يەنە قايسى يەردە ياسىتىش  خىيالىدا ئەمەس بەلكى بۇرۇنقى غاپىل نادان چاغلاردا شەيتاننىڭ كەينىگە كىرىپ سېلىپ چەكتۈرۈۋەتكەن قاشلىرىڭىز كۆزلىرىڭىز ئۈچۈن سان -ساناقسىز ئىستىغپارلارنى ئېيتىپ، يەنە تەردۈرۈش ئەمەس بەلكى يۇغۇزىۋېتىش كۇيىدا بولغان بۇلاتتىڭىز.چۈنكى سۈيۈملۈك رەسۇلىمىز خال قويدۇرغانلارنىڭ (قاش كۆز چەكتۈرۈش بەدىنىگە گۈل چەكتۈرگەن) ئاللاھنىڭ ئاتا قىلغىنىغا  شۈكرى قىلماي مەخلۇقاتلارنى ئۆزگەرتكەنلەر سانىلىدىغانلىقى  ھەقتە بىرمىڭ تۆت يۈز يىل بۇرۇنلا خەۋەر بەرگەن. ئەي قۇرئاننى تەجۋىد بىلەن ئۇقۇيدىغان ھەمشىرەم ئەمەللىرىڭىز مەقبۇلىيەتكە ئېرىشسىدى كىيىملىك يالىڭاچلار توپىغا ئوخشاپ قالمايتتىڭىز.ئاشۇ قۇرئاننى ئۇقۇش ئۈچۈن يۈكۈنگەن پۇتلىرىڭىز ،قۇرئانغا سۇنۇلغان قوللىرىڭىز(بىلەكلەر)يالاڭ ئەت ھالدا رەستىلەردە نامايان بولمايتتى. ئەي ئىسلامى بىلىملىرىدىن ماختىنىۋاتقان قېرىندىشىم ئەگەر ئەمەللىرىڭىز مەقبۇلىيەتكە ئېرىشسىدى ،تۈرلۈك يىغىلىشلاردا ناماز ۋاقتى بولسىمۇ پىسەنىت قىلماي ،ئەكسىچە نامازغا تۇرغانلارنى خۇددى باشقىلارغا كۆز-كۆز قىلدى دېگەندەك چۈشۈنۈپ قېلىپ (ھەتتا جەڭ مەيدانىدىكى مۇجاھىدلارمۇ ناماز ۋاقتىغا رىئايە قىلىۋاتسا)- «مەن ئۆيدىن باشقا يەردە ناماز ئۇقۇمايمەن،خۇددى باشقىلارغا كۆرسەتكەندەك»-دېگەنگە ئوخشاش پاسىق سۆزلەرنى قىلمايتتىڭىز.چۈنكى ناماز ۋاقتى بىلەن پەرىز قىلىنغان. ئەي ئۈزىنى دىندا ئىلگىرلىگەن ھىساپلايدىغان دوستۇم ئەگەر ئەمەللىرىڭىز مەقبۇلىيەتكە ئېرىشسىدى ،يەنە پادىچىلار شىمىنى ،ۋە باشقا شىملارنى ،تار پوپايكىلارنى كىيىپ ،شەيتانغا شۇتا بۇلۇپ  سېركول كەبىي نايناقلاپ يۈرمەيتىڭىز..پەيغەمبىرىمىز ئەرلەردەك بۇلىۋالغان ئاياللارغا ۋە ئاياللاردەك بۇلىۋالغان ئەرلەرگە لەنەت قىلغان.شىم –ئىشتانلار ئەرلەرنىڭ خاس كىيىمى بۇلۇپ ئاياللارغا زىنھار جايىز ئەمەس. ئەي ئۈزىنى ئىمانلىق سانايدىغان قېرىندىشىم ئەگەر ئەمەللىرىڭىز مەقبۇلىيەتكە ئېرىشسىدى ،بوش ۋاقىتلىرىڭىزنى ھاياسىز مۇھەببەت ناخشىلىرىنى ئاڭلاش ياكى توردىكى لاۋزا ئۇيۇنلارنى ئويناش،ئۈندىداردىكى ناتۇنۇش بولغان يات جىنىسلىقلار بىلەن (  يېزىق بىلەن بولسىمۇ بولمايدۇ.)پاراڭلىشىش قاتارلىقلار    بىلەن ئوتكۈزمەي زىكرى،تەسبىھلەر بىلەن قەلبىڭىزنى پاكلايتتىڭز،... ئەي ئۈزىنى ئىلىمنىڭ ساھىبى سانايدىغان ،يازمىلىرىدا قۇرئان ھەدىسلەردىن نەقىل كەلتۈرۈپ سۆزلەيدىغان مەشھۇرلار  ئەگەر ئەمەللىرىڭلار ئاللاھنىڭ ئالدىدا مەقبۇلىيەتكە ئېرىشسىدى ،ئەھلىڭلارنىڭ يېرىم -يالىڭاچ، چاڭگا چاچ تۇرقىنى ھەرگىز ھەرگىز توغرا چۈشەنمەيتتىڭلار..............ئېسىڭلاردا بولسۇن سىلەر ئەڭ ئاۋۋال نىمىشقا ئەھلىڭلارنى ئەۋرەتلىرىنى يېپىشقا دەۋەت قىلمىغىنىڭلاردىن ،ئاندىن   ئىلمىڭلارنى نىمىگە ئىشلەتكىنىڭلاردىن سۇرىلىسىلەر. ئەي بىر ياقتىن ناماز ئۇقۇپ ،بىر ياقتىن تاماكا بىلەن كۆيدۈرۈرۈپ تۇزۇتىۋاتقان قېرىنداشلار ئەگەر ئەمەللىرىڭلار مەقبۇلىيەتكە ئېرىشسىدى ،جەھەننەم چۇغى بولغان ھارامنى ،شەيتاننىڭ ئېمىزگىسى بولغان نىجىسنى تاشلىغان بۇلاتتىڭلار.ھارام خۇمارى يامانمۇ ئاللاھنىڭ ئازابىمۇ؟؟؟؟سىلەر خۇددى يەرنى پاكىزە سۈرتۈپ بۇلۇپ  ئارقىدىن گەندىگە پېتىقلىغان ئاياغ بىلەن سەكرەپ ئوينىغان كىچىك بالىنىڭ ئىشىنى قىلىۋاتىسىلەر.چىن دىلىڭلاردىن ھارامنى تاشلاشقا نىيەت قىلمايۋاتىسىلەر.«تاشلىيالمايمەن»- دېگەن ئىرادىسىزلىك ۋە بۇشاڭلىق بولغاچقا شەيتان سىلەرنىڭ ئىمانىڭلارنى خىرەلەشتۈرۈپ ،جاسارىتىڭلارنى لەش قىلىۋاتمامدۇ؟؟؟؟؟يەنە تېخى تالايلىرىڭلار رامزانى مۇبارەكتە رۇزىنى تۇتۇپ،ئاللاھنىڭ رىزاسى ئۈچۈن ئاچلىق ئۇسسۇزلۇققا چىداپ ،نامازارنى ئۇقۇپ ،ئىپتار قىلىپلا يەنە شۇ ھارامنى ئىمىش ئۈچۈن دالدا بۇلىۋاتمامسىلەر؟؟؟؟؟؟؟؟ رۇزاڭلارنىڭ ساۋابىنى ئاللاھ بېرىدۇ.بىراق يەنە ھارام بىلەن داغلىغىنىڭلارنى نېمە دېسەك بۇلار ؟؟؟؟ئاللاھ سىلەرنى كەچۈرسۇن ئەي قەۋىمنىڭ پاشپاناھلىرى!!!!!!!!!!ئاللاھ ۋە ئاللاھنىڭ پەيغەمبىرى چەكلىگەن بىر ھارامنى تاشلىيالمايۋاتقان ھالىڭلارغا بىزلەر قانداقمۇ سىلەر بىزنىڭ تۈۋرۈكىمىز ۋەتەن مىللەت ئۈمۈدى، دەپ ئېيتالايمىز.ئاللاھ ھارام قىلغان نىجىسنى تەرك ئېتەلمىگەن ھالىڭلاردىن بىز قانداقمۇ نۇرانە  رېئاللىقنى كۈتەلەيمىز!!!!!!!!!!!چۈنكى كىچىك-كىچىك ئىشلاردىن چوڭ ئىشلار ۋۇجۇتقا كېلىدۇ،تارام-تارام ئېقىنلاردىن بۈيۈك ئېقىنلار ھاسىل بۇلىدۇ.... دەرۋەقە ھارام خۇمارى ھەر قانچە يامان بولسىمۇ ،بىرەر قېتىم بولسىمۇ  چىن دىلىڭلاردىن«ئەي مېھرىبان ئاللاھىم،مېنى ھارامدىن ئاجرىتىپ قويسىلا ،مەن ئاجىز كەلگەنگە ئۆزلىرى ئاجىز ئەمەس،مېنى كامىل مۇسۇلمانلاردىن قىلسىلا رەببىم»-دەپ ئۈزىڭىزگە دۇئاقىلىپ باقتىڭىزمۇ؟؟؟؟شۈبھىسىزكى ئەمەللەر مەقبۇلىيەتكە ئېرىشكەندە ئىش-ھەركەتلەردە بۇرۇلۇش ھاسىل بۇلىدۇ. ئاياللار تۈزەلسە مىللەت تۈزىلىدۇ.ئاتىلار ئىمانلىق ئەلنىڭ قىز-ئاياللىرىدا ھايا بۇلىدۇ.ئانىلارنىڭ تەقۋالىقى بىر مىللەتنى قايتىدىن يارىتالايدۇ.ئاتىلارنىڭ غەيۇرلىقى پەرزەنتلەرنىڭ غۇرۇر شەمشىرىنى ئالماستەك چاقنىتىدۇ. ئانىلارنىڭ گۇمراھلىقى ۋە ئازغۇنلىقى ئەۋلاتلارنى قۇللۇق ،مەھكۇملۇققا بەنىت قىلىۋېتىدۇ.ئاتىلارنىڭ ئىمانسىزلىقى دەييۈزلىكى قىز-ئاياللارنى قەدىرسىزلىق سەينالىرىدا كۈز خازانلىرىدەك ئۇچۇرۇدۇ. ئازغۇن ئانىلار خائىن بالىلارنى تۇغىدۇ.غۇرۇرسىز ئاتىلار چېقىمچى يالاقچى پەرزەنتلەرنى تەربيلەيدۇ گۇمراھ ئانىلارنىڭ بالىلىرى  ئەقىدىسىز چوڭ بۇلىدۇ.دەييۈز،ئىمانسىز ئاتىلارنىڭ قىز-ئاياللىرى ياپراقسىز گۈلدەك خۇنۇك چوڭ بۇلىدۇ. شۇڭا بىز ئەقىدىلىك پاك ئانىلارغا،غۇرۇرلۇق ،ۋىجدانلىق ئاتىلارغا  مۇھتاج ئىدۇق.بىراق نۇرغۇن  ئانىلار ، سېۋەتكە سۇ ئۇسۇش بىلەن ئۈزىنى قالتىس چاغلاپ يۈرۈشمەكتە،ئاتىلار بولسا ئەھلى-ئاياللىرىنىڭ يالىڭاچلىقىنى گۈزەللىك،ۋە بىر نىمىلەرنىڭ.... ئېھتىياجى  دەپ توغرا چۈشۈنۈپ ،دەييۈزلۈك تاجىنى تاقاپ ،بۇ دەييۈزلۈك تاجلىرىنىڭ ئەرلىك غۇرۇر ۋە سالاپەتنى ئاجىزلاشتۇرغۇچى شەرمەندىلىككە ھامىلدار پاسكىنا نۇرلىرىدا غاپىل يۈرۈشمەكتە. ئەي قېرىندىشىم ئەگەر ئەمەللىرىڭىز دەرگاھى ھەققە ئۆرلىسىدى سىزنىڭ ناماز ئۇقۇمايدىغان چاغلىرىڭىز بىلەن ناماز ئۇقۇيدىغان چاغلىرىڭىز ئوتتۇرىسىدا ئاسمان-زېمىن پەرىق بولغان بۇلاتتى سىز ناماز ئۇقۇپسىزبىراق يەنە ئەۋرەتلىرىڭىزنى يېپىشنى خىيالىڭىزغا كەلتۈرمىگەن بولسىڭىز ،ئۇزۇن كىيىملەرنى كىيىشنى بىر خىل مەتولىق دەپ قارىغان بولسىڭىز ،چاچلىرىڭىزنى كۈندە ئاتتۇرۇپ،شەيتان كۆزلۈك قىسقۇچلارنى قىسىپ ، مىڭ ياڭزا ياساپ يالاڭباش  يۈرگەن بولسىڭىز ياكى يالاڭباشلىقتىن پەرىقسىز ھالدا نىپىز سۈزۈك روماللارنى خۇددى  ياغلىق ئارتقاندەك خاتىرجەم ئارتىپ يۈرىۋەرگەن بولسىڭىز ،شىملارنى كىيىپ ،سېركول كەبىي تۇرقىڭىزدىن قورۇنماي يۈرگەن بولسىڭىز ،ئىشخانىلاردا يات ئەرلەرئالدىدا تاشقى كىيىملىرىڭىزنى سېلىۋېتىپ تار پوپايكىلىق تۇرقىڭىزدىن خىجىللىق ھىس قىلمىغان بولسىڭىز،ياغلىققا ئىتتەك قاۋايدىغان ۋىجدانسىز ئىش بېشى يوق يەرلەردىمۇ ،يەنە ياغلىقىڭىز بوينىڭىزغا چۈشۈپ قالسا ،بىر غېرىچ يوپكىڭىز سېمىز يۇتىلىرىڭىزنى ياپالمىسا ،تۈگىنىڭ لۇكىسىدەك كۈرىنىدىغان بېشىڭىز كىچىكلىمىسە،ھەدىسىلا نىيەت ئەلا دەپ يالىڭاچلىققا چاپان ئىزلىسىڭىز ،قىزلىرىڭىزنىڭ،ئەھلىڭىزنىڭ   بودەك ئېيىقتەك كىينىشىنى،كالتە كۈچۈكتەك ياسىنىشىنى   توغرا چۈشەنسىڭىز ...........................بىلىپ قېلىڭكى قېرىندىشىم سىزنىڭ ئەمەللىرىڭىز قۇبۇل بولمىغانلىقنىڭ ئالامىتىدۇر ئىھتىمال بەزىلەر ناماز ئۇقۇيدىغانلارنى مۇشۇنداق دېسەك ئەمىسە بىر ۋاقمۇ ناماز ئۇقۇمايدىغانلارچۇ دەپ قالار.پەيغەمبىرىمىز «ناماز دىننىڭ تۈۋرۈكى،مۇسۇلمان بىلەن كاپىرنىڭ پەرقى   » دەپ ئېيتقان. دىنىمىزنىڭ تۈۋرۈكى،مەۋجۇتلۇقىمىزنىڭ يىلىكى  بولغان نامازنى تۈزۈكرەكمۇ ئۇقۇماي ،ئۇقۇسىمۇ نامازنىڭ ھۆرمىتىنى ساقلىماي يۈرگەنلەر بىىپ قېلىڭلاركى ئىمان دېگەن دىلدا ئىشىنىش،تىلىدا تەستىقلاش،ئاندىن ئەمەلىيىتىدە ئۇرۇنلاش دىمەكتۇر.دىلدا تەستىقلاپ قۇيۇپلا نىيەت ئەلار دىگۈچىلەر،ياكى دىلىدىمۇ تەستىقلاپ ،تىلىدا ئېيتىپ بۇلۇپ ئەمەلىيىتىدە ئۆزلەشتۈرەلمىگەنلەر ھەممىسى رىياكارلاردىندۇر.ئەمەلىيەتتە كىشىنىڭ يۈرۈش-تۇرۇش  ئىش-ھەركەتلىرىگە تەسىر كۆرسىتەلمىگەن نامازلار مەقبۇل بولمىغان نامازلاردۇر.   ، ئەي قېرىندىشىم ئەمەللىرىڭىزنىڭ  مەقبۇلىيەتكە ئېرىشكەن ئېرىشمىگەنلىكىنى –خاتىرجەم بۇلۇڭكى بىر كۈنلەردە چۇقۇم بايقىيالايدىغان بۇلىسىز.چۈنكى  پاك ئاللاھ نېسىپ ئەتسە -ئەمەللىرىڭىز قۇبۇل بولغاندا يۈرۈش-تۇرۇش،گەپ سۆز ئىش-ھەركەت ئىشقىلىپ ھەممەتەرىپىڭىزدە مىسلىسىز بىر خىل بۇرۇلۇش ھاسىل بۇلىدۇ.ئەگەر ئەمەللىرىڭىز قۇبۇل بولسىدى( باشقىلار تۈگۈل ھېچبولمىسا )ئۈزىڭىزنى ،ئائىلىڭىزدىكىلەرنى بولسىمۇ ئىسلامغا ئويغۇنلاشتۇراتتىڭىز. ئويغۇنلاشتۇرالمىسىڭىزمۇ يېقىنلاشتۇراتتىڭىز.يېقىنلاشسا ئاللاھ خالىسا چۇقۇم ئۇيغۇنلىشىدۇ ئاخىر!!!!!! مەنبە؛-ئاللاھنىڭ مەدىتى      ھېجرىيە 1435-يىل مۇھەررەم      ئەسەرنى ياقتۇرغان قېرىنداشلارنىڭ ئۈن دىدار ۋە باشقا مۇنبەرلەرلەرگە يوللاش ئۇيى بۇلۇپ قالسا مۇنبەر نامىنى ئەسكەرتىپ قويساڭلاركەن.ھەممىمىزگە ئاللاھ رەھمەت قىلسۇن!!!!!

Gvlbargi0999

	قېرىندىشىم، ئۇلۇق ئاللاھ سىزگە كۆپلەپ ئەجىرلەر بەگەي! بىزنى ھەر دائىم مۇشۇنداق ئىسىل يازمىلىرىڭىز بىلەن تەمىن ئىتىپ،قەلىپلىرىمىزنى ئېرىتىسىز. قەلەم تۇتقان قوللىرىڭىزگە دەتلەر كەلمىگەي!ئىككىلى دۇنيادا شۆھرەت تاپقايسىز!

dunya005

	ئاللا ھەممىمىزگە تەۋپىق ،ھىدايەت ئاتا قىلسۇن،ئاللا قەلبىمىزنى  ئىمان نۇرى بىلەن نۇرلاندۇرسۇن. ئاللاھ قا ئەگەشسەڭ جەننەتكە ئاپىردۇ شەيتانغا ئەگەشسەڭ دوزاققا ئاپىردۇ ھەسەل ھەرىسكە ئەگەشسەڭ گۇل چىمەنگە ئاپىردۇ چىۋىنغا ئەگەشسەڭ خالاغا ئاپىردۇ

tuba

	ئاللاھ ئەجرىڭىزنى بەرسۇن ‹

abduwayt

	راسلام بىزدىكى ئىللەتلەر ساناپ تۇگەتكوزىز ھەم توزتۆپ تۇگەتكۇسىز ئىللەتلەر كۇپكەن . مۇنداق تىمىلاغا ئادەممۇ كىرمەيدىكەن ھە. بىزگەغۇ ناۋادىكى دەك ناخشا ئۇسۇللام بۇلسا باشقىسى بۇلمىسا بۇلالىۋىردۇ  ناخشا ئۇسۇلنىڭ پايدىسىنى قانداق بىر ئادەم مەخلۇق كۇردىكى تاڭ مەنئاڭلاپمۇ باقماپتىمەن يا خەۋەرسىز قالدىممۇ. تۇۋە نەئۇزىبىللاھ

706

	ئەسسالامۇ ئەلەيكۇم ئەي مۇسۇلمان قېرىنداشلىرىم ئەڭ ئالدى بىلەن جانابى ئاللاھ ئىككى دۇنيالىق نۇسرەت ئاتا قىلسۇن  ئامىن   مانا مۇشۇنداق ئاللاھ دۇسلارى ( تۈۋبە ئىتىغپار كۆپلەپ ئۇقۇڭلار  مەھدى دىن بىشارەت بار بۇنىڭ ئاخىرى قىيامەتتۇر باشقا يول تۈگىدى  ) دەپ ئۆز ئاغزى بىلەن بىزگە بىلدۈرگەن ۋاقىتتا مانا مۇشۇنداق مۇھاكىمە ۋە ئەقەللى پىكىر بىلەن ئۇيغۇرلارنىڭ ھالىنى  ئاڭ تەپەككۇرىنى قوزغاش ۋە ئېچىش  ئۇيقىدىكى دىللارغا كۈچلۈك بىر گۈدۈك ئاۋازى بىلەن ئويغاتماق بۇلغان شۇ ھارماس قوللارغا قىيامەتتە ئاللاھ ئىگەم ئۆزى شاپائەتچى بولسۇن  ئامىن      كەمىنە ئوغۇز ئارسلان تېكىن

gulkalam

	رەھمەت قېرىندىشىم ناھايتى ياخشى تىما يوللاپسىز،مۇشۇنداق ئېسىل تىمىنى تەستىقلىغان باشقۇرغۇچىغا ھەم رەھمەت.  ھىكايە ،رومانلارنى ئوقۇش بىلەن ئالدىراش بۇلۇپ كەتكەن تورداشلارنىڭ كۆز قۇيرۇقلىرىدا بولسىمۇ بۇياقلارغا قاراپ قۇيۇشىنى ئۈمۈد قىلىمەن.

nurjahan0997

	تېما ئىگىسىگە ئاسانلىق بەرسۇن .تولىمۇ ياقتۇردۇم

tumaris124

	ئاللاھ ئەجرىڭىزنى بەرسۇن قېرىندىشىم