چوقان: نەسىرلەر...

چوقان

	كىچىككىنە قارا كۆز... كۆزلىرىڭ بۇلاقلىرىغا چۆكۈۋاتقان ھېسلىرىمنى سىزەلمىدىڭمۇ؟ تەلمۈرۈپ بىقارار ئۆتكەن كۈنلىرىمنى بىلەلمىدىڭمۇ؟ يولىرىڭ نىگاھلىرىغا چېچىلغان ئىزلىرىڭنى ئىستىبان خىيال دەرياسىدا قىينىلىپ سەن ھەققىدىكى چۆچەكلىرىنى داۋاملاشتۇرىۋاتقان ئاشق يۈرىكىمنىڭ تىپىرلاشلىرىنى ئاڭلىيالمىدىڭمۇ؟ بىقارارمەن سەنسىز كېچىلەردە ئۇيقۇ دۈشمىنىگە ئايلانغان... سۈكۈتلىرىم ئۈنسىزلىككە باش قويدى. سېغىنىشلىرىم سېنى مەنا قىلدى. جانان كوچىسىدا تال- تال چاچلىرىڭنى ئوينىتىپ، ئەتلەس كۆڭلىكىڭنىڭ گۈزەللىك بالقىپ تۇرغان بەدەنلىرىڭدىن ئويناۋاتقان تۇيغۇلىرىنى، گىلەم دوپپاڭدىن چاقناپ تۇرغان ئۇيغۇر لىرىكىسىنى ئوقۇپ، «كىچىككىنە قارا كۆز» ناخشىسىنى زىكرى قىلىۋاتقان ئەكسىڭ سىزىلغان. ئۇيغۇر قىزلىرىنىڭ شەرمى ھاياسىغا چۆمۈلۈپ، چىن مۇھەببەتنى پەپىلىتىۋاتقان قارا كۆز يايرىم تەنلىرىم ياپراقلىرى ساڭا قۇچاق ئېچىۋاتىدۇ. خۇدا ئاتا قىلغان پاك نىيەتلىرىڭنى ۋە توقسەن توققۇز پىرسەن شەرم ھايانى جىلۋىلەندۈرۈپ يۈرىكىم تەكتىگە ئوت ياققىن. كېچىلىرىمنىڭ ھالرەڭ چۈشلىرىدە ئاشق كۆزلىرىمنى، سەۋدا سىمايىنى كۆرەلمىگەن بولساڭ، سەھەر گۈلشەنىدە قىزىلگۈل بولۇپ يۈز ئاچقىن. مەن بولبۇل بولۇپ خەندان قىلاي. شەرم- ھايالىرىڭدا ئېقىپ كېتەي. بىز مۇھەببەتنى ئەشۇ يەردە پەپىلتەيلى... «كىچىككىنە قارا كۆز» يايرىم، ئەجدادلىرىمدىن، ھايالىق ئانىلىرىمىزنىڭ ئەخلاق بابىدا يىگانە تەربىيلىگەن قىزلىرىدىن ئودۇم ئېلىپ ئۇيغۇر قىزلىرىنىڭ ئۇستىخانلىرىدا يېيىلغىن... بارغانسىرى ئۆچۈپ كەتكەن ھايا، يالاڭباش، يالاڭپاچاق، يالاڭ بىلەك، يالاڭلاۋاتقان نۇمۇس، پەردىشەپنى ئۇنۇتقان، ھەر خىل گىرىمدىن رەڭ ئالغان يۈزلىرىدىكى نۇمۇسسزلىقنى ھايالىرىڭ بارماقلىرىدا قاتتىق قامچىلىغىن. ئۇلار سەن ئارقىلىق ھەقىقەتنى تۇنۇۋالسۇن. شەھۋەت قايناۋاتقان مەيدىلىرىنى يېپىۋالسۇن... ئۇلارغا ئۇيغۇر قىزلىرىنىڭ ساپ، سەمىمىي ۋە پاك قەلبىنى تۇنۇتقىن. ئۇلار ئۇيغۇر قىزلىرىنىڭ ئەسلىنى، نەسلىنى، يېلتىزىنى تېپىۋالسۇن. شەرق گۈزەلىرى ئۇلارنىڭ ھايالىرىدىن ئەيمەنسۇن... «كىچىككىنە قارا كۆز» يايرىم... ماڭا سەمىمىي مۇھەببىتىڭنى بىغىشلىغىن. بىز كەلگۈسىنى يارىتايلى. ئەنئەنىمىزنىڭ ئەخلاق قاراشلىرىنى قېزىپ كەلگۈسىگە ئېلىپ بارايلى. زېمىن، ئاسمان، قۇياش، ئاي، يۇلتۇز... ھەممە- ھەممىسى ئەيمەنسۇن، ھەيران قالسۇن... «كىچىككىنە قارا كۆز» يايرىم... بەخىت قوينىمىزدا «خانلەيلۇن» غا جۆر بولسۇن. غۇلجىنىڭ كەڭ يايلاقلىرىدەك يېشىللىقىمىزنى ھاياتنىڭ سېھرلىك بەتلىرىدە نۇرغا چۆمدۈرەيلى...

turklan

	قۇرلىرىڭىزدىن گۈزەللىكىنى بايقاشقا ئاجىزلىق قىلدىم،لىكىن مۇڭلۇق لىرىكىلار ماڭا ھۇزۇر بېغىشلىدى.رەھمەت

چوقان

	خەت(1) ئەسسالام قارا كۆز! ياخشى تۇرىۋاتامسىز؟... مەنىسىز ھاياتنىڭ بىر بېتىدە تەلمۈرۈپ ئولتۇرغان ئاشىقىڭىز، جىمجىتلىقىنى خەتلىرى بىلەن داۋاملاشتۇرماقتا. تالاي قېتىم كۈلگە ئايلانغان خەتلەر ئارىسىدا سىزگە يېزىۋاتقان ئۇشبۇ خەتلىرىممۇ، يۈرىكىمنىڭ چوڭقۇر قاتلىمىدىكى ئازابلىرىمنى بايان قىلىشتىن باشقا نەرسە ئەمەس ئىدى. بەلكىم يەنە يەتتە يىلدىن كېيىن خەتلىرىم قولىڭىزغا تېگىپ قالسا ھەيرانلىقتا كۆزلىرىڭىزنى ئېچىپ قىلىشىڭىز مۇمىكىن. پەقەت ئاشىقىڭىزنىڭ سىزگە بولغان تەلپۈنۈشلىرىنى، سېغىنىشلىرىنى خەتلىرى ئارقىلىقلا بەرھەم تاپقۇزىۋاتقانلىقىدىن خەۋەردار بولۇپ قالارسىز... بەرىكەتسىز ئۈتىۋاتقان ھاياتقا بېقىشقا رايىم قالمىدى. ۋاقىتقا ئىسىلىپ قالغان تەنھالىقىم كۈتۈشلەرىدىن سىزنى ئىزدىمەكتە. تۈن نىسبىدە يۇلتۇزلاردىن كۆزلىرىڭىزنى سەۋدايىلارچە ئىزدەيمەن، كۆزلىرىڭىزنى بىرەر قېتىم بولسىمۇ يۇلتۇزلار ئارىسىغا يوشۇرۇپ قويمىدىڭىز. مەن ھەم ئىزدەپ تالمىدىم. كۈتۈشنىڭ مىسكىن بېتىدە ئولتۇرغان چىغىمدا ماڭا قىپقىزىل ئالمنى سويۇپ بەرگەن چاغلىرىڭىز كۆز ئالدىمغا كېلىۋالىدۇ. سىزنى سېغىنىپ ئىچ-ئىچىمدىن بوقۇلداپ يىغلىغۇم، كاچاتلىرىمنى قاتتىق ساۋۇغۇم كېلىدۇ. يەتتە يىل مۇقەددەم سىز ئىككىمىز ياشارغان توپىلىق يولدىن چىقىپ كەتتىڭىز. ئۇ كۈنى سىزنى يوغان بىر ئابتۇبۇز ئىچىگە سېلىپ شۇ پېتىلا ئېلىپ كەتتى. قوللىرىم ھاۋا بوشلىقىدا لەيلەپ كۈتۈشلىرىم بارا-بارا زارىقىشقا باشلىدى. كۈزلىرىمنىڭ نىدالىرىدا ئېقىۋاتقان ئازابلىرىمنى سىزگە سۆزلەپ بەرگۈم بار ئىدى. لېكىن مەن تىۋىنغان جىسمىڭىز ئاللىقاچان يۈتۈپ كەتكەن. خىيالىرىمنى ئوغۇرلاپ قېچىپ كەتكەن شاماللارغا نەپرەتلىك كۆزلىرىمنى قادايمەن. شۇ پېتى سىزنى قوللىرىمغا دەستە-دەستە سەبدە گۈلى ئېلىپ كۈتۈشكە باشلىدىم. ۋاقىتنىڭ ساناقسىز تىپىرلاپ ئۆتۈشلىرىدىن چىقالماي تورۇپلا، كۆزلىرىم كورغا ئايلاندى. يۈرىكىم ھىدلىرىڭىزنى سوراپ تامام يىراقلاردىكى تىۋشلارنى تىڭشايدۇ. ئەشۇ ئاياغ ئاۋازلىرى ئىچىدە سىزنىڭ ئاياغ ئاۋازىڭىز ھوجرامغا بۆسۈپ كىرىدىغاندەكلا تەلمۈرىمەن... ھوجرامنى قويۇق سەبدەنىڭ پۇرىقى باسقان ئىدى. تەشتەكتە پەپىلىپ ئۆستۈرگەن سەبدە قوللىرىمنى كۆيدۈرىدۇ. تېخىچە ئىگىسىنىڭ كەلمەيۋاتقىنىدىن ئازابلىنىپ، كۈتۈشلىرىمنى پەللىگە كۈتۈرۈپ، تەلپۈنۈشلىرىمنى ئاۋۇندۇرۇپ بارىدۇ. قارا كۆز... يىراق بىر جايدا چاچلىرىڭىزنى تاشلاپ مېڭىۋاتقان چېغىڭىزدا، چاچلىرىڭىزدىن بىر سىقىمنى مەيدە يانچۇقىغا سېلىپ ساقلاۋاتقان مەندەك بېغەرەز ئاشىقىڭىز خىيالىرىڭىزغىمۇ كېلەرمۇ؟ ئاشىقىڭىزنىڭ كۆزلىرىنىڭ ئېىتلىپ قالغانلىقىنى بىلەرسىزمۇ؟ ۋە ياكى ئەشۇ كۆزلىرىمگە بىر سېھرى بىلەن ئاچقۇچى مەختۇمسىلانىڭ ئالمىسىنى ئىزدەپ يۈرگەنسىزمۇ؟... بارغانسىرى ئۇزۇراۋاتقان كۈنلەردىن سىزنى ئىزدەۋاتىمەن. قولۇمدىكى تەشتەكنىڭ چۈشۈپ كېتىپ چېقىلىپ كېتىشىدىن، ئەشۇ گۈلنىڭ تۇپرىقىغا سىڭگەن كۆز ياشلىرىمنىڭ يالتىراپ تۇرغان مەرۋايىتتەك بەرگىلىرىنى كۆرەلمەسلىكىڭىزدىن بەكمۇ قورقىمەن. يۈرىكىمدىن ئېنتىلىۋاتقان ھىسلىرىمنىڭ ئويغاقلىقىدا سىزگە ئېيتىپ تۈگەتكۈسىز ئازابلىرىمنى، مۇھەببىتىمنى، كۈتۈش ۋە سېغىنىشلىرىمنى قېتىپ يېزىۋاتقان خەتلىرىمنىڭ بىر كۈنى سىزگە تېگىپ بېرىپ، مېنى ھىجران ئوتىدا پۇچىلاتقان ۋاقىتنىڭ قىسقىراپ بېرىشىنى تىلەيمەن. بىر كۈنى كېلىپ قولۇمدىكى سەبدەنى ئېلىپ ئۇنى يۈرىكىڭىزدىن ئېقىۋاتقان ھايالىرىڭىز بىلەن سۇغارسىڭىز بىز ئەشۇ توپىلىق يولدا يەنە بىللە ئات قېتىپ پايانسىز ئېتىزغا چۆكۈپ كېتەرمىز... قارا كۆز!... يىراق جايدىكى مىسكىن كۆلبىدە بىر ئاشىق ئۈنسىزلىكىدە سىزنىڭ قىزىرىپ پىشقان ئالمنى سويۇپ ئېلىپ، ئېتىلىپ قالغان كۆزلىرىنى ئېچىپ قويىشىڭىزنى كۈتىۋاتىدۇ...

iptihar2014

	ئېپىك نەسىر -ئەدەبي ئەسەرگە مەنسۇپ بولغاچ ، ئۇنىڭدا بەدىئىي توقۇلما ئارقىلىق سۇبىيكىىتىپ ھىسىياتنى يېزىش كۈچلۈك لىرىكىنى ئىپادىلەش مەركىزى نوقتا قىلىنىدۇ . W1Vy5V|M   بايان ماقالىسى- ماقالە تۈرىگە مەنسۇپ بولغاچ ، ئۇنىڭدا بەدىئىي توقۇلما بولمايدۇ . ئۇ پەقەت تۇرمۇشنىڭ ئەينەن كۆچۈرۈلمىسى ، خالاس . $GR rTC!   ئېپىك نەسىردە گەرچە باياننىڭ ئامىللىرى بولسىمۇ ، بايان ماقالىلىرىنىڭكىدەك ئۇنداق قاتتىق تەلەپ قويۇلمايدۇ . 5pT8 }?7   ئېپىك نەسىرلەرنىڭ بەزىلىرىدە مۇئەييەن خاس مەنزىرە ، كۆرۈنۈش بىر تەرىپىدىنلا يېزىلىدۇ . ئاپتۇر ئۇلارنى نوقۇل تەسۋىرلىمەستىن ، بەلكى تاشقى مەزمۇن بىلەن ئىچكى ھىسىياتنى بىرلەشتۈرۈپ ، مۇئەييەن ئىدىيىنى ئىپادىلەيدۇ ، مۇئەييەن ھىسىياتنى ئىزھار قىلىدۇ . lqTc6@:D   بايان ماقالىلىرىدە ئادەم (شەخىس ) ياكى ۋەقە ئاساس قىلىنىپ تەسۋىرلىنىپ كۈچلۈك سىياسىي ئىدىيە ئىپادىلىنىدۇ . مانا بۇ خىل ئالاھىدىلىك - ئېپىك نەسىر بىلەن بايان ماقالىسىنىڭ مەزمۇن ئىپادىلەش جەھەتتىكى ئاساسىي پەرقى .   نەسىرىي ئەسەرلەر دېگەن نېمە؟ WXmn1^"kK}   نەسىرىي ئەسەرلەر-  شەكىل جەھەتتىن شېئېر ۋە سەھنە ئەسەرلەرگە ئوخشىمايدىغان، قاپىيسىز يېزىلغان ئەسەرلەرنىڭ ئومومىي ئاتىلىشى بولۇپ، ئۇ نەسىر، ئېپىك ئەسەرلەر ۋە مۇھاكىمە ماقالىسى، چۈشەندۈرۈش ماقالىسى، بايان ماقالىسى، ئىلمىي ئەسەرلەر، ئاخبارات ئەسەرلىرى، نۇتۇق ئەسەرلىرى قاتارلىقلارنىڭ ھەممىسىنى ئۆز ئىچىگە ئالىدۇ. HA2k [F@3^   ئېپىك ئەسەرلەر- مۇكەممەل سېستىمىلىق ۋەقەلىك سۇژىتىنى بايان قىلىش، كونكېرت مۇھىتنى تەسۋىرلەش ۋە تىپىك پېرسۇناژلار ئوبىرازىنى يارىتىشنى مەركەز قىلغان ھالدا ئىجتىمائىي تۇرمۇشنى ئەكس ئەتتۈردىغان بىر خىل ئەدەبىي ژانېردىن ئىبارەت. =y/8 ^^   ئۇ ئەدەبىي ژانېرلار ئىچىدىكى ئەڭ ۋەكىل خارەكتېرلىك، ئەڭ چوڭ ۋە ئەڭ كۆپ ئۇچىرايدىغان مۇھىم ژانېر. DRc)iE>@   ئېپىك ئەسەرلەردە، جانلىق پېرسۇناژلار ئوبرازى، مۇكەممەل ۋەقە سۇژىتى ۋە پېرسۇناژ پائالىيەت ئېلىپ بارىدىغان كونكېرت مۇھىتتىن ئىبارەت ئۈچ مۇھىم ئامىل بولىدۇ. { Fawt:   نەسىر مەزمۇنى، شەكلى، تىلى ۋە ئىپادىلەش ئۇسۇلى جەھەتتە ئەڭ جانلىق، ئەڭ ئەركىن، ئەڭ ئىخچام ۋە ئەڭ ئاز چەكلىمىگە ئۇچرايدىغان ئەدەبىي ژانېر. IoV"t ,   نەسىرنىڭ ئاساسىي ئالاھىدىلىكى: «شەكلى تارقاق، مەزمۇنى يىغىنچاق بولۇش»تىن ئىبارەت. 2 #cw_Ua   «شەكلى تارقاق بولۇش» دېگەنلىك ھەرگىزمۇ «قالايمىقان بولۇش» دېگەنلىك ئەمەس، بەلكى شەكلى جانلىق ۋە ئەركىن، تېتىك بولۇش دېگەنلىكتۇر. ئۇنىڭ بۇ ئالاھىدىلىكى تۆۋەندىكى جەھەتلەردە ئىپادىلىنىدۇ بىرىنچى، ماتېريال تاللاش دائىرىسى كەڭ بولىدۇ. K1- RJj\L   ئىككىنچى، قويۇق لىرىكىلىق خۇسۇسىيەتكە ۋە كۈچلۈك ئوبرازچانلىققا ئىگە. ,mz7!c9H^a   ئۈچۈنچى، كومپوزوتسىيسى(قۇرۇلمىسى) ئەركىن ۋە جانلىق بولىدۇ. 6j|~oMYP   تۆتىنچى، ھەجىمى ئىخچام، سەھپىسى كىچىك بولىدۇ. rA @|nL{   بەشىنچى، ئىپادىلەش ئۇسۇللىرى خىلمۇخىل بولىدۇ. }r"E\~E   نەسىر خارەكتېرى ۋە ئىپادىلەش ئۇسۇلى جەھەتتىن ئېپىك نەسىر، لىرىك نەسىر ۋە مۇھاكىمىلىق نەسىردىن ئىبارەت ئۈچ تۈرگە بۆلۈنىدۇ. O"_QDl ئېپىك نەسىر- ئادەم ۋە ئىش-ۋەقەلەرنى تەسۋىرلەش ئاساس قىلىنغان نەسىردىن ئىبارەت. ئېپىك نەسىردە ماھىيەتلىك ئەھمىيەتكە ئىگە بولغان شەخس، ئىش-ۋەقەلەرنىڭ ئۆزگىرىش، راۋاجلىنىش جەريانى نۇقتىلىق تەسۋىرلىنىدۇ. ئۇ ئەدەبىي ئاخبارات، تەزكىرە ئەدەبىياتى، ساياھەت خاتىرىسى قاتارلىقلارنى ئۆز ئىچىگە ئالىدۇ. A{\DzUV9,   لىرىك نەسىر- ئاپتورنىڭ ھېس-تۇيغۇسىنى ئاساس قىلىدىغان نەسىر بولۇپ، ئۇنىڭدا ئاپتورنىڭ لىرىك ھېس-تۇيغۇسى ئاساسىي ئورۇندا تۇرىدۇ. تۈرلۈك بەدىئىي ئىپادىلەش ۋاستىلىرى ۋە ئىستىلىستىكىلىق ۋاستىلەر ئارقىلىق قۇيۇق لىرىك كەيپىيات ۋە گۈزەل مۇھىت ياىتىلىدۇ، ئوبرازچانلىقى ناھايتى كۈچلۈك بولىدۇ. >)mF'w   مۇھاكىمىلىق نەسىر- مۇھاكىمە بىلەن باياننى ئاساسىي ئىپادىلەش ئۇسۇلى قىلىدىغان ھەم سىياسىي خارەكتېرلىك، ھەم ئەدەبىي خارەكتېرلىك  نەسىر. ئۇنىڭدا ترۇمۇشتىكى مەلۇم بىر تىپىك شەخس، ۋەقە ياكى كۆزقاراش ئۈستىدە مۇھاكىمە يۈرگۈزۈلۈپ، ئۇنىڭ ماھىيىتى ئېچىپ بېرىلىدۇ. ~ bis!(}p-   بۇلار نەسىرگە قويۇلدىغان تەرەپلەر بولسا مۇشۇلارغا ئالاھىدە دىققەت قىلشىڭلارنى ئۈمىد قىلىمەن.

esil817

	مىنىڭچە ياخشى چىقىپتۇ

چوقان

	dahai يوللىغان ۋاقتى  2013-11-28 06:39 PM ئېپىك نەسىر -ئەدەبي ئەسەرگە مەنسۇپ بولغاچ ، ئۇنىڭدا بە ... ئەسسالامۇ- ئەلەيكۇم، يۇقاردىكى بايانلىرىڭىزنى ئوقۇپ چىقتىم. ئەمەلىيەتتە ئۈچ يىلدىن بېرى بىزنىڭ دەرسلىكىمىز پۈتۈنلەي مۇشۇ خىل نەزەرىيەدىن ئارتىپ باقمىدى. مەن ئەدەبىيات كەسپىنىڭ مەسئۇلى بولغاچقىمۇ ئەدەبىيات نەزەرىيىسى ھەققىدە خېلى ئەتراپلىق مەلۇماتقا ئىگە بولدۇم. يېقىندا تېخى ئابدۇقادىر جالالىدىن مۇئەللىمنىڭ تەشكىللىشى ئاساسىدا ۋىلىك قاتارلىق ئىككى ئاپتۇرنىڭ »ئەدەبىيات نەزەرىيەسى' ناملىق كىتابى چىقتى. مۇنداقچە ئېيتسام نەزەرىيە ئەمەلىيەتتە بىر قالپاق، سىز دېگەندەك نەزىرىيە بىلەن قالپاق كېيگىلى بولىدۇ، ئەمما شېئىر، نەسىر ھەرگىزمۇ نەزىرىيە بىلەنلا ئىشقا ئاشمايدۇ. ئۇلار بىۋاستە تۇيغۇ سەنىئىتى. شۇڭا ھەر نەرسىنىڭ قانۇنىيىتى بولغىنى ياخشى دەپ قارايمەن. بەرگەن تەكلىپىڭىزگە تەشەككۈر. ئەمما ئىجادىيەتتە كۆپرەل ئويلىشىپ گەپ قىلىشىڭىزنى تۈۋەنچىلىك بىلەن ئۈتۈنىمەن.

چوقان

	كەل، مۇھەببەت... كەل، مۇھەببەت... قەلبىم خانىسىگە بۆسۈپ كىر. تەنلىرىم ياپراقلىرىنى نازۇك بارماقلىرىڭدا تېرىپ ئېلىپ قوينىڭغا يۈشۈرۇپ قويغىن. ھەسرەت كىشەنلىرىدىكى تەنلىرىمنىڭ چەكسىزلىكىنى چېقىپ تاشلاپ مېنى مۇھەببەتكە قەدەر باشلاپ بارغىن. مەن تەلپۈنۈۋاتقان ھېسلىرىمنىڭ چوڭقۇرلىقى بىلەن بىر تەن، بىر جان بولۇپ كېتەي. بىز يىراق قىرلاردا قالغان ئۆتمۈشىمىز ھەققىدە تاتلىق- تاتلىق سۆھبەتلەرگە جۆر بۇلايلى.  كۈتۈشلىرىم باغرىڭغا سىڭىپ كەتكىن... كەل، مۇھەببەت... يۈرىكىمنىڭ بار ھەسرەتلىرىگە قىسسە سۆزلەپ بەرگىلى كەل. مەن ئارامى بەخىش پەيزىدە سەن ئۈچۈن چىرايلىق كېچىلەرنى قۇربانلىق قىلاي. كېچىلەرنىڭ يارقىن بەتلىرىدە قولىرىمىز گىرەلەشسۇن. يۇلتۇزلار ھەسەتتىن ساقىپ چۈشسۇن. مۇھەببەت- قەلىب ئەركىنلىكىمنى تارىخقا ئايلاندۇرغىن، ئۆتمۈشلىرىمنى يالغانغا ئايلاندۇر، ۋاز كېچىشنىڭ قۇربانى ئەمەس، ئۇنتۇپ كەتكۈچى بولۇشقا مېنى كۈندۈرگىن. مەن ھەسرەتنى، ئاچچىق- ئاچچىق كۆز يېشىنى كۆمۈپ تاشلاي. كەل مۇھەببەت، ئىچمدىن- ئىچىمگە سىرغىپ كەل. كۆز ياشلىرىمنىڭ پۈتكۈل ھەسرەتلىرىنى كۆيدۈرۈپ كەل. جېنىم جېنىڭدا چېچەكلىسۇن. كۈتۈش ئاداققى پەيتلىرىدە ۋىسال ھەققىدە داستان ئېيتسۇن. بىز ئەمدى يېڭى ئىقبالغا، يېڭى ئەسرگە كىرىپ كېتەيلى، ئۆتمۈشنىڭ زۇلمەت باسقان تۈنلىرىنى چېقىپ تاشلاپ غەليانغا ئايلانغان قانلىرىمىزنى جەۋلان قىلدۇرايلى!  كەل، مۇھەببەت، كەل.... كەل مۇھەببەت چۈشلىرىم رامكىسىنى قۇمۇرۇپ، پۇتلىرىم كىشەنلىرىنى ئۈزۈپ كەل....

qirakpay

	مەنمۇ نەسىرنى ياخشى كۆرۈپ ئوقۇيدىغانلىقىم  ئۈچۈن،سىز يازغان نەسىرنى تولۇق   ئوقۇپ چىقىپ ،نەسىرىڭىزدىن ئالاھىدە سۆيۈندىم...ھارمىغايسىز سىزگە ئۇتۇق تىلەيمەن!

ehrami

	ناھايىتى ياخشى يېزىلىپتۇ. ھارمىغايسىز.

چوقان

	تەنھالىق سۈتتەك ئايدىڭ كېچىدە تەنھامەن. سۈتتەك ئايدىڭ كېچىدە شۇ قەدەر غىرىبمەن. مەن ئىچىمگە پېتىۋاتقان كېچىگە دەسسەپ كېتىپ بارغان چاغدا ئاللىقاچان مەھرۇملىقنىڭ ئازابىنى تارتىۋاتقان بولىمەن. مۇشۇ يەردىلا كېچىنىڭ ئۈنسىزلىكىگە سىڭىۋاتقان ئاۋازىمنى ئېگىز  كۆتۈرۈپ سەنسىزلىك باسقان چۆللەرگە قېچىپ كەتكۈم كېلىدۇ. شۇ يەردە ياۋايى ئادەمگە ئايلىنىپ، ھېچنىمىسى، ھېچقانداق ئازابى بولمىغان ئادەمگە ئايلىنىپ قالغۇم كېلىدۇ. تولىمۇ يىراق ۋەسۋىسىگە تولغان كېچىدە ئۆزۈمنى ئاچچىق تولغىنىۋاتقان سومۇرۇغنىڭ قانىتىدەك ھېس قىلىمەن. ئەمما سېنىڭ بۇنى ھېس قىلىشىڭ نەقەدەر تەس... ھەممە نەرسەمنىڭ بولىشىنىمۇ ئارزۇ قىلمايمەن. ھېچنىمەم بولماسلىقىدىن ۋايىم يېمەيمەن. ئەمما ھېچقانداق ئىتىبارسىز، قەدىرسىز ئادەمگە ئايلىنىپ قېلىشتىن ئەنسىرەيمەن. بۇ خىل گۇمران بولۇشنىڭ ھەممە تەرىپى ئازاب بولماي نېمە؟... مەن مۇشۇ كېچىدە تەنھامەن. مەن مۇشۇ كۈنلەردە تەنھامەن. مەن مۇشۇ يوللاردا يالغۇزمەن. يالغۇزلۇق سۈكۈتكە تولغان كېچلەر بىلەن تەڭلا ئىچىمگە سىرغىپ ئېقىپ كېرىدۇ. يالغۇزلۇق مېنىڭ ئۇزۇن يىللاردىن بىرى يۇقاتقانلىرىمغا ئوخشاشلا، ئىرىشىش تەماسىدىن بۆسۈپ چىقىپ، مەندىن- ماڭا، تەندىن- تەنگە پاتىدۇ... سېنىڭ بۇلارنى ھېس قىلىشىڭ بەرىبىر بولۇپ قالغان. شۇندىن كېيىنلا مەن ئۆزۈمنى قايتىدىن مەغلۇپ بولغۇچىغا ئوخشىتىپ قويدۇم. شۇندىن كېيىنلا مەن ئۆزۈمنى تولىمۇ ئاچچىق ھاياتقا تاشلىنىپ، بارلىق نەرسىلەرنىڭ مەندىن يىراقلاپ كەتكىنىنى ھېس قىلدىم. بۇ خىل ھېس قىلىش ئايىغىدا ماڭا سەنسىزلىكتىنمۇ ئېغىر ۋە ئاچچىق پۇشايماننى ھەدىيە قىلدى. سەن كەلمەيسەن. مەن ھەم سېنى كەل دېمەيمەن. بىلەمسەن، مېنىڭ باغرىم مۇزلاپ كەتكەن. باغرىم سېنى ئىللىتالمايدۇ. چۈنكى مەن تەنھالىق ھارۋىسىنى ھەيدەپ سۈتتەك ئاپئاق كېچىگە پېتىپ كەتتىم... تەنھالىق... تەنھالىق... تەنھالىق داۋاملاشماقتا...