قەشقەر ھەققىدە خىياللار.تۈركلان

turklan

	شىۋىرلاپ ئۇتىدۇ بىر تىۋىش ماڭا، قەدىمىي شەھەرنىڭ شاۋقۇنلىرىنى. قارىدىم مەن شۇئان كۆكلەرگە تامان، كۆردۇمكى گۈلخاننىڭ ئۇچقۇنلىرىنى. ئۇ يەردىن كىلەتتى ساما غەليانى، ئوخشايتتى قەشقەرنىڭ رەستلىرىگە. گۈلخاننى چۆرىدەپ تۇرغان يىگىتلەر، ئارتىلغان كۆك تونلار بەستىلىرىگە. بىر مەدداھ سۆزلەيتتى ئوغۇزنامىنى، داستاندىن ،ئۇنىڭدىن چىقاتتى پىغان. ئاڭلىغان ھەر جانلار ئىدى بەك تىمتاس، جۈپ كۆزلەر چاقنايتتى ئىچرە ھاياجان. گۈلخاننىڭ ئوتىمۇ ئۆچتى پىلدىرلاپ، ئۆزگەردى توساتتىن مەن كۆرگەن سىما. رەستىلەر يۈتتى ھەم كۈزۈم نۇرىدىن، قاتتى شۇ قارچۇقتا ئاخىرقى نىگاھ. ئاشىق بوپ مەن لىكىن شۇ مەنزىرىگە، تىكىلدىم ئۇپۇقنىڭ باغرىغا يەنە. كۈرۈندى ھېيتىگاھ سەلتەنەت بىلەن، مەردانە يىگىتلەر ھەم بىر پەرىشتە. بەرنالىق بالقىيتتى يىگىت بەستىدىن، قىزلارنىڭ كۈزىدىن نۇمۇس ۋە ھايا. كاشغەرى مەھمۇد دەپ ئۇيغۇر ئالىمى، تەۋەللۇت بولغان جاي قەشقەردۇر يانا. كۈزۈمدىن ياش ئەمەس ئاقتى ھاياجان، بۇ شۇنداق دۇنيادۇر بىزلەرمىز مىھمان. كىتىمىز ۋە لىكىن قالار ئەسلەردە، ئەل ئۈچۈن تۈكۈلگەن تۇپراقلارغا قان. مەنبە：تۈركلان. ئەكبەر ئەھمەد

turklan

	ئۇيغۇر قىزىغا.تۈركلان تاپالمىدىم  ھىچ  يەردىن  ئۇنداق ، ئىسسىق چىراي مىجەز خۇلقىنى. باشقا قىزغا قىلمايمەن ھەۋەس، تاشلاپ قۇيۇپ ئۇيغۇر قىزىنى.   مەنمۇ شۇنداق كۈتىمەن قىزدىن، يات قەۋىمگە كەتمىسىدى دەپ. ئۇيغۇر قېنى قېتىلسا بىرگە، كۈۋەجەيدۇ ئەبەدىل-ئەبەد.

turklan

	ماڭا  پىداكار   بولغاننى  دوست دەپ ، ياشايمەن مەغرۇر ھايات  قوينىدا. سۆيگۈ نەپرىتىم قوشماق ئاداشتۇر، يۇلۇم ئىسلامدۇر ،رەببىمدۇر ئاللاھ   تۈركلان

BUEREZAT

	بەك ياخشى يېزىپسىز،بولسا ھەربىر كوپلىت ئارسىدا مۇۋاپىق ئارلىق تاشىلغان بولسىڭز

turklan

	BUEREZAT يوللىغان ۋاقتى  2013-11-28 02:30 PM بەك ياخشى يېزىپسىز،بولسا ھەربىر كوپلىت ئارسىدا مۇۋاپى ... ئۇنداق قىلىشنىمۇ ئويلىغان لىكىن مەزمۇن بىر پۈتۈنلىكى شۇنداق بولغاچقا ئۆزگەرتكۈم كەلمىدى،بەزى شىئېرلارنى مۇشۇنداق يازسىمۇ ئىسستىك گۈزەللىكى يوقالمايدۇ دەپ  قارايمەن

Pinhangul

	شېئىرلىرىڭىزنى تولىمۇ ياقتۇردۇم، بولۇپمۇ تەتىلگە ئاز قالغانچە ئۆينى تېخىمۇ سېغىندۇرۇپ ... ئۇيغۇر قىزىغا دىگەن شېئىرىڭىزمۇ بەك مەنىلىك يېزىلىپتۇ

gayur1

	ئاللاھ  بەرىكەت بەرسۇن, بىر-بىرىدىن ئېسىل ئكەن.

AYGUZAL007

	مۇشۇ قەشقەرگە  بىر  بېرىپ  باققۇم  با زادى   .  بېرېپ  مەخسۇس قوش بىسلىق گەپلىرىدىن ئۆگىنىپ كېلەيمىكى دەيمە

turklan

	مىنىڭمۇ شۇنداق بارغۇم بار ،شۇڭا ئۇ ھەقتە تولا خىياللارنى سۈرىدىغان بۇلۇپ قالدىم.