بولمىدى ! (سەرسانى )

an9385

	بولمىدى                                            ئالىمجان تۇرغۇن سەرسانى                             ماڭسام دەۋىر كەتتىلەر ، يۈگۈرمىسەم بولمىدى ،                             نىمە  بولسا   يېڭىلىق  ئۈلگۈرمىسەم  بولمىدى  .                            “خىسلەت “ لەرنى قەلبىمدە ئۈندۈرمىسەم بولمىدى ،                             بارچە ئىشقا  ۋىجداننى  كۆندۈرمىسەم بولمىدى .                             ئۇزاپ  كەتتى  بىراۋلار   ئىلىم -  پەنگە  ئاتلىنىپ ،                             كىيىم كىيدىم ئوخشۇتۇپ ، قالماي مەن دەپ ياتلىنىپ .                             يۈرەك  ئېغىر  سوقتىلەر ،  ۋىجدان  كۆيدى قاقلىنىپ ،                             شۇنىڭدىمۇ     دەۋىرگە     يىتىشمىسەم    بولمىدى .                             سالام ئېيتسام “ ئەسسالام ...” قۇسۇر تاپتى بىرلىرى ،                            “ كەچتە ياخشى چۈش تىلەڭ ...” دەپ ئۈگەتتى بىرلىرى .                             تاپشۇراتتىم   “ ھەق “كە   مەن   ياقتۇرمىدى  بىرلىرى ،                             سۆز   قىلىشنى   يېڭىدىن      ئۈگەنمىسەم     بولمىدى .                             رومىلىنى    ئايلىمنىڭ   ئېلىپ     نېرى    تاشلىدىم ،                             يارىشاتتى   بۇرۇتۇم    پاكىز   قىرىپ    تاشلىدىم .                             “ يىتىشىش”    نى   دىمەككى   قىياپەتتە باشلىدىم ،                            قارا   بوياپ    چېچىمنى   ، ياش يۈرمىسەم  بولمىدى .                            پادىچىلار   ئىشتىنى   كىيدۈردۈم    مەن   قىزىمغا ،                            قالمىسۇن  دەپ مودىدىن ،  قېتىلسۇن  دەپ ئىزىمغا .                            بىراۋ كۆرسە  “ مەتۇ “ دەپ ، قار ياغمىسۇن يېزىمغا ،                            باللىرىمغا   “ ئويناش “ نى   ئۈگەتمىسەم   بولمىدى .                            ئايال زارلاپ ئېيتتىلەر “ دورامتۇق بىز خەقنى ؟ “ دەپ ،                           “ قانداق   ئۆتسە   ئۆزىگە ، بىزگە نىمە كەپتۇ ؟ “ دەپ .                           “پوقنى يىسە  بىراۋلار ، بىز ئەگىشىپ يەمتۇق ؟ “ دەپ ،                           چۈشەندۈرۈپ    دەۋىرنى   ،   كۆندۈرمىسەم   بولمىدى .                           ھەرخىل    تۈردە   مەرىكە   چىقتى    بۈگۈن   يېڭىدىن ،                            ھەر   شەكىلدە   ئىشرەتكە    ، يول تېپىلدى  يېڭىدىن .                           مەن ئالدىراش    شۇنىڭچۈن ،    قالماي دەۋەر سىپىدىن ،                           چۆرۈپ    يېشىم   ، ئورنۇمنى    ، ئوينىمىسام  بولمىدى .                            جان   تىكىپ  مەن   ئىشلىدىم ،  ئاشالمىدىم  قىرىنى ،                            تونۇپ   يەتتىم   شۇندىلا   ، ئەمەلدارلىق    سىرىنى .                            ئۇستاز   تۇتتۇم   ھەق تۆلەپ “مۇناسىۋەت پىرى “نى ،                            باشلىقىمنىڭ   ئۆيىگە    كۆپ    بارمىسام   بولمىدى .                            باشلىق بولۇپ ئۆستۈم مەن ، كارغا كېلىپ “ قەنت “ لىرىم ،                            تولا    ئىگىپ    تالغانتى   ، تۈزلەندى   ھەم   بەللىرىم .                            شۈلۈپ     يىدىم   ئامال    يوق ،  يىغلىسىمۇ  ئەللىرىم ،                            شۇندا   ئارقا   ئىشىكتىن   چوڭ    ماڭمىسام    بولمىدى .                                                      ***********                           ھەممە    شۇنداق   ئەگەشتۇق ، خاسلىقىمىز  بولمىدى ،                           ئارلاشتۇردۇق    بارچىنى   ، ساپلىقىمىز     بولمىدى .                           كېسەل   تۈرى    كۆپەيدى    ، ساقلىقىمىز     بولمىدى ،                           توختا !    سەنمۇ سەرسانى   ، سەبىر قىلغىن   ، بولمىدى .                                   2013-يىلى 26- نويابىر     ئەنخۈي                              مەنبە : ئالىمجان تۇرغۇن سەرسانى ( ئۆزۈم )

ap~qilam

	قالتىس،يېقىندىن بۇيان ئەسەرلىرىڭىزنى خېلى كۆرىۋاتىمەن،قەلەم كۈچىڭىز راستىنلا يۇقىرىكەن ،ئىجادىيىتىڭىزگە بەرىكەت تىلەيمەن

ap~qilam

	…

maymah

	بەكلا ياخشى يېزىپسىز ئاپىرىن ئەمما تۆۋەندىكى مىسرالاردا ئازراق مەسىلە باركەن.   بىراۋ كۆرسە  “ مەتۇ “ دەپ ، قار ياغمىسۇن يېزىمغا ، تولا    ئىگىپ    تالغانتى   ، تۈزلەندى   ھەم   بەللىرىم . مەنغۇ سىزچىلىك يازالمايمەن.شۇنداق بولسىمۇ ھېس قىلغانلىرىمنى دەپ باقتىم.

gayur1

	بارىكاللاھ, ئاللاھ رەھمەت قىلسۇن! بۇ شېئرغا ئەگىشىپ كېتەرمۇ ئەمدى بايقۇشلار...

AYGUZAL007

	جاھان بەك چىڭىپ كەتتى ،پۇل تاپمىسام  بولمىدى

an9385

	ap~qilam يوللىغان ۋاقتى  2013-11-27 12:28 PM قالتىس،يېقىندىن بۇيان ئەسەرلىرىڭىزنى خېلى كۆرىۋاتىمە ... ئىنشا اللا  ، رەھمەت ، قېرىندىشىم .

uyol

	راسلا ياخشق يېزىپسىز، ئىجادىيىتىڭىزگە ئۇتۇق تىلەيمەن

an9385

	AYGUZAL007 يوللىغان ۋاقتى  2013-11-27 04:09 PM جاھان بەك چىڭىپ كەتتى ،پۇل تاپمىسام  بولمىدى اللا خالىسا پۇلنىمۇ تاپارسىز قېرىندىشىم .

AYGUZAL007

	اللا خالىسا پۇلنىمۇ تاپارسىز قېرىندىشىم دېگىنىڭىز  كەلسۇن